heavenchiu的个人专页

深水埗Cafe多的是，要如何突圍而出，相信都是每位店主也會考慮到嘅事情，不然對於善忘嘅香港人，好容易就會被遺忘及淘汰。今次有幸朋友帶我嚟到呢間Rehab，餐廳樓底好高，完全沒有壓迫感，令人感覺好舒服。英倫復古嘅裝修、唯美嘅白色花牆、金色的圓拱門、一牆翠綠色嘅酒櫃，難怪吸引到好多客人前來「打卡」。當你以為Cafe重點應該要落係杯咖啡到，偏偏呢度更著重mocktail，專程請嚟係狗毛3酒吧做過嘅Bartender駐場，所以嚟得呢度，記得要點佢地嘅signature iced tea同mocktail，質素一定有保證！-芒果熱情果mocktail平時好怕啲芒果汁果種甜度，但呢杯mocktail嘅甜度卻剛剛好，可能加咗熱情果，一酸一甜中和咗個味道，唔會覺得太甜，芒果味中又帶點熱情果味，不錯！-桃伯爵茶伯爵茶同桃，相信大家對兩樣野嘅味道一定唔會陌生，但加埋一齊嘅味道就變得好特別，紅茶韻味當中帶點淡淡嘅桃味，又有佛手柑嘅芳香，味道有少少酸但感覺好清新！-羊肉卡夫塔配芒果醬 (Lunch set)平時叫意粉，餐廳都係會一隻碟上，但呢度嘅lunch set比較特別，因為佢係將main course同意粉分開碟上嘅，意思係你可以分開食！意粉每日都會唔同款，有時係卡邦尼，有時係明太子忌廉蘑菇意粉，而今次我食嘅肉醬意粉，份量適中，醬汁香濃，麵條夠煙韌，灑上少量芝士更添惹味。卡夫塔其實指用咗中東烹調方法而成嘅辣味肉丸，而呢個卡夫塔有少少羊羶味，配埋個芒果醬又出奇地夾喎！中意食羊嘅朋友一定要試下啦！-費城芝士肥牛潛艇堡 (Sandwich set)Sandwich set就係一個包類配薯條嘅套餐，而呢個潛艇堡中間夾住咗好多薄切嘅牛肉，再鋪滿厚厚一層融化嘅芝士，超邪惡！牛肉嫩滑，但個人認為芝士味太過香濃，反而唔係好食得到牛肉味，不過我呢個芝士怪係覺得呢個超好食嘅，仲要配我喜愛嘅粗薯條，正😋-Tiramisu呢個Tiramisu嘅咖啡味唔係好重，而且中間加咗一層栗子碎，反而感覺似食一個朱古力味嘅栗子蛋糕，感覺幾特別，又唔會太甜。…查看更多

前排去咗香港大會堂睇舞台劇，朋友就推介去附近嘅太古廣場「Thai Nasil」食野。雖然餐廳位於高級商場裡面，但價錢一啲都唔貴，非常親民，而且餐廳都算大，所以坐得都舒服嘅。傳菜速度亦算快，15-20分鐘就已經有得食啦，值得推介！- 慢煮牛肋骨紅咖喱 + 燒薄餅咖喱牛腩就食特多，但將慢煮牛混埋咖喱去呢個做法我就覺得幾interesting啦！半肥瘦嘅牛肋骨經過慢熱之後，滲出豐腴嘅牛脂，食落肉質軟腍，非常juicy！怕肥膩得滯，可以夾埋啲羽衣甘藍一齊食，平衡一下油膩感覺。紅咖喱味道不錯，叫埋薄餅點住嚟食，一流👍🏻- 酸辣柚子沙律柚子很甜，完全不酸，撈埋啲醬汁一齊食，酸酸甜甜好開胃。- 香芒紅菜頭米紙卷米紙卷包住啲芒果粒、紅菜頭絲、紅蘿蔔絲，低卡健康，蘸點週邊嘅芒果汁一齊食，甜甜的。-雞肉、帶子串燒每次人少，想食串燒都覺得好難，而呢間餐廳就好貼心啦，每樣item只須兩串就得啦，仲要好多選擇，再唔係單一嘅豬牛雞。今次呢個雞肉同帶子都燒得剛剛好，嫩滑、又唔會乾爭爭，仲有沙嗲醬同泰式辣醬比你點，中意咩口味由你選擇。-特飲Fresh Thai Lime Soda呢度特飲，特別在你可以選擇Virgin定Alcoholic，即酒精或非酒精類，呢個Lime Soda，如果選Alcoholic就會加埋少量Vodka啦。-特飲Pandan Colin呢個特飲就係混咗椰子水、接骨木花同檸檬汁，飲落去有椰子水嘅甜味加少少花果酸，感覺好清新、解渴。…查看更多

