Fatboyeateateat123's Profile

之前去尖沙咀嘅Deep Sea Oyster & Steak食dinner，記得係成餐飯都係好開心嘅體驗，忍唔住想記錄低。餐廳裝修得好靚，食物種類都好多，我地咩都試咗啲。首先係生蠔，聽完店員介紹之後，我order咗日本蠔、愛爾蘭蠔同埋兩款法國蠔。全部都好味嘅，但我私心最鍾意愛爾蘭蠔，佢食落肉質爽口，蠔味鮮甜，海水味甘甘地，十分細膩，回甘好勁，女士應該會鍾意。主食就有澳洲草飼羊架同香辣蝦意粉。草飼羊架肥嫩，內裡係完美嘅粉紅色，餐廳嘅香料同羊架配搭得好好。香辣蝦意粉惹味，蝦肉彈牙。仲有鵝肝多士都好正， 鵝肝極度肥美，選用嘅義大利陳醋食得出係好好quality嘅，所以淋係鵝肝度恰到好處，十分解膩。日本黑豚五花腩串都出色，豚肉焦香。最後甜品係焦糖布丁蛋糕，蛋香味好出，超滿足。…Read More

喺寿々乃嘅呢一餐係令我非常難忘嘅體驗，由前菜到甜品都無可挑剔。首先係茶碗蒸，蝦、蜆好鮮甜，柴魚碎同油揚、冬菇相得益彰。之後係蜆湯，師傅冇落鹽煮出黎，柚子味重，又唔會影響蜆本身嘅味道，極之開胃。刺身五點包括櫻花鯛、鰝鰺、關鯖、赤貝同水八爪魚同埋佢嘅吸盤。櫻花鯛點酸汁，紫蘇花同白身魚配合完美。師傅即場處理水八爪魚，功夫老道，真係一場視覺饗宴。第一次試水八爪魚吸盤，又脆又可口。和食係炸真醬灼海老，外皮酥脆，內裡極creamy，啖啖享受。壽司完全出乎我想像，有神奈川針魚、青森帆立貝、靜岡金木鯛、八件貝、中拖羅、大拖羅蛇腹、醬油漬、北海道根室海膽，北海道根室海膽最impressive，日本人視之為品質最高嘅海膽品種，金色嘅膽肉飽滿又肥厚，非常吸引；食落口即刻化開，十分濃郁，甘香回味無窮。之後仲有師傅私人醒嘅中拖羅蔥卷，好開心。隨之而來嘅麵豉湯烏冬同甜品沖繩熱情果芝士餅配咖啡都係大滿足。寿々乃除咗食物出色，陳師父嘅講解同幽默對答都比到我好好嘅印象，我諗我一定會encore。…Read More

今日好少同朋友食飯，就黎咗荃灣呢度烤魚店試下啦！因為以前大陸封關咗，之前我哋會去大陸食烤魚，但而家喺呢度都有好多烤魚店，就嚟試吓啦！我哋試咗原條魽魚，烤魚要辣先開心啦！仲有洋蔥、大蔥同香菜等配料，佢仲有好吸味嘅豆腐，建議豆腐浸耐啲再食，同原條肉嫩加啲小骨嘅烤魚，真係一流啊！烤魚係烤好先放上鐵盤，所以見到魚兩邊都烤過，好脆口啊！烤魚頂部鋪滿芫荽同酸菜，夠酸夠香但有啲麻，底層配菜都好多，有洋蔥、芽菜等。我哋仲試咗寬條皮，份量啱啱好一個人，但配埋其他菜就啱啱好，所以兩個人可以分享一份，咁就可以加多啲配菜試吓唔同味道啦。條皮煮到透明色就可以食，口感幾滑，好易入口，煮兩三分鐘已經得啦！如果想龍尾啲就煮多陣，但小心唔好煮太耐，唔係就會變得太淋。店內仲有串燒，我覺得串燒一定要試，皮脆肉嫩！燒豬頸肉肉厚夠juicy，下次要試啲其他菜式。👍🏼…Read More

蒜油花椒蜆肉意粉好好食㗎！味道唔同，花椒味香而唔辣，意粉唔會太乾，仲有新鮮無沙蜆肉。揀咗呢個配搭都唔係第一次，真係停唔到口🤤辣度啱啱好，食落啲麻麻辣辣同啲蜆肉啫啫地，好正呀！🤣🤣啱啱食咗有西京燒比目魚，另外仲有羊架、豬鞍、牛板腱，好多選擇嘅。比目魚兩件，肉質扎實又滑，加埋啲日式醬汁甜甜地，好好食。仲有薯蓉、咖啡菇同沙律菜，薯蓉有啲似加咗啲花菜嘅蔬菜，不錯！甜品揀咗自家製提拉米蘇，份量大，質地滑，略欠酒味同浸得唔夠透。餐廳食物質素高，環境舒服寬敞，服務態度好好，唔會趕客走👍🏻👍🏻岩哂同朋友吹水放鬆下，下次一定留肚食埋甜品🍮🤤🤤星期六日都幾多人，有興趣既朋友仔記得要book位呀～…Read More

