joelui622's Profile

日日經過見到都有些人氣，今日捉老佛爺來品嚐一下，內裏坐位濶落乾淨，冷氣充足。點餐只需tick好交單就可，好方便，主食有手撕雞，豬扒，餃子，我最著眼係湯頭選擇，有雞湯，豆乳豬骨湯，酸湯，花膠湯，真係湯多眼亂，未食口水流。套餐還可選一款小食，两款醬菜和飲品，花多眼亂下點了手撕雞配雞湯/涼伴青瓜/蝦醬/菜脯/茅根水，老佛爺就點了脆汁豬扒米線配豆乳雞湯/雲耳/六花茶，加小食油茶/炸餃子，糖心蛋。美食上枱，第一時間飲啖湯，嘩，好濃雞湯味，再飲啖老佛爺的豆乳豬骨湯，同樣有驚喜，好香豆香骨香。手撕雞好滑，豬扒肉冧多汁，真係外脆內軟，無得頂。醬菜一定要點蝦醬，配小食或放湯，只有把美食昇華，炸餃子比較乾，灼菜時間過冧，涼茶清潤涼快，炎夏恩物。人均不用80元，有如此高質用心制作食品，算是超值。…Read More

今天入元朗找老佛爺食晚餐，由她介紹食台灣野，門口有幅大壁畫都幾靚，內裏都坐得舒適，不太迫。餐點款式不多，價錢也算合理，自行用蠟筆圈好交侍應便可，方便快節。內設有冬瓜茶，任由顧客自斟自飲。我不太餓，只點了總會蛋餅，大雞排麵，蚵仔米，肉燥油菜。首碟上枱，肉燥油菜，肉燥太少，得幾粒肉，不夠配食。蚵仔米線，不過不失。大雞排麵，雞排好出色，好香口，雞肉嫩滑，但個麵就真係好失色，麵好硬，煮得不夠耐，湯不燙而且非常淡。蛋餅大路，不過不失。埋單156元，人均78元，還可以吧！食品有好大進步空間。…Read More

今日和老佛爺西區一天遊，主目的地係西環鐘聲泳棚，去當行行山，拍拍照，因是閒日， 無咩人。去之前先去上環街市食個早餐，嘆一嘆美食再出發。呢度無餐的，都是散叫。我們點了樽仔奶茶，滾水蛋，牛肉麵，西多士和蛋牛治烘底。樽仔奶茶夠香滑，不用冰粒，吾會越飲越淡，滾水蛋好有蛋香，老佛爺話未飲過，好好飲，大鄉里。牛肉麵牛肉好滑，飲啖湯，該是一丁麵，有驚喜，仲以為一般白光麵。西多老佛爺話好味，但吾夠多花生醬，我就話啱啱好，夠多練奶。吾夠喉，加多件蛋牛治洪底，老闆加入大量蔥粒，特別香口有風味。埋單108元，人均54，不錯。食完坐1號巴士去泳棚影相，偷得浮生半日閒。…Read More

返part time 經過,見佢新開張日日大排長龍，已想食，諗住book定，點知係冇電話book,要下戴app,用app book枱， 但個app show出來，未來两個月都係full, R晒頭， 唯有walk in摶一摶。我和老佛爺攞位策略係攞完籌，去隔離睇戲，睇完戲睇吓到我地未，點知過咗龍，但會翻叫籌，等咗幾個字就到我地。落單用pad點單，易用方便，路軌有上下，上邊路軌係運送點餐用的，下邊是迴轉。點餐後好快就到，夠晒效率，可能得一個鐘頭限時食，真係慢慢黎，吾使急，最緊要快。難怪咁多人排隊，出品會在一貫連鎖壽司店之上，又不算太貴，係最衰限一小時，都食得急了點。一輪狂風掃落葉後，加個甜品寫個句號，大滿足。埋單 413， 人均207元，還可接受。…Read More

大熱天時，行街腳仔軟，找間甜品屋，志在歇吓腳，入去試試路過的這家【深深甜品】。裝修都幾懷舊，地磚，裝飾，枱櫈也有呀爺feel, 價錢都也算合理， 本想試吓椰子糊，但暫停供應，真失望，唯有下次再試。此店都係傳統糖水為主，叫了一碗熱綠豆沙和仙草凍加芋圓，綠豆沙都幾香臭草味，有起沙。仙草凍滑滑的，芋圓煙韌靭，幾有台式古早風味。埋單 18 加 21 加 7，共46元，人均23元， 大熱天時坐吓涼吓，歇吓息吹吓水，算化算，味道也算合格。…Read More

