webbwong's Profile

應該也吃了4-5年、間中也會與媽媽一起去吃、當是一個週末的節目。在元朗逛一逛買一些東西，吃完餃子就回家、我向來吃煎餃、媽媽會吃湯餃、吃完也會買一些生餃子回家自己煮。但最近一次和媽媽去吃、媽媽喝了一啖湯之後就很失望、已經不再是從前的湯底。沒了葛的味道、喝過之後也很口渴。希望你們能夠做回以前的湯底、而餃子就和以前一樣沒有分別、做得不錯。以前的老闆娘也不見了、可能已經轉手了。媽媽說以後也不要帶他去、以後就少了一個和媽媽週末的節目…Read More

25/12跟媽媽一起去食晚飯、看煙火、因為係有煙火睇所以只可叫set,價錢當然不是平、由880起、但你唔想同人迫、又舒服地睇煙火當然這個價是值得比。因為諗住有煙火睇、所以我本身對食物就冇乜要求、但tasting menu入面有幾個餸係ok的、花膠湯、啲花膠厚嘅係好味嘅。鮑魚、係夠林嘅、其他就正常啦、不過個甜品就唔係好得。但服務員係好有禮、對我媽媽好細心、輪椅都幫手開埋。聖誕留港支持下本地消費！其實個場唔係好爆、而家係香港消費最好、起碼唔洗迫。如果下次去M+都會再幫襯。…Read More

我都係Klook book 左特價$563嘅自助晚餐、買左之後我就睇左好多負評、又話龍蝦得一轉、cheese cake得一個、好多好多不愉快嘅用餐體驗！咁我諗住死硬、點知嚟到又冇想像中咁差、其實而家星期日$563.1個晚餐、你想點啊？龍蝦真係唔係得一轉喎不停有拎出黎、cheese cake 去到10:15都出多個全晚有3-4個、overall 冇拎唔到嘅嘢食、只不過質素同食物種類就真不過不失、冇乜係特別特出。有一樣雪糕係好味嘅！可能文華東方嘅光環太大、令大家覺得所有野都要超越完美才是理所當然。總結我覺得特價食係ok, 如果原價就唔ok la。順便一提、現場人手不足都幾誇張、但啲staff都唔係冇禮貌、做到都會做比你。…Read More

平時經過開個門口都唔係太吸引、但唔知點解今日無啦啦衝左入嚟食。入到門口個氣氛係唔錯好熱鬧、有十幾20年前日本居酒屋嘅氣氛。首先佢會有一疊前菜係人都會放上枱$23一碟、我諗應該可以拒絕佢拎過嚟、因為味道一般過一半。之後我哋就叫咗燒雞翼$68、燒油甘魚鮫喺出邊食開燒油甘魚鮫、燒嘅時候應該家常醬汁一齊燒、增加嘢未、但係呢度就完全冇調味。蔥碎吞拿魚腩青瓜卷$90三文魚炸軟殼蟹卷$90 泡菜炒豬肉$68其實細碟到爆炸自家製梅酒$58應該係全餐飯最好味嘅嘢炸天婦羅$108個天婦羅本身唔夠脆口、而炸嘅食物質素亦一般。總結而言，食咗八百幾蚊、其實真係唔抵食。而且個味道真係平平、因為日本人主理、所以對這類的味道完全失望。但相反樓面嘅氣氛十分熱鬧、如果你要找尋美食、這裏應該不是你應該選擇的。…Read More

而家好多小食店都翻炸、連大餐廳都係翻炸。咬落已經唔想食、見到佢寫住生炸所以立即試、$30其實ok、因為香港啲嘢真係好L貴。咬一啖、oh!佢真係生炸雞脾、堅持要耐少少都要炸好佢、用心炸、好味😋！雖然香港人一向都係好心急、但亦都會為左食好嘢而等下、8分鐘等一隻生炸雞脾、我覺得都係reasonable!另外佢啲炸魷魚鬚、蠔餅都係有水準、好食過廟街好多鋪頭、希望你哋可以保持落去、而且又賺到錢！我會不時支持下！…Read More

朋友話佢個friend食過話好味！所以狂叫我去試。過日本身已經好肚餓於是3個人衝入去、叫野食！「災難級服務」員工發夢唔知自己做緊乜！當日本身客人唔係好多、我估計5-6成、但係漏單同埋上菜嘅速度真係令人咋舌、叫一碟手切牛小排（$328）可以等半粒鐘、叫一支竹蔗茅根水（$68）等20分鐘、其實全部都係唔使煮㗎、點解要咁耐呢！「災難級味道」當日叫咗花椒魚頭美蛙鋦（$268）、魚頭比較腥、美蛙得4舊、其中兩舊係身、咁你估到有幾多嘢食啦！另外湘味串串（$108）完全是災難級的登峰造極境界、完全冇味、食材亦10分敷衍、佢話係有鮑魚、但係粒鮑魚係細過一毫子！「災難級挑戰」如果你認真要挑戰自己的忍耐能力、或者你想找尋另一間伏王之王、呢度會係你不錯嘅選擇！…Read More

