ELsa_yu's Profile

疫情下 搵個有氣氛嘅地方慶祝真係好難。西班牙菜 平時就少食 但呢間餐廳我已經食過，不得不推介俾大家 特別係慢煮豬扒 同埋西班牙蛋餅 必食 😂😂豬扒嫩口得黎個汁好juice 汁濃得黎同下面啲薯粒好配搭。蛋餅有薯仔配合雞蛋 加上汁，鐘意食薯仔嘅人 不要錯過🥰環境有分室外室內 如果係夜晚 同朋友吹水 安靜得黎又有情調。可惜 要等疫情過後 可能先做到😂整體黎講，環境唔錯，近牛頭角地鐵站。食物都推介👍🏻😚如果想食西班牙菜不況嘗試下☺️…Read More

今日同朋友去左間新開冇幾耐食台灣打邊爐「牛大人台灣火鍋」店內裝修得好似台灣古色古香⋯⋯環境大又乾淨。我地兩條友坐得勁舒服。咁佢同一般出邊任食火煱店一樣有幾個價錢選擇。愈貴食嘅肉又會靚啲選擇肉類又會多啲啦⋯⋯我同朋友簡左個台灣鳳梨雞鍋，入邊真係有成隻雞係度。野食方面，款食超多，特別係台式食物，燕餃，甜不辣，鹽酥雞，台灣雞水餃，蛋餃。野飲又有冬瓜茶酸梅汁，又有一支支嘅特色茶飲（超愛）。菜類丸類款都好多 菜款有六七種，丸類有十幾種。店又會提供珍珠飯，飯筒都岩去！整體來講，性價比高，食物選擇多，飲品選擇又多，而且仲有每人一杯嘅movenpick 雪糕。真係幾飽都食得落！店員服務又好 店環境又好。真心值得推介！…Read More

是日 同朋友去食拉麵。店出邊裝修到好似日本嘅鋪頭咁，貼左餐牌同埋有張日本食材嘅認定証。咁緊係要入去試吓啦！入到去，店嘅坐位唔多，相信平日都要等下位 ，簡左一陣決定同朋友叫左配招牌熊拉麵，元祖魚介豬骨熊拉麵，自家製餃子同芝麻沙津醬餃子。招牌嘅湯 豬骨味濃，唔會好鹹，粒蛋做到唐心效果。自製餃子嘅餡料醃得岩岩好 唔會好鹹。我更加推介 沙律醬餃子 配埋蔥 真心覺得出奇地好夾店入面同日本嘅拉麵鋪一樣有檸水提供 ，更有唔同配菜（酸薑，辣豆芽，同類似冬菜嘅物體？）等客人自己添加。整體來說，味道同環境都唔錯。得閒經過佐敦/尖沙咀都可以去試吓…Read More

蒸氣海鮮石鍋 故名思義 最緊要新鮮材料製成 做法看似簡單但係整出黎要好味 材料嘅素質係好緊要今次我哋嚟咗呢間有蒸氣海鮮石鍋專門店正正體驗到佢哋嘅鮮味 我哋叫咗我呢個328蚊套餐先黎海中蝦同沙包蜆 蜆肉鮮甜冇沙處理得好乾淨 蝦蝦肉好爽 肉質唔霉 唔係死蝦大連鮑魚 鮑魚肉質爽口彈牙 唔係淨一舊鮑魚 有啲蟲草花做配料 食落好有新鮮感日本元貝 連埋香蒜同埋粉絲一齊蒸 蒜味好香而且元貝肉質爽口清蒸美國桶蠔桶蠔夠大隻 連埋薑絲一齊食 非常鮮味薑蔥蒸鮮魷 先有爽口 豆卜 吸曬蒸氣鍋嘅鮮味 非常入味手剁豬肉丸及墨魚丸 豬肉丸同埋墨魚丸每粒都好大隻 食落非常彈牙 金銀蒜蒸勝瓜 勝瓜好甜 冇草青味食完之後飲返碗黨參北芪雞腳排骨湯底 鮮甜入味 比起出面嘅粥底更為豐富 更凸顯鮮味…Read More

