leetszhin's Profile

餐廳：COZi DELI (觀塘)地址：觀塘偉業街163號悦品海景酒店 ‧ 觀塘地下1號舖Lunch time喺觀塘工業區食嘢，嚟到Hotel COZi樓下嘅COZi DELI，接近下晝一點幾兩點仍然坐滿客人，望落大部份都似喺附近做嘢嘅打工仔，餐廳環境簡約舒適，酒店式餐廳感覺整潔，坐得舒服，啱晒同事飯局或者輕鬆聚會🍽️一如以往，餐廳有set緊喺叫set抵啲，有餐湯有主食又有嘢飲，是日餐湯喺蘑菇忌廉湯，蘑菇香味都算突出🍄‍🟫，忌廉質感滑溜，唔會過膩，暖胃又開胃✝️烤美國安格斯牛肉眼伴燒新薯配蘑菇燒汁 $138牛肉眼唔算好厚切，不過烤到外層微焦🔥，肉質保持到5成熟夠嫩滑，咬落有肉汁💦，鍾意嘅可以配搭蘑菇燒汁或者芥末去令味道更豐富。另外有燒新薯同少少蔬菜伴碟，價錢以酒店餐廳嚟講算合理👌✝️忌廉冬蔭功虎蝦意大利粉 $118呢個組合都幾特別，冬蔭功酸辣味同忌廉融合得幾好🌶️，唔太重口味，反而帶出層次感。虎蝦新鮮彈牙🦐，意粉掛汁度唔錯，每啖都有香料同海鮮香，最重要喺份量夠多，鍾意創意fusion美食嘅人可以一試，見到周圍唔少客人都喺食呢個意粉😋跟餐加$12叫咗杯Dirty同cappuccino☕️，唔想加錢嘅亦可以揀Americano或者茶，而最重要依家餐廳仲做緊以下優惠：✔酒店住客有9折✔12:30pm前離座有85折✔2pm後入座有8折…Read More

餐廳：野豬 (銅鑼灣)地址：銅鑼灣軒尼詩道525號澳門逸園中心9樓野豬一向都喺夜晚先搵食🐗，而且佢哋乜都食，只要喺好嘢就唔會放過。銅鑼灣呢間日式居酒屋開咗接近一年，餐廳秉承咗野豬嘅精神只喺開夜晚時段，加上老闆嘅籃球隊都有野豬呢個名，就索性將餐廳取名為「野豬」，順帶一提9:30pm後餐廳有8折優惠🎉入到餐廳見到型格新派嘅日本居酒屋風格，左手邊喺梳化同餐枱座位，右手邊喺吧枱，可以望住廚師們喺你面前即場炮製一道又一道食物🥘，雖然同隔籬左右嘅食客坐得埋少少🤏，但餐廳播住澎湃嘢音樂令整體氣氛都緩和同輕鬆唔少😎，另外餐廳有兩項野豬大挑戰，贏咗仲可以有全單半價或者Sake送添🍶✝️茄子漬 $38醃漬得啱啱好，鮮味得嚟唔會太鹹，喺唔錯嘅開胃前菜😋✝️鱈魚乾 $48基本上日式居酒屋必食嘅佐酒菜，但呢度整得格外香脆，完全食唔停口😁✝️醬燒平目裙邊 $78左口魚裙邊圍成一圈，經火槍燒過迫出魚油🔥，食落本身爽脆甘甜又肥美，不過配埋酸香醬汁就中和咗魚油嘅油膩感✝️橄欖油檸檬煎蠔 $88將生蠔煎成金黃色🦪，配上檸檬汁同蒜茸，面頭加上大量青蔥，連埋橄欖油同香脆多士一齊食，口感層次豐富而且帶有少少辣香🌶️，相當惹味✝️金文畢芝士配蘋果法包 $138金文畢芝士風味濃郁🧀，芝味出色，烘烤同燒過後中間黃色芝士層變得軟滑，配埋蘋果同法包仲唔喺送酒嘅好選擇？✝️燒明太子翠玉瓜 $30將明太子醬同木魚絲鋪喺厚厚嘅翠玉瓜上面再輕輕燒過，普通嘅翠玉瓜都即刻變得鹹香好味🤤✝️鹽蔥豬五花 $38滿滿嘅蔥花加上帶些少鹽粒嘅五花腩肉，邊個抵擋到呢種油脂同蔥香😎✝️沙薑燒雞頸肉 $40唔講以為自己食緊沙薑雞🤣，唯一唔同嘅喺雞頸肉帶有煙韌口感同鮮香雞味✝️關東煮叫咗福袋($25)、蘿蔔($20)、煙燻小香腸($18)同竹輪($18)，重點唔喺食材，而喺色香味俱全嘅鰹魚高湯✝️黑椒燒牛舌扒 $168餐廳招牌菜式，每日經由師傅先慢煮再燒，外層再coat咗一層黑椒粒，牛舌嘅軟腍程度喺我食過咁多以嚟最出色嘅👍，真心非試不可✝️明太子玉子燒 $78雖然玉子燒未算好嫩滑，但勝在蛋香十足🥚，明太子塞滿喺明太子中間整成夾心層，鹹香味道層次啱啱好最後食埋個迷你柑桔冷素麵($38)同味噌燒飯團($38)，呢一餐夠晒滿足🥰；嘢飲就梗喺唔少得清新解渴嘅蘋果接骨木花茉莉($68)同青檸薄荷梳打($55)啦🍹…Read More

