jansonku520's Profile

話說今天去完西貢行山，搭車到彩虹順便同幾個老死吃餐飯吹吹水，揀左呢間大排擋，我地去街市買左條海魚同聖子加工，我他一行4人6點半到達坐底左，拎左海鮮俾侍應叫佢加工，另外叫左倒牌燒鵝同，召鹽鲜尤，叫左幾支藍妹啤啤佢，開頭一路正常，點知勞氣嘅野開始發生，份燒鵝催左佢3次，侍應都話得得得，冇問題，幫你跟左架喇，等多陣，就快到。 到第5次喇，我地話整左未，有冇跟架，未整要取消，位男侍應先去問廚房，但最尾話賣曬，燒緊，新先出爐，要等20分鐘，大家O曬嘴😱，算我地即管等下，出到來燒鵝係熱，不過干爭爭，D肉又硬，冇乜特別，出面周圍都食倒啦！ 再講個聖子，基本蒜容蒸，味道正常，但是廚房完全冇處理乾淨，就蒸俾D客人食，好多沙，一啲都吾認真，食左一半已冇食，隔壁台情況都一樣，佢地買左帶子，都係好多沙，係度向侍應投訴，鬧到佢7彩，其實都吾關侍應事，係廚房問題！ 老友話算啦當買個教訓！😡😡😡希望個老闆可以改善一下，海鮮吾係平，吾好浪費食物，建議打算加工嘅朋友真係唸清楚，真係冇下次！…Read More

今日特等來到大坑食炳記，呢度長期都好熱鬧，來到要等位，坐露天，身水身汗，但試完杯奶茶，就真係覺得值架，叫左個雞扒煎蛋麴毒麵，雞扒份量夠，面吾會太淋，杯奶茶夠滑又夠茶味，正啊👍👍😋，雖然係普通茶記，但有種香港特色，懷舊味道！很喜歡這感覺，值得推薦！會再次光顧…Read More

今日黎到大角咀，網上見佢食評幾高，於是同老婆試下，叫左佢個香茅豬扒河同生牛河，出來個賣相都幾靚，有伴碟的，已經加左份，食落口D豬扒仲熱辣辣，豬扒夠淋身，仲好入味，配埋個牛骨湯底，真係幾正，同幾夾。老婆食完個生牛河都話個湯底好正😋😋😋，外面好難食得倒，佢仲話浄系呢間啲湯底先夠味，其他真你差少少，埋單人均50 幾蚊，好抵食，可惜忙記影相，有機會會再來，試下佢只牛油雞亦見倒膈離台食得津津有味，夠金黃色！😋😋😋…Read More

今日黎到又一城, 全部都係西餐，想搵啲中菜食下，揀左呢間試下，試左招牌菜食神叉燒飯同鹵水豬腳仔，叉燒飯賣相好靚，仲熱辣辣，味道不錯，但稍為甜了些少，另外個豬腳仔都好香好入味，正啊👍👍👍，最後忍唔住再食多碟，因為份量真係太少，不過好好味，可惜忘記影相，下次會再來！！！！此店會收取茶位同加一服務費，埋單都要成2舊水，都幾貴下😂😂😂😂…Read More

今朝放假，唸住到樓下吃個早餐，見佢人少少就揀左呢間，坐低左選擇不多，叫左個雙拼早餐，沙嗲牛肉配歺肉米粉，跟只煎蛋，熱丅，食品一陣就送到，見D沙嗲牛好似不錯，點知食落口就嚇死人，D牛肉梅過梅菜，淋pat pat 咁，沒有囗感可言，仲有塊午餐肉，硬到好似咕嚕肉咁，仲凍冰冰，真係吾知點放落口，食左1/3已經放棄左！ 仲要係大家落咁嘅價錢，希望佢地真係用少少心機去製造食物，免得浪費。 呢間野除非有改善，否則都應該吾會再去😡😡😡😡…Read More

呢間茶記就在我屋企附近，平時放假落去食早餐嘆杯熱咖啡，都不錯。有幸今晚老媽子話天氣熱，吾想煮，於是一行四人去試試，落到去都差不多滿座，等左6-7分鐘就有個四人位！分別叫左椒鹽九肚，炒花甲，中式牛柳，菜心炒牛肉，同蝦仁炒蛋，首先要讚嘅係佢地個賣相都幾靚，又伴碟，對於我呢D有要求嘅人來說實在要加分👏.首先椒鹽九肚都炒得不錯，夠野味，送啤酒就一流. 個中式牛柳同菜心炒牛肉也可以，阿媽鐘意清清地話不錯，不過我自己就喜歡濃味，下次可以試埋其他。 最後想俾個like👍嘅係個蝦仁炒蛋，出來賣想好靚，啲蛋炒得夠滑，啲蝦仁啖啖肉，老婆最後連伴碟都食曬，真係笑死人😂. 可惜忘記左影相😭！整體來説食物質素跟賣相都不錯，係呢條街裏面算是較為有heart 的一間，價錢又便宜，埋單平均每人$100都吾駛！ 錯意清清地同健康嘅朋友值得一試！有機會會再試試其他！…Read More