今日 去旺角行完街，經過山東街，有間拉麵店好似日本裝修咁。得幾個座位，對住廚師。仲要有部智能售賣機 用8達通俾錢，認真方便！成個環境都好似營造到好似日本咁。等左一陣位，我同朋友就點左兩碗麵一個係 別天神套餐$105一個 限定蝦味增豬骨湯麵$85別天神套餐 除左有豬骨湯麵 仲有4隻餃子同小龍蝦蟹子沙律豬骨湯湯底 店鋪標榜 100%豬骨同水 煮成 。冇牛奶同味精係入面飲落啲湯真係唔會愈飲愈口渴，而且真係好有豬骨嘅香味同埋個質地冇咁奶質，而且冇咁鹹。麵條方面煮得爽口，條條分明。叉燒肥瘦適中，流心蛋食落甜美。餃子係用菜同豬肉製作而成，餃子皮煎得脆而且餡料多汁。小龍蝦蟹子沙律，師傅話用紫菜包住嚟食。蟹子同沙律醬味道比較出，食落就好似食緊蟹子沙律嗰種感覺，凍冰冰都幾啱夏天食。至於朋友食嘅蝦味增豬骨湯麵，湯底比豬骨個款濃啲。第一口飲落 好有蝦味，而且配埋粟米粒，配搭上味道都唔錯令到個湯除咗蝦味之外仲有粟米嘅甜味喺度。整體來講，環境都唔錯好有日本嘅風格，食物方面尤其係豬骨湯底方面冇味精 ，感覺真材實料。都值得一試！…Read More

今日放學同朋友行街，經過間台式飲品俾佢店入面嘅櫻花樹吸引了入去。朋友叫左杯 嵐山烏龍烤奶$30 （健康甜 走冰），我就叫左杯逮丸芋頭2號（手工芋泥+小芋丸+鮮奶）烏龍烤奶 味道 茶味夠濃，甜度岩岩好 唔會太甜，入口會有烏龍茶嘅味道，新鮮鮮奶嘅口感。個人覺得本身鮮奶已經有佢本身嘅甜味，所以健康甜 甜度就已經足夠。我個杯芋頭2號 係店鋪嘅招牌。店鋪標榜係手工芋泥，唔知係咪咁，我覺得同出邊嘅感覺好唔同。首先講下質地先，當搞杯中嘅芋泥用少少力 就可以撈勻，唔會仲有成陀貼住係杯邊 飲唔到。另外，小芋丸個size真係唔大 ，好似大粒西米再大少少。口感煙煙銀銀咁，咬落又唔會好似食緊粉嘅感覺，但係又比珍珠易咬好多！配埋鮮奶同芋泥，即時將芋頭嘅味帶得仲出！整體來講，好味高質，唔錯！放左學 整返杯台式飲品，將一日疲勞，完全精神哂！充滿能量！仲要店入邊好多打卡位，得閒經過不況整返杯…Read More

今日卜左間餐廳，男生應該幾鐘意。間餐廳佈滿阿仙奴嘅球衫，閃卡。我地叫左兩個set dinner 前菜有沙律，有南瓜湯。沙律嘅醬醋同我地平時食開嘅好唔同，有甜甜嘅蜜糖味，同個醋好夾。出邊好少食到，呢個味道。南瓜湯溶得黎，有幼細南瓜粒嘅口感。我地額外仲叫左佢個皇牌小食併盤$118入邊嘅小食有薯角，雞翼，洋蔥圈，等別提一提個薯絲蝦 ，食落去入邊除左蝦之外，仲有洋蔥一層層包住，三層口感，外脆內嫩。主菜我地叫左個海鱸魚柳意式鮮蕃茄$168香煎塊魚柳配搭蕃茄食，有陣清新嘅味道最意外係魚柳配搭紫薯蓉 口感出奇地夾。甜甜地之餘，仲要出左塊魚柳嘅精髓！值推！香蒜煙肉芝士腸蝴蝶粉$128本身食落有好重嘅羅勒同香蒜味 再加上濃濃嘅醬汁拌著蝴蝶粉。味道唔錯，特別岩鐘意食濃味食物嘅朋友。仲叫左一凍一熱嘅鮮果水果茶，蘋果，橙，檸檬等生果已經搞到爛晒，配上糖同紅茶，成杯飲品都感覺好纖維豐富又養生。重頭戲就黎我地叫左個心太軟又名朱古力三重奏$68，再加左一球曲奇雪糕係用dreyer’s 呢⋯⋯開頭諗 點解叫三重奏，要食落先知點解。外形 係會 有一片朱古力係上面，配上白色嘅奶，一吉，心太軟好似連埋啲奶流心出黎，食落口感好似上面鋪左層朱古力，中間個層係蛋糕加流心朱古力餡，底層好似有少少硬身脆脆做底。食落又夠熱，不過本身心太軟就係偏甜，鐘意食甜野嘅朋友。絕對愛上！我朋友聲稱食過咁多間心太軟呢間係喜出望外呢！總結，餐廳食物質素唔錯！特別係心太軟！而且店鋪位置方便，餐廳環境服務都唔錯！如果同朋友聚餐/慶祝活動不況考慮下。…Read More

