餐廳位於旺角，交通方便，絕對唔難搵。揀呢間貪佢又有刺身食，又可以燒烤，一次過滿足2個願望😍
餐廳環境舒適，職員會在鐵板上細心鋪上牛油紙，令食物不易燒燶，我的手殘女友表示很貼心，岩晒佢😂
食物類別包括有肉類、海鮮、和食、飲品、甜品、炸物、湯、飯、刺身、野菜，食物應有盡有，總會一款啱心水。
雖然係任食，但係刺身一啲都唔馬虎，刺身食得出好新鮮，仲有我最鍾意嘅帶子添！
另一個我最鍾意嘅就係蝦蝦蝦，係超級大隻嘅虎蝦，燒完之後香噴噴，肉質都仲係咁爽口彈牙！
炸蝦都係好出色，熱辣辣炸起就上枱，粉漿唔會厚，隻蝦仲好彈牙添！