餐廳：蓮香樓 (尖沙咀)地址：尖沙咀金巴利道25號長利商業大廈1樓至2樓相信作為香港人無邊個唔識蓮香樓，早喺1927年，第一代蓮香樓已經喺中環開業，而經歷三代嘅變遷，懷舊嘅茶樓獨特形象依然無變，蓮香樓繼續將幾十年前嘅傳統文化傳承到今時今日🥧繼中環老店之後，尖沙咀分店喺今年5月正式開張，餐廳佔地兩層，佈置依然古色古香，充滿舊式茶居嘅特色，包括木製傢俬、懷舊點心車，仲有開放式小廚見到一籠籠點心，加上24小時營業，難怪除咗本地食客之外，仲吸引到唔少外國遊客😎嘢食未到，先拎點心卡去樓下揀返兩籠靚靚點心，晚市點心一律$48，揀咗一籠有4件嘅蝦餃同燒賣，蝦餃做到皮薄餡靚，鮮蝦肉爽彈滋味；燒賣同樣出色，最重要喺要趁熱食先好食🔥✝️冰鎮花雕豬手 $108一份大概有8-10舊豬手，每隻豬手都炆得好腍，豬皮做到爽口入味，陣陣花雕酒香同蒜香充滿喺每一啖肉當中，喺前菜開胃嘅好選擇🤤✝️鹹蛋花雕燉肉餅 $188雖然我都喺第一次見咁貴嘅肉餅，但當肉餅上枱同食落口就知原來一啲都唔惹少，切開見到幾乎喺出面肉餅嘅兩倍厚度，加上食落唔會得個鹹字，仲有3粒大鹹蛋，加上滿滿嘅蔥，撈飯食真心一流😍✝️蝦子蝦球撈麵 $128講到特色又點可以唔講呢個人氣主食？將彈牙嘅粗麵飛水，再撈埋蠔油同其他調味料，加上滿滿嘅蝦子同提升口感嘅香蔥絲同芽菜，最後仲有幾舊大蝦球🦐，簡單得嚟相當惹味，食唔停口…Read More

餐廳：千海水產海鮮火鍋放題 (九龍灣)地址：九龍灣牛頭角道77號淘大商場3期2樓S154, S162及S155-S158號舖可以話喺我近幾年去過性價比最高嘅一間火鍋放題店——千海水產海鮮火鍋放題，平日嘅午市火鍋放題只需要$298，就可以由12pm食到4pm食足4個鐘，食物、甜品同飲品嘅種類真喺多到令人喜出望外🤩一入門口就見到自助撈海鮮區，十幾款生猛海鮮無限任你食，店員仲不停補貨唔使驚會俾人拎晒冇得食，當中有大頭蝦🦐、美國蜆、沙白、鮑魚、三點蟹🦀、花甲等，蟹同鮑魚會由店員即場幫你處理好先俾你拎返埋位煮嚟食，夠晒貼心💕餐廳佔地幾千呎相當大，就連等候區都可以坐到十幾廿個人，仲有糖果同朱古力俾你食住等位🍬，當然唔想等嘅就記得早啲訂位喇，因為呢度都幾多人過嚟幫襯🔥坐低之後就scan QR code揀湯底，9款選擇各有不同，而我就揀咗鮮香味十足嘅龍蝦頭湯🦞，肉類有4款可以揀，分別有美國牛肩胛、澳洲M5和牛、澳洲羊肉同美國豬梅肉🐷，肉質都幾新鮮唔喺雪藏肉，我尤其鍾意和牛同羊肉嘅羶香🤤燒物熟食嘅選擇亦唔少，鹽燒牛舌、鐵板鵝肝多士、燒香草羊胺、皇牌燒乳鴿王，聽個名都知唔可以唔食😎，基本上叫得嘅嘢食都喺即叫即整，所以食嘅時候仲喺熱辣辣😋自助吧劃分咗火鍋配料區、熟食區、甜品區、前菜區、生果區、飲品區；必食推介有生蠔🦪、花膠、魚肚、象拔蚌片，不得不提嘅又點少得從未見過嘅蛇羹同綿綿蟹粥？仲有蝦餃、燒賣、小籠包，款式之多真喺想每款試勻都試唔晒😂甜品方面就必食滋補養顏嘅海燕窩椰汁燉木瓜同人氣烤榴槤，食多幾舊都即刻回本，仲未數到十幾廿款自製甜品、涼粉、軟雪糕🍦，同任你食嘅Häagen-Dazs雪糕；最後飲埋自家製港式奶茶、青檸汁，清酒🍶、梅酒、白酒、燒酒、啤酒同樣任飲唔嬲🍻，真心可以飲飽食醉捧住個大肚腩返屋企🫃順帶一提，千海水產仲有會員制度，無論做基本會員定喺消費滿$3000成為星級會員，都一樣有大把着數等你攞，鍾意食火鍋放題嘅你千祈唔好錯過喇😍…Read More

