AnnieWong1713's Profile

晏晝成得太飽，夜晚想食得健康簡單啲，喺OpenRice search先發現深水埗都有Poke bowl。雖然唔係太近地鐵站，我同男朋友都行咗5分鐘先過到去。附近嘅舖頭都閂得七七八八，加上門口有個Poke Go LED logo，一眼就見到。餐廳門外有個打卡位，充滿夏威夷風情，入去之前都忍唔住打左個卡。餐廳整體都係木質嘅枱凳，配上綠葉牆畫同放滿ukulele嘅bar枱，成間餐廳都充滿住chill chill嘅氣氛。餐廳裡面周圍都放左小鯊魚，唔同造型唔同姿勢，應有盡有。我同男朋友都忍唔住幫佢哋影左幾張相！餐牌上嘅種類好多，男朋友有選擇困難症，一於就試下佢預設嘅配搭，嗌咗碗OHANA配沙律底。男朋友好怕沙律菜嘅草青味，但呢碗OHANA就完全無！甜粟米、櫻桃蕃茄同蜜糖芥末醬都十分清甜，配合埋充滿油脂感嘅三文魚，每一啖都係清爽又清甜。男朋友唔覺唔覺竟然成碗食曬！Poke bowl仲會配搭埋一塊炸蓮藕片，非常香脆，搞到我哋差啲想加多個炸蓮藕片小食。我比較偏食，預設咗嘅配搭唔啱我，於是就叫咗自選Poke bowl。我嗌咗三文魚、芝麻海帶、麻醬豆腐同洋蔥，配搭辛味蛋黃醬同糙米飯。仲有好多配料俾大家自由選擇，我都唔客氣幾乎揀曬所有配料。一入口就感受到蛋黃醬嘅辣味，唔食辣嘅朋友可能要考慮清楚，但喜辣嘅我就非常鍾意！豆腐軟錦清新加上海麻嘅麻香，洋蔥清爽加上辣味嘅呑拿魚，刺身完全無腥味，非常易入口。至於糙米，初初以為會比較無味同難入口，但不得不說餐廳嘅配搭做得好好，醬同刺身配上糙米中和咗口味同味道，令鍾意食飯嘅朋友都可以食得健康！最後我同男朋友都忍唔住手嗌多咗個牛油果醬粟米片試下。醬非常濃郁，除左好香牛油果，仲食到檸檬皮等香料。粟米片調味較淡，更吃得出牛油果嘅香。上枱唔夠幾分鐘已經俾我哋清曬。臨走前睇多次餐牌，發現餐廳竟然有做一人火鍋，仲要有唔少湯底選擇。無諗過poke bowl餐廳都有咁多選擇，搞到我哋都心郁郁下次再過黎試下！…Read More

新開晚餐十分有驚喜，我點左個雪之宴盛惠$688，性價比極高，睇到菜式好吸引就毫不猶疑點左😍首先講下冷盤，雪之戀生蠔很肥美，有魚籽蟹肉同海膽，海水味濃郁，質感細滑，海膽味道甘甜。迷你甜筒係熱情果乳酪醬做底，鋪面係蟹肉沙律，廚師做fusión菜好出色，熱情果酸酸甜甜開胃，大推海膽多士，口感軟綿，甜而不腥，多士香脆可口，煙燻湯凍非常特別！佢係用蟹湯同蟹肉冷製做個啫喱，半透明加金箔，賣相打卡一流，第一部分最後用芒果乳酪shooter杯，蟹肉及薄荷葉鋪面，乳酪仲有新鮮芒果肉mix埋係裏面😋熱盤第一道係芙蓉龍蝦湯，廚師為左增加湯底既細膩感，特意係湯底加左芙蓉滑蛋，原來同湯底咁匹配，加啲香草蟹肉就更加惹味，龍蝦湯甜鹹得宜，主菜水晶蟹肉飛天面第一次見個炸麵原來真係可以hold係到架，好神奇，中式蟹肉黑松露湯汁，有雜菌金萡同蟹黃，清清地既炸撈麵，麵質爽脆🤤最後甜品黎個玻璃蜂巢芝麻雪糕，最中意食芝麻雪糕，味道香濃，蜜蜂蜂巢又靚又好味，連甜品都可以放蟹肉落去，我而家先知道原來蟹可以同咁多食材都咁夾咁好食！😍…Read More

