茶方面，除了有平時可點的普洱茶和香片茶等，這裏還有蕎麥茶、檸檬茶和薏米水類飲品。
入店試試點心：
蝦餃、牛腸、叉燒包、菜心、小籠包、鳳爪排骨飯和鯪魚球，點心味道唔錯，上枱時均熱辣辣，個人最欣賞係碟油菜，菜的顏色望到都已經覺得係新鮮，菜莖食落爽脆，不帶苦味，份量亦不少，讚！另外，飯類亦令人滿意，係粒粒分明的，與排骨的肉和汁一起食，啖啖美味😋店子自己調的豉油都幾好味，帶點甜味，點菜都夾。
食物落單後即叫即蒸，要點時間才能上枱，但可以食到熱辣辣的點心，值得等待。個人覺得食物質素合格有餘，環境和價錢均親民，值得支持！