餐廳：in:joi (灣仔)地址：灣仔皇后大道東141-145號恆山中心地舖香港寸金尺土，好多餐廳都冇乜空間感，最近經過灣仔皇后大道東呢間IG-able Cafe——in:joi ，比佢哋嘅裝修設計所吸引咗而入去🤩打破傳統餐廳格局，喺門口已經見到in:joi擁有樓梯級座位，可以俾人坐喺梯級上食嘢飲咖啡☕️，顯然同出面灣仔鬧市形成對比，坐喺度零舍悠閒，梯級上仲有一隻巨型熊啤啤陪你打卡影相📸，一個人嚟都唔怕冇人陪啦🐻，唯一注意喺著短裙嘅女士要小心走光⚠️。上完樓梯仲有卡位同圓桌座位，餐廳行簡約風以白色同淺藍色為主調，有一種藍天白雲同光鮮嘅感覺☀️✝️香烤嫩牛排沙律 $128牛排控注意‼️，多汁帶有濃郁肉香又軟嫩嘅牛排條🥩，配埋新鮮沙律菜🥗、蕃茄、青瓜同紅洋蔥🧅，淋上特製醬汁，清新有層次，食完一啲負擔都冇😛✝️手工日本山藥雞肉丸焗意粉 $128呢款焗意粉好有心思💯，自家製雞肉丸有6粒，當中加入日本山藥，口感嫩滑有雞肉香，再配上香濃番茄醬同芝士焗粗管麵，雖然個人覺得鹹咗少少，但勝在有拉絲而且香味撲鼻，食落超滿足😌✝️黑碳雙層芝士貝果 $48芝士控必試🧀，竹炭bagel夾住熱溶馬蘇里拉同車打芝士🥯，鹹香濃郁熱辣辣，口感煙韌軟熟，配咖啡一流👍✝️港式奶茶焦糖燉蛋 $88甜品時間到🍮，港式奶茶融入法式燉蛋，敲碎脆脆焦糖面，就品嚐到淡淡奶茶香、用新紀元卵製成嘅燉蛋，入口綿綿即融，蛋香濃厚🥚，另外仲有一球幼滑嘅豆腐味雪糕🍨✝️Cappuccino $44用咗House-blend 咖啡豆，喺三個唔同國家嘅混合豆，有靚靚嘅拉花之外，有層次嘅Nutty風味加上奶泡嘅綿密細膩令人沒齒難忘🥳…Read More

餐廳：雲南啊老表黑山羊湯鍋米線 (觀塘)地址：觀塘康寧道55號康寧閣地下10-12號舖記得中學時期，lunch time最鍾意過嚟康寧道呢度嘅茶餐廳同大排檔食飯🥢，事過境遷，再經過呢頭餐廳都已經唔同晒，今次去咗呢間好耐之前喺觀塘廣場食過嘅雲南啊老表黑山羊湯鍋米線 ，佢哋嘅雲南黑山羊肉真心出名同好食🐐，食過嘅人就知喺會上癮😍入座後店員相當熱情好客，喺閑談之中知道呢間分店唔經唔覺開咗3年，仲日積月累成為咗唔少街坊嘅飯堂🍜，店入面好多嘢都喺自家製，仲有唔少材料喺雲南特有，要喺度先品嚐得到，例如羊鍋骨、煎半脖、羊尾、家鄉豆腐等，未試過嘅人真喺要試吓😌✝️羊肉細碗米線 $58呢度最出名嘅羊肉米線唔可以唔試，有細碗同大碗(+$10)比你揀，但細碗已經比某連鎖米線專門店嘅米線份量多😂，就算我平時咁大食，食完都覺得有啲飽。湯底用羊骨熬製，未食羊肉已經品嚐到湯底同米線有陣陣羊羶香😼，所用嘅雲南黑山羊肉肥瘦均勻軟嫩唔痴牙，肉嘅份量亦都好多，酸辣湯底另加$1，米線嘅軟硬程度啱啱好，加埋獨特嘅配料一食即刻愛上😋✝️羊肉串 $19一客有2串，餐廳揀咗羊背脊肉，肉質特別軟嫩，油脂分佈均勻，食落口感香濃唔會太膩，喺整羊肉串嘅上乘選擇👍✝️燒羊尾 $6咁平又點可以唔試？人生第一次食，本身睇相以為好細條，點知仲大過一隻雞全翼，拎上手熱辣辣🔥，未食已經聞到濃郁香料同羊羶味，羊尾骨旁邊依附住啲羊肉同脂肪，口感羊脂香非常突出，鍾意食肥膩少少嘅人就啱晒🤓✝️家鄉豆腐 $13自家發酵嘅豆腐，外層微微香脆，內裡豆腐非常嫩滑，豆香出眾🤩，面頭仲有少少辣椒豐富咗整體味道⬆️，喺必食推介❗️加$9叫咗杯奶茶同咖啡☕️，特別一提呢度啲奶茶喺人手絲襪沖拉，所用嘅紅茶喺當初佢哋由200幾款茶葉挑選出嚟🌱，茶同奶嘅平衡加上極致嘅幼滑，確實令人回味😚…Read More