終於可以係呢個復活節返番教會👏🏻當然要好好同教友buddy食返餐好嘅慶祝下😌Grotto嘅菜式全由主廚Andy Dark主理，食物質素不單止有保證，菜式亦很多樣化，估唔到連咖啡嘅味道亦令我感到驚喜。**63度蛋巴馬火腿牛油果吐司 $123（轉牛角包窩夫+$15）成個擺盤好豐富，個大啡菇炒得好香，沙律菜同牛油果都好新鮮，份量亦算多，莎莎醬裡面有好多蕃茄碎加紫洋蔥粒，味道酸酸地，感覺好清新。Croffle外脆內軟，有好香嘅牛油味，建議大家可以加錢一試！重點一定係個流心蛋，流心蛋處於半生熟狀態，唔會有太多蛋醬流出，夾住個Parma Ham一齊食，味道剛剛好。**泰式羅勒新豬肉吐司 $88呢個吐司係用咗新豬肉以泰式方法所製成，全植物性材料，所以飽和脂肪同熱量都會比真正嘅豬肉少，而且蛋白質、鈣質同鐵質更加豐富，更能滿足人體嘅營養需要。成個吐司味道會有少少辣又帶有適中嘅香料香氣，加上嫩滑嘅炒蛋同新鮮蕃茄，食起上嚟既惹味又健康。**Latte & Flat White $40係Ethiopia Hambella Natural同Yunnan Anaerobic Washed嘅Fruity Blend，帶點奶油加焦糖嘅味道，亦有黑朱古力味嘅回甘。值得一讚咖啡師拉花嘅技術，圖案非常對稱又置中，唯一不足嘅係杯咖啡好快就產生氣泡，有少少影響咗咖啡嘅幼滑度，但總結杯咖啡算係香濃好飲嘅！其實呢度嘅scone都出名㗎，每日都會有兩個口味比你揀，可惜個肚無咁多空間，唯有下一次再試啦！…查看更多

Happy Friday嚟個Cafe Hopping，由九龍灣出走到九龍城嘆咖啡！☕️今次嚟到呢間「大和堂」，咖啡店前身係一間擁有80多年歷史嘅醫館，由舊建築活化而成嘅懷舊咖啡店，一窗一櫃都充滿歷史嘅氣息。唔講唔知，原來之前楊千嬅有套港產片《乾柴烈火》都係呢度取景㗎！**大和堂鮮奶咖啡 $48呢杯招牌咖啡係經過咖啡師不斷調配同嘗試，將伯爵茶同鮮奶咖啡兩者之間取得平衡而製成嘅「西式鴛鴦」，飲落會係茶香之中釋放出淡淡嘅咖啡味。不過我個人認為伯爵茶味太濃，令到咖啡味相對變淡，亦缺少咗咖啡應有嘅creamy質感，但味道確實係令人有驚喜嘅，值得一試！**焗豬扒意大利飯 $138焗豬扒飯就食得多，焗豬扒意大利飯就真係第一次試，仲要用中式瓦煲上，感覺幾特別。豬扒無用太多醃料醃製，就只係單單咁鋪上蕃茄醬同水牛芝士就已經好惹味。意大利飯軟硬適中，蕃茄醬味香濃綿稠，完全無因為烤焗過而變得又乾又硬，好味😋**麻辣蛋M5和牛漢堡 $128和牛炒蛋漢堡加麻辣蛋黃醬？呢個combo聽落都幾新鮮，但估唔到又會出奇地夾！個麻辣蛋黃醬帶有少少麻辣又唔會搶咗蛋黃醬嘅味道，味道又幾過癮。加埋個炸到金黃香脆嘅薯堡，好味道！不過薯堡份量太少，唔係好夠喉，如果可以多啲就更加好啦。…查看更多

