TUNGTUNGTUNG555's Profile

鐘意食大蝦墨魚汁麵嘅我，最怕食嘅時候個嘴變黑同要剝蝦殼🦐🦐。但我今日終於食到一間唔駛剝蝦殼同唔會變黑嘴嘅墨魚汁意粉! 先講佢個蝦係軟殼蝦，可以直接連蝦殼食。而佢嘅意粉係直接用墨汁意粉，而唔係墨魚汁煮嘅意粉，所以有墨味得嚟，又唔怕嘴仔污糟！ 另外仲食左佢嘅豬腩肉黑松露意大利飯！ 本身都驚兩樣加埋，食落會好油膩。但係佢個黑松露意大利飯食落幾清新，香奶油味得來又唔會太creamy ，變咗加埋炆到淋淋嘅豬腩肉食落去就啱啱好。 $498 二人餐仲包括前菜油漬蕃茄白鯷魚沙律菜，甜品#chillguy cheesecake 同兩杯飲品！見佢哋menu 仲有芝士火鍋🧀🧀，睇落都幾吸引！ 有機會又試下先！…Read More

原來西貢唔止得啲又貴又唔好食嘅海鮮酒家。🙄係小巴站附近啲巷仔，就有唔少好嘢食。呢間旺泰特食係西貢市中心小巴站個頭啲巷仔入邊。雖然環境普通，但性價比幾高！☺️份燒豬頸肉大大份先$78！ 燒到唔乾身，幾香口。呢個分量係其他泰菜鋪應該要過百。招牌海南雞飯$50。肉質好嫰，但啲雞本身冇乜雞味，要點佢個汁先好食夠味。個馬拉盞炒通菜好好食！炒到勁惹味。一樣份量超大！下次嚟西貢諗唔到食乜，有可能會再食！‼️店舖只收cash or alipay! …Read More

身為半個元朗人嘅我大力推介呢間係元朗又新街嘅多多雞大排檔。佢有一大個瓦缸係廚房燒雞，仲要係即叫即燒！食落真心係暫時食過最好食嘅燒雞。個皮脆到可以拎嚟做片皮鴨😝肉質燒完仲係超juicy，有濃濃嘅沙薑味！佢其他小炒都好唔錯，全部都好有鑊氣。乾炒牛河炒到條條分明，唔會過油，牛肉片份量勁多。🫶🏻椒鹽豆腐外脆內軟，正常岀品🥰西芹炒龍躉球嘅魚好新鮮，唔係用雪藏貨炒👍🏻至於環境，可以坐室內同室外都得。怕熱嘅我梗係坐室內。入面冷氣十足，光光猛猛，全程食得好舒服🤭…Read More

係社交平台見到胡杏兒老公係到慶祝生日，個vibe 好似幾正，就約左friend 係到試下。佢位於萬年大廈頂樓，位置基本上真係係正中環嘅中心，坐係個rooftop 完全感受到中環嘅 vibe 👩🏻‍💼👨🏻‍💼嚟到點可以唔飲番兩杯。佢cocktails 有好多款揀。我地就揀左🍸Hutton Jadette 同 🍸AOAO Sangria! 第一杯有好濃嘅black lable whiskey 酒味，後勁先感受到淡淡嘅lychee 同peach green tea 🍵 第二杯就好岩女仔飲，甜甜嘅champagne 味🫶🏻食物方面，叫左打卡一流嘅charcoal grilled eel ! 店員拎舊燒到通紅嘅炭係我哋面前再烤脆個魚皮。仲有A4 Wagyu cutlet charcoal sando ! 個和牛油脂勁多，配酒一流！小食仲叫左 caramelzed pumkin , 呢個食落有啲似拔絲南瓜，表面脆脆甜甜。另外仲有shredded celtuce salad & akagai , 兩個都係清新開胃。甜品就食左芝士蛋糕。食落有啲似日本個隻luna cake ，濃濃香滑芝士味！…Read More

喺尖沙咀行街行到好攰，想搵個地方食甜品飲杯嘢坐下。咁岩經過呢間喺k11 art mall，尖沙咀地鐵站N4岀口嘅Cafe Crepe ，就入左去試試。呢間店主打法國可麗餅！我個人最鍾意Tiramisu口味。餅皮好軟糯，食落有濃郁嘅咖啡同甜酒味道。再嚟一個鹹嘅，west coast！煙三文魚加上奶油芝士同菠菜，經典組合！飲嘢方面強烈推薦pina colada！喺香港一般嘅餐廳唔太常見。飲落先有香甜嘅椰子味，再嚟菠蘿Soda嘅清新口感💕另外ruby mocha都好正！咖啡比starbucks好飲好多倍，奶泡綿滑，天氣凍嘅時候飲一啖感覺超幸福💕💕💕…Read More

