eat_go_sadie's Profile

今日喺觀塘試咗間fusion泰國菜，好有驚喜。鐵板蠔餅 $108蠔餅用鐵板上，熱辣辣，邊緣煎得金黃香脆。最估唔到係個份量好足，整體鑊氣十足。沙嗲雞肉串燒 $58雞肉燒得剛好，肉質保持嫩滑。沙嗲醬係精髓。炸魷魚 $58魷魚本身好彈牙，配香草沙律醬好夾。冬陰功湯 $52呢個份量夠兩個人飲，本身見到$52仲以為得好少，湯底椰奶的平衡做得很好，酸辣開胃，非常好飲。乾炒豬肉河粉 $138河粉炒得有鑊氣，色澤均勻。豬肉片夠軟腍～龍眼香茅特飲 $48味道清甜自然，龍眼的甜味和香茅的清香結合得很好，冰涼解膩，是搭配濃味泰菜的絕佳選擇。泰式髒髒茶 $38賣相很吸引，適合打卡。甜度控制得宜，不會太膩，奶蓋和茶底的層次豐富，是一杯有驚喜的特飲。觀塘道 348 號宏利廣場 1/F 101 號店…Read More

今日專登去銅鑼灣Icegreen試咗幾款甜品。鋪頭細細但乾淨，座位唔多，好彩平日去唔使點等。芋泥紅豆麻糬奶 $38芋泥香味天然，仲食到粒粒口感。紅豆煮得剛好，麻糬超軟滑又Q彈，成杯口感豐富又唔漏。D24榴槤肉炒冰 $66一上枱已經聞到濃郁榴槤香，用咗D24榴槤肉製作，味道真材實料。質感綿密，入口即化，榴槤愛好者必試。醇濃黑芝麻炒冰 $56芝麻味非常突出，香濃而不膩。炒冰質地細滑，甜度適中，食完成個口都係芝麻餘香。楊枝甘露麻糬凍飲 $42呢杯好有驚喜！楊枝甘露酸甜清新，入面有柚子肉同芒果粒，加上滑溜麻糬，口感特別又解渴。總體來講，Icegreen甜品質素唔錯，真材實料，價錢合理。特別係佢地既麻糬同炒冰系列都好出色，值得再encore！…Read More

大圍川菜抵食之選！兩個人三百蚊狂擦麻辣盛宴！今日同朋友專登去大圍，試吓人氣高企嘅「楊記麻辣魚館」。鋪頭細細但晚市座無虛席，好彩我哋早到唔使等位！我哋兩個人，膽粗粗叫咗三個餸，竟然食得晒，因為太惹味！酸菜魚係必點，份量比想像中多，魚片又薄又滑，食唔到一絲雪藏味。湯底酸香到位，酸菜爽脆，令人忍唔住一啖接一啖。麻辣手撕雞真心正！雞肉撕得幼細，入味得嚟肉質唔鞋口。麻辣味調得剛剛好，麻香同辣味層次分明，食到唔停口。個牛肉麻辣香鍋鑊氣十足，牛肉嫩滑，配料有薯仔、蓮藕等，索盡麻辣汁，香辣惹味，簡直係送飯神器！最後埋單，兩個人三百蚊有找，食到捧住個肚走，性價比爆燈！已經決定下次再嚟，挑戰其他菜式。地址：楊記麻辣魚館 (大圍道1-35號金山樓地下6號舖)…Read More

一班朋友聚舊，最緊要地方就腳、價錢親民，可以傾偈傾到飽。今次嚟到尖沙咀 「川味王」，就係貪佢夠晒地道，十幾蚊一串，點滿成枱都唔肉赤！今次試咗幾款串燒，整體水準不錯。火箭魷魚筒 同 燒多春魚 係驚喜之作，魷魚鮮味彈牙，多春魚燒得香口，魚春卜卜脆。一口牛 同 雞軟骨 都燒得啱啱好，牛肉肉質軟嫩，雞軟骨同 雞腎 就爽脆有嚼勁，送酒一流。蔬菜類同樣出色，燒韭菜 真係必點！燒到香噴噴，入口唔會太乾，保留到蔬菜汁液。燒秋葵 同 燒茄子 都唔錯，秋葵爽滑，茄子軟綿入味，加咗蒜蓉更加惹味。主食方面，肥牛炒烏冬 味道濃郁，烏冬炒得夠鑊氣；鰻魚炒飯 都炒得乾身，鰻魚粒唔少，味道唔會太鹹，幾適合香港人口味。總括嚟講，今次聚會好滿足，食物價錢平、種類多，環境唔算豪華但夠晒自在。如果下次再嚟，會想試埋其他海鮮同特色串燒！📍 川味王尖沙咀柯士甸路17號豐樂大廈地下2號舖#川味王 #尖沙咀串燒 #抵食串燒 #朋友聚會 #香港美食…Read More

