chanyukwan97的個人專頁

之前生日嚟過，印象好深刻。入面裝修好靚，都好闊落，坐得舒服，只係冷氣有小小大。我嘅坐位仲對正live band。叫左牛扒同鴨胸，好食，係西餐廳應有嘅水準。另外加咗龍蝦湯，就冇乜特別。其實最驚喜嘅地方當然係live band ，歌手好高質，把聲好似食CD咁，全部人都聽到入晒神，彷彿入咗Lalaland 入面嘅Jazz bar ，仲會分享自己入行busker 嘅人生故事，相當感人。Feel 到呢間餐廳對音樂嘅誠懇態度。…查看更多

串炸嚟講呢，呢度其實唔算最出色，不過都可以接受。1. 和牛串炸👌都ok啦，可能用嚟炸會嘥咗舊牛，我都係prefer 煎牛。2. 沙錐魚串炸👌唔係好食得出個味，普通。3. 五花肉串炸👌有啲肥，都整得幾林，不過我都係覺得冇乜味道。反而覺得啲椰菜最好食，夠清甜。4. 蜜桃泡沫啤酒👍🏻👍🏻幾得意，其實唔係泡，似係啤酒味冰沙，啤酒嘅桃味都好足。5. 炸湯年糕👍🏻👍🏻口感好多層次，佢入面係兩塊蓮藕，中間夾住年糕同明太子。味道就係木魚湯嘅味。6. 炸雞翼👍🏻👍🏻我就係中意呢種日式生炸雞翼，唔落粉，但皮脆，入面多汁。7. 豚肉蛋串炸👌唔係好食到有豚肉，隻蛋都冇乜味，只係普通溏心蛋。8. 燒白鱔👍🏻都幾好食9. 炸八爪魚丸👍🏻口感幾得意，入面有啲脆卜卜軟骨，有少少辣不過幾好食。10. 吉列池魚👌普通魚柳咁上下，冇乜特別，不過池魚有陣獨特嘅魚味。整體而言都值得去下嘅，環境都幾溫馨，有少少似日本，串炸水平一般般啦，因為皮肉分離，層衣太厚啦。價錢可以接受。…查看更多

首先想讚下呢間嘢啲湯底完全唔咸唔油，食落似乎比好多拉麵店健康。另外佢有會員制儲積分，會送炸雞同牛舌等等，首次加入有100分，可以換溏心蛋同可樂，如果預咗會經常幫襯，其實都幾抵玩。1. 特濃白雞湯拉麵👍🏻👍🏻👍🏻好濃嘅湯，濃但唔咸，重雞味，濃到有啲似忌廉湯，但一入口嗰下真係狠狠被驚艷，食得出好有心機熬制。同埋好多料，有兩塊雞胸一塊叉燒，都係慢煮。我自己亦好鍾意有大量葱嘅拉麵。2. 黑蒜油拉麵👍🏻冇影到，都有雞胸同叉燒，味導Ok ，亦唔咸，但相比白雞湯就較為失色。…查看更多

行山經過見到有間咁嘅露天cafe ，上網睇下原來係啲網紅打卡點，不過同相似乎差得有啲遠。首先可能因為太多人，塊地真係幾污糟，望落似係求其揾塊泥地擺幾張枱，有啲似返咗大陸嗰啲農家樂😂園藝真係乏善可陳，個湖(?)係鴨屎綠色，唔好有太大期待，可能好多蚊。因為出面真係有啲污糟同嘈，所以都係坐返入冷氣房，入面裝修都算精緻，坐得都舒服。之但係嘢食就好一般，咖喱雜錦求其畀幾粒丸但收咁貴，又唔係好食。牛展個味係幾好，但啲肉好鬼韌，份量都好寒酸。雞翼幾好食，不過我諗都好難整得難食。花茶同芝士蛋糕可以唔使試，完全冇驚喜，總之就係又貴又唔抵。基本上呢間嘢以後可以pass…🙂…查看更多

