cocobb's Profile

呢間野變左餐牌我無留意係我唔岩，咁岩朋友生日就去食飯，結果成餐9唔搭8首先，我openrice訂位已備注「生日飯」，無諗過佢地怪我無request卡位，得番吧台真係笑左，都算…問佢地有冇甜品/蛋糕供應，佢地話有甜品可以寫Happy birthday,但寫唔到名..（我：？）其實都唔緊要，最可怕個貌似經理既長髮小姐話寫唔到原因係咁臨時我地無師傅寫（我：咁又寫到Happy birthday?)佢話係前一晚「用淨」先有,所以寫唔到名，用淨你地係翻用比客人？我唔知，所以唔敢要，話唔使了。之前佢晚市好多選擇，有壽司有串燒有熱食，都正常，唔係特別好食又唔係難食咁…今次再去，佢明焗人食佢「omakase」其實真係唔想揀，佢餐牌得番壽司同串燒😒我地揀左$468。上菜都好笑，店員同師傅都唔知上左咩打咩，上左前面果碟，影影下相忽然拎住後面3碟問：呢樣食左未呀？ 下，問番個客咁得意之後經理同廚房肥果個師傅指住我地吧台果邊指指點點🤣🤣🤣原來無溝通，omakase係方便餐廳將正常份量既野分做勁細碟咁上，又可以賣貴啲，食食下又發覺，呢個set就係之前佢地lunch賣緊$198果份😀個天婦羅唔記得左影，咩蟹腳勁難食無味🤣湯無味，飯得2啖，唉，我寧願好似之前咁散叫正常份量，而家好似食爭鮮咁，見到師傅將魚微波爐叮完先去燒2下；食甜品果時睇到肥師傅分緊味勁怪既西瓜波蘿汁果時分唔晒佢即場飲…我唔知係唔係正常，個個師傅又唔帶口罩又無手套就處理食物…成件事勁差，埋單2個$1200，女仔都食唔飽，上餐一時一次上2-3樣，一時好耐都唔上，去唔去自己諗，我就唔會再去…Read More

之前一直已經好想食，一來佢顏色，二來上網好多人話好食，經過睇落環境好好，結果.....都知好多食，所以一早book定台，7:30去到都唔算多人等，去到店員又無乜笑容搵到我booking就正常帶位，其實我應該無撞聾但當時環境嘈到我根本好難聽到人類既聲音🙄坐低之後冷氣超凍（都可能我虛，唔關鋪事😪）耳仔一路承受唔到咁嘈，隔離台果四位壯健女士笑聲加埋，我頭都痛，好差既食飯環境...一睇餐牌，嘩，唔平wo,一定好好食啦，如是者我地3個人叫左個2人餐再加3杯野飲...落單要去收銀落，ok,五星級價錢茶餐廳運作🙂收銀果個黑口黑面到一個點🌝唔緊要，五星級價錢嘛，埋單$812?!?! 唔緊要，咁既價錢，一定好好食😋碗碟水都要自助😂點解咁貴要自助？我唔明比完錢自己行番埋自己位，屁股都未坐低，第一樣主菜就黎_bbq咩牛仔骨，無煙出既？咁乾既？凍架wo🌝再望一望餐牌確保餐牌寫主菜，唔係冷盤...難食到我難以形容，個牛仔骨中有d黃黃綠綠既色唔知咩汁黎，個牛凍左，又凍又難又油，我食左啖算左之後說時遲 那時快其他野一次過上晒😆係速度呀😂大家樂都無呢道咁快食得！個包係成個餐入面最好食，你睇下個牛油，hi晒邊咁係藝術黎，我就好辛苦咁斜晒咁拎黎查我個包，個牛油都唔好食，有d黑松露味，但個牛油底好怪陣味😊沙律應該好食勒掛？不😂上面d芝士無乜芝士味，個柚子汁係有同無之間少少咁比你食到，人都癲沙律無味到咁😂👍我問心，呢樣唔個前菜定咩算不錯，個沙律同大果盤都一樣味🌝帶子好食既，不過呢味都係暖唔熱如果你睇到個menu,3個choice都好怪，牛舌朋友唔食，一個就係呢個蕃茄豬頸肉燉飯，一個係咩藍莓乜乜燉飯，你話點揀😂藍莓飯？講番呢個飯，我第一啖食，3個英文字出現，拿，豬頸肉可以接受，但都有雪味（我當食唔到）個飯真係驚醒咗我味蕾，喂，拿喉既？又係唔熱，又冇寫有辣汁，點解會拿喉？我唔知，我其實又餓又凍，仲要食埋d咁既野🌝甜品-心太軟一定唔係自己整係現成，食得出，好彩唔係廚房自己整🌝menu又話係咩tart,黎到蛋糕黎既？算啦反正唔好食，但隔離果堆好似成堆cream亂黎既野其實中間有個檸檬雪芭，係最好食架❤️好感動，終於有野好食🤡朋友叫左2杯咩茶，佢地冇話好唔好飲，我都得影相，我呢杯係桔梗奶昔，成$58，淡而無味既士多啤梨奶昔，無味既，可能係健康野我唔識😊服務態度：唔使5分鐘上晒菜之後，黑口黑面女店員一野又放底左碟牛仔骨，出煙架😍佢睇都唔睇我地到底有未掉底就走，叫佢收番唔好意思都唔講又黑面飄走🙂食野果時未食完就一野想收走😂係味知太難食呢？廁所污糟到一個點，無人理😪呢餐飯真係去左地獄一轉咁😊點解咁多人話好食，黃店我食好多，呢間真係極度差極度難食🙂黃店我好支持，唔好因為咁就做到咁差囉，我知道我可以唔幫襯，而我都唔會再食🌝…Read More