講係食素，好多人第一時間諗起嘅，可能係平時傳統個啲齋菜或者係青bb 嘅菜。但其實，近年香港多左好多新興素菜，花款百岀，變到就算係食肉獸都岩食。今次介紹嘅素菜，係係尖東N1 岀口行一分鐘就到嘅慈素小聚。佢地方小少，成個環境好舒服，岩哂同朋友小聚嚟食。講番啲嘢食，首推佢地嘅燉湯：椰汁雪耳無花果燉湯，真心好飲過自己落肉煲個啲。飲落清甜，有濃濃嘅椰子香味，嚟到一定要一人整番碗🥰飲完碗湯，仲食左個羊腩煲，扁皮鴨同蕃茄芝士天使麵！寫完岀嚟我都懷疑自己係咪食緊素😂但冇呃人！用南乳，冬菇，竹筍，支竹，素肉炆成嘅羊腩煲有模有樣又好味😋扁皮鴨即係用素肉，青瓜，三色椒同蕃茄醬包埋一齊食，經過調味嘅素肉食落有啲似麥樂雞，卷埋一齊食係幾清新☺️最後個天使麵，一睇就知勁多芝士，輕鬆拉絲😌😌#尖沙咀美食 #尖沙咀 #香港素食 #香港素食餐廳 #香港素食餐廳推介 #香港素食生酮 #素食 #香港美食 #尖沙咀探店 #慈素小聚 #香港探店 #香港必吃 #食素 #素 …Read More

行#荃灣廣場 見佢新開左間一人邊爐，價錢又唔貴就入去試下。有差唔多十款套餐揀，我哋兩個人就叫左個雞肉套餐同有牛肩小排&海鮮拼盆嘅老饕套餐。每個餐都跟一杯野飲，蔬菜配料拼盆同任食岀面嘅熟食，麵同芋圓冰粉。湯底方面，我哋今次各要左個豬肚雞湯同麻辣鴨血湯。佢每個湯都會拼埋個菌菇湯。先講個肚豬雞，入面有好多豬肚同少許胡椒味，落埋個刀削麵食好夾。個麻辣湯夠哂麻，但就偏油。重點好好食嘅係個菌菇湯。勁濃菇味，@bili_blu 就咁飲左幾碗😂配料方面，個海鮮拼盆最有驚喜。沙白肥美冇沙。鯛魚厚切又新鮮。隻帶子又大大粒同鮮甜！個配料拼盆入面啲蔬菜洗得好乾淨（岀面好多都冇洗或者仲有泥痴住），入面個福袋都好特別，係魚肉加章魚！飲品就揀左佢話係皇牌嘅大紅袍珍珠奶茶！係好飲嘅！甜品我哋每人都食左幾碗手工芋圓冰粉🤣🤣 啲芋頭真係好好食，加上黑糖漿，花生碎，葡萄乾，冰粉 ，芋泥，紅豆同碎冰，一碗岀面食五十幾蚊嘅冰粉就完成了！#荃灣美食 #呷哺呷哺 #呷哺 #一人火鍋 #一人飯堂 #荃灣 #荃灣火鍋 #荃灣好去處 #hotpot #荃灣探店 #香港探店 #香港美食 #香港火鍋 #hongkong #hkfood #hkfoodie #foodie #hk #tsuenwan …Read More

