龜爺JjAyS's Profile

這間茶居在大埔其實開了一段時間，剛好今天路過，又想試一試點心，看見價錢也十分經濟，所以入去一試！環境上有啲似新型茶餐廳，和酒樓有啲不同，感覺是舒適的，燈光亦十分亮麗，地方也十分乾淨！老婆和我就是被這個二人餐所吸引，平時在酒樓吃點心，每人至少需要一百多元，這個二人餐晚市只需 $125！選擇不算少，而且另外額外附加食物的費用也不算貴！腸粉我們選了蜜汁叉燒，皮薄，叉燒肉多，腸粉皮有米香味，吃起來很有口感！蒸點心我選了薑蔥牛柏葉，份量也很大，我柏葉十分爽脆，一咬即斷，不會很難咬，味道不咸，多汁！加了18元吃上了乳鴿，皮脆肉嫩又多汁，而且啖啖肉，不擔心小隻而沒有肉吃！荷葉籠仔海味臘味排骨飯為我們的主食，份量十分充足，二人也吃到飽飽！排骨很多，配上豉油釣出味道，臘腸也很新鮮，配上荷葉蒸飯，飯有葉香，而且他們用的米有米香，我們整籠都吃光光！同時也加了18元點上芒果雪米糍為我們的甜品，雪米糍十分煙韌，芒果忌廉餡十分滑，最緊要這個甜品不會太甜！二人餐做到這樣的價錢真的很多地方也吃不到，親民價錢，有舒適環境及食物，感覺不錯！…Read More

收工同老婆去觀塘 APM 撐枱腳，發現咗有間叫綠茶既餐廳裝潢非常特別，睇過menu後價錢有公道，就入去試一試！估唔到餐廳入面更加有特色，而餐具都帶有主題感覺，畀人有個煥然一新嘅feel頭盤先來個南乳醉鮑魚，主要係畀個名吸引咗，100蚊都唔使可以食到個醉鮑魚，醬汁唔會過路而蓋過鮑魚的鮮味，廚師功夫到家，鮑魚切到薄片，咬起上來容易吃！點了個麵餅醬香五花肉，在外面吃飯應該點一些家裏做不到的菜式，五花肉炸過後香脆可口，麵餅及醬料包裹著五花肉，一咬後五花肉內的油分與麵餅結合起上嚟十分match，很有特色的一道菜！葱香脆皮烤鴨，這道菜是老婆所點的，起初我十分擔心會否像廣式燒味，吃過後原來有另一番風味，香蔥配上炸洋紅蔥醬，成為烤鴨的配料，將烤鴨味道提升！juicy 鮮嫩烤鴨，每一口都充滿著蔥香，配飯簡直一流！happy ending 來份綠茶餅，這是熱食的甜品，綠茶餅內果著芋泥，甜而不漏，飽肚感也很強！餐廳菜式特別，無論擺盤及味道，加上環境服務，以及優惠價格，必定會有下次！…Read More

一D都唔好食軟殼炒蟹意粉，話需要20分鐘，五分鐘都冇就已經上菜，意粉口感唔好又硬，醬汁過濃太重手，放勁多汁，甜到冇朋友，軟殼蟹油膩！照燒牛扒洞庭烏冬，外表平平無奇，烏冬冇味，七成牛扒會變成全熟，但牛扒味道還是可以的，不過係唯一一道正正常常嘅食物！松露薯條，薯條翻炸口感超級差，而且並不是新鮮熱辣！咁大間餐廳居然冇bb櫈，冇bb餐具十幾年前已經blacklist咗佢，唔係因為阿仔鍾意望溜冰場，我哋都唔會入嚟再試一試，真係冇下次！…Read More