好耐都冇飛韓國喇～好掛住韓國啲嘢食！咁啱有朋友帶我去尖沙咀一間韓國餐廳，所以就去try try❤️餐廳裝修勁有心，100分似韓國🤩仲有好多小心思同細節，打卡一流🥳我地叫咗個泡菜豬肉鍋配白飯，熱辣辣嘅泡菜湯酸酸辣辣，配飯十足開胃。豬肉大大舊，肥瘦分佈啱啱好，同泡菜一齊擺入口根本係完美配搭😍仲有芝士泡菜煎蛋卷都好好食，尤其係爆量芝士溶曬喺入邊，勁邪惡😗之後個醬油炸雞又係地道風味～炸雞嘅醬油汁同雞皮好match，外脆內軟食到我地停唔到口😋我嘅心水係薯仔煎餅～由薯絲煎成嘅煎餅又薄又脆，但神奇嘅係內裡都keep到濕潤，再點埋個特製醬汁，講起都流口水🤤朋友最鍾意就係招牌炒章魚，辣度十分夠，章魚同高麗菜都好爽脆，又真係幾正☺️仲有個好好飲嘅柚子牛奶樂，係好特別嘅調製燒酒，啱曬成間餐廳嘅氣氛～…Read More

今日同耐冇見嘅朋友仔食飯，好想促膝長談，於是就揀咗呢間位於上環嘅隱世居酒屋，可以同朋友慢慢嘆。呢間居酒屋提供嘅選擇都幾多下，都有好多出面唔係咁容易食到嘅正嘢😍首先係紅燒豬軟骨，肥瘦分佈啱啱好，勁入味又軟淋淋🥰仲有薯仔牛肉都好好味！本身以為無敵家主打燒物，估唔到料理竟然係咁出色👍之後大蔥雞肉好嫩，串燒日本年糕煙煙韌韌，好正宗呀😋最鍾意煙韌口感嘅朋友即刻心心眼😂仲有明太子燒長芋比到好深印象我，因為芋頭上面嘅明太子多到直頭瀉出黎，真係超足料呀🥺炸物都好正正😚炸雞塊外酥內軟，勁juicy又勁嫩口。厚炸豆腐係意料之外嘅清爽，個醬汁得到我地兩個嘅一致好評！飯團我地就叫咗兩個，一個係明太子燒飯團一個係串燒味增飯團，兩個都好高質～仲有仲有～生蠔煙肉卷同厚切黑豚腩肉都好香炭燒味，絕對係encore之選🤩…Read More

來到旺角，自然而然就想到自助餐，這裡的自助餐選擇非常多。我去了兆萬中心，靠近油麻地方向的一家日式自助餐廳，他們提供壽司、刺身、火鍋、串燒、炸物等各種美食。放題最想吃的就是刺身了！這個刺身拼盤包括了海膽、珍寶帶子、蟹柳、鮑片、三文魚、甜蝦、螺肉、生蠔和紅蝦。這裡的海膽非常新鮮，入口鮮甜，一點都不腥，很甘香。甜蝦也不錯，肉質細緻，慢慢地品嘗，會慢慢帶出甜味。三文魚也很厚身，入口魚油甘香，越吃越好味，非常新鮮。最大的驚喜是壽喜燒，職員一放下桌面，牛肉就非常鮮紅，排得非常漂亮。牛肉入口夠牛味，配上甜甜的湯，味道更加出眾。裡面還有很多配菜，火鍋湯底也有幾種選擇，例如牛肉、豚肉等等。如果不夠吃，還可加點其他的配料，有蔬菜、菇類和牛柏葉。燒物也有很多選擇，有燒菠蘿、燒牛舌、燒羊肉等等。燒菠蘿又香又甜，非常多汁，味道非常好。燒羊肉入口肉質細嫩，滿口油脂甘香，一點都不腥，值得一贊。日本番薯非常小巧精緻，一口一粒，番薯又軟又甜，真的非常美味。蒜蓉粉絲蒸扇貝也非常好吃，扇貝和粉絲都用蒜蓉辣椒調味，有超多蒜蓉，重口味的我非常喜歡。粉絲吸收了所有的精華，入口非常好吃，扇貝肉質鮮甜。總括而言，這裡值得一試👍🏼…Read More