我地一行四人去到呢間野，其實佢同對面果間福來居係咩關係？Fine,唔緊要，講講服務先，係好好，姐姐同叔叔好落力服務，呢樣必須讚👍🏻唔係呢個服務，我驚我當場發爛😃講番野食，因為呢間係我地其中一個成日黎食，見佢講到咁好食，我地就交比佢叫😀瀨尿蝦-我只能夠講好一般正常既瀨尿蝦，間間食到既係呢個質素，佢炸蒜唔夠香脆，辣椒都唔夠出味，但蝦係新鮮（唯一優點）蒸扇貝-呢個連豉油都冇落，一上菜我地以為落少左，唔緊要，佢d蒜咸到呀媽都唔認得，所以一齊食都夠味炒聖子-呢個幾好食，聖子夠彈牙😃呢個咩芝士蝦米粉底就精彩，芝士淡茂茂又唔夠香，個米粉底係硬唔係脆，定係我鄉下妹唔識食？我寧願去番新記食芝士麵呢味係我叫，佢話冇咸魚，得茄子魚鬆，個茄子好紫好靚，一咬，充滿住水份？冇走油？定本身做法係咁？求指教我地白飯都冇叫，叫左3支唔過30蚊既啤酒同一支可樂，埋單$15XX, 每個人400唔使😀我問自己食左咩要西貢咁既價錢？我唔係嬲間野，其實我係嬲我有朋友咁唔識食揀呢間，仲話強烈推薦😀比中評係因為自己豬揀呢間，無人指住我地入去，加上佢地服務由頭到尾都好好😌可一不可再-完-…Read More