唔知幾時開始呢個位轉左餐廳，住大埔既我埔都想 explore 下新餐廳，就係咁今晚就入左來！點餐前，先來杯麒麟啤，透心涼下開始熱嘅天氣！餐牌上套餐有貴有平，任君選擇嘢食都不一樣，始終都係第一次，所以選擇過相對比較平嘅套餐試一試！估唔到驚喜十足！煙三文魚沙律 - 豆盤已經好豐富，呢個沙律再龍珠果，聖女果，黑魚子醬，全部都好新鮮！最特別係個中華沙律啫哩，師傅將佢變左果凍咁好有特色，煙三文魚配上黑醋，味道吊出很出色！即開法國生蠔配魚子，新鮮又有口感，另配黑魚子醬 和 wasabi 可以搭上生蠔一齊食，會有另一風味！白松露蟹子溫泉蛋，呢個好有驚喜，真心講第一次食，白松露味道唔濃，撈上溫泉蛋同蟹子每一啖都脆脆好有口感！蛋味又能保存到！ Interesting!主食鐵板海鮮兩品係北海道帶子配法式色麵包和三文魚子，中間有昆布麵豉醬最為特色！同埋個慢煮鮑魚搭上菜汁好好味哦。呢道菜既醬汁好有驚喜，完全係新感受！估唔到仲有表演睇！真係值回票價！！！套餐主食係和牛薄燒卷，點了半成熟。口感剛剛好，和牛卷沾上鵪鶉蛋和牛似壽喜燒，配菜有珍珠筍，意大利翠玉瓜，蘑菇黑松露，全部都好新鮮好好吃！老婆唔食牛，但因為店家賣哂其他食物，本身已經很飽我們冇咩所謂，點知店家主動 offer 貴套餐既鵝肝比我哋，真係超級窩心！佢鵝肝都好有特色，主食配上自家打既雜果醬，同埋蛋白汁（都係第一次見），食起上來會冇咁膩！鵝肝好軟好 creamy，正！食到呢到已經飽到嘔，點知仲有個蟹子三文魚子炒飯，一上場個蟹子同三文魚子超級多囉！老婆超興奮，口感極佳，而且有種冰火感覺，涼浸浸嘅蟹子魚子，佢想熱辣辣嘅新鮮炒飯！ Ichiban!最後來個happy ending，檸檬柚子雪葩，酸酸甜甜，解膩開胃！而家手打真係唔同啲，小小雪葩果肉超多！…Read More

科學園基本上已經係我同屋企人去食飯嘅基本盤，今日過嚟試下呢一間分開一陣子嘅cafe。裏面嘅環境都非常已超非常之輕鬆，適合我同我老婆兩個今日星期六過嚟 chill chill其實點解揀科學園做食飯基本盤，原因係泊車容易，唔會太多人太密，同時餐廳內餐桌空間相對寬敞，最緊要仲要係落地玻璃有風景睇！ 佢哋嘅早餐非常之多選擇，唔夠飽而且又可以add on加多少少小食係早餐上，其實都幾flexible！簡單啲嘅我就叫咗個all day breakfast，咩都齊曬，有牛角包、薯餅、香腸、煙肉、黑松露、炒蛋、煙三文魚、同埋沙律，基本一定足夠你食飽飽！沙律都好新鮮，中和返其他食物嘅味道！老婆相對簡單啲叫咗個和牛漢堡扒配炒蛋同牛角包腸仔粟米粒，呢個餐其實都好豐富而且我哋再加多個add on 火腿雞湯通心粉，食飽飽個肚lunch就唔使食啦！你輕鬆一番梗係唔可以少得咖啡，佢哋嘅咖啡係可以跟餐，加多十蚊就可以有佢特色咖啡，絕對可以一試！食物同環境對我哋嚟講都好重要，weekend 來科學園試一時包你覺得輕鬆開心又愉快！…Read More

