chunwlau6的個人專頁

係東涌食野既話，平時係北大嶼山醫院附近大家都會諗到食泰菜，但原來沿路行入少少有間幾地道既小菜館叫「大頭蝦南風海鮮酒家」。雖然環境同裝修都係舊式山區大排檔既感覺，但食物質素自己就覺得係東涌黎講算係唔錯，秋天冬天坐係室外食都唔會覺得熱，坐得舒舒服服。「重慶香辣雞煲」：就黎冬天，食雞煲暖下身就最好不過，辣之餘加埋花椒既香味，成個雞煲送飯超好味，諗返起都流口水。「燒味-燒腩仔、燒鵝、叉燒」：燒腩仔皮夠脆，同埋肉都夠厚身，有時食燒腩仔最驚係8/9成都係肥膏無肉食，但今次食到既肥膏同肉既比例都好好。燒鵝自己就覺得正常發揮。而叉燒就相對大舊，咬落都夠淋，調味都岩岩好，唔會太咸。食飽左仲可以叫埋佢地既甜品，同外面好多甜品舖既價錢差唔多，但份量有超多，味道仲唔錯。…查看更多

有睇開我ig既就知我時不時就中意去打邊爐，天氣幾熱都要打🤣今次就要去覆桌幾年前食過既「大滾友」。荃灣分店距離地鐵站唔遠，環境仲可以坐得舒舒服服，同埋佢地比較好既係你唔會覺得有好大陣火鍋味，唔驚食完一身臭味。鍋底今次揀左我覺得係必食既花膠雞，雞半隻大大隻，花膠亦都非常之大舊，兩個人食每人都分到至少5舊，重點係要飲埋個湯，味道非常濃郁，依次黎佢哋仲改左湯底既做法，用左少少南瓜去煲，自己覺得咁樣令成個湯更加鮮甜，未打邊爐我地兩個人已經飲左個湯底一大半🤤前菜叫左兩隻秘製香醋凍蟶子皇，今次係第一次食凍既蟶子，蟶子唔會細細條，咬落肉質都好新鮮，配埋香醋同紅蔥頭好開胃。中意食牛但咩部位都想食幾舊既朋友仔就可以叫埋佢地既牛肉拼盤，牛肉既色都比較鮮紅，唔會望落係放左好耐咁，不過份量再多少少就好😆…查看更多

今次同朋友仔揀咗係旺角既「安平燒肉」，話說佢地係牛大人其下既品牌，所以食物既質素有一定既保證🫶🏻係幾個餐入面，我地揀咗最貴嘅澳洲M5和牛任食($418)，以食物質素同款式算係CP值幾高。一開始，套餐包左嚴選牛舌芯兩條，牛舌芯嫩滑彈牙，非常香牛舌味🥹而牛肉方面，款式超多，每款既口感都好好，牛味香濃👍🏻另外，套餐既重點就係海鮮，有帆立貝、虎蝦、鹽蒜燒生蠔同燒魷魚。每款海鮮燒完都非常香口，可以任食真係超正🫶🏻大家可以試下整埋櫻花蝦拌飯，加埋海鮮一齊食一流想一邊食燒肉一邊飲酒既朋友仔都唔可以錯過「薑母茶沙瓦」同「檸檬沙瓦 」，每款都只係$38。「薑母茶沙瓦」就有少少薑辣味，但又唔會太辣。「檸檬沙瓦」酒味唔會太重，酸酸地幾開胃。最後，平時食太多雪糕，今次揀左仙草芋圓做甜品，芋圓夠彈牙，仙草夠爽滑，配埋奶油，成個甜品消滯一流🤤…查看更多

再去泰國之前，太掛住泰國既野食唯有係香港搵下泰國餐廳止下癮😝今次搵左係旺角通菜街既「阿來泰式地道風味」，雖然已經係平日既8點鐘，但係都座無虛席，2個人要等大約15分鐘先有位。「泰式火山排骨」($118): 依幾年去過泰國既朋友都知道火山排骨算係大家好中意打卡既一道菜，因為係泰國食既時候啲排骨係擺到勁高，食排骨都飽。雖然香港既無咁多排骨，但勝在味道唔錯，同係泰國食既分別唔大，肉質都唔會好硬👍🏻「泰式鐵板蠔仔蛋」($98): 依個蠔仔蛋大家要快啲食，因為鐵板既熱力會好快令到啲蛋太過熟，但配埋蠔仔既鮮味，自己好中意食泰式蠔仔蛋😝「泰式濕炒牛肉河粉」($68): 以$68食到咁大兜河粉，我自己就覺得物超所值。最中意既係河粉夠煙靭彈牙，加埋豐富既配料非常值得一試👍🏻…查看更多