呢個店在荔枝角都幾出名，同老佛爺去試吓， 店員都是台灣人主理，不太識講本地話。食午飯時段幾常爆滿，非常熱鬧。點餐只要蠟筆圈/寫落點餐紙，交收銀（先付費的），隨後食品就會送上。我和老佛爺各自點了半筯半腩麵和三寶麵，小食點了蚵仔煎，三拼小食盤，台灣黑豬肉腸，飲品點了酸梅汁，山粉圓，甜品要了紅豆芋丸。拉麵的湯底超濃郁，好有牛味，食到尾，湯都飲埋，筯肉炆得夠淋和入味。小食拼盤可任選三樣，我們選了鴨血糯米，豬耳，豆干，好味。黑豬肉腸，好有肉香，好好味。蚵仔煎就覺得一般，可能我們比較鐘意潮式的，香口些，和這個的汁是甜的，感覺吾係好夾。芋丸都感覺一般，找了好多年，食吾翻以前去九份一間的味道(上年去九份都食吾翻)，紅豆水汪汪，芋丸食吾到味道，也找不到紫色的，只有两隻色，但都食不出分別和有點硬。酸梅湯就有驚喜，不是一般酸梅，而是用了話梅，好醒神開胃，山粉圓不知咩來的，叫來試試，一粒粒的，幾得意。埋單262，人均 130，工廈黎講算貴了點，整體也算可以。…Read More

呢間食過好多次，真係家庭式做法，好家庭式，無味精，最欣賞個湯，啱晒無湯水人仕。 地方吾太，但光鮮企理。菜式已設定好，每星期輪一次，看似單一，但見細心設定菜式，魚豬牛雞總有一款啱口味，如真的不合，也有其它炒粉麵飯蒸飯可選。今日一枝公食，點了個涼瓜火腩，好有媽媽的味道，之前有食過雞脾沙津， 雞脾即炸，好好味。 我每次來主要都係飲個湯，今日花生眉豆雞腳，無味精，吾係例水。除例湯外，我例加是日糖水，天天不同，糖水都好好味道，有冷有熱，照顧到老人細路。湯/餐飲/甜品跟餐只跟一樣，如要加多樣就加8元，我每次都湯加甜品，齊頭50元，大滿足。…Read More

呢間店做緊宵夜第二位半價，啫係228 + 114,就同老佛爺去食宵夜，地方好大，好多野食。個場裝修好得意，有好多figure公仔，睇公仔我都用咗d時間，2個鐘吾夠食。食材真係好多好多，火鍋未到可先食d熟野填吓肚，有近十款廣東熱食，菜飯肉湯，小食炸物，有日式壽司位，壽司刺生凍蝦螺樣樣有，但壽司比較亁。其它基本火鍋配料不在話，種類多不勝數。肉類及海產類要入紙下單，都幾新鮮。麵位真係咩麵都有，日本冷麵，薯絲，蕎麥麵，公仔麵....麵都十幾款。飲品也很不得了，汽水櫃如一幅牆，基乎說出的種類也有，啤酒除罐裝，也有生啤，冷凍機有果汁涼茶，健康些自泡花茶，只是亁花也有十多款。甜品位和沙律生果位又點少得。呢間真係太多野食，基本試晒的話，两個鐘吾夠，起碼二個半鐘。埋單342 ，人均171，飽飽…Read More

傷心酸辣粉食過好幾次，都係食粉麵套餐，見有放題，又心郁郁試吓。放題有4款選，麻辣雞煲，烤魚，牛肋骨煲，胡椒豬肚雞煲，閒日128，紅日148。我們點了酸菜魚，條魚煎封過，好香好滑，配酸菜湯，好開胃。食過酸菜魚，凍櫃有各類火鍋類，任攞任食，食材未算太多類，有各類丸，五花腩肉，豬紅，肥牛，鮮雞件，疏菜，香姑，麵條等等，飲品有啤酒，可樂雪碧洋恊成。食完條魚，再用酸菜汁作湯底，滾完的食材都夠味，不用沾醬油，麵條吸收湯汁，正。發現一樣好味就係酸菜湯中有酸蒜頭，好好味，食咗好多粒。埋單296， 紅日關係148/位，人均148元，任食還可以吧！…Read More

好耐未据扒，就和老彿爺啖啖肉，去馬得里整返個鐵板餐先。呢間店扒餐都吾貴，88蚊起，有二人餐，但一定要配德國咸豬手，今日係主打扒，所以各自一人一個扒，其實吾食扒仲有好多焗飯意粉選擇的。我叫了什扒，老佛爺叫西冷8成，跟餐有羅宋湯和餐包，甜品有啫喱，出奇地原來不包餐茶，熱飲加6元，凍飲加9元。什扒分量足，有牛扒雞扒豬扒，大香腸和一片煙肉，只有两款汁，黑椒和照燒，豬扒略鞋，其它都好食，最緊要係夠熱，鐵板看似冇氣色，但一加汁，就好似仙境咁，大家小心燙手啊。老佛爺點了西冷8成，但我目測係10成熟，比較亁，大家下次點要叫少两成，但都夠肉味和夠份量，配埋餐包意粉，飽到呢~~~要另加錢的餐茶有點吾開心，但好在有個啫喱送，平衡吓都好。埋單214元，人均107元， 鐵板扒黎計，還可以。…Read More

