happytsui1's Profile

之前呢間關咗門，最近重開就諗住試吓。呢度有幾層，所以搵位唔難，唔似中環嗰間，要企晌食客枱邊等成粒鐘都未必有得食，而且呢度點心款式多，推車點心姐姐個個好有禮貌，真心食得開心。今次只係隨便叫咗幾款點心試吓，呢度點心份量都幾大碟，雖然唔講得超級好食，但主要食佢個懷舊情懷。沙翁 : 未見過酒樓有得食，只係晌澳門食過，雖然凍咗少少，但蛋香味幾出。蝦餃 : 細細粒，好易食，唔差。排骨 : 呢個就麻麻地，勝在大碟，但無咩肉味。馬拉糕 : 熱辣辣並帶微微黑糖味道，好食。义燒酥: 又係唔夠熱，普通。雞扎 : 正正常常…Read More

今日特意走入流浮山買金蠔，順便去食海鮮。原本諗住去海灣試吓，點知無開門，所以就揀咗去對面間龍如。入去時見唔太多人，心諗唔知點唔點，但勝在地方非常乾淨，而且枱與枱之間亦闊落，都坐得幾舒服。去門口揀咗幾款海鮮，伙記即時送去廚房煮，不到15分鐘就已經逐樣上枱，較率幾高。餐前還送兩碗海鮮湯，個人覺得送得不夠大方，流浮山亦食過幾家飯店，一般送海鮮湯係會一大湯碗上，但呢家只送兩小碗，感覺有點吝嗇。豉油王蝦 : 炸得香脆，但不會蓋過蝦嘅鮮味，食落口帶有微微脆香。豉椒蟶子皇 : 肉嫰多汁，不會煮得過老，味道剛好，不太鹹。炆斑腩 : 伙記話係得獎名菜，推薦我們一試。一般炆斑腩都會用到支竹火腩去炆，但呢度師傅做法係先微炸再炆煮，醬汁濃而不會失咗魚嘅鮮味，果然名不虛傳。砵酒焗蠔 : 味道雖然可以，但實在食落有點膩，可能兩個人份量實在太多。油鹽水浸菜芯 : 呢個反而係全餐最唔好食，有點過鹹。飯後還有免費水果及甜點。…Read More

之前到過大館幾次，環境好chill，所以特以上網找間餐廳食下嘢，見呢間有任食點心就嚟試下。室內環境比較西式，但就係食中菜，比較特別。裝修亦比較舒適，但坐滿人時都幾嘈。食物質素比預期高，而且賣相幾精緻，每件點心都細細件，所以整個餐牌嘅任食點心幾乎可以試均一次。其中個人覺得比較出色幾款 : 燒賣、茄子、咸水角、蛋撻。反而要加錢嘅小籠包就麻麻地，味道有點怪怪的。…Read More

餐廳樓底頗高，用餐地方很大，環境尚算舒適。點心方面 : 义燒 : 上枱仍然非常熱，不過甜，亦帶點點焦香味臘腸卷 : 稍微油了點，沒有太大臘味香味，但外皮做得軟熟春風得意腸 : 比較淡味，入口帶點脆，內裡的蝦彈牙但食不出鮮蝦味蝦餃 : size比較細，以這個價錢，感覺有點小氣，跟腸粉一樣，亦食不出鮮蝦味XO醬蘿蔔糕 : 煎得頗脆身，不過沒有XO醬的味道，只略帶微微甜味咸水角 : 炸得香脆，放耐一點仍有脆口感，算是較高分的一款點心芒果布甸 : 甜度有點over，亦沒有芒香的香味整體質素中規中矩，以5星酒店來說不是太有驚喜，若是有優惠試試無疑，不然以正價可以試其他5星酒店中菜廳。…Read More