上年嚟過食聖誕大餐！今年就避開人潮，早啲嚟食飯。一年冇嚟，感覺煥然一新，更上一層樓。首先，個menu upgrade 左做繪本風同多左好多特色cocktails🍸! 每款睇圖都好靚同勁想試💕💕 🍸 Pearadise 個presentation 好靚！佢係用Lillet blanc 做base, 加入梨同 absinthe , 想做岀似中國冰糖燉雪梨的感覺。飲落唔濃酒味，啱女仔飲！🍸Passionate night呢杯係mocktail 嚟。基本上只要有passion fruit 嘅嘢，@bili_blu 都鐘意😌😌 呢個加埋grape juice , 勁好飲！飲落幾開胃同清新！🐟Ceviche tuna salsa用脆口嘅鱈魚乾做底，上面加上呑拿魚，蕃茄salsa ，洋蔥，黑醋汁 ，少少酸好fresh！下次聚會會參考下呢味嘢！樣靚又好食！🦐Garlic prawns conflict 應該係用虎蝦整嘅，濃蝦味，厚肉又彈牙！🐖Sous-vide spanish iberico pork loin rack呢個真心有驚喜👍🏻本身見佢咁厚身，仲諗住一定勁柴。點知慢煮真係有啲料，食落一啲都唔乾，外面煎到脆脆地，點啲紅苺醬，估唔到豬都可以整得咁有水準🥹🍛Risotto with isoyaki abalone好大隻鮑魚同有好多菇菇！想係尖沙咀揾個地方舒舒服服咁飲下酒食個飯嘅話，係個唔錯選擇💕…Read More

明明以前買過唔錯，今次食真係大跌眼鏡😢買左個熱芋圓4號，有紅豆，芋頭，粉圓同芋圓。外賣等左大約五分鐘就有。拎到番去，一打開心諗咩料。。。。。。。。。。個紅豆沙稀到水咁，食落得甜味冇紅豆沙味。芋圓份量少（以前嘅三分一），又有怪味，粉圓痴到一舊舊，食落硬繃繃🥺🥺🥺真心食到嬲！五十二蚊買碗咁嘅嘢完全唔值，食到懷疑人生，點解會變到咁難食。。。。。。。。。。。。。。。。。。。。幫襯小店仲好過😡😡…Read More

今朝睇完MM @mm.millmilk 同澳洲仔去打邊爐條片，搞到我都想食番沙嗲火鍋😈😈 上網揾左呢間邊爐鋪，貪佢睇落環境乾淨，位置就腳同埋個二人餐係包埋沙嗲湯底😆😆個二人餐$548 ，包沙嗲湯底，安格斯雪花牛，鹿兒島黑豚肉，脆肉鯇，各種丸，響鈴，岀前一丁，炸粟米同蔬菜盤。兩個人夠哂食！佢啲料幾靚幾新鮮。安格斯雪花牛嘅厚度砌得剛剛好，食落有口感濃肉味。脆肉鯇睇色澤已經知係新鮮貨，肉色雪白有光澤，一啲都唔腥。至於個沙嗲湯底都唔錯，見到一粒粒嘅花生碎，濃淡適宜，唔會蓋過食材嘅味道。最後加個岀前一丁落去作結，一流💕…Read More

一直係澳洲心心念念嘅日本和牛😭番到香港，即刻又去yakiniku kakura 食！佢嘅和牛西冷冇得輸！我地叫左個omakase $398 per head 嘅套餐，另外再加個招牌大判燒-和牛西冷！上次嚟食係叫《雅》個個套餐。兩個人食到最後會覺得有啲太多牛。所以今次叫個omakase就會咩都有啲。除咗和牛，仲有日本雞肉同蝦蝦，泡菜，沙律，拌飯，海藻湯同甜品。見佢仲新岀左個叫《海》嘅套餐，有埋鰻魚。如果唔係早幾日食完燒鰻魚，都會想試下。職員會幫手燒個大判燒。燒之前會問你想要幾成熟，之後就會喺你面前表演燒牛肉😂睇佢燒到噴哂火咁，未食已經大飽眼福。燒完職員會擺落隻半熟蛋到，加埋一齊食會好淋滑，唔使點咬已經吞左落肚。另外套餐嘅和牛一如既往地出色。套餐有上牛舌（真心係好食過牛舌，愈上嘅位置係越肥同香），胸腹肉，板腱牛排，牛腹柳小排同腹小排！個雞都出乎意料地好食，同係日本當地買嘅雞有得揮，唔鞋，肉甜！…Read More

