由入座開始已經有問題，去到門口冇人帶位，幾乎要用獅吼功先有人理，個個係到發呆咁
好啦幾經辛苦獲賜座，Ｄ音樂嘈到好似去左聽搖滾音樂咁
直頭大聲到耳仔都痛埋
問佢可唔可以較細聲Ｄ啦，點知極串咁答我：「唔可以」
真係極懷疑佢係咪特登較大聲Ｄ等Ｄ客坐唔耐趕人走
然後諗住叫野食
點知舉極手，揮晒手都冇人理
有個阿姐直頭望住我舉手都冇理我，咁鬼有性格，又要我大叫先有人理
終於可以叫野食，點知叫乜冇乜，得返Ｄ貴既野
真係多謝你喎
唔想人叫Ｄ平野不如唔好放係ＭＥＮＵ啦好嘛？
終於係無選擇之下叫完野食
Ｄ野難食到喊出黎
海南雞好似賣剩既送頭送尾咁
雞肉肉質散晒,完全冇口感,好似食粉咁
豬頸肉仲係粉紅色,我真係唔敢食
睇下D油多到
用黎炒多碟都仲得
一句講晒：垃圾服務！垃圾環境！垃圾食物！請都唔會再食！
大家千其唔好去食
唔係只會食到一肚火
