JessicaS*'s Profile

系旺角呢头，最多buffet食肆嘎啦，聚集左各地美食荟萃，揾野食捏梗系要選旺角，同學仔放學就約埋係旺角食飯，我地係附近隨意行下睇下有咩食，點知見到金甲韓燒，晚市$188，價錢岩心水就入左去食～肉类：金菇肥牛、猪扒、雞翼、牛肋骨、辣豬肉、雞肉、牛肉、魷魚、辣豬趴、魷魚蘇⋯辣豬趴醃得夠入味、魷魚好新鮮彈牙，魷魚蘇好大件，牛肋骨切得好均勻，牛肉好嫩不老，豬趴都有辣有唔辣，各取所需。生果甜品：西瓜、火龍果、泡芙、蛋糕、蛋捲、糕點。韓國蘇打任飲：蘋果蘇打、藍莓蘇打。三文魚刺身、各類壽司，仲有豬腳薑添，人參雞湯，蕃薯糖水、湯圓布丁、雪糕。果然無選錯，金甲環境衛生都可以，通風唔錯，盧頭獲利夠大，燒完一味又一味，食唔停口，$200蚊樓下可以食咁多美食，實在抵。…Read More

今日和好友來到這家口碑相傳甚廣的喜來稀肉韓國烤肉店，品嘗正宗的韓式烤肉，領略流行已久的韓風。 前菜，有韓國特產～泡菜、洋蔥絲、豆芽，仲有一碗湯及生菜。大塊的五花肉肥瘦相間，在烤盤中把多餘的脂肪釋放出來，烤到微焦，吃起來更好，油而不膩，配上生菜包裏，生菜的清甜與五花肉的肉香完美結合，肉香中充滿著清甜。蔬菜拼盤有鲜菇、洋蔥、薯仔、南瓜，仲有印左字嘅雞脾菇，以往食烤肉都好少點蔬菜，烤起又幾好食！經店員推介，點左包韓國桃汁，入口桃味濃郁，口感香滑，甜品適中，、靠得住護心肉成塊狀，烤制時不停翻轉，使其肉均勻受熱，與爐火共舞顯出護心肉的獨特味道，嫩滑爽口，肉質分外細嫩，配上特制的蘸醬，飽實的肉感充滿口腔。喜來稀肉，拼成玫瑰花狀，咋看真似一朵嬌艷的玫瑰。薄狀的牛肉，在烤制中一定要掌握火候和時間，烤肉剛變色時這時的肉質最鮮嫩多汁，香滑可口，口感滋味極佳。富含膠原蛋白的豬皮是熟的，輕輕烤一下就卷起，豬皮鮮香的味道得到充分釋放，入口脆香，口感柔軟且彈性十足，飄香美味有嚼勁。豬大腸含脂質較多，脆韌殫牙，香滑耐嚼。烤牛腸唔係到處有的食架，牛腸的油脂滴到爐火中，吱吱的響聲發出誘人的脂香，烤熟後的牛腸表面金黃入口微脆爽滑，油脂恰到好處，一點腥味都冇。滿意的一餐，值得再來！…Read More

今冬夏意盛，但亦無阻礙大家絡繹湧向火鍋店，涮一涮邊爐，滿滿嘅鲜活，酒酣耳熱，眾賓喧嘩。嘗一口舌尖上的暖冬，正！上星期我就同左幾個三五知己去到佐敦吳松街嘅“尚鲜”，呢間餐廳唔係任飲任食，正正如此，質素方面先有保證，而湯底方面亦有令人意想不到的驚喜！我地點左個“蟲草花花膠燉雞腳”，大大煲好足料，花膠好大隻好厚肉，食落滿口膠質之餘又帶著蟲草花香，雞腳好腍滑入味，蟲草花仲爽口香甜，啖湯真係冇得彈，燉湯本身飲落就香過老火湯，加上重膠質的花膠雞脚，飲完滿口餘香，感覺嘴唇都黏在一起了！飲完煲靚湯，相比之下好似海鮮都變得略有失色！其實冇D咁個事😆！海鮮尚盛裡面有：海蝦、海蟹、帶子片、珊瑚蚌、廣島蠔、大花甲、聖子皇、是日活鱼等，拼盤不但砌得精緻，更是新鮮非常，蝦、大扇貝新鮮大隻，蟹肉好實正，帶子片珊瑚蚌好鮮甜！百花釀油條，油條酥脆，蝦膠鮮美多汁，醮上甜酸醬汁最美味，亦可以放湯裡浸一浸食，卻又是另一番的滋味！蔬菜幾時都不可或缺，田園盛，有粟米、雞脾菇、蘿蔔、金針菇、娃娃菜、生菜等，新鮮的蔬菜帶給人一種滿足感！估唔到喺佐敦嘅樓上餐廳咁有水準，以價錢黎講，湯就超抵飲，其他尚算可以，服務方面亦周到，下次會再來！…Read More

都市無論日與夜，四周來攘往，人如流水馬如龍，想找一處較清幽恬靜的地方用膳也不容易。位處銅鑼灣鬧市，向樓上發展嘅“鳥居居酒屋”，都算係一個好去處，約上好友，叫支清酒，小酌幾杯，細味美味佳餚！我地都十分鍾意香氣撲鼻的“獺祭”，特別的香味令人難忘，而且越飲越感覺好飲！明太子玉子燒，這是一道很適合佐酒的菜式，卷蛋多汁，口感鬆軟，明太子嚼起來卜滋卜滋的很微妙，且香及微鹹！北海道帆立貝，好大隻，口感厚實，肥美多汁，肉質鮮美！喜知次，日本三大名魚之一，因產量少，尤顯矜貴，燒得魚皮焦香，魚肉細緻富含膠質，而且鮮味十足！最後黎碗稻庭烏冬，上面鋪滿紫菜，烏冬細緻軟滑，湯亦好好味！估不到喺銅鑼灣都可以揾到個落腳點，以價錢黎講，除左條魚，其他都唔貴。…Read More

