為食龍笑爺's Profile

一向鍾情和風日系的我，非常喜歡糅合咗 Wasabi 同埋蟹籽嘅食物，一直都搵緊究竟 Crossover 點樣嘅味道，會帶有日本之味，又不失香港地道風味？無錯，就係雞翼！好開心遇到呢間雞翼山，諗到呢個檸香山葵蟹籽雞翼創新配搭，令我好似遇到故知一樣，做出我心目中想要嘅小食！講返個雞翼，隻隻都係即叫即炸，粘上香甜青檸醬，外面仍然是每啖脆卜卜，而裡面繼續滑溜入味，醃料味道啱啱好。加上口口Wasabi加蟹籽，辣吓辣吓更過隱。一次過食到咁多層次口味，我個人十分滿意！雞翼山，一定有下次！…Read More

曾經幫襯幾次，覺得小店食物質素不錯咖啡也香滑，曾帶朋友過來踩單車前吃今日打算食個下午茶，兩個朋友先等位，內有bar檯位，但店員講人唔夠唔入得，當我來埋人齊入座，3個排排坐面壁坐bar檯一坐低，隔離四人檯起身走人，我向店員微笑指一指隔離示意可否轉坐四人檯，點知換來其中一位短髮及肩的店員很惡的回應：「冇得換位，一係你出去等再入過來！」問題係出面冇人等，唔通我地出去企一企再開門入來坐4人檯嗎？得到兇惡回應，當然起身再走，難道真係出去再入來嗎？一向都好鍾意支持呢間小店，點知會落得一肚氣下場。粉嶺bittersweet 實在不敢恭維，各位想去求氣可以一試，否則就免了。…Read More

中學同學新婚搬入元朗，幫手搬屋後請我地去食自助餐慶祝入伙。小弟見識少，原來元朗都有自助餐！心諗自助餐2百蚊想點吖！估唔到有蠔食喎，雖然係焗蠔唔係生蠔。但一蠔難求，一 refill 就俾人搶晒！全晚總共食咗2隻咋！冷盤海鮮另有凍蝦，青口，大八爪魚，同埋未食過嘅聖旨仔，都幾好食！熟食食物都幾多款式，自己就幾鍾意食天婦羅蝦同埋泰式咖哩牛腩。小食方面溫泉蛋同埋Cheese & Ham 都係食咗幾 Round 。其他幾特別嘅包括德國腸，燒牛肉。而壽司刺身有五六款，連燒三文魚，天使蝦都有，算係幾有誠意！甜品唔算特別正，但都推介大家食焦糖燉蛋！香滑唔太甜，焦糖脆卜卜。難得酒店級 Level。…Read More

聖誕節銅記人山人海，好彩揾到個地方舒舒服服食餐飯！Hit 咗大半年嘅炸雞 + 啤酒終於有機會試吓。因為人多可以試多幾款，穩陣型嘅我叫咗「原味 + 香辣」，果然係 good taste 我覺得呢款最好味，唔算太辣，平時唔太食得辣嘅女朋友都食到！面頭點滿甜辣醬嘅炸雞裡面都仲好香脆，不錯不錯。女朋友點咗「醬油雞翼」，都非常唔錯，出面好少見，完全唔係中式豉油雞嘅鹹味，清清地韓式醬油，而且炸到好外面乾身，裡面仲有啲肉汁，有人想 encore 不過大家想試多啲新野所以說服咗個 friend下次先！之後食咗個好好味嘅堂弄紫菜飯團，超驚喜即場炮製而且好香麻油味！仲有一客海鮮炒年糕 (堅辣，好辣人士必食)，啲海鮮好足料，蝦，魷魚，好似仲多過年糕，而且夠飽肚 尾 round 時侯，waiter 姐姐介紹咗啲勁韓國 style 小食俾我地，燒魷魚 + 燒小明太魚，韓劇裡面果啲男人一路飲酒一路食嘅餸酒小食，幾特別呀又有特色。見係聖誕諗飲啲酒，叫咗清酒 + 真露。最緊要係之後我地吹咗好耐水都冇趕人走。Service 加分！！…Read More

「星星」熱都過咗一排，但班friend都仲係好想食韓野，book咗尖沙咀韓國街嘅 Mr. Korea。幾啱我地呢班無肉不歡肉肉男。淨係豬牛都有分醃肉同埋鮮肉，我自已就比較鍾意鮮肉特別係牛肋骨同埋五花腩，啲Friend就覺得醃肉更啱口咪，較有層次。食食吓餐廳姐姐介紹我地試一隻 mix 酒，我地之前都未飲過，佢即場用米酒 + 果汁 mix 俾我地飲，我地幾個人share 又幾 fresh 冇介紹錯。去到中段追加咗個蛋餅，個邊脆脆地，裡面有海鮮，都算足料，夠飽肚！臨尾食咗份魷魚，好厚切，其他地方好少俾咁足份量，我地幾個都好like! …Read More

