Luna_meowmeow's Profile

上網見到恒生信用卡有半價優惠，即刻約埋閨蜜去試吓。原價$488兩位，半價就平均每位$120加一。一開始對呢個半價下午茶冇太大期望，純粹諗住平平哋試吓，但成個下午茶都好有驚喜，無論鹹點定甜點都非常好食鹹點有三款，全部都有用士多啤梨入饌。原本以為士多啤梨嘅酸甜同鹹點唔夾，意外地幾好食，幾開胃甜單唔會死甜，每款都好食，唔會有一浸假嘅藥水味。最推介係黃色嘅芝士蛋糕，有陣芝士鹹香味。另外中間嘅啫喱好清香，食完一堆甜野，可以解膩鬆餅ok，但可以再熱d鬆化d就perfect…Read More

見到上網推介下午茶會送貴婦護膚，即刻約埋好閨蜜去試。最上層就係甜品，除左macroon太甜，其他都係水準之上。最下面嗰餐主要係鹹點，有酥皮撻，菠菜批，同埋一粒帶子。通常下午茶嘅酥皮撻都會有個弊病，就係擺得太耐林晒，但呢個酥皮就冇問題，仲保持脆口帶子好食，唔會老。菠菜撻中規中矩。第二層繼續係鹹點。左邊係parma ham配麵包，parma ham油香十足，但下面個麵包就唔好食。中間係青瓜配麵包，no good:(右邊係煙三文魚他他下午茶標準配置，兩個原味scone同兩個提子scone。提子比原味好食，原味有點太濕潤，影響了入口口感。整體不錯最後就送咗呢個貴婦護膚品試用裝。你間酒店嘅下午茶整體水準係高嘅，值得一試…Read More

明太子意粉意粉乾身好食，明太子好足料，蝦既分量亦都好多，爽口彈牙。三文魚意粉三文魚唔會好腥，一樣係份量好多，啖啖意粉都食到三文魚，醬汁味道配合得好好小食拼盤有炸雞翼，炸薯角，腸仔，炸春卷，炸墨魚，炸魚，份量好多。炸雞同炸魚唔會乾身，食到食材鮮味同埋肉汁。但薯角就太乾好硬，其他一般冇乜特別…Read More

green tea latte綠茶味好濃，奶味偏淡，成杯飲品冇乜甜味，個人偏向有少少甜雙重朱古力朱古力味非常濃郁，當中亦加上朱古力碎，入口好有口感，面頭再附上兩塊朱古力餅乾👍🏻👍🏻呢款係新出嘅士多啤梨醬疏番里pancake，以紅寶石朱古力製造嘅士多啤梨醬作為賣點，士多啤梨醬酸酸甜甜，疏乎厘好香蛋味，空氣感十足，就算一個人食晒三塊都唔會滯榛子疏乎里pancake榛子cream好香滑，但cream嘅份量好少，只夠一至兩塊pancake分，焦糖香蕉燒得剛剛好，唔會帶有苦澀味…Read More

焦糖布甸椰皇子呢款甜品甜度適中，焦糖布甸有好香蛋味，亦都唔會過甜。仲可以刮番椰子殼嘅椰肉嚟食，椰肉清甜。飯後甜品都食得好飽肚。價錢$43相當抵食又大份。紫薯椰汁仙草豆腐花呢份甜品味道一般。紫薯冇乜味道，甚至乎有啲苦味，同豆腐花椰汁嘅味道唔夾。上枱嘅時候我心入面有個疑問，豆腐花內已經有小丸子，點解仲要加隻碟擺小丸子😂😂 比較好嘅係椰汁分開上，可根據自己口味調節椰汁份量芒果椰汁仙草豆腐花正常發揮，芒果鮮甜有果香…Read More