最近朋友搬入白石角 University hill，所以和老婆去探訪前在 University hill 樓下先食個午餐。嗰度餐廳唔多，吸引我入去試既就係 Route 83 ，因為喺大埔都見過佢哋舖頭，平時喺社交平台都見到有不錯的評價！首先地段感覺不錯，因為不是在密麻麻的大廈，感覺非常舒服，而且門外亦有露天位置感覺很 chill!中午時分有午餐套餐，價錢公道合理，選擇款式亦多，基本上我和老婆很快便決定吃什麼了！套餐免費隨送餐湯或沙律，既然我們會點兩個餐，所以一個餐湯一個沙律這樣便可以分著來吃！這個咸豬手是一人份量，但當上菜後看到其實也非常嚇人，無論豬手的大小和薯蓉都份量十足！豬手香脆可口不會太鹹，而且亦不會太肥，薯蓉沒有太多調味配上酸菜及豬手，味道剛剛好！pizza係薄批，同樣份量亦十分驚人，自家製薄餅原來口味可以天天不同，今天的是菠蘿及辣肉腸，薄批脆邊而且也很薄不愛吃麵包的人應該很喜歡！我們還加了28元加購炸薯條，這個是我們的最愛，薯條非常脆口，亦十分重薯仔味，加上沒有落鹽去做seasoning，原味十足！嘆世界當然點上咖啡，他們的咖啡也不錯，咖啡豆不會偏酸，值得一試！…Read More

呢間舖頭平時行開行埋都超多人排隊，難得今日 weekday night 去大中食飯，就同老婆嚟試一試！喺出面等位嘅時候，亦都不妨睇咗入面售賣既餐具，其實好靚好有特色！佢嘅design其實係性價比高嘅，如果排唔到到食嘢都起碼可以過嚟望下！因為今日唔係假日，所以等咗少少時間就即刻有位，七點幾已經全院滿座，能夠喺呢個時勢有全院滿座嘅本事，相信一定有佢嘅長處！每個店員都著西裝背心，同西褲，畀掂客嘅感覺非常高級，有啲畀我感覺似以前細個玩夢幻西餐廳嘅遊戲嘅感覺！餐牌裏面食物都非常吸引，好多嘢都想試試！先點上唐揚炸雞，我特別欣賞這個炸雞的炸粉不厚，而且也沒有炸得非常過火，熱辣辣上台的時，咬一啖感受到炸雞的溫度和十分juice的口感！炸軟殼蟹扁意粉，這個主食令我覺得值回票價！超大隻的軟殼蟹，最令我驚喜這個意粉有兩粒大帶子！整體來說軟殼蟹十分多汁，意粉味道十分香濃！喜歡吃海鮮的人士不能錯過！見到每台都會點上蛋包飯，所以我們也點了特大之海老蛋包飯！超大隻的炸蝦，當切開蛋包飯時，兩面蛋汁流出，很有喜悅感，蛋包飯的醬汁是以龍蝦汁來配搭，別有一番風味！同時也點了，蒜香蕃茄煮青口鍋配香草薯條，青口送上也當場嚇了一跳，無論青口和薯條都是大大份，青口新鮮配上蒜香蕃茄汁味道非常夾！而薯條也是我最喜愛的幼薯條！我點了紫薯牛乳為我的飲品，牛乳上的印花，非常漂亮很有特色！飲品牛乳味極濃！老婆點了白桃梳打，消暑解渴，清涼之極！岩燒芝士多士為今晚嘅甜品，多士外脆內軟，配上溫熱的芝士香脆可口，而且在加上parma ham的鹹香味，令人再想食多啲！…Read More