有時lunch time經過「六小館」都會想試下，因為見佢哋既點心同小菜都好精緻同夠鑊氣咁，所以今日收咗工就去試下。黃昏既關係，所以餐廳望出去既天色都好靚，燈光同座位都坐得好舒服。「水煮安格斯牛肉」($208): 中意食辣既唔可以錯過，開頭食一兩舊唔會覺得好辣，但越食越辣，牛肉都好足料同夠厚身，唔會好hea咁用薄切牛肉。配料仲有大家常見既薯粉同埋萵筍，兩個人食食到好飽🤣「魚蝦蟹鍋燒豆腐」($178): 個人強烈推介依款小菜，入面有魚肚、蝦、蟹柳條同埋主角豆腐。醬汁非常之濃郁，加埋炸豆腐果種香味，魚肚更加係吸曬醬汁既味道，用黎送飯非常之好味，分分鐘一碗飯都唔夠。…查看更多

雖然依排天氣都非常之熱，但係唔知點解成日行行吓街就會想打邊爐。今次去咗「滾爺火鍋」打邊爐，記得前一兩年已經同朋友仔食過，今次行街行到夜一夜，就去返上海街既依間「滾爺火鍋」食餐飽。一入到去睇落樓面唔大，但其實佢哋有兩層。同埋一入到去就見到有唔同既道具俾大家打下卡🤣太耐無食雞煲既關係，今次就叫左半隻雞既雞煲先，黎到雞煲用個好大既金色煲裝住，再見到啲醬汁同雞油滾起，成個畫面已經令人流哂口水，醬汁都非常香濃👍🏻今次配料方面自己就主力推介海鮮，因為要搵平靚正既海鮮打邊爐一啲都唔容易。桂花蚌係我今次既最愛。啲蚌夠爽口大件，又夠味，唔洗點醬都好好食。鮑魚當然平時已經好中意食之餘，依間既鮑魚都夠口感，鮑魚味都唔會淡🤩…查看更多

牛大人依個名相信大家都唔會陌生，最近心血來潮，所以就同friend去咗荃灣分店食牛大人。喺三個套餐當中，今次揀咗「澳洲極上和牛套餐」，因為我哋都覺得依個套餐係性價比最高嘅。而湯底方面，最後揀咗鴛鴦鍋，「牛大人秘方麻辣鍋」同埋「台中蒜頭雞鍋」。麻辣鍋雖然只係揀咗最少辣，但係佢嘅辣度對於我嚟講都幾辣，所以唔食得辣嘅朋友仔就記住揀其他湯底啦。至於蒜頭雞鍋，自己都幾鍾意，湯頭唔算太鹹，但又唔會太淡，唔使點醬，食物都好夠味。嘢飲同埋嘢食選擇都係超多，嘢飲當然要揀佢哋嘅冷泡茶，佢哋嘅冷泡茶唔係hea整，至於嘢食，牛就一定要食啦，所以唔使講，自己就最鍾意佢哋嘅沙白同蝦，因為沙白非常之鮮甜，蝦仲好有肉地，唔會覺得唔新鮮。…查看更多

記得以前讀書果時都好中意約埋啲friend去cafe食下野，hea下玩下board game咁，食下玩下時間就好快過。最近去左個friend介紹位於旺角既「部屋咖啡室」。雖然係平日既夜晚，但上到去已經見到間野都大概8/9成滿座，坐多陣都已經full house。價錢方面個人覺得未必係超平，但以同類咖啡室黎講，野食既味道都算唔錯。今次我地兩個人叫左一個二人餐，包左一個pizza，一個飯/意粉，一份蟹肉餅同兩杯野飲。Pizza既份量都算大，夏威夷pizza味道夠refreshing，因為有好多菠蘿😆（雖然正宗既pizza係唔會有菠蘿🤣），配埋千島醬夠惹味。另外飯同意粉，我地揀左香辣虎蝦海鮮意粉，個辣味係平時食到Tabasco果種感覺，唔會太辣食唔落口，加上茄醬酸酸甜甜既味道非常開胃，但如果虎蝦有兩隻就好啦😜…查看更多