呢幾年都係九龍灣返工，出去食飯都食到有啲厭，有次無意間經過一間新餐廳，被餐廳橙橙黃黃嘅顏色吸引咗，可惜一開業太多人，想插針都針唔入，難得今次經過唔使等位，即刻去試吓先！呢間係一間以日本雞蛋做主題嘅餐廳，據說每星期都會由日本沖繩農場空運雞蛋過嚟，粒粒雞蛋都經過嚴格UV殺菌工序，所以符合安全標準，可以放心食用。**海膽碎金鎗魚腩終極TKG生雞蛋拌飯將蛋白發至蓬鬆軟嫩，感覺有啲似食鬆乎厘咁，濃郁嘅蛋黃醬與白飯攪拌，再加上新鮮嘅海膽同碎金鎗魚腩，百般滋味在心頭！係好味嘅，但分量確實太少啦，兩三啖就食晒啲海膽同碎金鎗魚😂😂得返啲蛋撈飯唔係好夠皮囉。**燉牛肉蛋包飯燉牛肉燉得淋身之餘，仍能保留肉質嘅鮮嫩，加上汁料濃郁，令到成個飯嘅口感好豐富，再加上西蘭花伴碟，成個蛋包飯即刻變得好精美好吸引，真係未食都已經流晒口水呀！不過可惜個蛋煮得太熟，無晒蛋嘅半生熟果種滑嫩感，變咗蛋皮同飯，無法融合起埋一齊，呢度係有點扣分嘅。開心嘅係星期一至五都有沙律同餐湯(南瓜/麵豉)附送！中意食蛋嘅朋友可以去試試，原來唔經唔覺已經開咗五間分店㗎啦！…查看更多

新蒲崗的人有福了....是日咖啡店的soft opening，唯美的純白色，清一色的全女班，不能抗拒的魔力呀！由於太多人嘅關係，我只係匆匆地點咗一杯Hot Latte行街，豆是揀選了Ethiopia Yirgacheffe SOE，Fruity得嚟甜度亦較高，口感較smooth，SOE嚟講算是相對較易入口。呢度除咗啡，綠茶亦係佢地主打，唔鍾意飲啡嘅人，不妨一試！新店開張通常都比較混亂，亦因一些小事件睇到收銀並未有好好了解自己店鋪嘅產品，從而產生不必要嘅誤會情況。其實我想講好多香港人都未必真係深切認識「咖啡」，好多時都只係盲目地跟隨潮流去飲咖啡，所以作為咖啡店店員，了解自己店鋪嘅產品是很基本的，從而先能夠介紹一杯合客人心意嘅咖啡。如果每一刻都需要詢問咖啡師嘅時候，其實都會好影響到咖啡沖煮流程同品質，所以希望日後店舖能提供更完善嘅服務。…查看更多

難得過港島，當然要搵間有質素嘅咖啡店嘆返杯啡啦。貴為亞洲Top 50咖啡店之一嘅Knockbox，質素毋庸置疑，很喜歡店內歐陸式嘅木系風格。今次杯Latte揀咗nutty口味，少少苦又帶點回甘，配返個酸酸地嘅蕃茄醬Brazil and Prawn Linguine，balance返個味道。幾鍾意佢個扁意粉幾有口感，蕃茄醬汁有點蕃茄蓉再加點點蒜片，味道非常濃郁，唯一美中不足係蝦帶點雪味，肉質不夠彈牙爽身，但整體味道是不錯的。…查看更多