今日出街食諗唔到食乜嘅時候諗住返油塘搭小巴再諗食乜，點知比一間小店吸引咗入咗去食完先返去，發掘到一個新嘅寶藏餐廳🤩🤩🤩🤩當然要推薦俾大家啦🦀咖喱炒軟殼蟹+薄餅咖喱配薄餅一定係冇得輸，個咖喱Creamy得來又唔算太辣，再撈埋個薄餅冇得頂。軟殼蟹仲要俾咗兩大隻，真係啖啖肉😝必叫之選！🐙辣椒膏蝦頭油海鮮炒飯呢個炒飯我叫咗小辣，就連我本身怕辣，都覺得個辣度啱啱好，而且個味道非常適中，粒粒分明唔會太鹹又有海鮮🙂‍↔️🥬飛天炒通菜呢個係泰國一定會叫嘅菜式，喺呢度估唔到都別有一番風味，炒得到泰國嘅味道出嚟😛🥤泰式奶茶+龍眼冰龍眼冰唔會太甜味道啱啱好，不過泰式奶茶就偏甜啦如果再少啲甜會更好🤣…Read More

呢間樓上Cafe絕對係同朋友Hea足半日嘅好地方！地方唔算好大，但Board Game選擇多，環境舒服。叫咗三樣嘢食，整體有驚喜，比起出邊嘅餐廳一啲都唔失禮！🍖 韓式牛肋條飯 👍 牛肋條煮得好淋好入味，醬汁係正宗韓式甜辣風味，撈飯食好正！🍝 拿破崙鴨胸肉醬意粉 🤩 呢個真係有驚喜！肉醬唔係罐頭貨，番茄味香濃，同鴨胸肉超夾，層次豐富，食到停唔到口～🐔 瑞士雞翼 😋 滷得夠晒火候，入味之餘肉質非常嫩滑，瑞士汁甜鹹度啱啱好，係高質茶餐廳風味。食物質素比好多樓上Cafe高，唔係得個「玩」字。 重點資訊：✅ 午餐時段：12:00 - 18:30 ✅ 晚餐時段：18:30 - 00:00任坐唔嬲，冇限時✅ 老闆話星期一至四晚餐有75折⚠️ 記得 電話預先訂枱 呀！絕對會再encore，推薦俾想打咭、玩Board Game，同時對食物有要求嘅朋友！希望大家都可以支持吓香港嘅小店啦 ☺️…Read More

最近發現咗一間以植物為主題嘅Cafe，一入門口就已經覺得好舒適！成間店用咗大量綠葉同藤蔓裝飾，好似置身於一個小溫室咁，環境清新又寫意，用嚟打卡一流啊！我點咗杯西瓜沙冰，冰涼透心，西瓜嘅清甜天然唔假，沙冰打得好細滑，瞬間將暑氣一掃而空，超級推薦呢個! 👍🏻👍🏻跟住試咗個鮮果芭菲杯，層次豐富到不得了！面頭鋪滿新鮮士多啤梨、藍莓同芒果，下面係香滑嘅乳酪同脆脆嘅穀物，一啖放入口，水果嘅甜、乳酪嘅酸同穀物嘅脆一齊爆發，口感同味道都滿分，睇得又食得，絕對係打卡首選。主菜係日式咖喱吉列豬扒飯（辣）。塊豬扒炸得金黃酥脆，咬落「咔嚓」聲，肉質依然保持juicy，一啲都唔乾。個辣咖喱汁係精髓，日式咖喱嘅甜香中帶住微微辛辣，非常開胃，撈飯真係一流，不知不覺就清晒成碟！😋…Read More