由於去泰國用過eatigo訂半島半價自助餐食，對呢個apps有信心，所以見到香港有就試下，點知...1）我去果日好餓，加上屋企附近既尖沙咀holiday inn又唔係咩cheapcheap酒店，所以book 8:30 半價時段去食；2）用apps訂完holiday inn會有人打黎同你confirm booking ,話830黎只可以食到915（真係好怪，明明佢930有下場）大致上開始已經唔係開始得好好，不過其他人話半價試下冇所謂...我地大幾8:20分到，佢都比我地入場照計半價。去到拎生蠔，見到全部用水浸住🤢個貌似強國呀姐侍應仲不停用水喉水沖🤦🏻‍♀️蠔睇落大大隻，賣相其實冇野，但骨肉分離🤢一食第一舊我已經吐番出黎，點食呀大佬，冇濃濃既海水味只有濃濃既水喉水味，我嘔都嘔唔切😤蟹就正常，勁多肉，咸味好夠👍但比生蠔搞一搞我已經冇乜胃口🤢蝦都幾正，又彈牙，又夠大隻🍤比夠正常少少係熱食，但牛扒唔係咩靚牛，唉，其他我冇食到，同行者話幾好，我唔比comment勒🤦🏻‍♀️個湯唔知係咪太夜乜都收起等930果轉，要問廚房先比,但堅好飲👍野飲同其他酒店唔同，佢咖啡同茶都要自己沖，我今次見到有任飲啤酒講到甜品先灰，都比人拎晒都唔fill番🤦🏻‍♀️檸檬批冧晒，檸檬味又唔夠，個芒果糯米滋...唉皮好厚芒果好酸，我到底食緊d乜😐蝦係每位送一份，侍應拎到黎果時已經暖左唔係熱，上面芝士已經硬晒，我寧願佢唔送最後我比錢折左都要$330/1個人我嬲左😆仲衰過食放題，我忍唔住問個侍應（但我笑住問，因為唔關員工事），d生蠔係即開定係雪藏解凍？佢話唔清楚，幫我問下，連隨佢問係咪d生蠔有咩問題？我話我未食過酒店生蠔係完全冇味😭佢竟然即時跟進，幫我叫經理黎，個經理應該都知咩事，話「會有幾轉點點點，而家果d唔係即開，不過唔緊要我即刻開半打比你地食」我食完冇味生蠔已經驚左，但佢堅持，咁好啦...唔好話半價仲想點？尖沙咀大部分自助餐我都食過，人地通常做一轉，就算食到十點，食物都仍然一樣，我雖然係用apps半價黎食，但其實我walk in比正價都係一樣食呢d野，咁大間酒店，即開生蠔路人去買最平$9都有一隻，酒店入貨一定仲平，咁都要慳？刺身同海鮮都做到咁，我寧願你收我貴d比番好野我食，諗到d生蠔仲好想嘔🤢我仲好似食送頭送尾咁，個個碟得番一兩舊邊個想拎，嬲左，如果正價600係食呢d野我即時反台，唔會再去😡…Read More

睇到fb介紹話灣仔新開左間海南雞飯，近近地今日去試下。門面唔大，坐位約6個，我地就外賣，見到3個廚師好落力咁整，廚房有個位掛住幾隻雞，感覺上都幾好。講番野食：無骨海南雞飯$45 + 送佢聲稱「無味精上等椰子雞湯」段片介紹海南雞，咁當然要試下招牌菜啦，雞脾位就貴$5，我見都係$45緊係食豪d啦...點知🤦🏻‍♀️雞：有雞味幾好，又滑，係值得讚既👍飯：唔知佢係想做泰國雞飯定邊個東南亞既雞飯，個飯聞落得薑既味，加埋太多唔知咩香料同大量食落唔脆又油既炸蒜，食左2啖放棄左🤦🏻‍♀️真心建議做番普通黃薑飯啦，好滯呀🤢配菜：酸青瓜，一堆入面有d好酸有d未入味唔知想點？係咪特色黎🤔椰子雞湯：聞落好香，又話冇味精勁咸囉，我地飲左幾啖已經勁飲水😒小食拼盤 $58 （沙爹串燒，香葉雞，春卷，炸蝦餅各2件）串燒：759比較好食，佢整到好乾呀😭香葉雞：好油，但都正常既蝦片：係成盒最正常既😆春卷同蝦餅：可能行左5分鐘番屋企冧晒唔脆，但味道幾好味海蜇木耳 $25真心唔好揀，咸又唔係咸酸又唔係酸，海蜇冇乜味好難食呀😟其實我都好想支持小店，如果唔係好高要求只係想填飽肚可以試下，因為價錢真係好平（灣仔黎講），但如果唔改善下應該都好難企得耐🤷🏻‍♂️後記：去果時有2條女拍緊片介紹，明明岩岩開佢地話：「d雞真係好好食呀，好多人都讚，個湯仲好好飲tim ar」我認左佢地2個個樣，見到佢地介紹野我一定唔食,佢地話「個湯好好飲」我已經知佢地冇味蕾🤷🏻‍♂️…Read More