餐廳：泫居酒屋 (九龍城)城址：九龍城太子道西426號地舖香港盛行日式文化🇯🇵，因為香港人熱愛日本嘅程度真喺好高，而日式料理餐廳更加開到成行成市🏮，唔知你心目中又有無邊間一試難忘嘅日本餐廳即刻浮現喺腦海中呢💭九龍城算喺近年比較多變化嘅一個地區，尤其自從啟德發展項目一浪接一浪咁完成之後，更加帶動多咗九龍城嘅人流，最近就行經呢間開咗4年有多嘅日式爐端燒居酒屋——泫居酒屋 ，喺餐廳門口見到佢哋逢星期一到日都有午市定食，而醫管局員工出示證件仲有9折優惠，作為一份子嘅我就緊喺唔會錯過呢啲優惠啦😏行入餐廳見到典型嘅日式居酒屋風格設計，牆上有啲栩栩如生嘅藝術作品，仲有時令推介食物比你選擇🍢，當中緊喺唔少得基本上每日都新鮮到店嘅飛機貨，餐廳秉承住寧願丟都唔賣唔新鮮海鮮刺身嘅堅持✊，務求保持高質素嘅水準👍今次叫咗兩個午市定食，分別喺汁燒牛肉丼($98)同off menu時令鯛魚刺身丼($128)。前者牛肉用咗自家秘製汁燒，牛肉肥瘦均勻，醬汁一啲都唔鹹膩，能夠充分咁突顯返牛肉本身嘅羶香🐮，加上流心溫泉蛋、洋蔥、芝麻同蔥香，每一啖都充滿經典牛肉風味；平時食鯛魚刺身都喺就咁蘸酸汁，呢個丼飯嘅鯛魚就加埋京蔥、芝麻、香蔥，食落層次豐富，鮮味大大提升，但喺又唔會蓋過鯛魚嘅獨特鮮香😋定食除咗丼飯之外再配埋田園沙律🥗、昆布麵豉湯同茶碗蒸，茶碗蒸裡面有豐富嘅雞肉、冬菇同銀杏，食完都幾飽肚，唔夠亦都可以喺All Day Menu裡面叫啲小食、串燒、刺身同壽司🍣…Read More

餐廳：翹楚冰室 (觀塘)地址：觀塘成業街11號華成工商中心地下2號舖最近返教會lunch time食飯見到呢間新開半年嘅翹楚冰室，估唔到食物質素又幾唔錯，無論早午晚定下午茶都有好多選擇，而且價錢一啲都唔貴，之前食過佢哋嘅午餐，今次下午茶時間再過嚟坐下hea吓醫吓肚仔😋呢間餐廳喺觀塘成業街，星期一至日都咁多人，因為餐廳真喺超大，足足好幾千呎近百個座位，而大部份座位都喺卡位，夠晒闊落非常好坐，想喺度傾吓偈坐耐少少都無問題😙冰室嘅下午茶由2:30pm做到6pm，接近5點幾近6點過嚟食返幾個下午茶餐當晚餐就最抵😝，例如晚市燒味三款餸要$85，而下午茶四寶飯都只喺$46，當然四寶飯就無得比你揀咩燒味，但以價錢嚟講就真喺抵到爛✝️燒味四寶飯 $46由經典嘅4款燒味食材組成：鹹蛋、紅腸、油雞同燒腩仔，特別一讚燒腩仔皮脆肉香嫩，而且一啲都唔肥膩，仲要無骨啖啖肉，雖然油雞就無乜肉，但整體份量唔少，除咗鹹蛋之外每樣都有4-5嚿，識食緊喺撈埋薑蔥油一齊食，呢個先喺食燒味飯嘅精髓😎✝️招牌豬扒包配田園沙律 $42計我話喺可以拍得上澳門豬扒包嘅質素，將豬扒包預先切開咗一半，食起上嚟非常方便唔會鬆散，法包外鬆脆內鬆軟🥖，豬扒帶少少肉汁，煎香過食起上嚟更香嫩，另外再配沙律或者薯角，絕對唔使怕唔夠食✝️雪山西多士 $42極邪惡但喺完全食唔停口嘅港式西多士，熱辣辣充滿蛋香嘅西多士夠晒厚身，兩層多士中間夾住經典濃郁嘅花生醬🥜，面頭仲帶忌廉同朱古力醬取代咗糖漿🍯，每啖都有豐腴嘅滋味🤤下午茶配特飲要加少少錢，叫咗個香港人一定識嘅雪山紅豆冰(+$11)同雜果賓治(+$9)，2個人接近晚市時間叫3個下午茶餐再加2杯特飲，人均都喺60幾蚊，仲要食到超級飽，咁樣食法真喺好抵🤩…Read More

