間餐廳喺酒店大堂，但都唔會好嘈，環境都幾好。加上疫情關係，啲枱都幾闊落，坐得好舒服。
一坐低，張枱就擺咗個榴槤，應該係一個真榴槤。我朋友以為食得，聞落去真係有榴槤味，但只係得個擺字，仲令到張枱少咗位置擺嘢😂😂😂
一開始個主廚會作逐枱介紹進食嘅先後次序。呢點要俾個讚。
鹹點有蝦多士，春卷嗰啲，味道一般，個皮唔夠脆,沙嗲串最好食。甜品就好味好多，可能係因為我鍾意食榴槤，我覺得榴槤mousse同泡芙最好食
主廚建議最後以茶啫喱作結，順便清下浸榴槤味。
侍應態度都唔錯，不停幫我地加水落茶壼
。最後仲送咗下面嗰塊朱古力，都叫做有啲心思。
