川魔 (Closed)

雖然係平日，但係荃灣廣場依間「川魔」晚飯時段都爆滿人，8點幾去到都要等一陣先有位。無曬位既關係，今次兩個人去都坐左張8人枱😆野食黎講都幾抵食

「麻辣魚皮」($68): 前菜今次揀左「麻辣魚皮」，味道都比較香辣，仲會見到佢地用左藤椒做調味，所以食落有種麻麻地既感覺，口感方面，魚皮非常之爽口彈牙，用黎送啤酒就最好不過。

麻辣干鍋: 食川菜依家當然唔少得就係麻辣干鍋，兩個人叫左大蜆干鍋加鮑魚、魷魚鬚同雞腎。一黎到就見到成碗都係辣椒乾，聞落已經令人流曬口水。食材既大細比想像中細舊，但勝在份量都算足夠，想食多啲既可以叫多幾種配料。

「雲南花菜炒臘肉」($88): 依道係一道經典的雲南菜式，今次都係自己第一次食，個人比較中意臘肉既鹹香味，但又唔會太過鹹，花菜感覺都唔太油膩。

1

「川燒生蠔」(特價$10/隻): 川燒生蠔係要同大家強烈推介，因為佢地依家做緊特價$10一隻，平時要$28。所以用平時既價錢依家就食到接近3隻，非常之抵，蒜蓉都唔會多到蓋過蠔既鮮味。