餐廳：不苦 (深水埗)地址：深水埗楓樹街5A號地舖 雖則大家都知深水埗一帶有好多消遣打卡一流嘅網紅咖啡店同Cafe，但每次返團契經過深水埗呢間型到爆嘅Cafe——不苦都會俾佢吸引到🤩，除咗因為喺正楓樹街同大南街交界，接近傍晚日落時份Cafe更加好似成為黑暗角落中嘅一點光明咁特別搶眼💡原來Cafe已經開咗3️⃣年，今年年初仲喺鰂魚涌開咗分店，為嘅都喺想比香港人有一啲「Buffer」，可以喺壓抑同繁忙之中得到一啲relax同chill嘅空間同時間☺️，坐低落嚟嘆番杯精品靚啡、西日式料理同自家製甜品🍮✝️Buff全日早餐 $138呢個All Day Breakfast大部份食物同出面都好唔同，有楓糖窩夫🧇、照燒雞扒、慕尼黑香腸、薯餅、牛奶炒蛋同沙律🥗。雖然食物種類唔多，但質素都唔錯：外脆內鬆軟嘅窩夫加上香甜嘅楓糖漿好食到停唔到口；雞扒預先切開一件件，燒香後加上照燒汁，肉香突出而且唔會好嚡；牛奶炒蛋賣相好靚，形狀好似一個漩渦咁，食落夠晒嫩滑✝️香煎海蝦辣蕃茄汁粗管通粉 $128我覺得食意粉配蕃茄汁幾時都喺咁無敵，而餐廳秘製嘅呢個微辣蕃茄汁就更加有層次同驚喜🍅，甜辣交集嘅滋味加上掛汁而且帶有Al Dente口感嘅粗管通粉無得輸，面頭仲放咗三隻煎過嘅海蝦同小菜苗🦐，簡單而惹味👍嚟呢度唔可以唔試佢哋自家製嘅甜品🍰，Homemade tiramisu($68)賣相吸引😍，加埋細緻分層嘅texture同濃而不膩嘅Mascarpone cheese同espresso香，難怪咁多人叫嚟食😌；Earl grey cheesecake($68)比較細件，不過輕輕厚實濕潤嘅質地食完之後又幾飽肚，伯爵茶同芝士香味夠balance又夠夾，確實唔錯😌順帶一提，星期一至五平日下晝3pm-6:30pm食甜品，可以用半價換購酒精以外飲品一杯，變相飲杯咖啡都喺廿幾蚊🤑，分別叫咗杯Nutty flavor嘅Cappuccino($21)同Dirty($23)。而除咗House-blend嘅本地烘焙豆，不苦每個月仲會提供嚟自世界唔同產地嘅單品咖啡豆(SOE)，飲完覺得鍾意仲可以將呢啲期間限定嘅咖啡豆買返屋企㗎🤓…Read More

