Jim.CY.Li的個人專頁

女朋友話好懷念日本嘅居酒屋，趁放假一於帶佢去呢間充滿日式氣氛嘅居酒屋放鬆一下🤩餐廳燈光偏暗，一入到去就有一種令人好放鬆嘅感覺，氣氛真係好適合傾偈。蒜蓉牛油燒蟶子蟶子超新鮮，好鮮甜，配上適當嘅蒜蓉牛油醬去燒，更加將蟶子嘅鮮味帶出，咬落好Juicy。梅子醬雞肉串梅子醬酸酸甜甜味道適中，有梅子嘅淡香但又唔會蓋過左雞肉既肉味，兩者嘅配搭出色，完全沒有違和感。月見免治雞肉棒每串都會配上一隻日本雞蛋加醬油，比食客一邊食一邊沾上特製醬油，口感滑溜，更加顯出雞肉既嫩滑，食法將別。竹炭冷烏冬烏冬就食得多，但係竹炭口味嘅就真係好少，見好特別。烏冬爽口彈牙，特別在醬汁會配上一顆鵪鶉蛋，整個醬汁有蛋香味，烏冬入口更滑。甜品:千層蛋糕作為一個男仔唔係特別鍾意甜品，都覺得呢個蛋糕好正，一層層嘅蛋糕中間夾住忌簾，口感豐富之餘仲好creamy，但又唔會太甜，味道啱啱好。…查看更多

女朋友話今年冇得去日本，不如食間好味嘅日本餐廳等自己心情好啲啦！又岩喎，食完長阪燒，人都開心啲😋😋串燒日本雞肉大葱串用上燒汁去燒，不但惹味可口，而且雞肉十分嫩滑，配上日本大葱，口感層次即時提升不少，而且又唔會覺得膩，十分好吃。串燒雞腎雞腎肉質彈牙有口感 ，嫩滑多汁，完全唔會燒到乾爭爭，正👍🏼燒牛舌平時都好鍾意食牛舌，呢個牛舌簡直無得彈，夠厚身之餘，表皮燒到略脆，牛味濃郁但又唔會過韌。燒活海鰻肉質本身已十分高質素，不但結實爽口，更有濃郁鰻魚味，再經過師傅巧手燒烤，令到海鰻表皮略脆，但仍能保持肉質嫩滑，簡直是神來之筆。劍魚腩刺身肉白略帶漂亮的淡紅色，肉質柔軟脂肪多，鮮甜而不油膩，口感新鮮嫩滑。松葉蟹膏多士一上枱已經好吸晴，蟹羔鮮甜味美，鹹鮮味剛好，配搭濃郁牛油香味嘅多士，出奇地夾！燒三文魚飯團、燒明太子飯團最後叫咗兩個飯團，飯圑外脆內軟，配料好足夠，師傅手勢一流，飯唔會鬆散，食一個都夠飽…查看更多

禁晚市堂食後，我同女朋友經常都要食外賣，所以搵到一間又抵食又好食既舖頭買外賣真係好重要。呢間粥麵價格親民，但食物質素好高。重點係，外賣包裝得好穩陣，就算我拎住好多野再慢慢行番屋企，都完全無倒瀉無漏汁，超抵讚！例牌海南雞雞味超濃郁，雞皮同雞肉中間係有一層啫喱膏，而且皮滑肉嫩，斬雞師傅好勁，無乜碎骨，食落啖啖肉！蘿蔔南乳豬手蘿蔔炆得好腍好入味，而且明顯有揀過，無乜渣。南乳味好夠，一打開盒未食已經聞到。豬手大大件，好抵食，不但止入味，而且膠質好豐富。豬皮上仲要無毛架，呢樣野好重要🤩馳名鳳城水餃麵外賣個湯會分開裝，番到去食之前叮番熱個湯再淋上個麵到，保持到麵質彈牙既口感。大大隻鮮蝦係水餃入面，爽口鮮味盛記招牌雲吞麵雲吞皮很薄，但饀料卻不少，雲吞內豬肉及鮮蝦的比例剛剛好，太多豬肉會掩蓋了蝦的鮮味，太少口感又不夠，這個卻恰到好處。湯底用了大地魚，令整個雲吞麵提鮮了不少…查看更多