好多年前（唔知有冇十年）人地介紹呢間佢聲稱一生人點都要食一次既鋪頭，佢地d咖哩唔岩我口味，但係佢地既鮮茄牛飯就唔同呢....仲記得果次又被迫黎食，我就唯有時但叫其他，竟然全部都係咖哩之中見到茄牛飯😱好野....上菜時....食第一啖😱😱😱😱有睇味吉陽一嗎？佢既朋友食左佢整既野會飛起果種心情正正就食我食亞龍咖哩既茄牛飯既感覺，我諗，佢完全改變左咁多年食茄牛飯既感覺，茶餐廳既又酸又唔好食，但亞龍整既就唔好，甜甜地，牛肉好滑，個汁唔會食到好酸（係我未食過既汁味），真係好正，搞到我而家食唔到其他人整既茄牛飯（太難食出面）真係真心推介😋👍其實$79個茄牛飯好鬼貴，佢又唔係咩裝修，又響佐敦舊區（隔離街仲賣緊$2.5/個包）唔明點解佢賣到海港城咁既價錢，又細份！佢既咖哩蟹都堅正，個咖哩同店其他咖哩雞/牛果個汁有少少唔同，又係天價，但為左個呢個茄牛飯我都會特登黎食👍…Read More

今日星期六，同男人拍拖搵野食，響銅鑼灣真係好難諗食乜，醒起上次同班姊妹去HMV間餐廳食過幾好就再去，點知....裝修冇變，坐低睇餐牌唔同左既？係咪因該Lunch關係？得2頁紙，但飲品就成大本揀！（最後就知點解）真名唔記得，係幾種芝士pizza,芝士唔係我鐘意，臭臭地果種🙊講明幾種芝士整成既pizza一d拉絲都冇😒個餅底唔好食，明明上次黎好好食架，咩事，價錢正常$108/個Buffalo wings-肯定同上次唔同!!!講明buffalo wings點會個醬同雞翼本人分開😒單食雞翼係冇味，加番個醬先好食$88/6隻（有6/12/18件揀）黑松露醬薯條，我覺得係必食，個醬好好味好香，薯條炸得好食，上菜時夠晒熱辣辣，正👍而且只係$38重點黎了-我睇餐牌時，淨係見到圖，呢杯係Mango boat,係冇價錢響隔離，當時冇諗過會咁貴😒難怪佢咁大本drink meun 啦，講番味道，好淡芒果味，針唔滿冰多過野飲，我見到佢整好左好耐放左響bar頭冇人拎黎，緊係溶晒冰啦，呢杯野係我飲過最「無辜」！痴線$78/杯加埋一80幾，我地仲要係埋單睇到420先覺得點解咁貴，找錢再睇先睇到$78/杯（我地一人一杯野飲）可能我cheap😂真係冇預過一杯咁既野飲可以同主菜差唔多錢，400幾食餐咁既野，唔會再去，拜👋…Read More

