有幸今晚老媽子話天氣熱，吾想煮，於是一行四人去試試，落到去都差不多滿座，等左6-7分鐘就有個四人位！
分別叫左椒鹽九肚，炒花甲，中式牛柳，菜心炒牛肉，同蝦仁炒蛋，首先要讚嘅係佢地個賣相都幾靚，又伴碟，對於我呢D有要求嘅人來說實在要加分👏.
首先椒鹽九肚都炒得不錯，夠野味，送啤酒就一流. 個中式牛柳同菜心炒牛肉也可以，阿媽鐘意清清地話不錯，不過我自己就喜歡濃味，下次可以試埋其他。
最後想俾個like👍嘅係個蝦仁炒蛋，出來賣想好靚，啲蛋炒得夠滑，啲蝦仁啖啖肉，老婆最後連伴碟都食曬，真係笑死人😂. 可惜忘記左影相😭！
整體來説食物質素跟賣相都不錯，係呢條街裏面算是較為有heart 的一間，價錢又便宜，埋單平均每人$100都吾駛！
錯意清清地同健康嘅朋友值得一試！有機會會再試試其他！
1
1