限聚令下揾野食，好多都拉疏d枱，周記都吾例外，地方更大。周記我至愛一定係油渣麪，其實除咗油渣麵，仲有好多選擇，有中西小炒，小菜客飯，湯麵，中西小食，種類多多。我和老佛爺就點了亁牛河，油渣麵就吾少得，加了炸鴛鴦餃（北京餃/韮菜餃），飲品馬碲露和椰汁。亁牛河色澤ok ,但吾夠醬油，味道不夠。油渣麵不失水準，豬油渣又香又濃，落單時可指定要肥定瘦。 鍾意食油渣麵其中一原因，係佢有好多野比你任落，冬菜，芫荽，蔥，辣蘿蔔，魚露....等，好過癮。餃子就麻麻了，粉皮太厚，外型分不出咩餃，一樣樣，我食中三隻都係韮菜，係好彩定吾好彩。呢度椰汁係我至愛飲品，椰香超濃，比起同區某主打椰汁的更香，馬碲露粒粒馬碲肉，飲得過癮。埋單146元，人均73元，其實可以當3人食，因為都食吾晒，要攞走上班，我又當一餐。…Read More

這間食了好幾次了，味道幾合口味，地方不算大，但都幾舒適。麵方面有河粉，米線，手工拉麵，粗/幼紅薯粉，湯頭有上湯，酸辣，炸醬，秘制醬汁，可湯可撈，大中小辣麻辣又得，總有一款配搭啱胃口，三十多種配料，自由配搭，5至6元一款，麵底26元起。麪底本身都會有小配料，我和老彿爺各自點了三樣餸，分別魚鮫，酸菜，肥牛，豬頸肉，生菜和海帶。湯頭好濃郁，紅薯粉煙韌有咬口，炸醬酸菜開胃，米麵份量足，夠飽肚。飲品有自家黑豆漿，豆味濃。總數96元，人均48元，ok吖。…Read More

疫情未減，找大少食個晚餐，來試呢間半新店，地方大，疫情下，人少，坐得舒適。價錢算中等價錢，款色都幾啱口味，點了雞牛串燒，厚切豬喇沙，蝦醬炒飯，馬拉盞炒通菜。飲品好得意，要自己去買，冇得點，買一送一，計最貴嗰杯，遲下吾知有冇呢個優惠，大少自發去買請我飲，點了富士蘋果苿莉綠茶和黑糖珍珠奶茶。食品上枱，外觀分不錯，味道有水準，而且份量不少，性價比合格。豬扒香口有肉汁，喇沙湯夠濃郁。蝦醬炒飯粒吾夠乾身，但味道合格。馬拉盞野味，通菜爽脆。串燒配沙爹醬，好味停不了，還有些小伴碟，開胃。飲品綠茶涼透心，蘋果香脆多汁。奶茶夠茶香，但大少該買同價錢，冇蝕底心態下，感覺底些，一杯33元，一杯25元。結算321元，飲品另計33元，合共354元，人均177元，有點貴，但就食到堅飽，本來想叫拖鞋芒果糯米飯，都食不下了。…Read More

老佛爺鬼打咁鐘意食火鍋，就試呢間喇，貪佢任君選擇，豐廉由人，地方寬敞，招呼不錯。佢set的套餐不錯，適合不同人事，有些愛海鮮又得，愛肉肉肉又得，簡單火鍋配料又得。鍋底可湯底或粥底，加88元有麻辣雞煲。另見佢有牛什鍋，蕃茄坑腩鍋等，有機會試吓，今次叫了麻辣雞煲，配海鮮B餐。個餐本身包一海鮮盤和肥牛及黑毛豬，另選八款火鍋料，不包飲品，另叫了一榨竹䉀芧根和大大杯凍檸茶。雞煲好野味，小辣辣度剛好，但略為咸了點，海鮮盤蝦，蟹，蟶子，鮑魚好新鮮甜美，蠔就急凍的，一般般。食完雞煲可加湯做火鍋湯底，或換作粥底也可，我們選了前者。（後悔冇改粥底，一定好鮮甜，經海鮮滾過）。八款配料都好新鮮，尤為墨丸好正，夠Q彈，但雞子就麻麻，雪藏野，好大雪藏味，肥牛豚肉夠肉味，但略肥。飲品茅根清熱解渴，大大杯檸茶夠份量。埋單2人544元，人均約270元，又雞煲，又海鮮，又粥底鍋（不過我地冇轉），都還可以，如簡單火鍋相信會化算些。…Read More

同老佛爺去完夜街想食宵夜，見呢間甜品仲有開就貢入去，地方都大多位，開到零時两點幾，夜鬼啱晒。款式都好多元化，有中式糖水至西式的都有時，還有小食鮮果汁，冷熱一應俱全，且價錢都ok。我們點了凍綠豆沙涼粉，芝麻糊豆腐花，加個小食糖不甩。綠豆沙幾有臭草味，臭草我至愛，老佛爺的芝麻糊都好有芝麻香，糖不甩香香糯糯，食落暖笠笠，吾會太甜。埋單吾約50元，人均消費25元，食飽飽，大滿足，回家休息，半夜想食個甜品確不錯。…Read More