這間拉麵小店座位不多，只有bar枱位置，但卻很有日式地道拉麵店的感覺。老闆搜羅了不同的武士公仔放置在店內作裝飾，拉麵亦用武士將軍的名字命名，可見老闆對日本文化的熱愛。九州地獄拉麵喜歡吃辣的我自然點了這個辛辣地獄湯底，湯底入口先是濃濃的醇香，然後舌頭會漸漸感到一絲辣意，但決不會讓人辣到流下眼淚或難以入口，辛辣程度拿揑得很好。麵條粗幼度、軟硬度及湯底的濃淡度均可以自由選擇，我全都點了普通的口味，但發覺一點也不普通，味道剛剛好，麵條有咬口，而且爽滑彈牙。叉燒用火槍燒過，故有淡淡煙燻的香味，比起一般拉麵店更有心思。足利將軍拉麵女朋友點了黑蒜油湯底口味的，她偏好硬身一點的麵條，我也嚐了一口，發覺煮麵師傅在計算麵條的軟硬程度真的拿捏得很準繩，硬身一點的麵條比我那碗普通的確實更有嚼頭。湯底味道濃淡適中，滿滿的黑蒜油香味。日式煎餃子餃子底部煎得很香脆，餃子皮不會太厚，但能夠穩穩的把肉汁鎖在餃子皮內，一口咬下去滿滿的肉汁都流出來，熱辣辣的很好吃👍🏼…查看更多

原本想夜晚帶女朋友去食烤肉，但佢話夜晚食咁多嘢好容易會肥，不如中午去食烤肉。又得喎，假日一訓醒就有好嘢食，正！餐廳位於旺角，交通方便，絕對唔難搵。揀呢間貪佢又有刺身食，又可以燒烤，一次過滿足2個願望😍餐廳環境舒適，職員會在鐵板上細心鋪上牛油紙，令食物不易燒燶，我的手殘女友表示很貼心，岩晒佢😂食物類別包括有肉類、海鮮、和食、飲品、甜品、炸物、湯、飯、刺身、野菜，食物應有盡有，總會一款啱心水。雖然係任食，但係刺身一啲都唔馬虎，刺身食得出好新鮮，仲有我最鍾意嘅帶子添！另一個我最鍾意嘅就係蝦蝦蝦，係超級大隻嘅虎蝦，燒完之後香噴噴，肉質都仲係咁爽口彈牙！炸蝦都係好出色，熱辣辣炸起就上枱，粉漿唔會厚，隻蝦仲好彈牙添！…查看更多

呢間餐廳我嘅回頭率極高，事關佢真係大件夾抵食，而且質素仲好高，一啲都唔馬虎。軟殼蟹手卷睇相都見到，超大隻軟殼蟹放入手卷度，而且仲要係啱啱炸好，脆卜卜！熱辣辣！八爪魚沙律八爪魚好新鮮，重點係有好多八爪魚片，仲配有芥末八爪魚粒，酸酸微微好開胃。串燒五品盛特別鍾意食佢嘅燒雞翼，剪開雞翼嚟燒令到口感好脆口，仲要係我最鍾意嘅鹽燒，如果配啤酒真係一流。蟹肉味噌甲羅燒配飯團特別欣賞呢個蟹肉甲羅燒，蟹肉味好出，配埋飯團食，真係好食到唔識形容。炭燒黑毛豬鞍扒價錢公道，豬鞍扒好大份，肉質腍身兼且好Juicy，超水準之作。鹽燒油甘魚鮫第一次食油甘魚鮫，原來真係可以咁好食，魚鮫充滿魚油，而且外皮燒得好香脆，我女朋友仲話脆過薯片添！…查看更多

今日早左收工，六點幾左右就到左呢間泰國菜館，好彩我早啲嚟咋，到我走嘅時候已經見到出面排曬長龍，可想而知呢間泰國菜幾受歡迎。餐廳推出兩大優惠，第一，每日都有特定嘅菜式推出減價優惠。第二，食滿$200加一蚊就可以揀一款小食，今次我揀咗生蝦刺身，肉質緊實富彈性，味道爽甜鮮美，再配上調製的醬汁，作為前菜十分開。炸蝦餅係我每次去泰國餐廳食飯都必叫嘅食物，蝦餅大大件，而且肉質爽口彈牙，配上泰式甜酸醬，好食到停唔到口！馬拉盞炒通菜又係另一個必叫嘅食物，通菜炒得又嫩又綠，配合香辣惹味的馬拉盞，簡直是下飯首選。最後加多個泰式辣肉碎炒河，晚餐總係要食返少少澱粉質，如果唔係好快又肚餓。河粉好滑口，加入左金不換同辣椒去炒，香口得來又唔會太辣，配合返香港人嘅口味。…查看更多