本身想食金鳳，點知爆場又唔想排，唯有試下龍鳳，名同野食都咁上下咁😂平時經過都唔會想食，因為第一睇裝修應該似做遊客，所以唔會特別想去食，好啦入正題😂裝修好得意，環境一般，好迫，坐得唔舒服，真係唔比你食得耐既格局，睇睇餐牌，唔平，食個意粉都五六十蚊，我覺得佢成功既地方係將舊野變新，遊客其實好岩黎，肉眼見有黑人同賓賓幫襯，佢地都消費得到即係都ok la...我揀左XO滑蛋滑牛飯，好大碗，份量十足，呢樣野真係好多餐廳都未必咁大碗，但味道就...滑牛冇味兼好多根，真係唔多想再放入口！蛋好食好滑，但咁大份對我黎講太多，而且個蛋好厚身，成碗我食唔夠一半已經冇食個豉油汁都好食，甜甜地，XO醬多左，死辣，同個飯唔夾...男人個滑蛋肉鬆雞扒飯，我覺得佢果個好食好多，雞扒煎到好香好脆，同埋堅係大塊仲要*2所以其實雖然睇落個價錢唔平，但諗下咁既份量真係抵，同區其他茶餐廳平d但份量少都一條數。我覺得黎呢d餐廳應該試佢奶茶，雖然我唔係專家，但呢間都夠香滑，唔會澀，又大大杯幾好👍我地2個飽到上心口咁走，如果你好肚餓，真係應該黎呢間😂👍PS:呢道d姐姐好好禮貌服務，極力推薦我地join member😂不過我咁細食，要外賣番屋企分2餐先食得晒，下次啦👍…Read More

今日同小朋友玩完一輪諗起一直好想試既Ufufu cafe,所以去試下先。地點易搵，就係尖沙咀通利前面，環境舒服，唔知係咪個場未揚，人唔算多，唔需要排隊，似一般食西式餐既日本餐廳，店員好快安排我地坐卡位。餐牌入面，甜品既比例係多過正餐（睇到熱食個樣都唔錯，有機會再黎）對於有選揀困難症既人，諗到頭都爆埋😂其中「超級芭菲」有30CM高😱想試都冇可能😒下次啦。響揀左超過十分鐘之後（誇張呀你）最後決定叫呢個....鄧鄧鄧鄧好邪惡！！！但好好味😋酸酸甜甜，唔漏，唯一缺點係太細杯，食2啖就冇😂認真想試晒所有款😂👍…Read More

我承認係我衰先黎呢間食，中伏到一個極點！！！店員安排我地坐出面，又迫又細，ok唔緊要，因為好肚餓...1）鮮蝦煎腸粉，粉皮鞋過鞋底，我未試過食蝦腸會有蟹柳，喂大佬，你收人$49碟腸粉比蟹柳？入面每條腸粉有一隻蝦，蟹柳個比例超多😒同埋普通酒樓都唔會做到個皮咁鞋啦，食水深唔緊要，可唔可以比番d質素？ 2）彩色蝦餃，賣相好靚，但成隻餃冇味，我都未試過食蝦餃要點醬油食😒3）奶皇流沙包，個皮好厚好鞋，救命呀，到底呢間野識唔識整點心？d奶皇有流心，一半流一半已經硬硬地😰奶皇好甜，唉4） 青芥蝦堡仔-另一難食之作，個皮唔使講就肯定又硬又鞋，薯條係凍既，食落有陣薑味😒入面塊蝦又係唔熱，微暖，唉，可唔可以用心做食物 5）黑魚子燒賣王-終於有樣野正常，係正常唔係好食呀下，當你食左好多難食既野就覺得呢個係美食 真係食到好唔開心，我愈食愈嬲，埋單$311真係好貴，其實我地唔介意價錢，我係預左，成餐覺得貼錢買難受真係好唔開心，要食既話自己決定 當比錢食境 …Read More