最近去咗尖沙咀，試咗一間宮廷風火鍋店，入店就感到自己好似穿越時空來到清宮一樣，裝潢都好有feel。🐥湯底：花膠雞湯鍋湯底勁足料花膠都有好幾塊，開始打邊爐之前飲返幾啖暖下個胃。啲雞本身都煮熟咗啲，落水滾返1-2分鐘就食得，啲雞好滑， 10分出色。🥩艾莎公主牛肉寶盒呢個係牛肉組合，有頂級安格斯牛肉、手切本地牛肉、新鮮牛展、頂級雪花肥牛、牛黃喉、牛肉粒、牛舌花。啱晒鍾意食牛嘅朋友，可以一次過品嚐牛嘅唔同部位。🍢手打黑松露魚滑黑松露好足料，魚滑好彈牙，有驚喜📍 香香宮煮（金巴利中心）（尖沙咀）尖沙咀金巴利道35號金巴利中心地下A號舖人均消費：$300#mariofatfat #foodie #hkfood #hkfoodie #hkblogger #火鍋店#hkfoodblogger #hongkonger #香港 #香港美食 #週末好去處 ＃香港好去處 ＃食好西 ＃美食#探店 #香港探店 @tasty_hotpot_palace…Read More

喺香港用$98就可以食到烤魚？無錯！呢間位於深水埗「四川重口味」做到！除咗烤魚，佢地仲有好有特色嘅川菜，有辣有唔辣，就算唔食得辣都可以過嚟試吓！烤鱸魚鍋$98（鱸魚另加$100）- 今次我地叫咗麻辣味嘅烤魚，BB辣，魚肉鮮嫩冇幼骨，外皮焦脆，配飯一流～醬麻辣豬耳 $55古法龍抄手$52- 皮薄餡多，勁大粒，配埋特製嘅醬料，10分開胃！清炒萵筍絲$68嗌咗咁多肉，梗係要嗌返個蔬菜平衡返啦，萵筍絲好清甜白飯＄12我哋叫咗一人一碗，都好快扒晒。今餐真係食得好開心，想食川菜唔一定要返內地㗎，香港都可以食到！…Read More

金鶴拉麵我之前已經去過天后分店，當時食雞白湯拉麵超好食，今日再嚟佐敦試吓另外兩款😆😆🦪瀨戶內海蠔湯拉麵蠔湯很鮮味，真材實料，裏面放咗四隻蠔，何煮熟之後仲有再燒一下，所以更加香口。食到尾都仲有蠔味，正！🦀 蟹湯拉麵 碗面放左一球蟹肉，好有誠意，飲第一啖係有好鮮甜嘅蟹味，配菜有叉燒同紫菜。由頭食到落尾都冇一種覺得好膩嘅感覺。另外飲咗杯手工啤，都唔錯喎～佐敦呢間分店嘅裝修都幾靚，廁所好乾淨，行入廁所個位好有日本庭園嘅感覺。…Read More

今晚去咁大圍，食咗間老字號，「新強記燒鵝海鮮酒家」。每道菜都足料大份，又好味，唔怪得晚市都咁多人食，好熱鬧！🐟椒鹽九肚魚九肚魚肉質嫩滑，椒鹽味唔會太鹹，用嚟送啤酒一流!🥬魚湯腐皮浸白菜仔魚湯味好鮮甜，白菜仔都好入味，成餐飯有呢個菜，中和返其他肉類，感覺冇咁滯🦆招牌新強記燒鵝皇燒鵝皮脆肉嫩，油脂分布均勻，加埋酸梅醬岩岩好，我哋食到停唔到口～食完晚餐，仲有甜品送，我哋嗰日就揀咗碗綠豆沙，唔係好甜，正呀。…Read More