同朋友聚舊當然要搵間靚餐廳食廚師發辦，第一味北海道帆立貝配無花果，師傅只係落岩鹽已經好夠味，等我哋真正嘗到食材既新鮮，無花果又fresh又開胃，汁煮銀鱈魚好夠味，最令我難忘係澳洲慢煮大鮑魚，如圖隻鮑魚真係勁巨型超誇張，第一次見真係手掌咁大嘅鮑魚，鮑魚配肝醬味道絕襯，配少少米飯，食完鮑魚再配個柚子皮鮑魚湯，加上少少酒香更細膩，中間好細心地比碟蘿蔔片清一清口腔味道先再享受接下來既壽司，師傅特登整少啲飯，等我哋每位客人都可以吃到更多唔同食材，沖繩車海老係肥美海蝦，入口鮮甜，喜馬拉雅鹽加柚子皮配北寄貝，用柚子澀味中和鹹味，再帶出北寄貝鮮味，高質！毛蟹啖啖肉，蟹肉絲細滑，火炙左口魚邊入口即溶，油脂感豐富，一吃難忘，最後黎個海膽，師傅教落原來放係手背食先係最正宗，因為可以用手背溫度中和冰凍既海膽，口感滑溜又美味，為正餐既完美句號，最後黎個甜品係焙茶雪糕、日本密瓜同甜蕃薯條，甜蕃薯條煙煙韌韌，十分獨有及好食，焙茶雪糕又香又滑，整體而言係個非常高質素既晚餐❤️…Read More

第一次黎呢間餐廳係因為朋友介紹話好高質，竟然撞正佢哋黎緊七週年紀念， 職員主動問我哋試唔試下新菜式，我哋緊係無問題啦哈哈，最中意試新野，我地點左兩個丼飯，每款都係$158 only，第一款叫菊，食材包括油甘魚、三文魚、白身魚、三文魚籽同海膽，鮮甜美十足，魚類全部厚切，配醬油飯根本唔需要豉油，海膽係入口即溶，完全係滿滿既幸福感，朋友點左梅，食材係日本甜蝦、松葉蟹鉗、松葉蟹肉蟹籽、白蝦配黑魚籽，我好中意個白蝦，非常滑嫩，加埋黑魚籽鹹鹹地做點綴，壽司必點火山卷$198，係滿瀉既海膽啊，味道濃郁，入口軟滑鮮甜，刺身石垣貝$116，仲有前菜日本蘋果沙律$78都好十分值得一試，好fresh同開胃🩷🩷…Read More

在旺角想品嚐道地的日式料理，不希望光顧連鎖餐廳，我注意到一家外觀具有日式風格的店鋪，被它吸引住了，於是決定進去試試看。進入店內後，我立刻被店內的裝潢所吸引。這裡擺設了許多動漫和宮崎駿的圖片，讓整個用餐環境充滿了活潑和趣味。我和朋友一邊享用美食，一邊著迷地討論著這些圖片。我們首先點了一些串燒。雞皮串吃起來很脆口，沒有油膩感，非常適合搭配酒品。牛舌心有著令人滿足的咬勁，牛肉的味道濃郁而不油膩。我特別推薦他們的雞心串，外層酥脆，內部則保持著嫩滑的口感，給人驚喜的享受。另外，他們的豚肉露筍串也非常美味。外層的五花肉油脂豐富，內部的蘆筍則清新爽口，兩者的搭配非常合宜，但需要趁熱食用才能保持最佳口感。接著，我們點了三文魚、油甘魚和蟹膏丼。這份丼飯的份量適中，不會讓人過於飽腹。丼飯中的壽司醋飯酸味適中，提升了不少食慾。三文魚非常新鮮，而油甘魚的味道則稍微清淡一些。配上濃郁的蟹膏，以及微微辛辣的芥末，能提升魚生的鮮味，給這道料理增添了豐富的層次感。另一道菜是芝士鰻魚卷。這款卷物以蒲燒汁調味的鰻魚味道恰到好處，而上面的芝士則散發著濃郁的香氣。加上蟹柳和玉子，這道料理擁有豐富的口感，每一口都讓人愉悅。最後，我們還點了玉子燒作為甜點。這款玉子燒比我想像中更鬆軟，口感非常綿密。搭配上蟹籽和沙拉醬，味道更加豐富。這款甜點完美地結束了晚餐，給了我們甜蜜的體驗。總的來說，這家日式料理店給我留下了深刻的印象。無論是舒適的用餐環境，還是精心調配的料理，都給了我一個愉悅的用餐經驗。我強烈推薦他們的串燒，特別是雞心串和牛舌心串。下次再來試一試其他的串燒！…Read More