浪漫又熱鬧嘅佳節將至，最開心嘅當然係與友相聚，狂食一番。所以前幾日就去到位於旺角兆萬8樓嘅“神戶屋”日韓放題，今次喺我第二次同Friend一齊去神戶屋，因為好超值，最低$139,嘩😀首先我地就點了三文魚刺身，鮑片，帶，榮螺片等，刺身好厚切，肥美，食落新鮮無雪味，要encore;壽司都係即點即做，如有必食嘅蒲燒鰻魚，火炙大蝦，火炙沙律三文魚腩壽司等，但飯有D比較大舊，會好飽肚;燒炸物亦過得去再加多個大熱韓式部隊火鍋同香草燒羊架，肉味不騷不膩正👍整體不錯，但繁忙時間偶有少少漏單，但都可以接受，可以推介…Read More

上星期老闆接左單大生意，就請我地幾位功臣去食海鮮，有同事就提議去大角咀棕樹街間“焱鍋堂”，因為佢地以海鮮聞名，且價錢公道，深受食客捧場，我地就聞名不如親身體驗😃餐廳面積中等，但挺寬敞，且有多個大鱼缸，給客人挑選心頭好😉首先登場嘅係蒜蓉海中蝦，蝦肉非常鲜美，再配以蒜蓉蒸用，令蝦嘅味道更上一層😊接著嘅就係避風塘炒蟹$288/斤，價錢非常合理，蟹肉鮮香樸鼻且風味十足，惹味😄佐酒一流。跟住黎多個刺身同潮州凍蟹，啱晒唔鍾意食熱葷嘅朋友，保留原有海鲜味道，鮮味無窮，正😆呢一餐係名符其實嘅海鮮餐，完全滿足晒鍾意食海鲜嘅我地，同埋最開心莫過於係老闆埋單呀嗎😁總括餐廳整體都唔錯，就算下次自己掏荷包，都值得再黎😙…Read More

食韓燒放題已經成為潮流，一到假期好多人都會約埋三五知己燒一燒，包括我地！前幾日同幾個朋友經過旺角彌敦道726,就上去一間名為“Running燒”嘅韓燒餐廳，地方不大但裝潢都挺有特色，因為似"RM”😆.由於係放題，我哋都各自揀咗自己嘅心頭好:)燒牛仔骨 牛脷豬頭枕 （豬頸脊肉）海產好新鮮又大隻 必點有韓式烤肉，包括牛肋骨，牛仔肉，羊西冷，豬腸，豬皮等，仲有唔係好多地方有得食嘅“豬頭枕”，燒起上黎香氣四溢，正😊；海鮮方面，則有大蝦，青口，帶子，扇貝同魷魚圈等，完全可以滿足晒鍾意食海鮮嘅朋友😄;熟食有串燒雞軟骨，韓式辣泡菜炒飯同必食嘅酸辣味炸雞，粉薄鬆脆，讚👍總括黎講，價錢合理，食材種類多且味美，但略嫌坐位吳多，撞正假期就要等下啦😉…Read More

香港正吹著熾熱嘅【韓】風，韓式餐廳愈開愈多，卻依舊人山人海，座無虛席。係香港，要食到正宗嘅韓式風味，卻並非易事。但北角5ences卻係少數能夠做到。上星期我同女朋友就嘗到非常地道嘅韓國菜。我地點了幾道菜。喜歡全智賢就必食嘅炸雞，有原味同酸甜味兩種選擇，完全可以滿足兩種不同的滋味，炸雞炸䊢薄，碟上乾爽不見油，咬一口皮脆鬆化，又鎖住肉汁食起黎唔硬，好正😉醬油蟹，非常新鲜，且餐廳係用秘製槳汁生醃提鮮，其肉質鮮甜，怕食生嘅朋友只要拿出勇氣一試，必定一試難忘😍炭燒牛肋骨 韓式炒粉絲呢餐都算唔錯，有滿足感！臨走見到每枱也食海鮮塔，下次會再返黎食過！不過餐廳外泊車位較少，如果揸車嘅朋友就要早D揾定位啦😊…Read More

上星期，有幾個國內嘅生意伙伴來到香港公幹，我地當然要一盡地主之誼，所以當晚經朋友推介，我地一行六人去到尖沙咀金巴利道“石牆道”。餐廳裝潢非常典雅，極有韓國風格，店員幫我地安排咗間VIP房，間房都幾闊落經店長介紹下，我地點左幾樣地道韓國美食。首先先黎嘅係餐前9小碟，當中包括泡菜，海帶，魚仔，，蛋卷，青瓜白蘿蔔，菠菜，芽菜同鱿魚乾，份量不多卻味道非常的開胃；接著就係著名嘅醬油蟹，係以祖傳秘製醬油醃製，橘红亮麗嘅蟹羔，蟹肉十级鮮甜，完全無腥味，贏盡無限👍韓式牛肉刺身，生牛肉與雞蛋及梨絲攪均，牛肉肉質鮮嫩，梨絲清甜，味道好夾！！人參鷄湯味道清甜 參味濃郁 :)其後再有南瓜炆牛肋骨，海鮮薄餅，石頭鍋飯，韓式包豬肉等，呢一餐大家都感到相當滿意，生意伙伴都話好難得可以品嘗到咁正宗嘅韓國菜，不過價錢會比其他區份高少少，但一分錢一分貨，都係值得推介😊😊…Read More