朋友之前介紹過呢間中環Cafe小店，咁啱今日同幾個朋友食晏就suggest咗呢度，可能因為比較早都唔需要等位，我地一人食一個lunch set，從來唔食泡菜但自從睇完星星之後熱愛韓風嘅我叫咗呢個「韓式百頁豆腐野菌湯飯」餐，哈哈，望落清清地幾惹味。上面有幾塊韓式豆腐，係比較有層次有質感果種豆腐，夾埋泡菜一齊食，好開胃，而配菜脆肉瓜亦都好新鮮，好fresh！我自己特別鍾意底下嘅湯飯，濃湯配珍珠米，食落似risotto，夏天咁熱食湯飯幾啱，份量都ok適中。不過如果想食埋甜品就記得留肚，因為我個人覺得cake先係最驚喜 :) 我地share咗幾款蛋糕，我最like嘅係scone配玫瑰花果jam，玫瑰花味好清香，出面唔係經常有，而個scone好鬆脆，同埋我自己好喜歡啲自家整嘅有heart甜品，所以食埋呢個scone好滿足好圓滿~…Read More

依家全世界都峰擁去佐敦韓國街食炸雞，搞到美食如雲嘅佐敦進入癱瘓狀態。好彩行行吓搵到呢間 66，可以滿足我身邊果位食唔到炸雞嘅「全智賢」食餐雞煲先。入去食雞煲，就梗係要份雞煲先。阿經理即刻介紹佢地個三黃雞雞煲，佢話用花椒、辣椒十幾種香料晚晚醃過夜。只煎不炸，食落啲肉嫩滑唔乾身，原汁原味，Blah Blah Blah。OKOK.... 即管試下啦！等咗唔係好耐就有得食，賣相同香味都唔錯，都算佢老實，之後阿經理又過黎吹水。嗱！入口就有三個層次：「麻、辣、甜」，呢啲叫回味無窮。其實我呢啲食慣平民餐人真係唔識分，但係我同女朋友食落都覺得幾惹味，起碼唔會太辣，又唔會太油，我地兩個人都清晒個煲。之後追加咗份響鈴，同埋加啲菜就飽晒。下次約多啲人可以再黎食過！…Read More

女朋友生日，終於試左想試好耐的munch！預早一星期Book定檯，睇到openrice的評價都幾高，令我非常期待！我地order左一個set dinner加散叫蟹餅、大蝦蕃茄薯仔粉，原本想食白汁青口意大利飯，可惜當日冇供應。餐湯 (龍蝦湯)味道香濃，足料，可惜餐包太硬蟹餅必食，我一向都好鍾意食蟹，呢味菜簡直令我一試難忘！份量絕對唔細，足夠兩個人吃，食得出蟹餅內有大量的新鮮蟹肉，食的時候，連同碟上的薄脆，再配上特製醬汁入口，真係好正，鍾意食蟹必食！:):):)主菜南瓜豬扒做法有心思，以脆皮煙肉包著扒，再配上南瓜。可惜味道只是一般，不太特別。另外散叫的大蝦蕃茄薯仔粉蕃茄味清新，一看以為非常開胃，可惜食左幾粒薯仔粉已經覺得好滯，可取的是有為數不少的新鮮大蝦。一早留左個心太軟用來慶祝生日，唔算好亦唔算差。總括黎講，除左蟹餅之外，其他食物只係一般，可能我期望太高！員工的服務態度係唔錯的，但係環境比較嘈吵，可能因為背後坐了一張長檯。同場都有唔少人慶祝生日/紀念日，其實間舖的地方都唔細，如果可以劃分區域，相信效果會比較好。…Read More