試咗佢個東北鄉土料理煱物set ，除咗個煱較為失望，其他都還可以。1. 前菜👍🏻有個菠菜，有個淮山海藻，有個涷豆腐。全部都幾好食，不過淮山有啲似鼻涕可能唔係人人接受到。2. 刺身👍🏻雖然唔係最優質嗰隻，但都算新鮮，冇乜魚臭味。3. 雞肉煱👌略普通，上面有兩舊類似米通嘅卷，不過唔太好食，浸一陣就會變林，雞肉丸有啲軟骨撈喺入面，就係日本人打邊爐食嗰隻雞肉丸，口感幾好，但湯底一般般。4. 綠茶紅豆菓子👍🏻👍🏻👍🏻最好食居然係個甜品，好似茶粿咁，不過唔會太甜。整體嚟講都ok ，坐得舒服，嘢食就中規中距啦。…查看更多

朋友推薦，原來一般要提早一星期book ，真係好彩有張吉枱。1. 叉燒👍🏻👍🏻👍🏻必食，枱枱都嗌，附一碗米粒同一兜自家制陳皮醬，即席用火槍燒。個醬真係有陳皮味，叉燒大大舊，但唔鞋亦唔韌。2. 啫啫生菜👍🏻👍🏻👍🏻夠唒惹味，都會即場啫畀你，啲煙揚下揚下已經好香腐乳味。3. 蒸荷葉蟹飯👍🏻👍🏻👍🏻好大隻蟹，有肉地得嚟蒜香入味，蟹膏濃，同埋個殼都蒸到軟軟地，好易咬。飯偏乾身，有蟹味。4. 腐乳蝦球👍🏻都ok ，唔會太濃味，但冇乜腐乳味，蝦係蝦仁嗰隻爽口質地。5. 紅豆糕👍🏻👍🏻👍🏻係附送甜品，夠清淡，唔甜都唔膩，唔係嗰啲死甜嘅紅豆。6. 炸白免糖👌係新menu ，職員好緊張我哋嘅評價，話制作好花功夫。其實我覺得冇乜白免糖味，只係普通炸鮮奶，佢有個自制嘅類似焦糖醬畀你，你鍾意可以點嚟食。雖然冇乜特別，但勝在都唔係好甜，唔使擔心。佢地菜式真係好多樣化同好少見🙆‍♀️例如有八寶鴨，鹿筋等等，都係好講究做法嘅食物，價錢大概200幾一個人，但好高質，唔算貴，以後應該會經常嚟。…查看更多

估唔到將軍澳有間咁好食嘅地中海菜，啲職員同老世都似地中海人。1. 埃及燒烤拼盤👍🏻👍🏻👍🏻一試難忘，主要係好耐冇食過啲咁嫩咁多汁又飽滿嘅雞胸肉，陣炭烤味真係好正。羊排都好食，醃得好好。雖然隻香腸形狀同味道有啲難接受，不過整體來講好出色，兩個人食超飽肚。2. 雞肉吉塔鍋燉菜配couscous 👌幾有特色，唔算大份，但啲雞肉一般般。本身其實有啲嬲因為等咗成粒鐘先有得食，佢漏單催咗好幾次都未嚟。不過見佢食物質素同環保都幾好所以算啦。…查看更多

裝修真係好舊式，連啲侍應都好似凝固咗喺以前嘅年代咁，與時並進嘅似乎只有佢嘅價錢😂1. 瑞士雞翼👍🏻 心諗咩雞翼要90幾蚊四隻？不過話曬呢度係發源地，點都要試下嘅。啊不過佢又幾大碟，隻雞翼手掌咁大，都叫冇咁肉赤。食得出瑞士汁同出面嘅好唔同，隻隻都浸到入晒味，好食。2. 葡國雞飯👌係點都好食過出面嗰啲港式西餐廳嘅，但真係太貴了，可以唔使特別試。3. 乳鴿👍🏻👍🏻👍🏻超好食，外焦內嫩，多汁有肉地，咬落去啲油滋曬出嚟，有椒鹽味又唔會好咸，好香口。4. 梳乎厘👌好大份，真係兩個人食唔晒，質感好動L，味道就只係普通白糖味，第一啖唔會好甜，但因為太大舊會愈食愈甜。5. 煉奶啫喱👌冇嘢特別，唔需要試。我覺得佢嘅乳鴿同雞翼都令人深刻，係貴咗啲，不過可以try try 。…查看更多