平常放假時，人們習慣到熱鬧的地方走走，像尖沙咀這樣的地方，週末總是擠滿了人。但在平日，這些地方通常相對寧靜，路也比較寬闊。當然，除了漫步外，品嚐美食也是必須的。近來發現The ONE商場開了很多不同類型的餐廳，平時不太接觸到，於是開始了這次美食之旅。其中一間吸引眼球的是一家集合西式和日式元素的餐廳，名為Fifth Element Shokudo我地叫左個和牛漢堡，這個漢堡的組合非常經典，用了厚切的黑毛和牛，咬下去非常多汁，而且牛肉味道濃郁，加上熔化的芝士和新鮮的生菜，還有特製的醬汁。漢堡麵包經過烤烘，外脆內軟，芝士帶有焦香味，非常美味。漢堡的大小很適合，用手拿著吃最有風味，非常讚！薯條鹹香、脆內軟的口感，讓人一吃難忘。味噌大蝦手打扭紋粉，口感Q彈有嚼勁，搭配豐富的味噌醬汁，味道濃郁而獨特。融合了大蝦的鮮甜口感，極為豐富，是一道非常值得品嚐的菜式。最後更有很好吃的意大利芝士蛋糕作結，非常完美！…Read More

有陣時尋尋覓覓想搵到道地好味道唔係咁易，譬如我上個禮拜突然好想食台灣嘢，好彩有朋友係識食之人，帶我係北角嘅一處巷仔搵到間比到我好多驚喜嘅餐廳。六合小巷嘅裝修都幾有夜市feel，燈光舒服。我地兩個人叫咗鹽酥豬排麵同台式鵪鶉蛋滷肉飯做主食。豬排麵我就揀咗幼麵。特別嘅係，佢嘅湯係可以無限任添嘅，尤其岩宜家凍冰冰嘅天氣。飲一啖，豬骨嘅香味暖入心，真係無得頂。小食方面我地就叫咗三款，分別係鹽酥魷魚鬚，鹽酥原條茄子同埋一口鹽酥雞。朋友最鍾意鹽酥魷魚鬚，佢炸嘅火候岩岩好，入口酥脆又唔油膩。我最心水係一口鹽酥雞，雞粒外脆內juicy，面頭有炸過嘅九層塔，好正宗！鹽酥原條茄子都好有驚喜，真係成條咁上，有我手臂咁長，切做頭部連結住嘅條狀，用黎打卡就最fit喇。嘢飲都正呀，茉香奶茶加桂花凍有真正花香味，香芋奶茶竟然有芋泥，珍珠都勁有咬口。…Read More

大圍係一個好特別嘅地方，入面有好多唔同嘅屋苑，有一般嘅屋邨大商場，都有一啲好似村屋咁嘅小店，今日去到田心村，見到有間好似居酒屋咁嘅日本料理餐廳😳😳個名叫做豬屋日木料理，都幾有趣🤔見到大部份人都係食日式便當，咁我哋就一於叫兩份試吓啦，舖頭嘅便當都係以日本地名命名，我冇乜去過日本，唔知道當地係咪都係咁㗎呢🤣🤣第一款個主菜係芝心吉列豬扒配上金菇肥牛卷同刺身，芝心豬扒爆醬，好有滿足感！第二款個主菜係豬頸肉同豬軟骨，配上加州卷，豬頸肉燒到脆一脆，正呀！👍🏼我地仲叫咗幾款壽司，係三文魚同帶子，件件厚切，冇偷工減料🤩🤩叫咗去北海道牛乳，原來即係牛奶咁解，新仲以為係啲奶昔嘢😂😂都唔錯㗎！…Read More

平時好少去油尖旺一帶，估唔到今日行過廟街，居然發覺都幾多嘢食，有好多唔同嘅新餐廳🤩🤩見到有個招牌都幾光鮮，咁就入去試吓啦！間餐廳係賣越南嘢嘅，越南河粉、撈蒙、同埋其他小食。叫咗個越南河粉，第一眼以為佢價格比較貴，差不多$70一碗，點知一嚟到，就發覺原來係勁大碗，啲配料多到就嚟瀉出嚟，湯底清而不膩，最鍾意係個牛丸，有肉汁係個口爆岀黎。另外我哋仲叫咗個越式法包，係吉列豬扒，有青瓜同蕃茄，口感幾fresh。小食就多囉：叫咗串燒雞、春卷、蝦餅、米紙卷同茄子。茄子口感就最豐富：有帶子同埋鮮蝦，令人非常滿足！而且所有小食，都配有特色嘅器皿裝住，感覺好精緻！叫咗咁多嘢食，埋單都係$300唔夠，真係好抵食！…Read More