西班牙係一個開心嘅地方、食嘢正👍🏻買嘢👍🏻唔知幾時先有得再去！西班牙火腿直頭係佢飲食文化嘅瑰寶。香港就賣得好貴、喺西班牙就好似當魚蛋燒賣咁喺街邊賣、真係好掛住你呀🤣今日既然有coupon就入去食吓、但係就唔係食火腿啦。其實間餐廳好細、個餐牌選擇不多、我本身因為你有個地中海紅蝦嘅拉麵所以入嚟、但係就賣晒、所以我就選擇咗龍蝦拉麵（其實有啲怪、因為西班牙係唔會攞嚟做拉麵）、另外就揀咗個大蜆。首先講吓個蒜蓉大蜆其實個蜆係好有鮮味、但係個蜆殼爛咗、進食時候就比較困難、食到我成頭都係蜆殼嘅碎片、除咗這個問題、味道係OK嘅。另外一提、佢碟野上面綠色嘅配菜、其實我唔知食唔食得、因為真係好硬、硬到一個點、所以我覺得係唔可以食、換咗佢會好啲！另外一個龍蝦拉麵$278蚊、其實個湯底好濃、好味！好味過一幻好多、佢哋轉左用烏冬麵、更加入味👍🏻、但係龍蝦🦞就一般、始終唔係新鮮野、但$278蚊又真係好難有新鮮龍蝦比你食、所以算做得好架啦。另外再加上可以用$200 coupon 所以今餐係滿意嘅🥰。…Read More

22/12/2021 14:45基本每日都會去買一個飯團當lunch 今日去買飯團比錢時、已經放左銀包係八達通機前比錢、但又扣唔到、我問係咪扣左？佢話㩒錯左比現金、可否比現金啊？我話你取消左佢再轉八達通咪得Lor 之後幾秒內改完比八達通比完錢、食得。加佢小小黑我面。其實一件小事、但就睇出什麼以客為先。十幾蚊一件飯團🍙⋯⋯你係咪要求咁多啊？但而家做服務業的確差左好多！希望大家做服務業、其實係一個專業、希望專重自己做緊嘅職業💪🏻…Read More

日日經過都排隊、5:00冇人排、點都試一試！一入去係用電話scan QR code order 但個位唔太收到電話、所以load得好慢、佢個舖本身有Wi-Fi 提供、但個PW勁長所以對於我呢啲懶人都係慢慢load. 叫咗一個漢堡扒蛋包飯、個漢堡扒就一般冇特別而且有啲乾身好實、個蛋包飯都ok ge 煎得幾好、單張入邊有少少海鮮粒（我估應該係帆立貝嗰啲）有啲鮮味嘅、唔係用勁cheap嘅料。但係個汁唔多夠、如果有咖喱汁就更好（因為我開頭以為咖喱汁、原來係肉汁。其實個賣相係靚嘅、但味道就ok la 冇乜驚喜！我覺得我會再黎、但等冇人排隊先啦！…Read More

點解唔係好想寫佢食評？一陣寫紅左佢我就好難再book到位🤔（自私食係列）首先我要定義一下餐廳嘅收費！服務+環境+食物賣相+味道=收費「服務」我覺得這裏的侍應服務夠勤力、又醒目。其實餐廳夠人手不代表好服務！這裡的服務員會觀察客人的需要、係你未出聲之前就已經會為你準備好你想要嘅服務、醒目👍🏻👍🏻👍🏻👍🏻👍🏻「環境」簡潔、其實成個環境十分舒適、空間度十足👍🏻👍🏻👍🏻👍🏻「食物賣相」簡潔、正常中餐應有賣相、沒太大驚喜。👍🏻👍🏻「味道」由頭盤到到甜品、味蕾都充滿驚喜、再加上餐廳經理對葡萄酒有深度的認識、不同的 wine pairing。更加為我們的粵菜加入新體驗。👍🏻👍🏻👍🏻👍🏻👍🏻「價錢」其實好抵、有少少覺得佢其實想做間出名嘅餐廳多過想賺錢。其實佢平均一碟野都係百幾二百蚊、一啲都唔貴、一個套餐$300起。抵到爛。👍🏻👍🏻👍🏻👍🏻👍🏻到介紹今日食左乜！「清酒法國凍鵝肝、金牌燒鵝皇、櫻花蝦腐皮扎蹄」鵝肝+清酒、減少平時食Foie gras的油膩感覺、同時提升鵝肝香味。金牌燒鵝王、食嘅時候塊皮脆卜卜👍🏻。腐皮扎蹄、食出舊香港味道。「叉燒」夠熱、厚切、肉質鮮嫩有咬口。我建議用刀叉嚟食。「松茸雪耳燉鵝肉」好香松茸味、湯好味0味精、它不需要味精、因為松茸已經好香、如果可以的話飲幾碗都得！頭抽香煎大紅花蝦隻蝦好厚肉、而且彈牙、但如果比多少少汁會更加開心🥳蒸元貝水晶粉吸收原貝精華、而且有咬口同平時用粉線蒸完全另一番風味、元貝夠新鮮彈牙。翡翠園隻南非鮑魚扣鵝掌翡翠、就係菜、我覺得十分突出、令到原本好膩嘅鮑魚起左中和嘅作用、食出菜嘅鮮味。另外鮑魚和鵝掌炆得好林、連我假牙啊媽都話咬到、好味！芹菜泡椒鵝珍配水晶粉味覺衝擊、泡椒香辣刺激、鵝珍爽口！椰汁淮山燉桃膠配棗皇糕我好鍾意個糖水、唔太甜好香、口感好豐富、必食。棗皇糕十分彈牙有水準。芝麻卷沒有太大驚喜、其實已經係中上水準但因為我食開深水埗某間糕點店的芝麻糕、我嘅評價對佢不公平。總結、其實我覺得這個餐廳真係想挑戰米芝連、賺錢次要、趁佢未太多人識、快啲黎食。…Read More