朋友A回港，當然要出來大快朵頤，暢聚一番！朋友B最愛到九龍城搵食，今次他帶我們到位於衙前塱道馬會旁頗隱蔽的一代日式料理。龍笑爺今日來到九龍城竟然唔係食泰國菜，而係食日式放題？究竟一代有咩吸引力吸到朋友B？！沿樓梯落進入食店，估唔到地方相當大，由於係閒日的夜晚，人不算多，我地幾個一落去就即刻獲安排入座！看一看食物紙，可選擇的食物也相當不少！有放題最重要的刺身、壽司，當中有三文魚、甜蝦、北寄貝等等20多款大路選擇；另有天婦羅、炸物等、最特別的是菜單上竟然有火鍋燒物選擇，真係冇幾可食放題有自助火鍋！貪吃的我們當然每樣都叫點來試下！放題過癮之處正正於此！刺身相當不俗，尤其是我最愛的三文魚，兩個字形容 – 肥美！好耐未試過食放題食到如此肥美、甘香的三文魚 (最後我們encore了三文魚3次！)其餘的刺身也不錯，絕對正路。但壽司就較為遜色，機製的大舊壽司飯，欠缺了生命力，可惜可惜！另一個帶給我的驚喜是炸物！一向都喜歡吃炸蠔，曾經吃過唔新鮮的炸蠔，有苦澀味，相當嚇人！幸好一代的炸蠔絕對冇同樣的情況，反而炸得金黃香脆，吃得出蠔仔相當新鮮，是我心目中的全日之最！最後吃了足足6大舊！另外的炸薯角、龍蝦芝士丸雖不及炸蠔美味，但也不錯，外國回來的朋友最愛那薯角，真係比佢笑死！吃完一輪最愛的刺身、炸物後，當然要Take個Brake再繼續！食店有提供任飲汽水、雪糕，邊吃雪糕邊談天，之前的食物已經落格，係時候繼續再戰江湖！今次試了火鍋，點了牛舌、肥牛、茄子等。火鍋是全日的敗筆，不是火鍋料不佳，而是用具實在不濟…正所謂工欲善其事，必先利其器，如此細小的鍋，配上如此細小的火，又如何可以燒得過癮呢？幸好未有落大量的食物，因此未至於過分浪費。及後再次受不住誘惑，再次叫了幾客三文魚刺身，仍然迷人！仲有又係宿一燒咁橋的燒栗米，出奇地好味，真係此料不及。最後食完秋刀魚，暢談一番後便各自回家了。我們9點後入座，人頭費只需$151免加一，如此質素還算對得起這價錢，實在有必要為它來個平反！如果那火鍋能夠做得好一點，相信能在大家心中加上不少分數！…Read More

東京拉麵是聯和墟其中一間最好味的拉麵店，小店內的座位不多，感覺真像橫街內的拉麵店，還給我一種小時候在大磡村食車仔麵的感覺，非常另人懷念！:)已經是第三次光顧了，已經試過好幾種拉麵了，招牌東京拉麵、叉燒拉麵等，今次我都是選擇了我最喜愛的炸雞扒拉麵拉麵的湯底雖不算上香濃，但絕對夠味，雖然伴料唔係太多，但冇味精的湯底(老闆娘講的)絕對值得推介。湯底可選擇辣(加幾蚊)或唔辣，唔食得辣的千祺唔好加辣，因為絕對唔易應付！對比於招牌東京拉麵的炸物、叉燒等，我最愛的始終是炸雞扒！雞扒炸的時間非常準，炸得香脆可口，香噴噴，全靠師傅特設的炸物鬧鐘，一響即時拿起上碟！再配上雞扒的完美伴侶-燒汁，食完想即刻encore!小店免加一，但要加$1麥茶錢，絕對超值，老闆娘建談又友善，想唔再幫襯都唔得啦！…Read More

在荔枝角工作，周圍的野已經俾我食得7788 今日特登走來碧海jusco睇下，見到呢間鳴門魚湯，睇到D烏冬好似幾正！兩點入場仲要有8折，唔洗諗，即刻同同事入去試下啦！午餐好多選擇，烏冬、拉麵、炒飯、蛋包飯，我楝左我最愛的豬軟骨烏冬，還要選了最刺激的地獄湯底！烏冬以石鍋上，由食之前到食完的一刻都是滾著的，配上地獄湯底，食到我大汗疊細汗，冬天吃一定好正！豬軟骨都算正路，主要的稻庭烏冬就非常抵讚！非常有口感，煙煙韌韌，唔會一入口就化，最唔鍾意餬口的感覺，質素同我最愛的萬豚屋有得比！跟餐仲有一杯豆漿加一客冷冰冰的餃子，應該是一早整好晒，那可算是唯一的敗筆！:(星期一至五，碧海長期冇咩人行，所以總括來講都算唔錯，$40幾蚊，唔洗等位，環境又OK，會再去！:)…Read More