旺角有好多特色的美食，包括有好多唔同既串燒店，今次我去既串燒店，佢嘅串燒有唔少香港食得到既特色小食，比起其他店都幾有新意，而且性價比高😚餐廳唔算好大但環境都相對舒適推薦菜品：（其實全部都都幾好食，冇中伏）🥩燒原切牛舌芯片 $38超級Juicy，牛舌燒得好軟熟，唔會好韌🍗 燒雞中翼 $24估唔到燒完嘅雞翼都幾嫩,有驚喜🥚超美味玉子燒 $25好香蛋味，而且好大份，兩個人share一串啱啱好!🍆蒜蓉燒大大茄子 $38燒烤必點的菜! 蒜蓉好香口，唔會燒到乾晒!🐟 燒雞泡魚乾 $45有咬口又唔硬，配埋沙律醬好香口📍 串燒陣旺角通菜街1號威達商業大廈地下M號舖旺角站E2出口步行約5分鐘…Read More

今日經過紅磡突然間想食車仔麵，上網一搵就搵到佢啦，可能我哋去食個時間比較早，1800都唔算太多人車仔麵方面就各自揀咗個三餸😆我哋兩碗都有揀蘿蔔煮得好入味好好食，另外見到佢有新推出龍蝦卷，試咗個味道都幾特別，值得推介大家試吓。雞翼同金錢肚就正常發揮，腩汁味都重嘅之後加咗個鴨血同埋一個腐乳通菜，鴨血方面都比較辣，如果唔食辣嘅話就唔推薦你試。腐乳通菜就整得幾好食，食車仔麵加個菜健康啲呀嘛🤣🤣最後發現原來佢嘅前身係觀塘以前一間車仔麵，作為觀塘人一定有食過惠康旁邊嘅車仔麵，一種懷念嘅感覺出現咗有興趣嘅話大家可以黎試吓😉…Read More

今日嚟咗天后呢間餐廳食榴槤燒肉放題，上網見到好多好評，一於決定嚟試一試😋😋我哋book咗7:30，嚟到已經好多人，座位都闊落。裏面好有日本居酒屋嘅感覺。呢個放題每人$349 ，包咗好多款肉同埋榴槤加雪糕，而且啤酒有Asahi任飲🥳 🍢荔枝牛肩胛串串將荔枝同牛肉串埋一齊，兩者配合好好，唔會好滯，有一種好清新嘅感覺😍🥓澳洲和牛M67牛板腱佢將舊牛切成一條條，好快就燒完食得，而且鎖得住個肉汁，都值得推介🐖黑椒鹽五花肉佢上菜嗰吓放到成朵花咁樣，一打開原來好大塊😝燒好之後用鉸剪切開一條條再配上生菜食，好有韓式嘅感覺榴槤🤩佢哋用嘅係馬來西亞金枕頭，口感綿綿，雪到好凍，超好食呀！忍唔住係咁追加🤣總括而言舖頭嘅店員態度非常之友善，而且個爐都好夠火，好快就燒好晒啲肉。Ps.仲咁岩遇到有人生日，舖頭仲準備咗個蛋糕加煙花蠟燭，非常之有心機🎂閑日都坐到滿晒，建議大家預早book位推薦大家嚟試一試👍🏻👍🏻👍🏻😝…Read More

今次試咗銅鑼灣一間日式定食店嘅招牌菜，真係有驚喜！*銀鱈魚西京燒定食*絕對係必點之選，魚肉雪白細膩，表面微微焦香，一啖落去魚油同甜味噌嘅香氣同時爆發，配珍珠米簡直一流！ *海老穴子沙𩺬魚天婦羅*定食同樣出色，天婦羅炸得金黃酥脆，蝦肉彈牙鮮甜，完全冇油膩感；仲有少見嘅沙追魚天婦羅，魚肉保持到juicy，蘸上特調天婦羅汁更加提鮮。定食跟配嘅味噌湯用真昆布熬製，漬物爽脆開胃，成個set夠晒豐富。 講到環境，餐廳走簡約和風路線，原木色調嘅裝修配柔和燈光，座位寬敞舒適，令人好放鬆。服務方面，店員態度親切有禮，上菜速度快之餘仲會細心講解食法，整體體驗非常愉快！ 呢間絕對係銅鑼灣區高質日式定食之選，無論係lunch定晚餐都咁適合，一定會再訪！ …Read More