edwinho2046's Profile

想感受下咩叫服務差，咩叫慢，你一定要黎呢間想感受咩叫優質服務，就請稍移玉步去隔離紅茶早餐時段去，叫左個肉丁麵跟炒蛋多士，味道正常，但不及紅茶，紅茶衰在冇肉丁但係呢一個人人都爭分奪秒嘅早市時段，啲侍應阿姐個個都未訓醒咁，叫杯水又要叫幾次等左5分鐘，份炒蛋又漏單，其實漏單茶記黎講係好小事，識處理就好快解決，但係呢到啲阿姐個個新入行咁，結果我食完麵飲完野先到總而言之，除非你好多時間，又唔追求食物質素，又或者你早餐係非食叉燒不可，咁你先好黎，如果唔係千其唔好黎…Read More

唔洗講咁多，呢到Ｄ菜肉包係唔熟既，一打開就見到生勾勾既粉紅色，好彩我咬落去果陣ＦＥＥＬ到口感怪怪地，做咩咬唔斷既，望一望先發現到原來未熟，係成件都係生勾勾既粉紅色附近有兩間學校，周不時都見到有Ｄ學生哥係呢到買黎食，比佢地食左都唔知點算，如果係中學生都還好，小學生既話就真係好大鑊其實呢間野都唔係第一次架啦，好多時係到買包都會見到未熟，特別係朝早多人買的時段，應該係因為佢地為左出貨快而冇理Ｄ包蒸左幾耐咁既鋪頭真係執左佢好過啦，寧願貴少少去後面包點先生買，起碼連鎖店有保證！…Read More

未食過呢間野，見到平平地，早餐一份先$29，諗住食下冇壞啦，點知中晒伏入到去坐底點完野食先發現成間鋪勁大陣臭味陣味係似後巷果陣霉味一睇，原來坐位隔離就係垃圾桶雖然臭味來源我相信唔完全係呢個垃圾桶因為係真係成間鋪都有陣霉味但係呢間野衛生意識差到可以將垃圾桶放係食客隔離真係已經知咩料真係聞到都好想嘔，不過已經點左野食，冇計唯有抱住話唔定Ｄ野食ＯＫ既心情自己呃自己咁硬住頭皮食啦點知野食都係垃圾一個雞扒米粉可以整到雞扒同米粉都係垃圾雞扒冇煎過，就咁用水恰最慘係勁大陣騷味，好似食緊雞屎忽咁仲要冇醃到，大佬你最起碼都落Ｄ鹽胡椒醃一醃佢比Ｄ底味同去一去騷味呀咁大個仔都未食過雞屎忽味既雞扒真係米粉一食就知預先淥定，有ＯＲＤＥＲ就一野撻落Ｄ湯到因為入面係完全冇味炒蛋乾過我晒面皮唯一叫做入得口係煙肉呢Ｄ醃製食物凍檸茶，完全冇茶味本身小弟對凍檸茶都冇咩要求架啦但真係估唔到呢間野可以差到連冇要求既我都可以嫌到因為真係完全冇茶味，似飲緊茶記比你洗餐具杯清茶加兩塊檸檬＋水喉水造既冰咁呢個位都成日轉手架啦睇黎呢間都頂唔耐原因？一字記之曰：垃圾…Read More

見呢間野咁多正評諗住包冇死，點知原來咁失望由入座開始已經有問題，去到門口冇人帶位，幾乎要用獅吼功先有人理，個個係到發呆咁好啦幾經辛苦獲賜座，Ｄ音樂嘈到好似去左聽搖滾音樂咁直頭大聲到耳仔都痛埋問佢可唔可以較細聲Ｄ啦，點知極串咁答我：「唔可以」真係極懷疑佢係咪特登較大聲Ｄ等Ｄ客坐唔耐趕人走然後諗住叫野食點知舉極手，揮晒手都冇人理有個阿姐直頭望住我舉手都冇理我，咁鬼有性格，又要我大叫先有人理終於可以叫野食，點知叫乜冇乜，得返Ｄ貴既野真係多謝你喎唔想人叫Ｄ平野不如唔好放係ＭＥＮＵ啦好嘛？終於係無選擇之下叫完野食Ｄ野難食到喊出黎海南雞好似賣剩既送頭送尾咁雞肉肉質散晒,完全冇口感,好似食粉咁豬頸肉仲係粉紅色,我真係唔敢食睇下D油多到用黎炒多碟都仲得一句講晒：垃圾服務！垃圾環境！垃圾食物！請都唔會再食！大家千其唔好去食唔係只會食到一肚火…Read More