我好中意佢呢度地方好闊落，仲有個大窗對住公園，畀你望下啲綠色花草。同埋有叉電位，有政府wifi ，上網好快，好適合一個人嚟做嘢。雖然佢有限時，但而家疫情少人，基本上坐半日都唔會掟你走。1. 紅酒牛肋條👍🏻好食，牛肉入味，好林，又大份，仲有啲雜菜伴碟，雜菜用蒜蓉煮過好好味，加上上菜好快，nice😘2. 煙三文魚長通粉👍🏻味道好好，但三文魚太碎，如果大塊啲就好。因為佢地方好大，坐得好舒服，係一間相當寫意嘅cafe，周不時都會想嚟坐下抖下。…查看更多

呢間茶座好有特色，有啲似圍村過年咁，點估到佢竟然係泰國菜，食物仲比想象中好食。1. 印度薄餅👍🏻👍🏻👍🏻佢呢個naan不得了，好出色！同出面嘅好唔同，熱辣辣新鮮出爐，好有嚼頭，好重蒜香，食落反而似日式麵包，真係會食到上癮。2. 青咖喱👍🏻好食，好鍾意佢入面好多菜，又瓜又豆又茄子，係啲雞肉差咗啲，但味道好好。3. 冬陰公湯👌個味係幾好嘅，可能甜過出面少少，入面有幾隻開邊蝦，有啲草菇咁樣，不過蝦肉好霉，唔新鮮。呢度個環境係介乎countryside café 同酒樓之間？好難形容，要親自睇下，嚟西貢玩開嘅不妨一試。同埋佢幾好有代泊service ，記得留啲tips 畀人。…查看更多

經過見到呢間好似唔係以前嗰間嚟，即管入去試下先。環境幽靜，成間舖得我一個人，好適合嚟做嘢。睇佢個menu同裝修都係中西合璧咁，菜式係幾得意，搞到樣樣都想試下。最尾叫咗個龍蝦pancake。首先有個中式蝦米湯之類，淡咗啲，尚可。然後個龍蝦似係有另外煎過，蝦殼好香，肉就冇乜啦一兩啖食完，始終唔係咩高級龍蝦。每層pancake 之間都夾咗啲龍蝦沙律，個沙律好好食，因為有蝦肉同蟹子所以口感好好👍🏻👍🏻配落啲甜嘅pancake 度又唔會奇怪，反而幾特別。同埋都飽嘅，對女仔嚟講。…查看更多

趁假日搵間cafe 靜靜地坐低做嘢，最緊要係佢門口有得泊車咁你可以睇實部車。1. 鹿兒島黑豚御好燒Croffle👍🏻👍🏻正！佢似係croissant + waffle ，配大板燒嗰隻汁，同豚肉。反正個croffle 係幾得意，有好香牛角包味，口感又有啲煙韌。2. 一浪總匯三文治👍🏻好足料，飽肚，都好食，雖然我自己更鍾意上面個croffle。另外叫咗杯涷橙啡就唔係好飲得慣，不過佢仲有好多其他嘢飲，店員態度都幾nice 。只係座位稍嫌窄咗啲，同埋如果張枱可以高啲就好啦。…查看更多