話說1月尾嘅時候，朋友請我食生日飯，我就揀咗一間尖沙咀新開嘅日本餐廳「粋」食Omakase，餐廳坐嘅位置唔多，只有兩邊長型壽司bar檯，而餐廳出面就有個露天位置可以比客人坐下，環境都幾舒適㗎。一入場店員先奉上小食一碟、毛巾同menu，客人可以一邊食住小食一邊揀餐，好貼心❤️由於我地訂檯時已訂餐，所以就可以直接上菜啦。頭盤- 水雲髮菜+汁煮花螺+清酒煮蕃茄仔頭盤都一貫作風來得比較清淡而帶點酸味，食完好開胃！最特別嘅係個蕃茄仔，師傅用咗清酒煮完，一咬落去啲清酒出晒嚟，感覺幾清新特別。- 柚子皮帆立貝+新鮮肝醬配Moki魚+ 鮫鰈魚卷+灼燒金目鯛+柚子青檸啫喱帆立貝大粒新鮮，師傅刨咗少少柚子皮係上面，令到帆立貝鮮味更突出。Moki魚(日本名Isuzumi)就肉質結實，味道偏清甜，而師傅就用咗新鮮魚肝製成醬汁配蔥花，濃與淡兩種雙重味道混合係口中，果種感覺好奇妙。而鮫鰈魚卷就係師傅先將鮫鰈皮用火灼燒，再薄切鮫鰈魚，用刺身包住鮫鰈皮，一食落口先會品嚐到鮫鰈魚細嫩嘅魚鮮味，再慢慢滲出鮫鰈魚灼燒過後的魚油，真係好好味呀😋 而金目鯛師傅亦有用火槍輕輕燒過表面，所以會食到半生熟嘅質感，肉質細膩肥美。最後再食埋個柚子青檸啫喱去清一清口腔中嘅魚油味同肥膩感。- 小長井珍蠔配上啫喱+香印提子碎小長井係位於長崎出產蠔嘅地方，果度嘅蠔係出名肉厚鮮美，所以師傅只係簡單用一啲啫喱同提子少少嘅甜味去調味。每逢年尾係小長井蠔當造季節，所以呢個絕對要試！- 拖羅三文治師傅用紫菜夾住一塊新鮮嘅拖羅同一塊灼燒嘅拖羅，紫菜脆卜卜，拖羅入口即溶，而拖羅與拖羅之間，師傅仲故意用咗Wasabi莖去磨蓉配上紫蘇葉，所以食落口會有種清新嘅感覺，可以消除拖羅嘅油膩感。真係超鍾意呢個！好想再encore😍😍😍- 海鰻+南瓜+蕃薯天婦羅今次嘅天婦羅無用到天婦羅蘸汁，反而配上日本竹炭鹽去帶出海鰻嘅原有嘅鮮味。南瓜同蕃薯天婦羅亦都好清甜。唔講唔知，原來竹炭鹽係含有豐富嘅礦物質，並具抗氧化及排毒功效，有助提升免疫力，點多少少都無妨！壽司- 牡丹蝦+拖羅碎壽司牡丹蝦通常配搭都係蝦籽或者海膽比較多，師傳今次就用咗拖羅碎，食落口陣陣魚油包住細綿帶爽牡丹蝦，好正👍🏻- 鰤魚壽司鰤魚係全世界唯日本近海獨有，而冬季嘅鰤魚就最為肥美，以肉質緊實、油脂豐腴見稱。師傳仲特意切出靠近皮層嘅魚肉，所以食落口魚嘅油脂會更豐富，味道更鮮美，真係可以媲美拖羅。- 松葉蟹+蟹羔壽司可見師傅好有心機地將松葉蟹拆肉再混合蟹羔，啖啖蟹肉蟹羔嘅感覺真係幾爽！有啲似食蟹柳沙律嘅感覺，但個醬變咗蟹羔味，蟹味亦相對較濃郁。- 赤鯥魚壽司赤鯥魚大多生於日本青森縣沿海一帶，一種只能野生不能人工飼養嘅深海魚，所以係非常之矜貴嘅，矜貴嘅程度更與北海道喜之次齊名。魚皮經師傅灼燒過依然滑溜，肉質更係肥美、鮮甜無比。- 北海道馬糞海膽軍艦馬糞海膽產自北海道對南至九州地區一帶，色澤為淺橙黃色，味道濃厚，甘甜鮮美，都唔需要多介紹啦。- 拖羅手卷師傅好貼心，見我好似唔係好夠飽，即場用拖羅+炸蝦+蘿蔔漬即場做咗個拖羅手卷俾我食，仲話唔夠飽可以再添🙈食完晒所有壽司最後奉上麵豉湯同生果啦。麵豉湯比一般麵豉湯好飲，飲得出落咗好多配料，剩係睇個湯碗裡面已經見到好多菇、蔥等等，難怪個湯味道咁豐富，唔會一味死咸同粉。生果係我至愛嘅日本士多啤梨🍓，仲要有淡雪添，呢餐真係食得好開心好滿足！…查看更多

