mutatedsillian's Profile

睇得出大廚好用心，個牛舌串燒無得彈，大大塊勁厚肉juicy，爽口彈牙。值得再幫襯串燒！原本想食鰻魚，但見到串燒好似幾正就要細碗的搭配個串燒做午餐。個飯係俾個串燒完全比下去。個鰻魚飯係細碗，但都係飯多少鰻魚，鰻魚又薄又細得三小塊，味道不錯屬於正常。鰻魚係唔平，不過比起其他食店，真係略嫌份量過少。…Read More

晚上八點半左右，唔想快餐就來了，選擇頗多，我就試撈檬，然後再來一個滴漏咖啡。好快來咖啡，過多約五分鐘就來撈檬了。撈檬份量剛好，豬頸肉札肉都足料，九十幾蚊唔係平但質素都OK。咖啡同奶濃度剛好，都幾好飲，亦唔細杯。至於服務，可能我無咩要求，唔覺有咩問題。帶位的姐姐比較醒目快捷，我一個人就即刻帶去走廊位細枱，係有D唔自在，不過其他枱都有人我就唔要求喇。最後收銀的哥哥仔好好語氣，呢點係我寫呢個食評最大的動力。…Read More

去過兩次，一次係大班人九個九點搵晚飯，見開得夜就來了食大火鍋加兩個湯。第二次係胃口不佳，一個人來叫了個腸湯。兩次都另外念念不忘，因為唔知有咩 alternative。裝修格調高檔，入面樓底高，坐得舒服。火鍋唔似平時會覺得熱氣，反而好多蔬菜，唔算辣，加上好惹味的牛腸，感覺好平衡，好恰到好處，六人份量真係剛好六個人有男有女。牛腩湯好有牛味，牛蹄湯則偏淡，但原來有教按自己需要落鹽調味。百幾蚊一餐，自己快食又得，一班人去聚又得，開到十一點，推介！👍🏼…Read More

味道：食物質素係好好, D刺身大件都算幾新鮮, 價錢都唔算好貴, 所以味道我比最高分.環境：:(太擁擠, 同埋D凳坐得唔舒服, 一般日本料理都係噉)服務： book 左檯都要企街等足半個鐘先有檯, 無 book 檯就真係唔使幫襯.個侍應生已經唔係態度好啦, 都算, 最令人哭笑不得就是落單呢個程序. 話說我有11位(10位朋友與我), 叫既數量就當然比較多, 張餐紙都預左比人 tick 然後叫比侍應落單, 點知個侍應係都要我地朗讀張餐紙落 order, 話照抄會抄錯! (聽唔會錯囉~ 佢對耳真靈光!) 我朋友讀左 4 分鐘先讀完, 然後個侍應再讀一次. 你抄完再複述一次咪一樣, 你姊姊的!衛生：眼不見為乾淨, 地下滑汕汕, 但臺底黑媽媽睇唔到有乜. 抵食：:) 食物真係唔錯, 齋貪佢夠好食去食咪抵囉~ 少人去可能抵D, 起碼落單易D快D唔使未食已經一肚氣!…Read More