餐廳：上海新大眾大閘蟹專門店 (黃大仙)地址：黃大仙飛鳳街46號地舖最近去咗東南亞旅行半個月，一返到香港除咗掛住港式茶餐廳之外，就喺打邊爐同放題😋，而咁啱就比我喺黃大仙搵到間性價比極高、晚晚都坐爆棚嘅放題餐廳——上海新大眾大閘蟹專門店，星期一至四平日最平$98加$10醬料費同加一服務費就食到90分鐘放題，而我今次就叫咗最貴嘅$168「極享受」120分鐘放題，就算我星期日去食埋單都喺$218一個人，真心抵到爛😍原來餐廳開咗8年，前排仲喺同區開埋分店，本身主打大閘蟹🦀，最近新推出咗放題，有齊雞煲、羊腩煲、烤魚、火鍋、串燒、炸物、一品料理，同最特別嘅蟹粉同鵝肝菜式任食🤤，仲有幾十款啤酒汽水同韓國飲品任飲🍺，而四個人以上訂座指定套餐仲送龍蝦鮑魚海鮮拼盤，難怪晚晚都大排長龍，唔訂位我諗都真喺無機會食得到😂坐低無耐先叫咗個奇味雞煲，喺印尼峇里島食完嚡熠熠嘅雞肉，返到嚟就食到嫩滑惹味嘅鮮雞件真喺一大樂事🐔，雞嘅份量都幾多，本身諗住食埋羊腩煲最後都費事怕食唔晒所以無叫到，邊食雞煲嘅同時就喺點餐紙叫咗一堆串燒同蟹粉美食嗌咗牛肉串、炭燒雞腿肉、燒雞腎同羊肉串🍢，串燒偏向濃味同埋加咗孜然粉，放入口依然熱辣辣🔥，食完最啱飲返罐生百事可樂解渴同消吓氣🥤。蟹粉小籠包充滿肉香同肉汁，不過唔喺好食到蟹粉，反而蟹粉扒時蔬同瀑布蟹黃金撈麵就比到我好大驚喜，蟹粉新鮮而且夠多，食落每啖都有滿滿嘅蟹粉香味，仲要真材實料因為我食到一粒仔蟹殼😂，可惜太飽無機會試埋蟹黃鵝肝炒飯，決定下次一定要過嚟試吓值得一讚嘅喺炸物一啲都唔馬虎，食咗個黃金炸饅頭同吉列廣島蠔，兩款都喺即叫即炸，入口鬆脆香口，廣島蠔仲要爆汁💦，平時鍾意食炸嘢嘅人，一定要叫返一兩樣嚟試吓👍雖然環境細細，座位之間有啲逼夾，但我食完之後終於知道點解呢度每晚都咁多人幫襯😎…Read More

餐廳：晴空日本料理 (尖沙咀)地址：尖沙咀金巴利街8號地下1號舖今晚想同好友、閨蜜甚至另一半食日本菜？尖沙咀呢間晴空日本料理嘅「晴空二人套餐」相信喺個唔錯嘅選擇😎仲記得之前喺網路溫度計DailyView嘅2025香港廚師發辦熱門餐廳Top10當中見到呢間餐廳，佢哋開咗就快五年，人氣依然相當旺盛🔥，為嘅都喺想品嚐呢度精緻嘅日本美食行入餐廳見到唔少的骰佈置，例如牆上可愛嘅晴空小貓咪🐈，懸掛喺天花嘅一團團白雲燈飾☁️，仲有日式飲料販賣機同埋懷舊遊戲機等，每一個角落都值得你望多兩眼欣賞吓🤩今次叫咗佢哋原價$1,098嘅二人套餐體驗，依家做緊周年優惠只需要$898，就有九道菜，包括高知県產鰹魚沙律🥗、日本漬物三點、唐揚日本雞軟骨、刺身四款、壽司八件🍣、串燒四川🍢、美國安格斯牛扒🥩、湯同甜品，款式算多，而且賣相吸引😍，加上所有食材即叫即整，食落新鮮有溫度，唯一上菜有少少快，食得比較趕急同容易攤凍相信無人會反對呢個套餐由頭到尾都喺視覺同味覺嘅享受，例如高知縣鰹魚沙律嘅鰹魚香氣濃郁，食落清新開胃🤤，雞軟骨夠晒香脆可口，而刺身同壽司當然喺全晚焦點，拖羅、鰤魚、赤蝦、三文魚，每件都厚切新鮮，壽司部分更加驚喜，8 件手握包括海膽、拖羅、帆立貝等，唔時令都唔會比你食，加上咁啱朋友生日，提早同餐廳講仲有Birthday牌擺盤，影相完全唔需要filter📸再嚟串燒拼盤，分別有雞肉、豬頸肉、冬菇同秋葵，香料唔會太過多蓋過食物嘅原味，特別一讚豬頸肉爽嫩充滿肉香，好食到停唔到口🤤；和食有美國安格斯牛扒🥩，雖然份量唔算太多但肉嘅熟成程度啱啱好，配埋和風醬汁完美收尾；最後仲有湯同甜品——忌廉卷蛋，甜而不膩，如果個餐包埋杯飲品就perfect🤣，不過店員都好好不停幫我哋斟熱茶🍵…Read More

