今日經過紅磡突然間想食車仔麵，上網一搵就搵到佢啦，可能我哋去食個時間比較早，1800都唔算太多人
車仔麵方面就各自揀咗個三餸😆我哋兩碗都有揀蘿蔔煮得好入味好好食，另外見到佢有新推出龍蝦卷，試咗個味道都幾特別，值得推介大家試吓。
雞翼同金錢肚就正常發揮，腩汁味都重嘅
之後加咗個鴨血同埋一個腐乳通菜，鴨血方面都比較辣，如果唔食辣嘅話就唔推薦你試。
腐乳通菜就整得幾好食，食車仔麵加個菜健康啲呀嘛🤣🤣
最後發現原來佢嘅前身係觀塘以前一間車仔麵，作為觀塘人一定有食過惠康旁邊嘅車仔麵，一種懷念嘅感覺出現咗有興趣嘅話大家可以黎試吓😉