片皮鴨本來是沙田18的招牌菜，所以去食之前亦有所期待，可惜失望而回。片皮鴨 : 本身沒有鴨味，油香味亦不足，整體質素與價格不相稱，以這個價錢CP值真的不太高。鮑魚酥 : 算是有一點點驚喜，批底做得頗脆，食出鮑魚的煙韌感覺。XO醬龍躉水晶餃 : 外皮比較軟，XO醬味突出，內裡的蝦夠大隻、彈牙，但鮮味不足。义燒包 : 普通。春卷 : 雖然食落口沒有油膩感，但上枱賣相一般，部份春卷佔了點油。五粮液朱古力雪糕 : 入口酒味頗濃，但亦沒有蓋過朱古力味道，而且雪糕尚算雪得比較實，不會食幾口就溶掉。黑芝麻湯圓批 : 是這裡招牌甜品之一，以菠蘿包皮包住黑芝麻湯圓，口感特別，芝麻味香。餐廳環境光猛，而且坐位間闊落，三、五知己坐著傾計相當不錯。…Read More

一早起身為咗食週末早晨點心。 餐廳準時9點開門，被安排坐晌窗邊位簡直喜出望外，望住個海景食早餐還是生平第一次，枱與枱之間有一定距離，樓底高加上無敵海景，坐得非常舒服。價錢真的好抵，HK$398可選Menu內6款點心，價錢亦包醬芥茶(另加10%服務費)。以這個價錢，食物方面酒店亦絕不馬虎，樣樣即叫即做，上枱碟碟熱辣辣，而且上枱速度亦相當快，服務員細心有禮，整體真的不錯。1) 白菌雞粒盞 : 有點兒似迷你雞批，酥脆香口，6款點心當中最喜歡這個。2) 冬筍鮮蝦餃 : 蝦新鮮彈牙，Size是一口一粒，若然Size能夠做大一點，這款點心就無得彈。3) 蜜皇义燒包 : 外皮鬆軟，攞上手亦不會散開，內裡餡料味道剛剛好，醬汁不多，亦不會過於濃味，好食。4)瑤柱雞粒鹹水角 : 相對其他幾款點心比較失色，不知是否外皮用了南瓜定點點咖哩粉溝成，帶點點黃色令賣相好像有點深，好彩是做成啤梨形狀，可愛指數可以加點分數，但皮較厚所以唔係好食得出餡料味道。5) XO醬炒腸粉 : XO醬味唔算突出，但由於上枱時仍非常之熱，煎香味就好夠，呢味如果能夠配辣椒醬及甜醬上枱，可以提升整個點心味道。6) 揚州炒香苗 : 非常足料，食到义燒及蝦的味道，雖然上枱時有用蓋蓋住，但可能我們放了一陣先食，無咁熱，如果剛上枱食應該再好食D。這次已是我第二次到港灣壹號用餐，食物同環境真係無得輸。服務相當殷勤有禮，收碟速度亦相當快。整體質素超出預期！…Read More

已經是第二次再訪香宮，從入門口一刻已有賓至如歸的感覺，無論裝橫、服務、食物水平絕對稱得上5星水準。今天2人用餐選擇了午市套餐及另加幾個點心，份量真的非常足夠。點心依然是水準之作，賣相一流，亦見廚師心思:燒賣 : 彈牙鮮味春卷 : 十分脆口，但如果可以再剪細一點會更方便入口雪影义燒包 : 比市面其他同款的較脆身，內裡义燒等涵料較乾身，不會太甜，比較喜歡這個效果XO醬蘿蔔糕: 外皮煎得頗脆，入口帶微辣，略嫌鹹了少許蛋撻仔 : 即焗的，所以等的時間比較長，酥皮香脆，但蛋汁略甜，蛋香味不足香宮鴛鴦露 : 雖然是推薦甜品，賣相亦討好，但沒有太大驚喜，反而前一次來食的芒果布甸較得我心至於套餐:燒味拼盤 : 义燒絕對是靈魂之作，入口有碳香味，亦不會太死甜，現在香港真的很難找到這個味道，是兒時食义燒的味道老火湯 : 非常濃郁，香甜燙口牛腩 : 鬆軟稔滑，附有一少件白蘿蔔亦非常清甜，不過牛腩不是太有牛味東星斑球 : 清嫩新鮮，內裡夾著的金華火腿絕對有畫龍點精的功用，入口十分甘香炒飯 : 粒粒分明夠乾身，加入菜粒口感豐富杏仁茶 : 算是整餐比較不滿意的食物，杏味需濃，但略嫌過甜…Read More