餐廳：Santa Monica Cantina (中環)地址：中環些利街9號地舖喺中環半山電梯附近，有間開咗1年有多嘅墨西哥餐館——Santa Monica Cantina🇲🇽，行過比佢夠Chill嘅vibe吸引咗而去食lunch🍽️，佢哋主打加州墨西哥菜，嚟到唔可以唔試佢哋嘅特色美食——墨西哥捲餅(Burrito)同夾餅(Taco)🌯，仲有各式各樣嘅燒烤美食🔥，鍾意飲返兩杯嘅呢度仲有好多酒精飲品俾你選擇🍸餐廳有兩層，地下嘅格局好似一間酒吧餐廳🍴，有Bar枱亦有卡位，播住啲勁正嘅Pop music🎶 ，而樓上就可以搞私人party，仲有梳化同電視，聽店員講佢哋每個星期都會喺度搞Dance party💃，搞到我都想去join吓😍✝️Ceviche $138鮮甜大蝦用青檸汁醃製🦐，融合番茄🍅、洋蔥、香菜同牛油果嘅清新滋味🥑，配上即烤香脆可口嘅粟米片，一啖接一啖，停唔到口😋✝️Surf & Turf Tacos $158鮮嫩牛扒肉粒配上香烤大蝦🥩，再加上香料、牛油果醬、酸忌廉同墨西哥莎莎醬，啖啖肉而且味道層次豐富，絕對喺派對必備😜，仲要因為好多肉嘅關係食完有啲飽肚✝️Santa Monica Chop Salad $158香烤雞肉配上脆口煙肉🥓、牛油果、烤甜粟米🌽、熟成番茄、青瓜🥒、Feta cheese🧀、椰菜同沙律菜🥗，營養滿分又好味，健康又滿足，鍾意嘅仲可以撈埋蜜糖芥末醬一齊食，咁就冇咁單調👍今晚分別叫咗杯Lemonade($58)同Mocktail Blueberry Lemonade($68)🍹，全部都喺由檸檬鮮榨🍋，有清新檸檬香之餘，後者仲有新鮮藍莓肉🫐，解膩又夠fresh✨順帶一提，全餐都由店員呀Mae招待，好傾得仲好好service，值得一讚👏…Read More

餐廳：雲吞仔 (尖沙咀)地址：尖沙咀赫德道1-3號利威商業大廈地下3號舖除咗茶餐廳之外，我平時比較多會去嘅就喺粉麵舖，皆因我鍾意佢哋大份夾抵食，可以慳住荷包之餘，又可以醫飽肚仔😋最近行過尖沙咀見到呢間10月10號先正式開張嘅雲吞仔，門口仲有唔少花牌🌺，原來老闆想繼承返老竇多年前嘅生意，延續以前喺觀塘吸引咗唔少捧場客嘅生招牌，希望憑住自己嘅創意同革新可以打出一片新天地✨餐廳環境以六七十年代嘅香港做背景🇭🇰，懷舊嘅設計，包括霓虹燈牌、紅膠櫈、木製圓枱、天花吊燈等，好有情懷特色🤩雲吞仔主打港式粉麵，有河粉、米粉同粗幼麵比你揀🍜，而主食就有三款高質素食材：招牌虎蝦雲吞、陳皮鯪魚球同新鮮騸牯牛肉，全部食材都喺餐廳每日新鮮自己整👍，湯底更加熬足10個鐘，務求精益求精，提供最高質嘅港式粉麵比每一位食客你可以揀單拼($38)、雙拼($46)或者三拼($54)，識食就緊喺三樣都要啦😋，騸牯牛肉肉質鮮嫩，油脂唔多而且分布均勻，肉味濃郁帶有甘香；鯪魚球夠晒大嚿，夠彈牙而且一啲都唔腥，仲有陣陣陳皮同蔥香；呢度嘅雲吞一定要食，同出面餐廳唔同，佢哋所用嘅喺虎蝦🦐，咬開見到勁多蝦肉，相當足料飽滿😎。鍾意蝦香味嘅仲可以加蝦籽(+$8)，鍾意食辣就可以試埋餐廳自家製嘅辣油🌶️，各有千秋另外叫咗碟都幾新鮮嘅菜芯🥬($20)，飲品就嗌咗低糖豆漿($9)同無糖可口可樂($9)，雖然雲吞仔唔多嘢食揀，但性價比都真喺幾高😌…Read More

