食物質素係好好, D刺身大件都算幾新鮮, 價錢都唔算好貴, 所以味道我比最高分.
環境：
太擁擠, 同埋D凳坐得唔舒服, 一般日本料理都係噉)
服務：
book 左檯都要企街等足半個鐘先有檯, 無 book 檯就真係唔使幫襯.
個侍應生已經唔係態度好啦, 都算, 最令人哭笑不得就是落單呢個程序. 話說我有11位(10位朋友與我), 叫既數量就當然比較多, 張餐紙都預左比人 tick 然後叫比侍應落單, 點知個侍應係都要我地朗讀張餐紙落 order, 話照抄會抄錯! (聽唔會錯囉~ 佢對耳真靈光!) 我朋友讀左 4 分鐘先讀完,
然後個侍應再讀一次. 你抄完再複述一次咪一樣, 你姊姊的!
衛生：
眼不見為乾淨, 地下滑汕汕, 但臺底黑媽媽睇唔到有乜.
抵食：
食物真係唔錯, 齋貪佢夠好食去食咪抵囉~ 少人去可能抵D, 起碼落單易D快D唔使未食已經一肚氣!