好多時食酸菜魚都會返大陸先食，一來價錢平，要來味道突出，感覺好地道，今晚來到海港城食晚飯，心血來潮試下在香港食國內連鎖店的酸菜魚，睇下個分別！餐廳食飯其中一個重要點就係環境，呢間餐廳嘅座位都好寬敞，都坐得非常之舒服，用咗tiffany blue嘅顏色嚟去做 branding，令人覺得舒服嘅感覺！ 一般中餐都好少用呢隻顏色，只能夠話佢哋集團咁大膽！由於我哋實在太肚餓，亦都擔心酸菜魚嘅份量好細，所以除咗點了酸菜魚之外，仲點多個麻辣香鍋！酸菜魚上枱後真係嚇親我哋，份量超級大！香鍋未來之前都好擔心會唔會食唔曬！佢哋嘅酸菜魚同其他國內大集團嘅有啲唔同，味道唔算太濃，酸菜比較酸，大大片好惹味好開胃，而辣味我哋點了小辣，剛剛好唔會太難而搶走本來嘅味道！魚嘅方面係用鱸魚，所以唔會有太大嘅腥味，而且又白又滑，仲好大片，啖啖肉！麻辣香鍋也超級大份，麻辣香鍋最為明顯，裏面嘅肉同菜食極都唔完，而佢最吸引我點佢嘅地方係因為喺menu上原來佢同美極crossover，所以真係想試下唔同風味嘅麻辣香鍋！食落口真係有美極麻辣汁個香味！我哋點了五樣菜式在麻辣香鍋上，包括有蓮藕，香酥肉，花菜，牛柏葉，同雞軟骨。呢啲菜式完全能夠吸收麻辣嘅香味，食起嚟啖啖肉，好有口感！食辣嘢少不免會飲水飲茶，有茶水汁好容易解辣啦。不過解能最好嘅方法就係食甜品，去食川菜就一定要點冰粉，店員介紹呢個彩虹烏龍冰粉夠大份可以share嚟食。 上枱後又係嚇親我哋，真係超大份！呢個彩虹冰粉，有好多唔同配料，令到層次感在更加豐富，亦帶出整個晚餐嘅happy ending…Read More

Happy weekend 同老婆又唔想出去市區，就返太和食芝加哥串燒酒場！唔知係咪有一段時間冇來，內裝好似有啲唔同咗？好似多咗好多廣告同大電視，環境及時個效果令人感覺不錯！先來個拉絲小牛芝士條 邊 chill 邊食，個芝士條拉到好長既絲，味道唔會太濃亦都唔會太鹹，配酒飲一流！其餘我來串燒酒場通常都是吃串燒炸物為主，舖頭名叫串燒酒場好明顯一定係串燒最特出啦！ 外過呢度食嘅都知道有一定嘅水準！今日我哋兩個人叫咗以下嘅串燒：鹽燒牛舌一口和牛串 牛油果豚肉烧椒鹽日本黒豚招牌紙鹤雞皮鹽燒雞翼燒土匪雞翼蜜糖雞翼風味羊肉串香蒜鮮燒鮑魚蔥燒半殼扇貝招牌茄子燒燒娃娃菜燒新鮮秋葵鹽燒雞軟骨 芝士年糕 大廚將佢放喺一個大砧板上，排得超級靚，好有藝術感！喺食之前有咁嘅壯觀感，食起上嚟更加和味！綜合來講，海鮮非常新鮮，原本想點聖子不過賣哂！扇貝同鮑魚都好大隻！串燒蔬菜方面，推薦食秋葵十分夠脆口，娃娃菜同茄子都將辣味吸收，燒出來十分惹味！紙鶴雞皮串出來好似十字架上的紙鷂，超薄超脆口超香口極惹味！鍾意雞皮嘅朋友必點之選！各款唔同味道嘅燒雞翼都好好食好juicy其實食下食下好容易再叫多幾份來吃，所以最後加單請教店員有啲咩推薦，加單點咗以下幾款：鹽燒日本豚芝士大虎蝦燒雞泡魚乾超牌無骨白鱔確實店員推介嘅係不一樣特別係個招牌無骨白鱔，一啲都唔腥，而且非常爽脆！食串燒就一定要配酒飲， 我叫了支菊正宗300ml，自己一個人夠曬，而且清酒配串燒係絕配！最緊要夠凍！而老婆比較鍾意雞尾酒，佢點了Sex On The Beach，非常有層次感！所以嚟食串燒飲酒，呢間串燒酒場絕對 chill chill 之選！…Read More