餐廳：Pho Home (旺角)地址：旺角砵蘭街185號地舖旺角砵蘭街嘅餐廳，相信喺朗豪坊以外比較平價嘅選擇，今次去咗呢間開咗兩個月嘅Pho Home，喺我8月去完越南胡志明市之後再次食越南菜🇻🇳，雖然喺越南當地食嘢真喺平好多，但原來喺呢度食都真心唔貴😍Pho Home每日下晝2:30pm到6pm都有下午茶優惠，仲要全日免加一，一碗Pho最平40幾蚊就食到，仲要餐廳由廚師到樓面都喺越南人，做到真正越南原味道，佢哋有啲仲要識講廣東話，加上老闆娘超級Nice又熱情，當呢度喺飯堂都真喺幾唔錯😌✝️海防地道蕃茄蟹膏札肉湯檬粉 $68餐廳有唔少原材料例如香料同扎肉都喺嚟自越南，呢碗檬粉相當足料，有蝦🦐、軟殼蟹🦀、帶軟骨嘅札肉、肉碎、蕃茄等，加上秘製嘅蕃茄蟹膏濃湯，鮮而不膩，酸甜開胃🤤，嚟度真心要試試呢碗海防嘅地道檬粉✝️招牌手切牛柳河粉 $88手切牛柳半生熟，份量一啲都唔少，慢慢被熱湯煮熟後放入口食啱啱好，鮮嫩得嚟有咬口，配埋爽彈夠肉香嘅牛丸喺牛魔王嘅雙殺👍，河粉唔會好削，另外仲有一碟油炸鬼比你浸落湯到食過吓口癮🤪✝️西貢法包拼盤 $65呢個法包大推🥖！即叫即烘嘅法包，夾住滿滿嘅扎肉、香茅烤豬肉、肉鬆同生菜🥬，當中用咗肝醬同蛋黃醬增添咗層次感同鮮味，超鬆脆嘅法包加上惹味嘅豬肉令人食唔停口，最重要喺法包勁大個，如果一個人自己食嘅話都應該幾飽肚最後加$10飲埋呢杯清甜有唔少熱情果粒嘅梳打🍹，冰涼解渴，呢餐好滿足🥰…Read More

餐廳：New York Cut (中環)地址：中環皇后大道中80號H Queen’s 2樓今次介紹呢間餐廳嘅目的，喺想召集一眾鍾意食牛扒同意粉嘅愛好者🥩，如果自問喺大胃王嘅你，就更加唔可以錯過😎，因為呢間中環扒房喺有得任點任食靚牛扒、意粉同紅白酒嘅New York Cut呢間扒房開咗接近2年，行入餐廳感覺去咗美國摩登餐館咁，以黑白啡為主嘅色調，牆上掛住瑪麗蓮夢露、用多張100蚊美金砌成嘅裝飾，加上酒櫃同開放式廚房，仲有落地大玻璃望到中環中心嘅街景，比你頓時享受到紙醉金迷嘅滋味🥳今次Weekend過嚟食佢哋星期六日先有嘅Brunch Menu，只需要$458加一就有前菜、任食牛扒、任食兩款意粉同90分鐘任飲紅白酒🍷，臨走之前仲有甜品食，更加重要嘅喺第3位可以享受半價優惠😍坐低無耐先揀咗前菜，我哋分別要咗個意大利雜菜湯同牛肉他他，前者都幾足料，有齊薯仔、洋蔥、紅蘿蔔、牛肉等材料；牛肉他他用咗澳洲牛肉去整，加上新鮮流心蛋黃同醃料，酸酸鹹鹹幾開胃，而且一啲腥味都無(PS親身證實食完之後第二日無肚痛😆)之後就到兩款任食Pasta——Pomodoro Penne同A.O.P. Chitarra，Pomodoro Penne用咗蕃茄醬同Mozzarella cheese烹調而成，唔好睇好似好簡單，當中番茄醬嘅酸甜度🍅、醬汁嘅濃稠度同芝士嘅多少比例掌握都好緊要，用埋鎖汁一流嘅長通粉更加品嚐到醬汁嘅精髓😋；A.O.P. Chitarra就喺意大利粉經典中嘅經典，大蒜🧄、橄欖油同辣椒嘅配搭，令結他麵色、香、味俱全，做到油而不膩，好啱大眾口味呢餐嘅重頭戲緊喺無得輸嘅無限量New York Strip🥩，餐廳用咗特製炭爐，自帶抽風系統同恆溫功能，加上360度烤焗♨️，令牛扒表面每一個位置都被炭火燒得焦香好均勻，用嘅喺牛隻嘅前腰脊部位Striploin，因為運動量較多，肉質較為結實，但邊邊位不失脂肪嘅羶香，每塊牛扒都足料大塊有接近3-4cm厚，肉汁豐富而且肉香味濃，出面食一塊咁厚咁多肉咁高質嘅牛扒起碼都三四百蚊，店員話最高紀錄有人挑戰食5塊，唔知你又食到幾多塊呢😏？最後嘅甜品喺北海道牛奶雪糕🍦，估唔到幾有驚喜，奶滑濃香夠軟綿綿，一啲都唔馬虎👏順帶一提，New York Cut平日嘅Lunch set $198起就食到，晚市$498仲有齊4 Course Menu，加上不時會轉餐牌，包你不時有驚喜🎉，依家晚市仲做緊2選1優惠：一喺揀第2位減$100/4人同行1人免費，一喺揀8:30pm後訂座有正價餐牌65折優惠，今時今日以中環區嚟講真心抵食🤩，食完飯仲可以去餐廳後面嘅小酒吧Mona同知心好友摸吓酒杯底傾吓偈添🍸…Read More