首先係生蠔，聽完店員介紹之後，我order咗日本蠔、愛爾蘭蠔同埋兩款法國蠔。全部都好味嘅，但我私心最鍾意愛爾蘭蠔，佢食落肉質爽口，蠔味鮮甜，海水味甘甘地，十分細膩，回甘好勁，女士應該會鍾意。
主食就有澳洲草飼羊架同香辣蝦意粉。草飼羊架肥嫩，內裡係完美嘅粉紅色，餐廳嘅香料同羊架配搭得好好。香辣蝦意粉惹味，蝦肉彈牙。仲有鵝肝多士都好正， 鵝肝極度肥美，選用嘅義大利陳醋食得出係好好quality嘅，所以淋係鵝肝度恰到好處，十分解膩。日本黑豚五花腩串都出色，豚肉焦香。最後甜品係焦糖布丁蛋糕，蛋香味好出，超滿足。