去過一兩次呢間 L‘AMOUR 第一次晚上來，晚上的燈光感覺更華麗！門外大門很有氣派，由於地點在大埔太和舊區，所以門外泊車也有很多咪錶十分方便！不知道為什麼晚上來在餐廳內的感覺更加豪華，而且一段時間沒來，發現了他們家餐廳換上更特色的椅子，店員的服裝比之前更加專業！餐前紅酒選擇他們的 house-red，他們紅酒對比較厚身，配上較為濃味的食物不錯！前菜 Rocket Roll Salad 意大利巴馬火腿火箭菜水牛芝士卷，非常欣賞火腿已包上火箭菜，不會散收收，巴馬火腿不會很咸，搭火箭菜鹹香又清新！焦糖法國鵝肝蛋撻 Foie Gras Tart，非常之特別嘅配搭，在中式酥皮蛋撻上加上鵝肝及蘑菇，出奇地別有一番返風味檸檬忌廉汁蟹餅 Crabcake，這個蟹餅之前我有食過，之前吃也覺得挺不錯，今次再點發覺有點不一樣？！之前的比較軟身，而且是相對結實，而且蟹餅的外皮非常香脆可口，蟹肉特別多，我覺得這次比之前更好！湯只點了一個份兩人分享但非常足夠，我們點的是牛肝野菌忌廉湯 Boletus Mushroom，這個更加不得不讚，一點也不膩，在湯內吃得出完完全全打碎的牛肝菌，味道也很清新不會重口味，配上蒜蓉包很不錯！今天不想吃肉，所以主食選擇了意粉和意大利薏米，蒜片辣椒蟹肉扁意粉 Crab Meat Linguine Aglioe Olio，份量很大，黑魚子極多，意粉軟硬度恰到好處但比較扁意粉和薏米飯，我相對喜歡這個黑松露半熟帶子忌廉薏米飯 Scallops.Pearl Barley . Black，因為很少餐廳會用薏米來當意大利飯來做，而這個薏米飯口感極佳，確實我第一次吃這道菜而被吸引上，濃濃的黑松露味，配上鮮味半熟帶子，行ok哦！最後再點多一杯酒精飲品，選擇了cocktail Dr smokey，當雞尾酒送上時，老婆笑他像檸檬茶，但確實喝起上來真的很像檸檬茶，但是帶有smokey酒精 的雞尾酒！十分有睇頭！法式焦糖蘋果酥 Caramel Apple pie 還我們今晚的甜品，熱辣辣上的甜品在冬天吃口感不錯，蘋果蓉的蘋果味十分濃烈，搭上酥皮中和甜味，也是不錯的甜品選擇…Read More

今天與好友相約在西環晚膳，他們選了一家西餐廳作為我們今晚聚會的好地方！西環是我充滿著學生時代回憶的地方，20年前西環沒有地鐵，由於地理位置問題，堅尼地城基本上也沒有很多優質西餐廳。現時餐廳林立，而今天我們去了這家 Chill & Grill，正正在西環邨隔離！他們家的裝潢論外觀及內觀都讓我超級嘩啦嘩然！門外有餐枱，喜歡室外亦多有選擇，而室內更華麗，空間感超大超強！從來在香港很難找到這麼空曠及感覺舒適的餐廳！室內餐廳前也有幾張特色梳化，而且檯面也有很多糖果，應該是為了安撫小朋友而設的區域，極具心思！同時，餐廳廚房開揚露出，這能對食客提起太大信心，因為無論衛生及廚師手法都一一給你看見，沒有一絲隱瞞！前菜點了，Pork Collar Skewer 秘製古巴炭燒豬肉串，我們給他的名字騙了，以為是一般豬肉串細細條，原來是超大的！但意想不到非常嫩，炭燒味濃烈，但不會燒得乾，吃起來但有肉汁，口感也很佳！另一款前菜是 Grilled Octopus 燒八爪魚鬚，八爪魚鬚十分大隻，份量也很多，由於比一般魷魚鬚粗大，所以吃起來的口感也很不錯，配上青椒及蘿蔔中和口感，一款不錯的前菜！Apple Crab Salad 蘋果蟹肉沙律，剛好用來中和兩道前菜，蘋果為日本蘋果，fresh得來又清甜，中間好幾層夾上蟹肉，清新來也帶有少許海鮮鹹香味，非常配搭，而且外觀也很有特色！Crab Yolk Spaghetti 黃金蟹黃意粉，蟹肉醬也很清新，配上意粉味道很夾，出奇地不會很膩，意粉軟硬度適中，入口有口感！Prime Tomahawk 美國斧頭扒，這個是我們今晚的主菜，我們這班都是食肉獸，看見他們有斧頭扒點了為主食，斧頭扒熟到剛好，帶出廚師經驗及廚藝，斧頭扒肉汁鮮嫩，不會太乾，配上烤薯烤翠玉瓜，為我們晚餐畫上完美的句號。最後還點上兩道甜品 Mango Napolean 芒果酥皮拿破崙 和 Tiramisu 來畫上完整的感嘆號！這兩道甜品正正合我們的需要，我們不喜歡太甜，而他們家的甜品都是輕甜式，拿破崙非常香脆，tiramisu 濃香，為整晚晚餐套上 happy ending…Read More