🧈黑魚子、海膽、蟹膏豆腐，配有雪鹽拌碟(先付(開胃菜))非常融洽嘅海鮮配搭，蟹膏豆腐嘅濃郁鮮美，完全襯托出海膽嘅清甜，本以為係淡淡的豆腐加海膽，結果蟹膏非常突出，加上黑魚子嘅點綴，三種海鮮，完美混合出海嘅滋味🥣硯湯先飲一啖清甜溫和嘅硯溫，暖入心扉，忍不住又再飲一口，打開蓋子看見比平常大兩倍嘅蜆肉，肥美多汁🤤天婦羅🌶️京都萬願寺唐辛子萬願寺甜辣椒又稱為奇蹟般的辣椒，原來它是一種將辣度完全壓制在「無辣」的辣椒，不辣且甜，肉厚有張力，天婦羅嘅煮法非常適合🐟沙錐魚天婦羅原來沙錐魚日本語是「キス」，有趣的與Kiss (Kisu)同音😆，很喜歡主廚開心時會分享料理嘅理念同獨特之處；這道菜可點上檸檬汁，帶出魚味沒有魚腥🪸子持昆布意思是魚在昆上面產卵之後嘅昆布，象徵「多子多孫」的祝福，是日本人在新年頭三天會食嘅一道菜。日本人可能會生食，但會比較鹹，所以這次是比較Hong Kong Style嘅煮法，先用清水料理過，再做成天婦羅，配合少少沙律醬和櫻花蝦🦐，非常嘅獨特同美味。今次係選用左希靈魚卵，唔同其他地方選用嘅三文魚籽。每一口都爽脆爽脆嘅，微甜沙律醬帶出鮮味，非常和諧，愛了愛了紫菜天婦羅、富山灣白蝦刺身、上面係海膽刺身♥️♥️♥️十萬個贊，掛住影相📸️，影左咁耐先食都仲好脆海膽好鮮甜，白蝦刺身做咗一層好好嘅分隔，保留到天婦羅嘅鬆化，又保留到海膽嘅滑嫩幼滑自家製醬鮑魚自家製醬油昆布嘅味道，淋上酥炸鮑魚明太子茶漬飯暖暖微辣嘅明太子茶漬飯，即是米飯和配料淋上茶/高湯，一塊薄薄紫菜上面放藉粉紅色微辣明太子，外觀已好吸引，輕輕嘅辛辣鹹味讓人愈吃愈開胃，熱湯溫熱暖身靜岡冠蜜瓜最後奉上多汁甜蜜嘅靜岡冠蜜瓜，名副其實，諗起都舔舔脷，甜蜜嘅一個完美收尾☺️🤤…Read More