見近排都無點食過韓國野，最近朋友就帶左我去幾多韓國野食既尖沙咀揾食，最後去左有幾間分店既「南大門」。幾間分店都以韓式燒烤為主，但都有唔同既主食俾大家選擇，所以唔洗驚同行既人唔食燒烤。餐廳既環境都比較光亮，每枱係燒烤盤上面都有條抽風管，所以坐得耐都唔會覺得太焗促。「醬醃特級牛肋骨」($280)：依份牛肋骨是以韓式醬料醃製，燒烤時肉質香嫩多汁，搭配上韓式泡菜和生菜一齊食，口感豐富，係非常值得一試🤤「辣海鮮鍋」($430)：作為傳統的韓式湯煲，個湯味道夠鮮美，辣味適中，最開心係龍蝦夠大舊，肉質夠彈牙，鍋入面既蔬菜吸曬個湯既精華，非常開胃。但係建議同其他人一齊分享，因為份量比較大，適合2-4人share。「水冷麵」($90)：黎緊天氣預黎預熱，最岩就係食冷麵，依個韓式冷麵麵條口感爽滑，搭埋醃酸菜，同個酸酸地既湯汁，味道清爽開胃。份量適中，可以當係一道開胃菜或者作為主餐既配菜。…查看更多

黃埔花園開咗間性價比高嘅亞洲風味一人火鍋店。呢間火鍋店有十幾種中港台日韓式湯底可供選擇，配料以精緻拼盤形式組合成套餐，每份套餐包一份前菜同稻庭烏冬，今次兩個人食就各自揀左「酸菜魚湯底」同冬陰公湯底。酸菜魚湯底酸酸甜甜非常開胃，配料有時令魚片、滑牛、滑豬、冬菇，木耳、魚片頭。湯底加左魚片之後整個火鍋的味道更加鮮甜豐富。冬陰功湯底味道帶微微酸辣，配料有海蝦、魷魚、魚片頭、時令魚片、自家炸腐皮、雞髀菇。湯底調味唔會太辣太濃蓋過配料原有味道。由於係一人火鍋嘅形式，配料嘅份量唔會太多，但唔大食既一定夠飽。今次我地仲追加左好多唔同嘅嘢試下，套餐同追加嘅配料可揀一份或半份，以個份量同味道黎講，價錢方面係非常非常之抵！推介：滑牛、時令魚片、安格斯肥牛，安格斯牛肉粒、海蝦火鍋醬汁、米線、白飯 就以自助形式任添任食。…查看更多

今次食既又係川菜，不過今次就係以串燒為主，川式串燒係香港越開越多，而今次依間就好方便去紅館睇演唱會前食，因為正正就係行去紅館條天橋附近，但舖頭唔算太大間，所以繁忙時間都可能要等一陣。「炸芝士年糕」($38): 相信中意食芝士既朋友仔都會勁中意食到流心既芝士，依個炸芝士年糕咬落軟糯之餘，食落啲芝士仲勁流心，芝士味唔會太濃太膩。「椒鹽雞軟骨」($38): 雞軟骨炸得夠脆口，係碟到仲望到一塊塊炸左既蒜片，所以除左椒鹽味仲有淡淡既蒜香味。「花蛤粉絲」($72): 無幾耐之前食左蒜香燒生蠔，所以今次就揀左花蛤食，勁多蒜蓉同粉絲，所以本身勁中意食蒜蓉粉絲既話就唔可以錯過，花蛤自己就覺得可以多少少同大隻啲。串燒今次就試左牛仔骨、雞肉串、五花腩、牛肉串、翠肉瓜同雞髀菇。所有串燒都燒得岩岩好，唔會太燶，調味都落得夠，唔會太咸但又夠香口。…查看更多

平時比較少去揾地道啲既小菜食，今次就去到佐敦既「二號廚房」揾食。入去拎位之前以為平日會無咩人，入到去發覺都坐左成8/9成人，仲好熱鬧。食物既款式都非常之多，除左小菜，仲有雞煲同烤魚，但平時食得太密雞煲，所以今次就叫左幾款小菜試下。「酥炸珍珠蠔」($88): 份量絕對係物超所值，當你以為唔會太大碟既時候，上菜時見到有幾十隻珍珠蠔，兩個人食既話份量有啲多。而味道黎講，似平時食椒鹽鮮魷既味道，都幾香口，加埋珍珠蠔既鮮味，送酒一流。「啫啫芥蘭煲」($78): 啫啫煲平時都成日會食，今次依個啫啫芥蘭煲最吸引既地方係有比較大條既蝦乾，咸香味比平時食到既重。「上湯海中蝦配煎米粉底」($188): 海蝦醬汁既味道似係好濃既海鮮湯，配埋個煎米粉底，吸曬個汁既香味，個人就覺得中意海鮮既朋友仔就一定要叫。「黑椒脆皮鹹豬手」($138): 原本以為依個鹹豬手會似平時食到乾身果種，但佢地用左砂煲加左勁多黑椒汁黎煮，$138黎講CP值非常高，係一款非常用心設計既小菜。…查看更多