行左陣街之後諗緊買咩番屋企食好，一出鋪頭就見到佢，一路都想試，人地主打係雪糕熱狗，我就試人地意粉😂可能仲早，1:35佢地仲準備緊野，男果個應該係老細，目無表情，相反幫我落單果位（應該係媽媽）笑容滿面咁幫我落單，$35個芝士咖哩焗豬肉醬，佢話跟餐多$15，有一款小食（三揀一）加野飲，反正都要買野飲就加埋（可樂單買都$8）。由厚福街行番海防道番到黎仲熱辣辣，一打開香味衝埋黎😋 意粉細細個，女仔應該夠食，男仔就一定唔夠，芝士好正，拉到絲👍好驚有時d鋪用太平既芝士陣味會怪，呢道好彩冇，咖哩係細個酒樓食咖哩角果隻咖哩味，正wo👍少少辣加埋芝士同豬肉好正，我唔小心5分鐘食晒😂雞翼方面就差少少，個汁好味既係平時食ribs果種燒烤汁，雞翼太熟有d「鞋」雪味好勁，仲食到有薑😭（呢樣係個人偏食問題，有薑其實冇野😂），下次可以試其他，佢有芝士薯條揀（邪惡*2😂👍） 價錢話貴唔貴又唔算平，尖沙咀地鋪租貴算係咁，門口唔多位，有張細細台堂食應該都難，下次有機會試下甜甜先👍…Read More

今日星期六，睇完戲周圍依然多人，諗黎諗去揀左好耐冇食過既沙嗲王。去到門口有大大個牌響道，原來而家係同Monster hunter合作緊，不過我冇玩，所以冇乜興趣😂以前樂鐘意食沙嗲王，乜都有得食又平又好食，近幾年愈執愈少都好耐冇食，打開餐牌少左咁多野既😥連最好食既沙嗲牛肉粉絲都冇埋😱而家好似走西餐路線咁....好啦叫野食.... Monster hunter餐牌上面見到相有好多款「藥水」覺得好得意，叫左「回復藥」$29，加10有蜂巢，加埋回復藥一齊食會回復得快d😂(好似係）估唔到相同真人一樣，見到已經好開心，其實佢係荔枝薄荷椰果飲品，雖然有薄荷葉，但我覺得唔多強，但成杯都好飲，貴多少少錢呢杯多正野飲份量好多，感覺上又得意d,好值得叫😂 小食叫左炒蟶子，骨肉完全分離，唔夠熱，味ok,冇沙，但好鞋，以前明明好好食架..... 奶油津白-男人最愛，我唔鐘意食，所以我比評價可能唔準😂食左一塊有渣😨 我既牛柳焗意米，我其實睇meun唔多明「意米」係乜，不過我見佢係焗飯，有芝士同牛柳，係我鐘意既配搭，所以叫....我估佢係指意大利米？但飯偏長又唔多似，到而家仲係一個謎？芝士有d酸，芝士下層有隻半熟蛋，正wo,牛柳幾冧，整體都好食👍男人個拉麵唔記得影，其實就係沙嗲牛肉粉絲，不過轉左做拉麵，不過都係配粉絲正好多。咁耐冇食過，環境一樣，不過可以生意難做，少左好多侍應，爆場個個忙到癲，好耐先有人理，上菜超慢，希望改善下。…Read More

今日係星期六，接完男人去銅鑼灣行街食飯，由於訂好今日係我諗，接佢之前已經諗好去55食，點知去到多人到呢，冇緣唯有下次，附近咁多野食都唔怕啦，是但食間，富山之前行過都有同卡通人物crossover但都冇機會試，今次試下啦。去到冇人排隊，店鋪唔算大，都乾淨企理，揀左坐門口位，都唔迫，算幾好。第一次黎唔知乜野好食，大大張海報話連續5年拎到獎（2014年之後就冇拎）既黑醬油拉麵，試下囉。拉麵有2個size,1個係普通130g,另一種係大滿足190g，價錢相差$10，一開始驚食唔晒叫左130g,之後睇到差$10不如叫大碗，因為男人想加麵（半個$25，1個$30），食唔晒有佢包底😂等左一陣就黎勒，成間鋪都充斥住瑞士雞翼味，應該就係呢個黑醬油湯味😋麵條係屬硬身，熱辣辣上菜時食好彈牙好好味😋絕對係本人喜歡既硬度，蛋就一般，唔係特別好食，叉燒加埋d黑椒又夠冧夠入味幾好，湯頭就真係幾醬油，偏咸，佢有原味同淡味揀，下次有機會試下啖味可能好d 價錢就正常啦，都可以再幫襯 …Read More