同朋友經過旺角，想坐低chill下，再玩下board game，而呢間餐廳就可以滿足到😌😌叫左combo for 二人餐(388)黑松露磨菇意大利飯，意大利飯口感唔太硬又唔會太淋，啱啱好，菇味香濃，必吃之選。西西里pizza，餡料豐富，有茄醬、辣肉腸、腸肉粒、蘑菇、火箭菜。Pizza底好鬆脆，唔好太厚，而味道好惹味！炸蟹餅，外脆內軟，口感彈牙，唔會太油，再配上甜酸醬，好好食！煙三文魚雜果沙律($108)煙三文魚新鮮，好香！再配上沙律菜、不同種類既雜果，好健康又好味。蜜糖雞翼($55)雞翼外層有香甜既蜜糖，雞翼肉質嫩滑，咬落去又有肉汁，好juicy啊！蛋黃汁卡邦尼意粉($135)意粉好香蛋黃味，亦好creamy，但又唔會好油膩。意粉口感剛剛好，唔會太淋。飲品不錯！最推介係楊枝甘露，好足料，有好多柚子同芒果粒，啱晒夏天天氣，飲完即刻好爽。…Read More

餐廳環境設計模仿韓國街頭大牌檔咁，有啲七八十年代既擺設例如電視同韓文漫畫，有feel！食物質素性價比極高，包大家一定食飽，前菜有韓式泡菜，辣得黎好惹味，個人就中意佢唔係好酸，甜辣得宜，至於麻油芽菜就啱我朋友食，因為相對上無咁辣，韓式炸餃子全部即叫即炸，外皮香脆，餡料有粉絲同泡菜，好味道，大力推薦大家食芝士泡菜煎蛋卷，超濃郁芝士味，一切開就有流心蛋漿，滑溜溜搭埋泡菜芝士一啖咬落去，好好食呀，主菜我哋則點左卜卜脆炒豬軟骨拼拳頭飯，麻油紫菜飯永遠係最好味，豬軟骨份量多一定夠拌飯，飲品就推薦荔枝梳打同韓國特色甜米漿，食完辣嘢飲番杯梳打好舒服😋😋…Read More

同朋友每人叫左個set lunch，前菜我點左法式龍蝦濃湯，餐包係香脆多士，沾龍蝦湯好好味，真材實料味道濃郁，朋友點左大蝦柚子沙律，原隻鮮甜大蝦，柚子沙律好fresh，牛油煎龍蝦芝士通粉，出面極少見，如圖真係全部都係拉芝士，好好食呀，通粉口感煮得啱啱好，我好鍾意廚師整得芝士味好濃，但係食落絕不油膩，仲有當然要試吓佢個招牌鮮波士頓龍蝦包，都真係要讚吓餐廳嘅Menu設計有心思，菜式都係平時好少見，沙律菜、沙律醬，同埋好多龍蝦肉，龍蝦肉好彈牙爽口，麵包烘得乾脆，飲埋杯熱抹茶鮮奶，好完滿哈哈，中意飲凍飲既朋友推介雜莓奶昔，兩個人離場都係539就食到咁高質既午市套餐，重點係環境舒服靚靚，同閨蜜打卡一流…Read More

同朋友聚舊傾計談心就緊係要搵間日本野慢慢坐啦，我哋點左鐵板燒海鮮雜菌（鮑魚、海老、魷魚）做前菜，健康之選，鮑魚彈牙爽口，其次我最中意就係海膽蟹味噌甲羅燒，店員好細心幫我地燒埋撈埋，夾埋餅乾上，臨走仲話唔夠餅乾可以添，好好人啊，甲羅燒同梳打餅真係一流既配搭，蟹籽粒增加口感，海苔酒盜燒帆立貝，帆立貝味道鮮甜，燒完都不減海鮮味，蒲燒鰻魚飯好大盒，根本係二人份量，飯粒有質感，無骨鰻魚真係好正，啖啖肉，連埋鰻魚汁拌飯好味道，居酒屋一定要食我最愛火炙三文魚腩壽司同清酒煮白蛤，三文魚腩入口即融，仲有魚油香慢慢滲出黎，大幸福！飲品就推介海底之心同赤子草莓，士多啤梨好甜又清爽👍…Read More

