baileyeats's Profile

試過撈麵同擔擔麵撈麵個麵其實正正常常，但啲配料好好食因為叉燒依樣嘢，如果唔係用豬肉嘅話，其實係會有啲奇怪，但難得佢個牛叉燒係同到個醬嘅味道係夾，而且幾好食。啲牛舌都好好食，但我覺得最好食嘅其實係佢跟餐嗰個清湯，意外地好有味同時間又好清新，好飲！擔擔面都好好食，佢係比依家市場上嘅擔擔麵辣大概三成左右。我覺得係幾好食嘅，但就冇乜肉囉，因為擔擔麵其實都係肉碎㗎嘛，所以如果你想食粥嘅話，都係食返撈麵好啲，但擔擔麵係值得一試嘅，不過如果再嚟，都會選擇食返撈麵。之前我哋都好懷疑點解啲人喺度食麵要食咁耐，跟住我食過一次擔擔麵之後，我就明白，因為撈麵係可以15分鐘之內食完，但個擔擔麵真係好辣，同埋食咗一半之後都覺得好膩，係要慢慢食😂 所以依度唔似珍姐，table turnover rate 低好多，唔建議夏天去，排到差啲中暑…Read More

喺佢未上MM 之前已經食過牛丼好食，同埋一定要叫增量版如果唔係有啲唔夠喉，同埋因為好食，所以想食多啲哈哈佢唔係每一次都有同樣嘅部位供應，啲牛好快就賣晒其實佢Menu其他嘢望落都好吸引之後有次中午想叫外賣，就叫咗個沖繩豬肉塔可飯，嗰個我覺得就不過不失，但真係好辣，辣到流眼水。雖然依間嘢好多味都係靠個醬扶持，但呢個飯都真係太多醬，令到件事有啲太濕。今日終於試埋餐牌剩低嘅另一個菜，就係牛油咖喱雞，當初都有少少擔心佢會唔會仲辣過個沖繩塔可飯，因為上次嗰個真係辣過火屎。但點知勁好食！ ！ ！佢個味道我唔識形容，但唔係普通咖喱咁，淨係食到重口味嘅感覺，佢係有少少溫和嘅咖喱味。同埋唔只得雞，啲薯仔紅蘿蔔之類嘅配菜都煮到好入味，好淋好好食！甚至有一刻覺得佢係比牛丼耽誤嘅咖哩雞飯店！！！！唯一我要挑剔嘅地方就係食到三份二嘅時候有啲太Heavy，咁咪唞吓食吓囉，我覺得又唔係好大影響，都幾啱做Desk lunch嘅，可以慢慢食，不過記得之後要飲咖啡，如果唔係會好眼瞓如果要我排成間餐廳嘅菜嘅排名嘅話，我估如果你係一個喜愛健康嘅人士，一定係牛第一名，第二就係咖喱雞，但如果你係味覺行先嘅話，第一就係咖喱雞，第二先係牛！覺得佢哋而家個生意模式唔錯，牛嗰度可以引到好多人流，支持住佢哋生意，咁你食唔到牛，都可以去食吓咖喱雞，一樣好好食，如果兩樣都食唔到你先去食嗰個沖繩塔可飯，當去試晒成個menu 咁啦…Read More

朝早去食早餐首先啲位又設計得衰，勁唔好坐佢話佢做快餐但大佬我叫個麵等左20分鐘以上都未黎搵個人仲難過打電話cut 寛頻催左一次又等去到最後等左30分鐘以上都未到大佬好地地一個朝頭早就咁比你浪費晒仲要去番工呀dllm依家食9點都因為依間垃圾餐廳一啖野都冇食過之黎行去隔離嗰間5分鐘內就出餐咁先係做快餐ga ma唔該依間商場一係叫百分百檢討下一係搵間好啲嘅餐廳入黎啦…Read More