星期五 weekend 夜晚上掉低阿仔同老婆出去搵食，今次喺尖沙咀搵到好嘢！呢間 Bar 環境畀一般尖沙咀場舒服，最意想不到係佢哋嘅食物好食得來又有睇頭！cocktail都同出面嘅酒吧很不一般！先看環境及餐牌已經感覺他們很有心思，裝修帶有一點古典，但又披上一份 modern！餐廳裏的音樂不會太嘈，無論吃飯和飲野紛圍不錯！相對較早到餐廳，所以先點上cocktail，happy hour 時段的cocktail相對抵飲，先原來收我 $64 一杯，早知再早啲上嚟飲到幾杯先啦！由於老闆極力推介我哋點佢哋嘅cocktail，以我本身對cocktail不太認識，所以一開始叫咗平時叫開嘅 old fashion，估唔到都好堅下，佢哋嘅cocktail好有料到，酒味濃鬱，絕無偷工減料！而另一杯cocktail 有店長介紹你上menu嘅產品，叫 “California Hotel”，呢杯雞尾酒有好泥味既whisky，再帶點 smoky，連我小飲酒嘅老婆都對佢嘅煙燻味賺不絕口！而且上面有燒肉腸，一邊飲一邊食，非常得意！今日全餐我哋都叫cocktail，因為佢哋嘅cocktail真係好出色，平時出去吧我都係只叫紅酒白酒，但今日真係好例外地叫多幾杯，你的一杯都係店長推介，如果冇記錯好似叫 “Call me by your name”，店員攞過來時感覺平平無奇的，當介紹這杯飲品是突然開上電筒在下面照上，呢杯cocktail馬上變咗好似星空嘅感覺，佢哋家常食用閃粉所以照起上來閃令令，好有情調！而且唔係得個睇字，杯嘢飲超啱女仔，老婆話一啲都唔濃，但味道非常之香，有飲出佛手柑，紫蘇味！當飲飲下cocktails已經有少少肚餓，店長推介我哋叫個法式龍蝦湯來share，因為都幾大碗，外觀同一般嘅龍蝦湯樣差不多，但一入口，完全改觀龍蝦湯嘅想法！入面有好多蝦肉同蟹肉絲，每一啖每一口都有湯同有肉口感好好！而且龍蝦湯好有蝦味，而唔係一般出面只有死鹹嘅味道！邊飲酒當然要配小食，所以我哋唔係主力食main course，反而叫咗三碟小食先填一填肚- 檸檬牛油汁香煎帶子先講一講個帶子，帶子煎到恰到好處，內皮煎香，內裏煙韌，帶子味道十分濃，配上檸檬牛油汁，不會有一點油膩！- 伊比利亞風乾火腿配水牛芝士風乾火腿一點都會不太咸，去上水牛芝士完全絕配，吃完會上癮再想食多兩件！- 蘑菇鳳尾蝦大大的鳳尾蝦在蘑菇上已經夠有睇頭，鳳尾蝦非常爽口，第一次嘗試在蘑菇上配上鳳尾蝦原來口感及味道很不一樣！最後點上慢煮燒雞，來填飽最後的空隙！呢一道菜亦都係店長極力推介，慢煮春雞在鐵板上配上 rosemary，店員將鐵板燒雞呈上是已在座位聞到遠處的rosemary，再來幹邑鐵板上點上火，簡直係視覺享受！慢煮燒雞，雞肉滑嫩，由於慢煮，雞肉的味道所在肉內，這也很不錯！最後happy ending選擇了鐵板chocolate brownie！ 朱古力汁在熱辣辣的鐵板上滾上，冰火交融，雪糕凍冰冰，brownie熱辣辣，一凍一熱口感回味！臨離開店時，發現咗呢個餐廳原來有個密室，裏面有唱歌設備，空間都幾大，好彩有人介紹，下次同客來開會後可以喺度飲嘢兼唱k！最後想講，店長仲好慷慨地請我哋飲一杯自家cocktail，睇來下次都會上來飲返杯！有咁嘅服務質素，好難唔會有回頭客嘅！…Read More