第一次睇粉麵舖既餐牌見到有擔擔麵嘅出現，好好奇平時嘅牛腩麵都可以配擔擔湯食，究竟係咩味道，於是叫咗個牛三寶擔擔麵，加個紅油抄手，牛三寶係我最鍾意食嗰三樣，包括牛肚、牛腩、牛筋，喜出望外嘅係原來可以咁夾，擔擔面湯底花生醬味道濃郁，甜度適中，煙靭嘅麵條連埋湯底一啖吸落口好好食，牛筋煮到入口即溶，係真係融化個種質感，牛肚非常稔身，唔洗怕咬唔爛或者攝牙縫，牛腩有部分脂肪連瘦肉，分佈平均，呢個真係大力推介，餸、湯底同麵煮得出色，至旗紅油抄手份量多，有成六粒定八粒，都係23蚊 only，晚飯時間頗多人排隊同外賣，讚🙌🙌…Read More

夜晚同媽子食小菜，搵到呢間超級抵食，個晚仲要坐爆曬，晚市孖寶兩餸配搭，大大碟都只係208蚊，我哋揀左脆皮燒腩仔加果皮蒸鮑魚，燒腩仔份量勁多，想特別讚下佢個芥末好好食，甜辣適中，大力介鮑魚，即叫即蒸，甜豉油、麻油、果皮配合一流，香噴噴，非常彈牙爽口，唔係飽到上心口真係想叫多碟，跟住叫四川回鍋肉，辣勁十足，連我平時唔食椰菜都覺得廚師炒得好好食，叫個白飯撈飯一流，最後埋尾叫個是日精選燉湯，個晚係花膠螺頭雞腳瘦肉湯，哇個湯非常清甜，螺片爽身，超好飲，一盅先$38蚊，超抵食，一定會再返黎食，伙記又好禮貌好傾，食得開心😃…Read More

天氣凍凍地想食小菜，之前同朋友經過見到晚市好多人就記住左，我地叫左四個小菜加白飯，埋單478蚊，性價比極高，價錢份量味道都好高質，豉椒炒花甲盛惠138，唔誇張真係人生第一次食咁大隻既花甲，超足料，每隻都有隻手指咁大隻，非常多汁，撈飯一流，其次必試招牌脆皮燒腩仔盛惠128，多到打包第二朝帶飯都仲得，外皮超級脆，鹹度醃得恰恰好，芥末都好食，健康啲我地叫左海皇雜菜煲盛惠88，有魷魚、海蝦、蝦米、粉絲、魚肉、菜心等，清湯都好飲，最後仲叫左個炸大腸盛惠98，朋友話係佢食過最好味既炸大腸，配埋個酸甜醬就更加開胃好食😋…Read More

朋友食素菜，欣賞餐廳有呢個選擇，我地點左素春卷撈檬走蔥，有花生、青瓜、紅蘿蔔生菜絲等非常足料，第一次食撈檸既佢話好好食，味道酸甜開胃，加埋配菜口感清爽，平時細食既佢都成碗完全清曬，我就叫左越式豬頸肉湯河粉，好中意佢個湯底，味道十分濃郁，河粉連埋湯既精華啖食好正又暖胃，小食就有上湯灼田園蔬菜同酥香軟殼蟹，上湯生菜上枱加啲炒蒜調味就香啲，軟殼蟹即叫即炸香脆可口，真係原隻軟殼蟹架，個人中意沾沙律醬食就一流，飲品推薦椰果椰汁西米露及椰汁紅豆冰，椰奶味夠晒甜，質感細滑，紅豆冰好足料啖啖紅豆好食❤️…Read More

非常高質既放鬆地方🥰下單後前菜送上八爪魚、螺頭、中華沙律、黑糖麵包和忌廉湯個人特別鐘意螺頭同黑糖麵包螺頭食落甜辣且非常煙靭爽口，特別開胃黑糖麵包鬆軟可口，黑糖味恰合不會甜膩冇耐之後就送上一大盆生蠔同海鮮，拼盆下面有一個座，店員將乾冰放起座上造岀煙霧效果頗為觸動眼球生蠔肥美，味道濃郁，海水味清甜，冇乜沙石，容易入口凍蝦新鮮，爽甜冇霉味螺肉大隻，鮮甜可口主菜分別叫咗七成熟牛排同羊架牛扒配上黑椒汁同薯角，肉質鮮嫩，味道香濃羊架處理得非常細心冇乜羶味，上桌前已經除骨，容易入口…Read More