打邊爐係好多香港人至愛，我都係一樣，當諗唔到食乜嘅時候就會去打邊爐。呢間一鍋堂經常都大排長龍，好彩有book到位，如果唔係都唔知有冇得食。去到餐廳好快就被安排入座，特別欣賞餐廳係掃描QR code落單，既減少廚房睇漏單出錯，而且又環保。湯底有好多選擇，今次我揀咗藥膳湯底，湯底一啲都唔馬虎，十分足料。上菜嘅碟可以好似積木咁砌高，可以慳返唔少位，而且是應收碟嘅速度好快手，抵讚！食物方面十分新鮮，魚皮夠晒脆口，牛肉肥瘦均勻，蜆肉鮮甜美味。而且有好多飲品可以選擇，鍾意健康嘅人士更加可以選擇蝶豆花或冰糖燉檸檬👍🏼…查看更多

很滿足的生日飯女朋友特意為我安排了一頓西班牙菜慶祝生日，餐廳環境舒適，很有情調，十分喜歡！香荽白酒煮蜆大推這個菜，蜆肉清洗乾淨，一粒沙也沒有。鮮甜美味，白酒味濃郁。鵝肝西班牙奄列千萬不要小看普通一個奄列，內裏包含了香味濃郁的鵝肝，吃起上來與蛋香味十分配合。西班牙鱈魚配墨汁小米鱈魚肉很嫩滑，魚油味很香濃但又不會有過分油膩感，讚！墨汁小米口感特別，滿滿墨魚鮮味。小寶石萵苣杏仁沙律萵苣吃起來鮮嫩爽口，而且帶有清甜味，特別欣賞以乳酪製成的沙律汁，開胃之選！…查看更多

正宗鰻魚飯我自己好鍾意食鰻魚飯，但係香港好難搵到正宗食鰻魚飯嘅餐廳，朋友同我講過話呢間餐廳嘅鰻魚飯好掂，難得今日放假，專登過嚟試一試。餐廳位處屋苑天井的地舖，唔熟路嘅朋友仔可能都要花少少時間搵路，但係無阻我食鰻魚飯嘅決心。到達後老闆同我講好彩我哋早少少嚟，因為鰻魚飯已所剩無幾。我同女朋友分別點左餐廳最出名嘅兩個定食：黯然燒魚飯同蒲燒鰻魚飯（半條）黯然燒魚飯定食包括味增湯同日本飯，魚肉超嫩滑，鰻魚汁好惹味而且肉質厚身，啖啖肉之餘仲伴有少少炭嘅味道，再配埋脆邊嘅太陽蛋，真係拍得住我喺日本食嘅正宗鰻魚飯。蟹肉忌廉薯餅另外追加左個小食，睇得出小店好用心，每樣野都係即叫即整，新鮮滾熱辣。薯餅香脆可口，蟹肉忌廉一向都係好夾，超水準之作。有心去食嘅朋友仔可能真係要預早少少去，因為鋪頭座位唔多，午飯時間好多係附近返工嘅朋友仔都會去食，遲咗就可能食唔到㗎啦！…查看更多

收工喺尖沙咀行街, 之後喺金馬倫道見到有間新開既拉麵鋪頭, 又見到有芫茜控既至愛, 就同女朋友決定食呢間餐廳.入到見到餐廳既環境相當舒適, 吧枱位置可以睇住拉麵師傅準備既情況, 喜歡靜靜地同朋友傾下計既可以選擇坐其他座位. 叫得鬼金棒, 店內既報置亦都相當match 個店名, 門口既狼牙棒裝飾, 到鋪頭既掛飾擺設, 全部都係日本既惡鬼造型! 相當有特色! 作為一個芫茜控, 當然要叫芫茜辣麻味噌拉麵. 為食既我追加左隻流心蛋, 肉飯同信州白葡萄梳打. 芫茜辣麻味噌拉麵加流心蛋拉麵一上枱, 滿滿既芫茜就好似飯蓋咁, 完全鋪滿成碗拉麵, 份量相當充足! 識食既芫茜控當然要將所有芫茜撈落個湯度, 等啲芫茜味滲出黎, 令到碗拉麵愈食愈有芫茜味. 呢間鋪頭既拉麵比較粗身, 似係手打既質感, 望落似烏冬, 食落軟硬適中, 唔會太硬食到牙痛, 又唔會太軟一咬就散, 配埋湯底同海量既芫茜, 非常滿意! 追加既流心蛋原隻上, 一咬開, 啲流心蛋汁流晒出黎, 正! 肉飯記得睇過某旅遊節目, 日本某啲地方既拉麵店會提供一細碗飯, 等你食完拉麵之後可以用拉麵既湯加落飯度撈黎食. 肉飯本身係用日本米,再加上拉麵既湯, 味道好濃郁之餘又唔會太咸, 絕對適合食量大既朋友仔. 信州白葡萄梳打一般既拉麵店都只係提供罐裝汽水, 但呢間就會提供其他日本既汽水飲品, 選擇更多. 呢款汽水好有提子味, 日式風味既汽水配襯拉麵, 好有喺日本旅行時既味道! 食過呢餐真係可以當自己去左日本旅行咁!🤣最後想講既係, 呢間餐廳既菜單已經完全電子化, 又無餐牌, 唔需要人手落單, 只要用手機掃瞄個QR code, 就可以用手機睇餐牌, 揀食物同落單. 店員仲會好細心提醒要喺購物車check out 先係完成呢個落單程序, 落左單大概15分鐘就有得食! 又快又環保! …查看更多