咖哩飯真係睇完卡通片想像中日式餐廳嘅味道！！.食左吉烈豬扒咖哩飯價錢係偏貴，但係成日喺觀塘焗住食勁多overpriced 野，所以個價錢都仲算接受到.個吉烈豬扒比較多肥膏，但係都係厚切啖啖肉，個人覺得炸得幾好幾好食，唔係超級出食但係唔錯.最令人驚艷嘅個咖哩佢係一種好似卡通片度睇到嘅綿密同濃杰我有下真係以為我係喺宮奇俊啲動畫入面食緊野咁好好好好好好味超級濃味，口感一流，我食食下仲食到雞肉絲！證明佢地真係落左好多料去煮依鍋咖哩食左一半之後其實有啲飽，所以個份量同價錢係成正比🤣我覺得依個咖哩飯喺依間餐廳真係滄海遺珠，因為大家黎到多數食魚生嗰啲強烈建議大家黎試下！…Read More

個menu 設計都幾confusing，好易叫錯餐建議1點後黎會快啲入到座個soy ramen 味道 okay, 但係啲麵條偏碎，去到最後唔係好食到啲餃子好似其他人講咁，不過不失煎餃VS boiled dumplings, boiled dumplings 個餡係好食啲，加埋醬汁再好食啲。但再番黎食都係會食剪餃🤣🤣好多位都係面壁思過位整體黎講都坐得ok ge 不過會偷聽到晒隔離位講咩🤣🤣我地有叫蟹肉燒賣但味道好一般不過比想像中多蟹肉但係冇咩味會再黎食擔擔麵，因為唔小心叫錯餐蘋果汁麻麻地…Read More

The queues everywhere were insanely long on a Friday night. We tried this restaurant before, which is usually very popular as well, but oddly enough there wasn’t much of a queue that day, so we walked in. They changed the menu quite a bit. Gone was the mentaiko (明太子） pasta which was my previous favourite. Now they have a lot of “main dishes” loaded with protein with equally hefty price tags. The choices were quite limited if you didn’t want to break the bank and still want some healthy protein. So I was like screw it, let’s get some pasta. I got the garlic oil pasta with seafood, it’s not bad and I’ve been really into (slightly) spicy food recently. The seafood portion was reasonable too! That being said, I probably wouldn’t revisit given the limited menu but it’s good if you want some good pasta with a nice environment in TST to catch up with friends. If I’m by myself in the area again? I would probably just eat the local cheap eats nearby.…Read More

老闆好好人每次都好好服務黎到會覺得被記住同埋有鄰里嘅感覺個人覺得魷魚最好食 （同埋低卡路里啲）三文魚小卷都好好味我有個茹素嘅朋友都鍾意黎食不過佢就食開牛油果類啲 Cash only 所以記得㩒錢…Read More

想食依間野好諗記得大概5年前佢個紅蝦hotdog 喺咁洗我IG 板但一直覺得咁多小碟tapas 一定好貴，拖到依家先黎食以為只係black sheep 味嘅打卡餐廳但食物比想像中好有個八瓜魚薯仔，好好食！八爪魚一啲都唔un, 個mash 都好好味，唔會overseason 可以encore 其實食物價錢比想像中affordable, 係個紅蝦hotdog 特別貴。佢會advice 你將個紅蝦蝦頭嘅汁 squeeze 晒上個hotdog 度，但真係幾messy，不過佢地都好貼心咁比埋濕紙巾你，應該預咗會有mess。味道黎講…. 可以唔叫 唔難食嘅，但個包同蝦肉嘅ratio 差得比較多，成口包，唔係好食到其他野嘅味。佢整薄啲個包會好食好多。不過第一次黎食嘅話係要叫嘅，打下卡，同埋人地同你講起依間餐廳，你都可以話有試過依個首本名菜🤣其他食物就冇咩記憶點。但個cheesecake 好好好好食！佢畫龍點精嘅係佢個配埋嘅berry sorbet ，解膩又好食，好過喺出面買生日蛋糕啦！依度服務都好好，幫你影相之餘仲會曬張Polaroid 比你，真係very perfect for birthday lunch/ dinner…Read More