第一次食、沒有下次！叫左黃燜湯雞煲翅$168兩位雪藏雞味、啲雞肉好「鞋」、有翅嘅！紅燒煙燻乳鴿$78一食就知、翻熱、冇肉汁好乾冰鎭磯煮鮑魚$78正常味、同罐頭開出來一樣者者A菜煲$88用熱石碗裝住本來想做者者效果、但石碗未燒熱、就放啲菜入去。好濕好多水又唔香。孜然羊架$168羊架係cheap貨、似番熱、唔係由生燒熟。整體上全餐飯係好難食、廚房大哥、可否不要煮好晒再番熱、不如我食微波爐飯啦！比少少heart好嗎？…Read More

真心把鬼！第一次食 iCremeria 見到啲蛋糕個樣幾靚、又話啲水果喺日本黎、我又鍾意食水果、於是試吓、叫左1/日本和三盆糖密瓜海綿卷 & 1/完熟白桃乳酪海綿卷。滿心期待嘅時刻出現、一放落口「頂」好難食、佢雖然個名叫海棉蛋糕、但係實質好似食緊發泡膠、好「鞋」無味、真係好難食！食佢入面啲水果、頂！又係好難食⋯⋯成件事係伏。其實連東x棠都好食過佢十倍、係認真、可能二十倍。$78一件蛋糕其實可以更好！不可一不可再！…Read More

這個餐廳吃過兩三次、專做馬來西亞特色麵食、芽菜是馬來西亞飛機進口、為什麼我會知？因為香港街市冇短短既芽菜、這些芽菜有什麼分別？因為我們平時在街市買的會比較多查、但是這裡的又短又肥所以入口嫩滑、算是香港很少地方可以吃到。他們的麵食湯底比較厚身、其實有80-90%馬來西亞當地的味道、而且用了很足、香港其實做正宗馬來西亞麵食的地方不多這間算做得不算、唯獨做蝦麵的蝦如改用鮮蝦更好、因為吃過兩次蝦頭也出現發黑、要多加留意、整體上算是好吃的馬來西亞粉麵。…Read More

戲曲中心、正常都不會入去、因為有半價所以試吓這間餐廳、其實半價係好抵食、其實成餐飯就中規中矩、味道有點鹹（因人而異）但是她在餐牌上有推介的食物應該有點不準確、餐廳侍應不停推介滷水的食物、其實只是有咸味、沒有香味、水準一般。炒臘味飯、做得不錯👍🏻、瓦煲上有少許飯焦很脆口。腐乳炒通菜、師傅應該重手左少少、有點鹹。整體上這裏的用餐環境舒服、裝修得不錯、如果有半價我會再嚟試試其他的菜式。服務也不錯👍🏻為對餐牌的認識不夠透徹、可以多加改善。…Read More

佢轉左名做2DP都第一次黎食、一向好少在這條街裏吃東西、以前會去附近的另一間日式甜品店食刨冰、但係執咗、和朋友吃完飯想找個地方在坐坐吃個甜品就走左入嚟、叫左碗芋圓豆腐花、芋圓其實是我最愛的甜品頭三位、吃開的店也是在深水埗和太子一帶、那邊的租金應該比較便宜所以大約二十多元就一碗、而且有水準！但是這裏租金應該比較貴、一碗大約買50多元、其實如果質素OK都冇乜所謂、但是！1）份量超小2）芋圓冇味其實環境是超迫、雖然50元不多、但可能其他芋圓糖水店太平、突顯了這裡的糖水食水太深、成碗野值2-3蚊、賣成50幾蚊、應該唔會再食、同一條街$40可以食到個飯、痴缐！Ps 張相我係食左兩三匙羹、但越食越唔對路、成碗野應該8羹以內可以食曬！…Read More