無幾耐之前同女朋友食過，再次食過返尋味😋我欣賞佢選擇夠多，而且坐得舒服（這是重點！😍），店內大部份都係卡座，又私人空間之餘又唔會太迫。每張枱都有一個燒烤爐，一個電磁爐，照顧晒唔同口味嘅人士。食完燒肉之後又可以烚返啲蔬菜類平衡返，自我感覺良好，冇咁有罪惡感😂食物嘅種類有好多選擇，無論係熟食、前菜沙律、飲品甚至雪糕，都唔怕你揀唔岩，最怕你花多眼亂唔知點揀。食黃金時段嘅顧客仲會送一個燒肉拼盤，有我最愛既蠔呀，每粒都大大隻，仲好鮮味添！我最欣賞既係肉類區，每樣都排列得好整齋，而且有好多選擇，仲有啲有麻辣口味，岩晒我😋臨走前每位食客有一個硬幣可以去玩夾公仔，食完不妨試下自己運氣！…查看更多

女朋友很喜歡吃這家店的菜式，我也很喜歡，覺得好吃、精緻，故此這天下班帶她到這餐廳吃晚飯。前菜：Parma ham melonParma ham與蜜瓜是絶配，鹹香之餘又帶有蜜瓜的甜味，今人很開胃。沙律：烤蝦帶子菠菜沙律份量大，我最愛的烤蝦及帶子也有不少，帶子煎得剛剛好，入口鮮嫩。 尖沙咀限定：Black galaxy eggs benedict必食這個尖沙咀分店的限定產品，香脆軟殼蟹配上鮮味墨汁及荷蘭醬，口感很豐富。主菜: Bouillabaisse Risotto這個海鮮比飯還要多的risotto絕對是超值之選，吃海鮮也吃到飽，當然飯用海鮮汁燴過，也是鮮甜美味的。…查看更多

放工想輕鬆一下，但我同女朋友都唔鍾意太嘈嘅地方，於是就去咗呢間同事介紹有特色嘅樓上酒吧。去到門口已經俾佢吸引住，因為裝修好有中西合璧既感覺，門口已經有好大張既飲酒game枱，岩晒一大班朋友邊飲酒邊玩。一去到侍應就立即遞上小食，飲住酒傾住計再食住小食，好正😂仲有得refill添！送酒點少得德國鹹豬手同薯條配黑松露呢，薯條熱辣辣上枱，配埋黑松露醬好滋味，豬手焗到脆卜卜，而附送既薯蓉好滑好香濃忌廉味。另外想叫啲澱粉質填下肚，叫咗個蒜香虎蝦意粉，意粉軟硬度適中，啱晒我口味。…查看更多

天氣開始無咁熱，第一時間就諗起要去食日式燒肉，最懷念就係和牛入口即溶，和牛牛脂充滿住係我個口既感覺🤤磯煮鮑魚女朋友話未食過，所以點左一客比佢試下。煮得好腍好彈牙，個汁甜甜地，好好味！溫室蕃茄沙律食材固之然新鮮，特別欣賞佢個溫室蕃茄，又大又紅又甜，配埋佢個油醋汁酸酸甜甜好開胃。牛魔再現拼盤包括美國prime牛小排、牛角切及日本產A4和牛肉眼。A4和牛好有水準，每一啖都震撼住我嘅味蕾，和牛牛脂好充足，但又唔會感覺太肥膩。而牛小排同牛角切肉質較有口感，啖啖都充滿牛味。日本產帆立貝特別在於蒜蓉牛油入面加咗黑松露，店員好細心教我地點樣燒，帆立貝好鮮味，再配上黑松露既香，好好味！鰻魚炒飯臨尾再叫多個鰻魚炒飯，唔食返啲米飯總係覺得唔夠飽。炒飯好足料，有好多鰻魚，仲粒粒金黃色架！…查看更多