早排見團購20幾蚊幾吸引,所以買來試一試我地分別order了味噌及醬油拉麵，另加錢叫了糖心鹵蛋及沙律。糖心鹵蛋味道唔錯，沙律份量亦唔少，幾抵食:)主角拉麵到場，當然要先飲一口湯，出事了！咁淡的？我已經叫醬油味，點解都可以咁淡？那刻我心知不妙，因為湯都淡,麵一定係冇味！果然不出我所料，麵亦是淡淡的，非常失望...朋友的味噌同樣清淡如水...唯一可取的是店員的服務....仲有兩張券都唔知點算好，唉！…Read More

一向喜歡吃日本菜的龍笑爺今日約左幾位食家朋友一齊去搵食，今次到尖沙咀嘆一嘆朋友推介多次的花水木！眼看之前的食評，我實在有必要出來為花水木平一平反！一早預約8:00進食，等左一陣順利坐低，我地享用左3.5小時價值$568的放題 (食家朋友識得人多，拎到折頭，最後每人拆左只係約$200多，非常抵食！）坐低望望個Menu，任食的刺身認真唔惹少！有港人最愛的三文魚、吞拿魚、海鯛魚、北寄貝，還有我最愛的甜蝦！刺身肥美、甘甜，入口有油香，最難得係真係可以不停追加:)！當然大前題係你要叫幾多食幾多，唔好浪費食物呀嘛！吃完一輪最愛的刺身，當然要Take個Brake，試一點較清淡的菜式，我選擇了鮮茄素麵凍湯，新鮮的蕃茄味道令我諗起尖沙咀星座冰室的超級香濃蕃茄湯，配上素麵，非一般的合襯，吃完感覺清新，把之前吃刺身的油膩感覺一掃而空，為接下來的主菜作好最好的準備！談笑風生一番後，主菜時間到！食家朋友大力推介梅子免治雞肉捧，我當然要試一試！本身對梅子興趣不大，梅子味混入雞肉當中，一口咬下去，感覺好清穎、特別，食完即刻想食多舊，但我當場會忍住口！因為仲要試其他野！火炙薄切他他牛肉凍 - 近年比較少吃牛肉，但眼看新鮮的他他牛，都係忍唔住口，食指大動！可能因為太耐冇食，真係覺得好好味，入口軟綿綿，肉味濃郁，最後都忍唔住食左幾塊！日式豬軟骨蘿蔔鍋 - 其實吸引我的並唔係豬軟骨，而係後者蘿蔔！真正好食的蘿蔔，煮法很考功夫，要選擇新鮮香甜的蘿蔔，再要烹調多個小時又會做到入味的效果，而這道蘿蔔略嫌唔夠味，朋友說我要求太高！哈哈青檸汁燒帶子 - 無論係帶子刺身、又或者係帶子，我都非常喜愛！燒帶子時間的拿捏非常重要，一過火位，點咬都咬唔爛，幸好今次食的帶子絕對冇過火位，相當不俗。吃過甜品後，我地就捧著個肚離開了，$200多，約3小時能享用酒店式的食物與服務，絕對抵食，有機會會再去！…Read More

又入粉嶺搵朋友，身為九龍仔的我山長水遠來到，當然要去探一探群記！一如以往一樣咁多人，大家都食到大汗叠细汗，但仍然要繼續食就知群記的吸引力有幾厲害！叫了最愛的大豬手米，彈牙，香口，配合自家製辣醬，真係冇得彈！加多罐可樂，非常滿足，下次再食過！溫馨提示：豬手好快賣晒，想食要3點前到…Read More

朋友升職請食蠔，身為蠔痴當然即時舉腳讚成，放工後即刻飛的去佐敦會合朋友一入到去都幾凍下，但餐廳有提供薄氈服務，非常貼心！一行3人，我地分別叫左兩個set同一打蠔兩個set分別係主角為左試唔同地方蠔的味道，我地分別要了4種(由淡至濃味)Pacific Rock $10 - 清新味道，新鮮，相對地非常抵食Irish Rock $24 - 店員推介，清新帶Creamy，全日之最:)Coffin Bay $21 - 一開的最愛，較之前兩隻肥美，但再Creamy會更好Cherry Stone $24 - 醇粹係俾佢個外型吸引，食落實在過分Creamy，不是我杯茶...食完蠔到兩個set！餐湯正常不過，一個南瓜一個龍蝦，甜甜地幾開胃。食飽到甜品食完再食Tiramisu，感覺普通因為朱古力火山實在太正！在場有位結他手，食緊甜品的時候，佢行過來問我地有咩歌想聽，即場叫佢唱首I started a joke 用以紀念中學時期喜愛的Robin Gibbs，他唱得也相當不錯！…Read More