新年第一啡去咗THE LOHAS新開間INTERVAL飲啡，呢間精品咖啡店主打北歐風咖啡，Espresso採用單品來自Kirite嘅淺烘焙咖啡豆作為House Blend，質感較為Creamy，味道帶點花香，同時亦有桃、柑橘同佛手柑嘅甜酸味；另外亦可加$15轉用Geisha，如果對咖啡有要求嘅人，呢度確係一個唔錯嘅選擇，不過就未必啱大眾嘅口味啦。講完咖啡，就要講下啲野食啦！食物質素係唔錯嘅，今次叫咗兩個Lunch Set同一個甜品。Lunch Set有兩個Starter俾你二選一，分別係沙律同南瓜湯。沙律非常新鮮，加上醬汁酸酸地幾開胃；南瓜湯質地適中，唔會太稀或太濃，飲落去仲有啲南瓜蓉，配上麵包薄脆，好味道😋Main Course都有幾個選擇，我就揀咗Aligo e Olio同Pizza Di Parma。Aligo e Olio其實係意大利一個好傳統嘅意粉，不過INTERVAL就特別轉用咗一個全蛋黃嘅意粉再加大量橄欖油同蒜片去煮成，所以比起一般嘅意粉，你會覺得口感較為煙韌同重蛋味。要煮得好呢個意粉，火喉係需要控制得好好，要將蒜片煮到金棕色先叫完美，否則就難以煮出香濃嘅蒜味或味道會因為煮得過火而變苦。Pizza Di Parma分量以一個Lunch Set嚟講都幾大，足足有成八寸咁大，個Pizza用咗兩隻Cheese混合一啲蕃茄醬再加Parma Ham而製成，蕃茄醬嘅酸味同Parma Ham嘅鹹味互相補足，所以整體味道係唔錯嘅，但反而芝士味就唔太突出啦，同埋個Pizza一開四件真係食起上嚟有點困難，切多幾份會比較好😅而今餐最好味同最值得推介嘅係個Collective Tiramisu，成個Tiramisu嘅質感好soft，好似食緊軟雪糕咁，一食落口就食到好濃嘅咖啡味，估唔到連甜品都會咁一致性地加咗House Blend咖啡落去，即刻幫呢個甜品生色不少，但唯一缺點係表層有過多嘅可可粉，雖然咁樣係有效阻止可可粉因雪櫃嘅霧氣而形成粗粒，但同樣亦會影響到Tiramisu嘅口感，所以我會建議個可可粉可以上碟後灑上去會比較好。總結，以新餐廳嚟講，食物同咖啡質素係唔錯嘅，當然仲有進步嘅空間去改善，我亦希望下次再嚟會有更多驚喜！服務可以更完善！但值得稱讚呢度嘅員工都非常熱情同有禮貌，如果唔知食咩好，不妨可以叫佢地推介一下！😉…查看更多