雖然係平日，但係荃灣廣場依間「川魔」晚飯時段都爆滿人，8點幾去到都要等一陣先有位。無曬位既關係，今次兩個人去都坐左張8人枱😆野食黎講都幾抵食「麻辣魚皮」($68): 前菜今次揀左「麻辣魚皮」，味道都比較香辣，仲會見到佢地用左藤椒做調味，所以食落有種麻麻地既感覺，口感方面，魚皮非常之爽口彈牙，用黎送啤酒就最好不過。麻辣干鍋: 食川菜依家當然唔少得就係麻辣干鍋，兩個人叫左大蜆干鍋加鮑魚、魷魚鬚同雞腎。一黎到就見到成碗都係辣椒乾，聞落已經令人流曬口水。食材既大細比想像中細舊，但勝在份量都算足夠，想食多啲既可以叫多幾種配料。「雲南花菜炒臘肉」($88): 依道係一道經典的雲南菜式，今次都係自己第一次食，個人比較中意臘肉既鹹香味，但又唔會太過鹹，花菜感覺都唔太油膩。「川燒生蠔」(特價$10/隻): 川燒生蠔係要同大家強烈推介，因為佢地依家做緊特價$10一隻，平時要$28。所以用平時既價錢依家就食到接近3隻，非常之抵，蒜蓉都唔會多到蓋過蠔既鮮味。…查看更多

今次黎到港島區揾食，筲箕灣既東大街出名多好嘢食，依間「四川重口味」聽個名就知係食川菜。平時去食川菜最怕係地方油淋淋唔乾淨，反而今次依間都算乾淨企理，CP值都幾高下。「古法牛栢葉」($69)：牛柏葉夠大舊，食落嘅味道好似平時涼拌青瓜涼拌既味道，酸酸辣辣再加埋蒜味，非常惹味，係CP值極高既一碟前菜。「麻辣魷魚鬚」($98)：個人強烈推介，因為本身自己就已經好中意食魷魚鬚，成碟夠香麻辣味之餘，最中意係佢地用左大量既孜然粉，魷魚又夠咬口。「招牌酸菜魚（桂花魚）」($268)：叫之前問定姐姐啲魚肉有冇骨，姐姐話啲魚起哂骨就放心叫黎食。酸菜魚既魚肉夠鮮嫩啖啖肉，湯既味道都煮得岩岩好，唔會太過酸，食完魚再食酸菜再飲埋個湯令人想繼續食落去😆「蒜蓉大淡蝦」($78)：驚食完好大陣味既話就唔好叫黎食啦，因為蒜蓉香味十足，好似一兜兜蒜蓉放入口食咁🤤蝦就不過不失，唔算太大隻，但蒜蓉味完全係成個菜式既精髓。…查看更多

香港西區近十年變化好大，尤其係地鐵開通之後，啲食肆同咖啡店多咗好多，唔再係老人區啦。啱啱同朋友去咗間泰國餐廳，裝修好似去咗泰國嘅local餐廳咁，好有feel嘅。「冬陰功湯」（細$68 / 大$128）我哋兩個人啱啱叫咗細份，份量啱啱好，一人飲咗兩碗。湯好濃，蝦肉好足，香茅同秀珍菇味都好足。「柚子蝦沙律」（$78）一大碟好新鮮好juicy嘅柚子，蝦肉好爽口，加上脆脆嘅魚乾，好多層次，醬汁好開胃。「沙爹串燒」（$88）我哋揀咗雞肉、牛肉、豬肉各兩串，串燒嘅肉質都好嫩，烤得恰到好處。雞肉好juicy，牛肉同豬肉都好入味。沙爹汁加咗少少椰奶，好香好creamy。「紅咖喱雞」（$72）配「烤薄餅」兩片（$32）紅咖喱好香好濃，辣度啱啱好，值得一試。雞肉好嫩，配埋烤薄餅，好好味。「泰式奶茶」、「龍眼冰」（各$28）：泰式奶茶好香滑，甜度啱啱好，唔會太甜，好易入口。另外睇到杯龍眼冰，以為會好甜，但同泰式奶茶一樣甜味啱啱好，仲有好香龍眼味，好refreshing。…查看更多