而家午市打邊爐原來仲抵，人又少又打折🤣好掛住麻辣火鍋，一入去呢間嘢已經覺得好有特色，成張龍椅擺喺門口，連廁所牌都好講究，啲裝修古色古香咁，feel 到老世有用心經營。食物嚟講真係一啲都唔馬虎，貴係貴貴哋，一罐汽水都廿幾蚊😔但食落先知好評如潮有原因，完全值得再嚟。1. 建寧麻辣卜卜硯湯底👍🏻👍🏻👍🏻好好味，香料好足，唔會一味得個咸字好似出面啲杯麵咁，似係熬出嚟嘅上湯。同埋竟然唔會愈煲愈辣，連啲菜都冇乜沾到辣油更抵讚係啲硯！份量非常多，成個煲都係滿滿嘅硯好有誠意，仲要好新鮮😇粒粒清甜，又大粒，少少海水臭味都冇，強烈推薦！2. 清酒牛肉👍🏻👍🏻👍🏻就算被麻辣湯底滾完都仲係好重酒味，油脂分佈均匀。3. 黃喉👍🏻爽口，唔腥。4. 萵荀👍🏻正常水準5. 手打肉丸拼盤👍🏻👍🏻👍🏻好好食！一共五款，用料好豐富。黑色墨魚丸好重墨魚香味，牛丸爆曬汁，白色墨魚丸入面有細細粒帶子？反正隻隻都好juicy，口感同味道都好好。6. 油炸鬼肉丸👍🏻就係有油炸鬼包喺入面，口感幾新鮮，但我覺得上面個拼盤更值得試。7. 餃子拼盤👍🏻👍🏻👍🏻應該係佢自家制，都係有五款，全部都超好食！真正嘅皮薄餡靚🥰 個餃子皮好煙韌，唔會散開，又大粒，啲餡多到爆曬出嚟咁，仲要好多汁。基本上每款都令人深刻。韭菜餃啲菜真係飆汁，牛肉餃啲免治牛好有牛味又juicy，仲有冬菇餃等等都好出色，令人想打包佢啲餃子返屋企煮。8. 美濃水蓮菜👍🏻👍🏻好特別，睇落有啲似韭菜花，完全唔索油，好快熟，非常清爽，好過食油麥菜嗰啲。不過因為好長，落水之後會纏住曬，建議剪多幾下再落。9. 薯粉👌Ok不過不失總之呢度嘅食物質素同店舖環境都好好☺️加上佢擺盤好精緻，啲餐具都好配合宮廷主題，用嚟打卡一流。另外店員仲會幫你洗埋碗筷，埋單折扣減咗300幾，兩個人只係食咗758，飽到行唔郁，我覺得呢個價錢好合理。我應該好快會再幫襯，希望佢可以捱過疫情。…查看更多

因為得土瓜灣有堂食，專登揸車過去，原來外賣都幾抵食，八件壽司仲便過堂食。1. 六貫手握壽司定食 👍🏻推薦，拖羅入口即溶，其他小菜例如牛展咁味道都唔錯，都欣賞佢有啲水果喺度解下膩，擺盤亦美觀。個喬麥麵就一般啦，同茶碗蒸都係普通質素。2. 串燒雞心👍🏻👍🏻好好食，爽口，入味，唔腥。3. 鐵板和牛粒👌食得出係就係和牛…不過全部都係筋，好似嚼橡筋咁完全咬唔到，比較失望。3.野川牛舌定食👍🏻個汁好似甜咗啲，但牛舌整到好林，不錯，都好飽肚。下次嚟應該就咁買壽司外賣食，有discount 嘅話其實幾抵玩。…查看更多

放假想去馬灣散下步，親戚即刻推薦咗一間隱世海鮮菜館，喺條舊村入面，都好隔涉下，入面都係街坊街里，飲下啤酒睇下波咁好有生活氣息。望到個menu 同隔離枱直頭流晒口水，乜都想嗌下。1. 蕃茄胡椒牛腩湯👍🏻好濃味，勁大煲。據悉多年以前係落埋薯仔嘅，同埋重料過而家。但我今次嚟就冇薯仔，不過我都覺得好好食同好足料。2. 鹽水硯👌超重麻油味，硯我覺得一般般啫，唔係幾新鮮。3. 蒸石斑👍🏻有少少老，不過都幾好食。4. 䜴油蝦👍🏻超好味，炸到勁香，脆卜卜又好有蝦味，仲幫你挑晒蝦頭啲內臟出嚟。全家盛讚。5. 白灼墨魚👌一般，墨魚冇味，同埋啲ingredients同䜴油同條蒸魚可以話係一模一樣。6. 辣酒煮花螺👍🏻好好食！重酒味，想啜晒啲汁佢，又開胃。咁啱播緊英超，餸波一流。仲叫左個豉油皇炒麵冇影到，中規中矩，不過辣醬超級極之非常辣，一定要小心落。…查看更多