平時去開旺角食日本嘢都係食拉麵，今日平時食開間舖頭冇開，花園對面開咗間新嘅日本餐廳，感覺到幾似日式居酒屋，門口掛滿左燈籠🏮感覺都幾開心我哋今日叫咗好多嘢食，有雞皮餃子、天婦羅烏冬、魚生飯、壽司、壽喜鍋、雞軟骨。☺️☺️每樣嘢食嘅質素都超乎預期👍🏼壽司件件厚切！滿足感爆登，帶子嘅鮮味喺口入邊發發出嚟，好正！🔥🔥魚生飯嘅魚子好飽滿，就好似一粒粒紅色嘅珍珠😋😋天婦羅烏冬嘅天婦羅都係新鮮炸起，而且粉漿嘅調配啱啱好，做到外皮香脆，內裏juicy ，坊間好多舖頭都未必做得到🧐壽喜鍋就啱晒冬天食，食完個人暖笠笠，入面仲有唔同嘅新鮮蔬菜同大量牛肉，價錢又唔貴，屬於必叫之選。🤩🤩總括嚟講，真係好過食連鎖店！…Read More

中央圖書館沿路行有間細細地專做外賣既鋪頭, 食物種類繁多,提供各式各樣東南亞外賣美食.🥳佢個裝修都幾靚，好有小店嘅感覺，金漆大字寫住店名：南洋家🤣🤣我地叫左個黑面神炒面, 烏冬好彈牙, 入面有冬菇、雞蛋、豆干、肉碎, 口感豐富👍🏼👍🏼😌😌班蘭糯米糍食落有點似耶汁糕，幾香甜。🐓雞肉串燒又唔會韌，肉質鮮嫩。而羊肉同牛肉上面有沙爹，都係少少辣辣地，好開胃。豆卜配埋沙嗲醬，好邪惡🐷但咁好食，跑多幾次步又有咩所謂🤣🤣燒墨魚丸感覺都幾特別，有興趣可以試吓。🍋芒果糯米飯有香濃芒果肉，味道鮮甜，為炎炎夏日消暑解渴，美味甜品，好味得嚟又較健康😋😋朋友果然冇介紹錯, 整體味道幾好，價錢合理, 值得一試！☺️☺️…Read More

行過尖沙咀，發覺好多舖頭都唔同晒，以前呢度去食放題，家下變咗打邊爐。咁咪試吓囉😎入到去其實個裝修都幾似牛大人，不過就坐得舒服啲，冇咁迫，我哋叫咗個麻辣湯，都真係幾足料，入邊鋪滿左花椒指天椒等等嘅香料，越食越香，不過怕辣嘅朋友，建議食到半路，可以拎走其中部份嘅香料，如果唔係，就真係可能會太辣😂😂配料方面，牛肉係黑毛和牛，非常嫩滑，幾乎係入口即溶，咁好食嘅牛肉，出邊可能都要買百幾蚊一斤，呢度可以隨便食，真係好正，配埋呢度嘅醬料又係一流！香油配上芫荽，將牛肉嘅鮮味提煉咗出嚟，令人欲罷不能。又講吓呢度其他配料，係有帆立貝同青口，大大隻，而且好新鮮，周年其他舖頭常見嘅蟹柳，嚟到都係與別不同，係珍寶級數，就係呢啲細節位，非常impressing ！我估平時排牛大人排到傻嘅人，真係可以考慮吓轉會，我覺得呢度有過之而無不及👍🏼👍🏼…Read More

秋風起啦，又係時候食串燒，但係又唔想山長水遠去郊野公園咁麻煩。😂估唔到比朋友發現觀塘原來有一間自動串燒店，咁一於就試吓啦🔥☺️舖頭唔算話好大，設有飲品櫃，入邊放咗唔同嘅冷盤，有啲沙律同埋唔同嘅小食。跟住店員會比QR code你落單，幾方便ga，我哋仲發現原來餐廳係有炸物食嘅。😋😋即刻叫咗佢一啲嚟識吓，有炸蝦春卷魷魚圈，全部都係即叫即炸，美中不足嘅係，只係得蕃茄汁冇沙律醬點🤧講返串燒，基本上肉類應有盡有，豬牛雞各個部位都有少少，甚至係魚都有3分種類，又秋刀魚鯖魚等等。唔使等太耐，好知道傳銷機就可以燒好嘢食，方便大家一路食一路傾偈。最好笑嘅係餐廳一路播住周杰倫嘅七里香，秋刀魚的滋味，貓跟你都想了解，然後真係有隻貓仔，應該係老闆養嘅，真係零舍開心🥳…Read More