最近將軍澳海濱公園一帶開咗好多Cafe同酒吧，除咗成為跑步人士嘅補給站，同時你亦會見到好多主人會帶住佢地嘅寵物去一齊去飲下咖啡、啤酒咁，好一個動物同人類嘅共融社區，好有愛！鍾意小動物嘅朋友，即使無寵物也好，都可以去果度感受一下氣氛、摸摸小動物，相信好多主人都好願意同你分享佢地寵物嘅趣事。今次嚟到呢間Stay With Cafe位於藍塘傲，餐廳食物同飲料唔算太多選擇，但勝在類型夠多，就連寵物嘅menu都提供埋，相當貼心！而且客人凡惠顧寵物menu，當中嘅5%（不扣除成本）仲會捐去浪浪保護組織，氹得寵物開心之餘，又可以做善事，希望大家都能為我地社區嘅動物出一分力啦！…查看更多

成日經過APM商場門口，心裡都不禁地問:「間Five Guys幾時先開㗎？」等完又等....終於比我等到啦，正式1/25開幕🤩新開幕多人排隊都好正常，好彩我都唔係排咗好耐姐👏🏻見到地上一包包薯條確實幾震撼！Five Guys嘅burger出名就好多人都知，連Obama都係粉絲，叫咗個Little Cheeseburger，肉質juicy之餘有成15種toppings任加，貪心嘅我樣樣都想加，加到我都唔係咁好意思🙈雖然叫咗細薯條，但份量多到滿瀉晒落個袋度，我諗果度起碼都有1.5倍，另外仲加咗杯蕉+朱古力味嘅Milkshake（職員推介），係好飲但就勁溜，飲到一半就放棄咗啦🙈食個高質快餐咁就百幾蚊，間唔時豪下就好啦😆…查看更多

避免政府突擊封區，都係離開油尖旺比較好，於是尋日去咗將軍澳間新開嘅NOC食野，好彩朋友嚟得早，唔使點等就有位啦。我地分別叫咗兩個All Day Breakfast、一份Two-way Avocado Toast同一份Smoked Salmon Toast等等。本身朋友想試吓個蛋撻，但原來蛋撻下午三點先出爐，所以我地就轉咗試Basque Cheesecake，口感幼滑柔軟，淡淡嘅芝士味，味道係ok嘅，但本人就略嫌蛋糕質感太過soft。Toast就唔使點講，上一次食過Apple Toast都已覺得味道唔錯，而且佢Toast嘅份量都係偏大，朋友個Two-way Avocado Toast可以有兩種唔同整法選擇-sliced或smashed，可以食出兩種唔同感覺，不錯！朋友最後揀咗sliced，成個牛油果薄切而上，睇得出個牛油果真係又大又新鮮！而我今次試嘅Smoked Salmon Toast都唔弱，有成六塊煙三文魚，再加埋菠菜同牛油果蓉，呢個配搭唔錯、好好食，但食完真係勁飽！而最令我欣賞嘅係個Toast上加咗啲醃紅洋蔥，除咗可以消除油膩感，亦都有調味、幫助消化嘅作用。洋蔥本身含有二烯丙基二硫，可以幫助血液循環，仲可以有助去除體內自由基、提升免疫系統，所以食多啲洋蔥係有益嘅！不過，有服用抗凝血劑藥物嘅人士就建議唔好過量攝取洋蔥啦，因為有機會降低血液凝結嘅速度。食到咁上下，就有個侍應提醒我地仲有5分鐘用餐時間（用餐時間為90分鐘），於是乎唯有快快手食/飲埋啲野再轉下場啦。真心覺得啲Cafe set死晒啲用餐時間，真係無晒去Cafe嘅意義，想relax下chill下都話唔得，但無奈都要接受呢啲所謂嘅「香港文化」。…查看更多