相信住在大埔，及有開車的朋友都喜歡在白石角科學園吃飯，一來地方夠大，二來停車場夠有多位和便宜，最緊要的是平日晚上人流不多，因為科學園大部分都是上班族收工便回家。我就是看中這一點所以經常到科學園晚膳！今天來到八方棧，第一次在這裏晚上吃飯，中午時到人頭湧湧，晚上相對寧靜舒適，這樣便可以享受他們的美食及服務！而八方棧除了可有室內享用之外，也可以享用晚膳在室外！不過今天有點涼，所以還是在室內比較好！八方棧無論食物精緻，餐具也很亮麗，看到漂亮的餐具吃起晚飯來也相對有 feel! 平時我在這裏午餐都點點心，所以今天晚上和老婆來吃決定點些小菜！有些小菜及食物都不在電子餐牌內，相信應該都是限季食物，所以除了大餐牌外都不能錯過其他餐牌以外的額外餐紙！應該會有些驚喜發現！在這裏晚飯吃家常小菜價錢相宜，食物份量畀其他餐廳大，能夠享受寧靜的餐廳及高質素服務，所以十分正！我們點了青菜，葷菜，和酸菜魚係今天晚上的食物！在外吃飯當然要點上一些家中不怎麼煮的食物，青菜點了馬拉盞炒唐生菜，馬拉盞不算太辣，咸道適中，為其他兩道葷菜中和口感，所以在中餐小菜中不能缺少！主餐牌上有這道菜無花果一口骨，平時在中餐都有咕嚕肉，看到這道菜和其他中餐廳不一樣便點上試一試，外觀有點似咕嚕肉，但未到卻有點不同，無花果的酸甜味道在一口骨上出奇的配合，不會有咕嚕肉的那種過份酸，而且一口骨炸粉不多，所以吃起來都是大口肉！抵吃！這個老壇酸菜海蝦龍躉球更加不得了！上菜時部長也嚇了一跳，大大隻新鮮海蝦在酸菜魚上，已經十分吸引！一般中餐廳的海蝦不會這麼大隻，而且亦未必用新鮮蝦，我們剝殼及吃上口便知道一定是新鮮蝦！這盆酸菜魚已經值回票價，而且用的魚是龍躉球更加矜貴！整盆酸菜魚鮮味十足，味道符合廣東人口味，不會死鹹死辣死酸，十分開胃及配飯吃！其實他們家餐廳主餐牌有些食物都非常吸引，但等可惜我們只有兩個人，所以點不上這些大份量的食物，例如香酥糯米八寶鴨，在餐牌上看到都非常吸引，只能下次帶上家人來再品嚐！…Read More