其實依間餐廳係唔係轉左手？見到好耐之前喺MM 話係個印度人同佢老婆兩個有心做，好好食，好多人排隊依家可能熱潮已過，無咩人排但最後都有條人龍，不過唔係因為太多人係因為啲伙計chill 到以為佢地黎餐廳散步服務 間餐廳入面樓面有5個人嗰陣有4張空枱但完全唔比人入見到唔係雞嘅咖喱都漏單嚴重唔知點解落唔到薄餅佢地話因為啲薄餅仲整緊，要5-10 分鐘所以鎖左唔比人落我聽到成頭黑人問號吓？咁你照比人落住，遲啲上咪得囉都係5-10分鐘啫。你半間鋪空枱我企喺門口等你比我入座都喺咁等啦不過兩個女侍應都好有禮貌之後有番薄餅都提我（我話：吓…但我落左喇喎）佢地都肯親自幫我換番，咁我覺得都算係咁啦同堆你如果叫雞，真係好快就有得食唔想等好耐建議一概叫雞食物一開始等到真係嬲，加埋見好多人好似游手好閒但又冇人執枱唔安排人入坐嗰下真係嬲嬲地但啲野食估唔到幾好食佢啲咖喱全部隱約有啲蕃茄味butter chicken, masala chicken 兩個都唔錯塊薄餅質感似crepe 多啲如果仲有下次，我諗叫番飯算總計，野食估唔到係真係幾好食嘅同埋68 埋有4大件雞件加野飲真係抵但服務嚴重需要改善可能請番啲快手啲嘅伙計依家話事嗰個男人處理事情嘅手法（例如薄餅單野）真係需要改善下，家下好似冇軍師咁同埋依家似轉左手，唔係印度夫婦，似係一個中港家庭（老豆阿媽阿女加2個伙記）…Read More

今日情人節黎食晚餐餐飯一早比晒deposit 硬食佢個menu 佢收1580 for 2老實講唔覺得值依個價咁情人節食飯都某程度上預左比人劏我見連登講好多大時大節要體恤服務業嘅post 咁我都明 我都唔敢催第一度菜同第二度菜之間等左都ok 耐但第二度菜同第三度菜之間我地係等左成78分鐘老實講 我唔問 跟本就唔會有人記得佢地miss 左我問個staff 嗰下佢都shock 左催完都仲係冇人理老實講句我真係想直接行出門口最後終於上到第三度菜仲要上漏佢係上左第四度菜同佢講番佢仲話係唔係要cancel 餓到痴線等左咁耐can 咩cel 呀大佬真心唔係唔明服務業 但要人等78分鐘真係唔ok 囉咁嘅情人節晚餐 我寧願去老麥食 食完睇Netflix 訓大覺算…Read More

嚟依度食lunch一嘢倒到隔離枱個檸檬茶喺我成身倒到我成身濕晒成身都係甜野但照收我全價之後送啲椒鹽燒賣嚟但我完全唔覺得好食質感奇怪同好辣佢炸完之後有個好軟嘅奇怪口感辣到食唔出有咩味 單純地辣 你喺咁送啲我唔想食嘅嘢比我真心唔明你想點唔係話要五星級服務但我諗冇人入餐廳係會覺得比人淋到成身糖水係唔應該嬲呀… 如果我放假都話 我仲要番工蛋治不過不失 但搞到我成身都係甜水仲收我full price 然後送一碟我唔想要嘅燒賣係想點……Read More