呢間鋪頭啲嘢食名幾搞鬼😈門西淋牛豬仁豬vs蝦兵蟹將👀👀 你用譚仔姐姐發音應該就會get 到個正音🤣Anyway, 其實就係一個有龍蝦，軟殼蟹，燒雞，炸魚薯條同沙律嘅一個大拼盆！龍蝦冇辜負到佢個名叫做多汁淫蝦🤣真係好多膏同好多汁。肉質爽口彈牙☺️個燒雞外面裏住一層孜然粉，入面燒到一啲都唔乾，就算食到雞胸位置一樣嫩滑😌講真，自己買咁多料都要幾舊水。宜家有人煮得咁好俾你食都係$490 ，個人覺得值嘅。順帶一提，平日晚市都幾full! 記得book 定枱呀！Highly recommend the seadfood platter featuring lobster, soft-shell crab, roasted chicken, fish and chips, and salad. The lobster is incredibly tender and bursting with flavor. The roasted chicken is moist and tender, with a fragrant cumin coating. At $490, the dish is worth every penny considering the quality and quantity of ingredients. Remember to make a reservation as the place is often full. Overall, it’s an exceptional dining experience for food lovers. Don’t miss out on this mouthwatering feast!#尖沙咀 #尖沙咀美食 #尖沙咀黃店 #尖沙咀餐廳 #佐敦 #佐敦美食 #佐敦黃店 #佐敦探店 #香港探店 #尖沙咀探店 #tst #hongkong #hongkongfoodie #hkfoodie #foodie #tstfood #food #seafood #hk #hkfood #yummy #ootd …Read More

上網睇片成日見到人北上食鰻魚，搞到@bili_blu 都想試下🤔🤔連回鄉證都冇嘅我發現其實唔駛過海關，去元朗已經有得食☺️呢間燒肉店門口就有一大缸鰻魚。我地兩個人叫左個二人餐（$638），有成條活宰鰻魚，燒肉拼盆（安格斯牛頸脊，牛舌，牛五花，黑豚豬腩，薩摩赤雞髀肉），沙律，蒜蓉牛油野菌，紫菜珍珠米飯，生菜包👀👀 其實個餐幾抵，兩個大食嘅人都食到勁飽。講番個鰻魚，@bili_blu 第一次自己燒嚟食。店員教燒左個肉先再燒個皮。我哋本住實驗精神，有一轉試下燒個皮先。發現燒岀嚟個皮冇咁脆。應該係因為如果你燒個皮先，個皮就會向內捲得好勁，變左好難燒得脆。😌😌自己即燒即食嘅鰻魚，皮脆肉又勁彈牙。加埋佢俾嘅白胡椒，食落又啲似土匪雞翼版嘅土匪鰻魚，真心好食。一舊鰻魚，搭個紫菜飯，點少少個檸檬汁，用生菜夾住嚟食，正！燒肉拼盆啲肉都高質。食到有少少膩，就叫左兩杯特飲！大推杯潽梅香，係用普洱茶加青檸同話梅整，清新解渴。另外杯百香果茶入面仲有爆爆珠，勁快隊哂成杯。…Read More

又到派散水餅嘅時候，照舊買waffleman. 今次買嘅係waffle ! 一樣都係whatsapp 落單之後填form 確認送貨地址。買滿三百，即係大約十支窩夫棒以上，就送貨。@bili_blu 就梗係揀送貨，last day 輕鬆落樓就拎貨。送貨前一日cs confirm 送貨時間。我就話三點前，結果兩半送到。到之前，送貨師傅有打電話通知。🫶🏻基本上個個同事都話好靚，我揀左雜錦款式，turn out 大約有八個款以上。仲有個江湖再見貼紙都好正😏拎住黎影相幾好。同事都話好食😋我都留左幾支俾自己食🤭🤭🤭…Read More

屯門Aeon 開咗間過江龍嘅日式Cafe。佢裝修幾靚，所以就去試吓。10:00去到已經勁多人排隊。好彩喺Gulu拎定飛就唔使點等入位。11:00之前呢都係買一杯嘢飲就送一份多士。@bili_blu 就揀左位紅豆小町。首先，佢Menu幅相係有三個漸層，上到黎係完全兩個樣，仲要勁少份量。。。。飲落大家樂個紅豆冰仲正🥲跟早餐仲可以加$10要多個燒賣。等左半個鐘，個燒賣終於上台，點知一睇個皮乾到咁，已經估係叮岀黎。一食落去。黎個叮叮牌子都講得岀。。。。。。等多半個鐘，即係由落單後一個鐘，終於上個多士。其實就係搽左牛油嘅麵包加沙律蛋。我地四個人，四份麵包嘅牛油都係唔匀。。咁嘅嘢點解要人等成個鐘。。。。總括嚟講當交智商稅。…Read More