同男人行完街搵野食，銅鑼灣咁多間好食既餐廳我唔揀，偏偏揀別府，我真係好後悔😡入到去得一台客，真係唔係冇原因。 男人揀既海地獄拉麵-冇改錯名，食一啖堅係以為自己落左地獄，海鮮全部唔新鮮，以為隻蝦ok都新鮮？Nonono 臭既，一邊寫一邊諗起都臭，全個麵都好難食，又細碗，仲賣$88？1蚊都唔值。 滑蛋碳燒雞扒飯- 公道話，我呢個賣相好得，好香碳燒味，個汁好味，雞好滑，但雞係完全冇味架😭食到好大陣雪味，點解要響我最餓既時候咁對我？雞要有味好難既咩？ 真心改善下啦，別府由細食到大，比我既印象好好，好食過味千好多，點解而家會變成咁？…Read More

今日星期日，約1點去到，冇book位，放眼望入去好多空台，但未執台，好多客塞響門口，安排位方面好混亂，隔離book左位果個話打黎講明唔要bar台佢地都冇留到正常位，仲比左張台第二個客😒（個客個樣即時🌚）我地2大1細，坐bar台位唔多方便，只好等佢安排，留意番，唔追下既話真係有排都唔使坐（走果時個老外X緊話等左好耐）迫左佢一輪終於安排位比我，又留意番，個位執好空左好耐只係唔知點解死唔肯比客入。叫野食勒，樣樣都唔平，起跳都$39，不過如果係好食都唔緊要既。（如果呀下） 個餐牌好詭異，個格都唔知係講緊邊樣，要自己連番先知😒 得頭尾唔使，睇到中間位超亂。 等左一陣好快上菜，首先係$99/3樣野既前菜： 雞絲拉皮- 個醬好香好濃味，不過好滯 醉雞- 堅係難食，酒唔夠香，個雞件斬到好多碎骨，同埋食落完全冇味😤勁嬲囉，自己整都冇咁難食，覺得食緊油同完全冇味雞肉（多碎骨版）真心唔好叫之一。難怪會比個兜裝骨啦😒 橙棍冬瓜-堅係中伏，之前睇其他人既comment話好味點點點，呢個冬瓜係我食過最怪最難食既野，前面食評d人冇野丫嘛？真係好食？我好懷疑果班人係點比，又酸又甜甜地，成件事都唔夾，點可以講好食呀？真心唔好叫之二。手抓蔥餅-冇特別，超市買既一樣，肯定唔係自制，不過小朋友要食冇計，咁既價錢2塊，老細應該每日都好開心。 有色蝦鮫-終於有d野好食，皮好薄，上面好多色素😟算啦，少少應該冇事（好似係）蝦係算新鮮，呢個可以叫。籠上面既積好銀眼，係咪應該清一清佢呢？ 一籠8式（叉燒包）- 呢個都好食，細細個，唔會因為太大個食唔晒，叉燒夠冧，個皮都好軟熟彈牙。 睇住流奶- 真心推介，皮同豬包一樣，入面d流沙正到呢👍不過，我果個就冇好似「嘔奶」咁嘔出黎，好值得食。 蝦腸- 蝦腸都好正，皮薄，蝦好鮮味，係份量太少，正正正👍 最後埋單要15分鐘😨真係好灰，佢地中環已經有間開左咁耐又唔係第一次開都可以咁真係要改善下。比錢上堂：食左唔多野都成$360埋單的確貴，冇乜服務用到，茶錢仲要$30/位（小朋友都一樣價）但學到野，只要將d野食整到好可愛好精緻咁，就可以賣貴好多同大把人排隊黎食，味道重要嗎？最緊要po上fb有人like👍 …Read More