成間鋪吉嘅話我一個人請坐單人枱咁無所謂我坐啦 但佢啲單人枱屁股貼屁股係拉都拉唔到張櫈出嚟嗰種貼係收左鋪啲櫈全部緊拍喺鋪頭一邊嗰種貼入都入唔到去 點坐？？我拉左後面張櫈出嚟坐入去張枱設計十級反智個膝頭完全頂住張枱我內心真係十個無奈，完全做唔到野跟住個店員又同我講叫我搬番後面張櫈入去話阻住通道OK, 但咁我到底要點坐呢？佢同我講啲位係預左人打側坐，對住咖啡機咁坐吓？！即係如果我同個fd 黎 我地好似CIA 咁扮唔識對方但坐喺同一張枱，望住前面咁同對方講野？？ 係唔係搞笑呀？最後佢話幫我拉前啲張枱拉嗰陣倒瀉左1/3 杯咖啡算我再坐低又同我講用餐時間90分鐘擺明趕客，依間野永無下次…Read More

我地兩個星期就上網訂左位個網講到明係”pond view”打電話嚟confirm booking 嗰陣都confirm 左我地一開門就到左成間餐廳得一枱客我講左我哋個booking, 滿心歡喜諗住坐喺湖邊食個lunch點知個侍應帶我哋去一個窗口位個湖境係比條柱100% 阻住左 我哋見間餐廳仲係空嘅 就問可唔可以轉另一張枱但個侍應話啲枱比其他人book 左吓？我哋個個都係同一個booking system book, 而且個system 都冇講明可以book 邊張枱。就係pond view 嘅全部寫pond view。如果有，我哋一開始知道係張咁嘅枱，我哋都唔會嚟囉我哋仲要係個timeslot 最早到嘅….仲要我哋係真係有book pond view, 佢咁都唔比我哋換… 老實講句，嚟依度都係想對住個pond view 食嘢影相啫。你成間餐廳嘅重點用條柱block 左，booking 嗰陣話有嘅重點完全冇左，咁請問我仲點解要嚟你依間餐廳食呢？真心，你係我，你仲會唔會留喺度食…？同一價位好食過佢嘅附近大把…好彩我唔係嚟溝女啫唔係女神一定嗰下即刻飛咗我依間野信唔過，以後唔會再嚟…Read More

咖哩烏冬必叫每次諗唔到食咩都會嚟搬左鋪之後行樓梯都上到烏冬分量好多又好食期望未來有多啲side dish 嘅選擇每次我同我啲朋友都係咩雞髀因為其他真係無咩肉同唔係咁抵食…Read More

見大角嘴開左間新韓燒，裝修又好靚，所以就去左試，點知食到成肚氣排隊：等左個幾鐘，佢派籌派得好差，數字唔係順序所以有時叫左20號，但後尾有堆1-10 號等緊，好多人都比佢搞到好confused食物：等左咁耐，都唔期望會米芝連嘅質素，但希望係好食。救命，啲肉好tough，又冇味。雖然佢有醬料啫，都唔係咩味都冇呀。我食牛陣最平嘅豬肉都重肉味過佢。但咁就收我480蚊。我都100% sure 我喺出面會搵到好多平過佢同更加高質嘅韓燒我覺得你收得咁貴，要有番咁上下質素囉。佢收咁貴，嗰個份量仲要其實唔係好夠兩個人食。我地仲有叫野飲。80蚊一杯early grey high ball, 完全冇Earl grey 味。早知用啲錢黎叫多個麵。同埋佢有個爐，最怕就係唔安全。我地叫左個炒飯，啲飯痴晒底要刮一刮。我都唔係話手瓜起墊嗰啲人，輕輕一刮，成個爐跌左一半落黎。😨😨😨😨😨拿拿林叫個staff 黎搞搞佢，佢搞完一分鐘，又跌。真係食都食得唔安樂。食餐野最差嘅名，就係其他顧客嘅質素。原來依家啲打卡女人咁惡。有3個心口掛住名牌袋嘅女人，喺其他人因為個籌嘅問題問個staff 野就破口大罵其他客，問候人地老母同唔比任何人除左佢地自己同個staff 講野，驚人地會搶佢頭攞左個位咁，搞到成個本來已經氣氛好差嘅等位安排更差。🤬 忍完佢地啲野又要唔好食。老實講依個價錢喺尖沙咀可以搵到更多更好…Read More