今日同朋友行街街 順便過黎尖沙咀新開嘅一君士多 食佢地嘅麵。鋪面地址唔難搵，一出地鐵站行幾分鐘就到入到店面 ，裝修用木設計。簡單得黎，又舒服。坐左一陣，我地就叫左碗散叫 同一碗 招牌霸王麵，一君炸蛋，芝士雞翼。上菜速度快，店員都好貼心問需唔需要加辣汁。霸王麵除左名字霸氣外，餸入邊都好霸氣，有鮑魚，花膠，花菇，廣島蠔。麵底足，蠔好甜，鮑魚入味又有口感。散叫個碗，魚蛋有陳皮味，豬頸肉爽口。炸蛋好好食 彈牙得黎，入邊炸到剛剛好。雞翼係冇骨嘅 入邊有芝士係度。整體來說：店員服務好，環境不錯，食物質素不錯，是一碗高級嘅車仔麵。…Read More

係香港開鋪咁耐，終於可以飲到泰國嘅奶茶想念左好耐 ，對上一次係去泰國個時飲。都好耐啦⋯⋯香港呢間 可以簡少甜 但係少唔到冰。飲落雖然係甜啲 但係等啲冰浴左啲時，就溝淡左個味到。保持到泰國奶茶嘅味道唔去旅行，飲完都好似身在泰國一樣…Read More

唔知係新開 定係員工欠培訓 定係人手唔夠呢 入座後，坐低左5分鐘 店員走埋黎 問我地簡好野食未，跟住就同我地講 好多餸都冇哂，好啦⋯⋯咁我地好快簡好之後 就俾左單啦⋯⋯等左20分鐘後 店員就同我地講 又加多幾樣餸賣哂 。我先發現到依家原來未落單！改完單之後，我地檢查張單 ，店員又落錯單 。仲要語氣略帶係我地要改單！我立刻同店員講：不如你查下張單先啦⋯⋯店員睇完後 就幫我改左單 。店內環境都尚算寬敞。不過bar位射燈燈光太強，坐係度會熱。食物都還可以，叫左個 蕃茄湯 湯底 係好濃嘅 蕃茄味！濃度好似食緊蕃茄汁緊 。餸菜普通。食到最後入黎嘅客人 ，叫咩冇咩⋯⋯明顯準備唔夠！總結：食物尚可接受！員工處理繁忙時間嘅應變能力尚需培訓。…Read More

上次黎食放題嘅時候，係用寫落單嘅。依家，用手機落單 快捷又方便仲可以睇番之前落過咩單添呢間餐廳之前都食過 食物有保證例如 刺身又新鮮 鮑魚又好食 野飲款式多種類上菜速度快 好可惜 改左餐牌冇左雞軟骨但有其他餸搭救甜品（雪糕）方面就選擇比較少希望下次去會選擇多啲啦…Read More

今晚去左好耐冇去嘅淘大花園，搵到間 食鰻魚飯嘅...睇到大家推介 一於去試吓入到去 唔使點等位 就坐低左我地嘅目標緊係食鰻魚啦⋯⋯叫左碗 金釜$138叫左碗 銀釜$88叫左個焦糖番薯 同一杯 椰汁紅豆冰金釜 鰻魚肉質厚身，配上飯 同飯焦 加埋蒲燒汁銀釜 簡左個 香口啲 銀釜嘅鰻魚係鹽燒整體都唔錯 番薯🍠 就唔係太大驚喜椰汁紅豆冰 就有啲甜 不過紅豆量夠足整體唔錯 值得一試…Read More

元氣經常食開，今日黎到葵芳食元氣。咁岩新推出左特大新鮮帆立貝 上面放左片檸檬配上檸檬嘅清新味，完全係好好新鮮嘅配搭。仲食左個綠茶紅豆千層蛋糕，味道唔太甜。不過個人都係喜愛食日式芝士牌。今次仲有張現金券⋯⋯食好啲…Read More

今晚出旺角 食沙爹王 平時都係食開白咖哩香茅豬扒飯今次食下新推出 咖哩豬扒撈烏冬豬扒粒好林咖哩好味 另外，叫左個炸蝦卷 同雞粒 新鮮炸起 唔錯唔錯！唯一就係 咖哩有啲濃 不過鐘意食嘅朋友 可以試下…Read More

平時經過鑽石山，已經好想食呢款傳統冷糕。不過次次去都排哂長龍。好好彩 今日撞岩時間冇咩人等，走左去買左個傳統冷糕黎食下。呢款食物，未食之前，我仲以為係凍食，同埋份量唔會太多。買完之後，發現係熱食，同埋中間有啲麵包嘅質地，入邊包住 砂糖 芝麻 花生 咬落去 唔會話好甜 粒粒花生🥜又有口感芝麻又夠香。食完成個都覺得飽。好有潮州甜品嘅特色想食新奇野嘅朋友 不況一試…Read More