呢間餐廳係有舊式中醫館改建而成，保留左上個年代嘅傢俬擺設，例如百子櫃同一啲牌匾，帶俾人一種新舊交錯嘅感覺，環境好舒服。牛油果多士👍🏻👍🏻👍🏻牛油果多士配上蕃茄同埋意大利醋，帶有酸甜味道，中和牛油果嘅膩，沙律菜亦都非常新鮮。美中不足係份量有啲少。全日早餐👍🏻👍🏻👍🏻全日早餐賣相非常靚，好適合人影相打卡。餐盤係一個平底鑊，上菜時好熱，keep住食物既溫度，唔會越食越凍。食物都係水準之上，麵包特別出色，有啲似德國酸種麵包，但唔會過硬同乾身，軟硬適中焦糖海鹽咖啡。味道一般，個杯已經好細，而且半杯都係冰，咖啡份量非常少，兩啖就飲完。價錢$44一杯，好唔抵飲呢間餐廳長期都需要排隊，今日排咗1小時，但只限1小時用餐時間，如果想同朋友傾偈談心就要注意⚠️…Read More

呢間點心店全日都只係做點心，點心亦都做得相當出色出色。雪山叉燒包叉燒包上面啲雪山類似菠蘿包上面嘅酥皮。甜度適中，亦相當有牛油香味。叉燒包包皮軟熟，甜咸配搭好好叉燒腸粉腸粉皮好滑，唔會過老。而且配料亦都好豐富，相堂足料，唔會好似其他酒樓嘅腸粉一樣，剩係得腸粉皮。鳳爪正常發揮蝦餃餃皮非常煙韌，蝦非常新鮮而且彈牙爽口。金錢肚都係正常發揮，水準之上呢個係紙包骨👍🏻👍🏻👍🏻一開始睇餐牌唔知道係乜嘢點心。特登上google睇下，原來係廣東傳統點心，用油紙包住排骨去炸，鎖住排骨嘅肉汁，排骨唔會炸得過老仲試咗個牛肉球，但唔記得影相。呢間店出名係牛肉相關嘅點心，牛肉好滑，香口。而且點心價錢貴，可以一試再試值得一讚侍應加水加得好密，而且會主動提供口罩袋，好貼心…Read More

屋企人九龍灣收工，就係附近搵d野食。好耐無食拉面，一於試下。呢間拉麵既面質比較粗身，但唔會粉，麵既質地唔錯，有咬口，掛湯能力都ok。敏碗麵都幾大碗，食一半都飽。大門叉燒拉麵。麵質ok，溫泉蛋好好食，軟心既。但片叉燒就一般，雖然切得好厚，但乾身兼有d韌。大門菜拉麵。屋企人話呢碗麵有d怪怪既味道，湯底偏咸。鬼門拉麵。碗麵好辣，嗜辣既人啱哂，但湯底偏咸左少少^_^魷魚好食，彈牙，而且唔會厚粉，食落好脆豆腐沙律，正常，d菜新鮮，而家份量算多…Read More

今日陪朋友嚟食台灣野。門口已經見到好多人，好彩唔係排咗好耐，20分鐘入得。呢個係鹽酥雞飯，雞都幾好食。但係肉操偏向港式口味，偏鹹，台灣味道應該係偏甜既。嗰三個小菜就正正常常。台灣腸係我嘅至愛，同台灣食既一樣，但上菜嘅時候可以再熱啲，好似擺咗一段時間咁。呢個係朋友叫嘅麻辣肉操飯。我冇試過，但佢話幾好食。總括來講係一間正常嘅台灣餐廳，未至於好好味，但都可以一試。價錢唔貴，性價比高。…Read More