一直都知道大埔有間 Omakase 在美豐花園，但每次經過大門都緊閉，以為沒有開門，後來在網上才知道原來是要按門鈴及預約！ 剛好和老婆星期六有空拍拖拖，邊預訂來試試這家餐廳！地方不算大但感覺十分隱蔽很有私人空間！始終第一次來是他們家的廚師發辦，所以我們選擇了入門八道菜的套餐，當然要試過後好吃後，下次才試貴少少的套餐，小試牛刀！ 既然廚師發辦，我們亦沒有問太多，交由廚師來處理我們今餐的食物！在等的過程中，我們點了麒麟 draft beer，老婆只愛喝麒麟剛好這裏也有！而啤酒可以在鐵板燒上中和食物，正呀！ 其實在來到餐廳前所有食材已鋪滿在鐵板上，看起上來都十分新鮮，而且套餐感覺極十分豐富！ 同時我們也點了法國生蠔來吃！新鮮肥美，也很creamy！ 套餐前菜是，煙三文魚椰菜沙律，煙三文魚不會有魚腥，黑醋泡沫配上椰菜沙律，味道恰到好處，令整個套餐揭開第一度序幕！ 主菜一上，精美的食物及擺設搬上台上，這道菜我兩有不同食物，一份東星斑，另一份為南菲蒜蓉鮑魚，同樣配上黑松露扇貝法包。東星斑鮮甜，南非鮑魚軟硬適中，法包爽脆配上黑松露扇貝口感極佳！ 各人一份主食，一份宮崎豬扒，一份秋田雞扒，正正兩人去食可以互相對分！雞扒外皮脆內肉軟，宮崎豬扒亦十分鮮嫩，配上碟邊上的醬料將肉味更提升！ 他們的炒飯亦十分不錯，廚師現場即炒，飯粒分明，熱辣辣的炒飯端上，為整個套餐帶來尾聲！ 最後套餐內有配上肉丸麵豉湯，肉丸鮮甜感覺像手打，而海帶麵豉湯濃度剛剛好，在看看的冬天暖一暖胃！ 意想不到在大埔的民宅區居然有高級的日式鐵板燒廚師辦，同時看到另一台在餐廳內慶祝生日，廚師特地為他們做上生日甜品，十分有氣氛！…Read More

今天朋友定了這家在鬧市中的私房菜，位置在尖沙咀天文臺道，認真方便！好友相聚定必要搵個好地方，呢到私隱度高，環境乾淨，空間感超大，又有地方可以三五知己邊食野唱邊唱K，冇得輸呀！一到步就上了很多前菜，款式多，款款都好好吃，我最喜愛蓮藕和蘿蔔，一開始已經醒醒胃也不錯！餐牌清晰，最令我們開心的是，這里不會趕人走，沒有時間限制，輕鬆又舒服，出菜時間也是慢慢來，和酒樓不同，有中式 fine dinning 的感覺！鳳尾翅石斛燉蟲草花，材料十足，湯味濃郁，吃得出煲湯的時間頗長！啖啖都是翅，啖啖都是蟲草花！培根捲大明蝦櫻桃芥末醬 - 大大隻明蝦，沾上櫻桃芥末醬，明蝦鮮味吊出，炸粉不多令大蝦香脆可口！翡翠鮑魚扣鵝掌 - 鮑魚大大隻但不會硬，大大鵝掌吃起上來十分多膠質，正！西生菜在底層中和味道！天下毛湘水煮魚，聽取名字也知道是以毛家湘菜方式水煮魚，這魚與川菜水煮方式別就不同，味道也有不一樣，不算太難也不算太濃味，魚肉鮮甜，吃完令人再想再吃！蘋果木茶香煙分乳鴿，上菜時煙燻味十分重，咬上一口乳鴿時，蘋果木茶香味霎時衝擊味蕾，好特別的乳鴿！雞頭紅米杞泡翡翠 - 經過上一輪比較濃味的食物，這一道菜整整調整一下味蕾上的味道！生炒臘味糯米飯 - 這是我今晚最喜愛的主食！吃完一碗又一碗，糯米飯不軟不硬，剛剛好，加上臘味和花生的香味，令這個生炒糯米粉生色不少！最後當然送上happy ending，糖水和水果！淡水是熱辣辣的杏仁蛋白糖水，超級資源及補！…Read More