今年無得去旅行，剩咗勁多假，所以年尾就變咗清假嘅時候啦。難得平日放假，當然係去啲假日多人嘅cafe啦，呢間The Coffeeology我想去好耐㗎啦，吸引我嘅，唔係咖啡，係綠茶呀😍今次同朋友點咗個綠茶cheese cake、燉牛肉意粉同兩杯Latte (一杯正常、一杯Oat milk)。個綠茶cheese cake真係堅好食，cheese味香濃帶點淡淡嘅綠茶味，入口即溶😋如果個綠茶味再濃啲就更好啦！綠茶味唔啱嘅話，仲有芝麻味可以選擇。個燉牛肉意粉肉質軟嫩，配上芝士碎、茄醬，好惹味！今次個Latte試下轉咗Oat milk(需另加$5)，Oat milk其實幾健康㗎，一樣有牛奶嘅營養同維他命，但就有一種可溶性纖維 β-葡聚糖 (Beta Glucan) 可以降低壞膽固醇嘅水平，亦都非常適合對奶製品有敏感嘅人同純素者飲用。雖然係健康啲，但我都係比較鍾意牛奶味多啲🐮🤪…查看更多

當大家去晒將軍澳新店嘅時候，我呢啲最怕排隊嘅人當然係去返舊店，望住個海繼續chill啦😌雖然係平日，但都等咗一陣先有檯。一入門口就見到類似Bakehouse嘅蛋撻，好吸睛🤩朋友即刻叫咗個蛋撻同一杯 Iced Matcha Latte，蛋撻當然味道無Bakehouse嘅咁有水準啦，但都不俗，杯Matcha Latte就正正常常、不過不失啦；而我就叫咗個Apple Toast同Hot Latte。Apple Toast用咗黑麥芽亞麻籽嘅多士，外脆內軟，連我呢啲唔太鍾意食麵包嘅人都覺得幾好食，多士上搽上mascarpone cheese配上淡淡焦糖芳香嘅蘋果同核桃碎，令人唔會覺得太肥膩同太甜，味道係有驚喜嘅！反而杯Latte味道就真係麻麻地啦，一個字形容「苦」！我無去深究係因為咖啡豆品種定係咖啡萃取時間嘅問題，但其實鍾意飲Latte嘅人都唔會鍾意有苦味，希望下次嚟會有改善啦。…查看更多

疫情期間，無得出外旅遊，週末去吹吹海風都唔錯呀....☀️今次去咗觀塘海濱公園附近嘅一間餐廳，人唔算多，只係等咗一陣就有位啦。餐廳充滿復古歐陸式風格，設計別緻優雅，環境舒適。我點咗Daily Specials上嘅一款「蒜香大蝦燴意大利扁意粉」同一杯Latte - 意粉份量適中、軟硬度亦做到剛剛好，大蝦數量多，肉質亦爽嫩新鮮，整個意粉蒜味香濃，配上火箭菜，平衡咗油膩感，確實唔錯！Latte味道亦很好，即使只係點咗regular size都品嚐到咖啡豆嘅nutty香味，拉花亦好精美，係一朵玫瑰花呀🌹😍喜歡咖啡味濃啲嘅朋友，可以改叫個double shot。最後，值得一讚呢度店員嘅服務態度👍🏻係我等位期間，店員一直update住我店內嘅情況，又俾menu我睇住先，雖然我只係一個人用餐，但完全無感覺到被忽視或有面色睇，今時今日都仲有咁良好殷勤嘅服務態度確實難得！…查看更多