今日五個人嚟食飯，揀咗呢個套餐。298蚊位，有啲食物食到唔記得咗影，盡量文字講返。一開始俾咗刺身我哋，有象拔蚌，帶子同北寄貝。象拔蚌好爽，帶子鮮甜，北寄貝無乜特別。套餐有八個海鮮。第一個係蒜蓉蒸帶子，粉絲好入味，帶子好甜，正第二樣係龍蝦，每人有一隻，即係2邊，蝦肉好爽蛋鮮甜。一直以為龍蝦正會好怪，但原來好好味第三第四樣係鮑魚同埋唔知乜嘢魚。鮑魚正常，已經起好咗肉。魚好好食，有魚味唔腥第五樣係紅，蠔無腥味，但我覺得一般般。我覺得始終蠔係生食正d第六樣係蒸蝦，正常爽彈第七樣印象中係一般般嘅魷魚，有腥味。第八樣就唔記得。之後有啲蒸牛肉，牛肉有肉味，唔會老。其實之後仲有一個好大盆嘅拼盤，當中有蒸南瓜，蒸番薯，蒸勝瓜，蒸粟米，蒸芋頭，仲有蟲草鮮雞烏冬。蟲草雞烏冬超好食，啲雞好滑。最後仲加咗個南瓜瑤柱粥底，吸收晒之前海鮮啲精華，超好食。個人來講最鍾意就係呢個粥，食咗兩碗都唔夠喉呢個套餐價錢超抵食，食到中段已經好飽。質素唔差，可以再試…Read More

係fb飲食群見到有人推介，賣相吸引，專程過黎試下。地好偏僻，行左好耐，貼到大大個秘字就到啦見左2個餐，呢個係安格斯牛，本身98蚊，加20蚊變套餐，有埋楓糖蛋同埋飯素。蛋好食，流心蛋，無腥味 安格牛有牛味，而且有好多片，cp值好高。其他餐廳午市套餐，70-80蚊都係得4-5片。對比黎講，呢講算好抵食。試左安格斯牛，再試吉列牛。忽然覺得安格斯失色左😂😂😂 吉列牛實在太好食，無諗過炸過面包糠既牛，再燒一燒係咁正👍🏻👍🏻👍🏻👍🏻。價錢都係98蚊，加20蚊變套餐2個人食，咁多片肉，256蚊真係物照所值…Read More

一行四人，每人都叫咗一個甜品黎試。呢個係朱古力疏乎厘配朱古力雪糕。空氣感都幾重，試咗一啖，感覺一般般，可能我本身就唔鍾意食疏乎厘，欣賞唔到疏番厘嘅美味之處每一枱可以揀其中一份甜品比店員畫pepe。呢個係心太軟配朱古力雪糕。心太軟焗得啱啱好，仲係流心㗎焦糖燉蛋正常味，好食最後呢款係紫薯窩夫配紫薯蓉加朱古力雪糕。紫薯窩夫可以在鬆軟啲，配埋紫薯蓉同埋蜜糖一流，整體來講都好好食。如果啲紫薯蓉可以再多d就更好😂😂…Read More

朝早跑完步，梗係要食個好早餐啦，唔食多d，點有肥減價錢就正常，以上面豪宅黎講，算係咁。我哋叫咗兩份藍莓班戟同兩份西式早餐，飲品可以揀蘋果汁，橙汁或者咖啡。個早餐份量好大，多士同腸仔好味，多士個果醬好食，炒蛋又唔會老而班戟就好鬆軟，切開真係有藍莓略嫌不足既地方，係cream唔夠多，cream既份量可能只夠一片班戟一行四人食早餐加吹水都坐左成2個中，店員仲不斷幫我地添水。服務態度好好下次再去嘅話，想試埋個牛油果吐司，隔離枱有叫，好似都好正。…Read More

見到Hotel ICON出咗新嘅榴槤下午茶，加上openrice有七五折coupon。即刻叫埋好朋友一齊去食。間餐廳喺酒店大堂，但都唔會好嘈，環境都幾好。加上疫情關係，啲枱都幾闊落，坐得好舒服。一坐低，張枱就擺咗個榴槤，應該係一個真榴槤。我朋友以為食得，聞落去真係有榴槤味，但只係得個擺字，仲令到張枱少咗位置擺嘢😂😂😂一開始個主廚會作逐枱介紹進食嘅先後次序。呢點要俾個讚。鹹點有蝦多士，春卷嗰啲，味道一般，個皮唔夠脆,沙嗲串最好食。甜品就好味好多，可能係因為我鍾意食榴槤，我覺得榴槤mousse同泡芙最好食主廚建議最後以茶啫喱作結，順便清下浸榴槤味。侍應態度都唔錯，不停幫我地加水落茶壼。最後仲送咗下面嗰塊朱古力，都叫做有啲心思。…Read More