F0N9's Profile

網上睇宣傳片寫$199任食，有烤魚、雞煲、生蠔、榴槤等等既野，但到現場原來任食生蠔要另加$9.9，呢個都算，榴槤要另加$39.9…咁就唔好宣傳片話$199任食啦…宣傳手法唔太老實🤥我地揀左烤魚+串燒任食，雖然烤魚/雞煲+串燒任食，但味道咸到一個點，咸到根本冇可能會再食到多一條，勉強食到第二尾真係頂唔順，食唔哂，魚亦唔係特別好食，仲要想食另一款魚都要每次另加錢:(雖然試左加$19食鱸魚，但覺得味道根本一樣，都係得個咸字，口感食唔出分別……反而另外提供任拎既熟食小食（口水雞、燒排骨炸雞翼等等）、糖水、湯呢啲味道就還可以，正常過烤魚、串燒太多！唯一值得讚既係雪糕、甜品選擇多。本來係為食烤魚而尼，點知咁差，食完口渴左大半日，飲左好多水…Read More

6個人早至少2星期book左位，但就比張勁細勁逼既枱，坐得唔舒服，又冇位擺野，6個人逼埋用一個爐…好耐冇食過呢間，差左好多…因為有豬皮食所以先揀左食佢，發現豬皮質素都差左好多！薄左同埋口感差左…基本上食物品質都一般般，雞軟骨我係覺得好食既；但最令人不爽既係鐵板超易黐底，即使燒有油脂嘅嘢，都勁快黐底，就算你已經keep住反佢，都一樣，因為黐底，所以勁易燶，好快就要換一塊新鐵板，換左好多次，都換到煩，烤肉體驗好差，燒燶嘢多過食嘢…:(講真第一次食左2個鐘燒肉係唔覺得飽…最後靠食兩枝雪條先覺得有啲飽肚利伸講真我係細食既人……以前食韓燒都一定會每人提供一包濕紙巾，而家係一張都冇，好彩自己平時有帶，食物唔掂，服務又麻麻，所以明白點解星期六都唔會爆場，正常都唔會揀食呢間，佢又唔係特別平，話哂我地個餐人均加左一都要3百尾，但真係好失望！絕對唔會再有下次！…Read More

下午時間，朋友想食日本野，咁啱行到尼呢間，所以試下，Open Rice睇以為好多選擇，仲見有兒童套餐。入到去要掃Qr code自己落單，發現選擇好少😅同埋唔見兒童套餐，可能晚餐先有呱，單點既壽司亦好少款式，同埋覺得單點偏貴，唔抵食，另外套餐可以追加烏冬，雖然烏冬份量有啲少，大概夠一個小朋友食，味道都唔錯；咁啱撞正有生日優惠，follow佢地既fb或ig有野送，不過必須要生日正日，好彩朋友既小孩係正日，所以送到，都幾開心既，有張即影即有送埋😉食物質素覺得唔錯既，都幾新鮮，上菜速度快同埋擺盤靚，飯既份量仲可以選擇少、正常、多，呢個係幾貼心既；但唔知點解個麵豉湯有啲苦味同燒焦味….好奇怪，飲左幾啖就冇飲….如果多返多啲選擇可能會再起食。…Read More

同阿女慶祝生日，一家大細尼食飯，餐廳職員&唔知係咪老細既老細🤣態度熱情好客，令人食得好舒服，一直keep住有客人，都算多人食，上菜速度快，我地叫左兩個2人套餐，再加左d野飲，掛住食，冇點影相，小朋友比較細食，加上份量都幾足，所以都食到飽飽。老細好好人仲幫我地分埋雞湯，我飲湯都飲左3碗，覺得好滿足，不過可能我自己煲湯幾乎唔落鹽，所以覺得個湯稍為咸左少少，但都能接受，雞肉唔鞋身好食，同埋份量多！千島醬蝦球好食，大小朋友都好鍾意食，如果唔係飽，爭啲想叫多份😅煤炭飯特登跟套餐叫左個試下，樣子特別，味道亦唔錯！煙煙韌韌、少少甜，好啱我仔既口味👍🏼雖然到食生日蛋糕係唔會提供餐具服務，不過好彩有一早係電話問定，所以我地有自備餐具，不過佢地呢個做法我地都接受到，因為呢度始終唔係食蛋糕既地方，冇理由要人做多左野，而且佢地已冇收加一，我覺得讚👍🏼成餐飯食得開心，而家好少呢類型既餐廳啦，希望佢地保持到水準同服務態度！有機會一定再尼幫襯！…Read More

事隔幾年，今日同屋企人再尼試下，本身唔打算寫個評價，所以冇點影相，但真係覺得又貴又麻麻地…忍唔住要吐下苦水。小龍包真係唔多掂，除左6隻色望落特別，但味道好一般，皮又唔係薄，竟然要$140+，另外其中叫左碗雲吞豬骨湯同埋鮮肉卷拉麵，碗雲吞普普通通就好像茶餐廳果種，得幾粒仲要$80幾蚊有d離譜….鮮肉卷以為係咩，原來就係豚肉，肉質柴口冇味道，小朋友都唔食，有3塊肉，但都要$80+，又係離譜…得個沙拉金沙骨叫正常d….最唔開心係原來一坐低比果兩碟花生小食係收費既！兩碟仔野$30真係好過去搶！仲有茶錢同埋小費….食完就得個貴字，咁既水準真係唔會再幫襯。永無下次！！…Read More

同屋企人去旺角行街，所以搵下有咩好野食，見到呢間食馬來西亞野，又幾特別，而且好評都多，一於去試下。11點半左右去食，剛開門冇耐，冇咩人，唔洗排隊，即入，門面比人一種高級感，裡面都好大同好闊落，用QR code落單，叫左一字排肉骨茶、椰香咖央多士、串燒（6串）、老鼠粉、拉茶（熱、凍各一）…肉骨茶嘅一字排骨一般，有啲柴口，而且唔夠入味，冇咩特別，但提供既肉骨茶覺得幾好飲，好有藥材味，唔會太咸，仲可以無限添飲咖央多士係最愛，個包好脆好香，加埋個醬真係無得頂，我地食過返尋味，又再叫多一份！老鼠粉都香口既，但感覺就係炒銀針粉，冇咩太特別，而且個底黐底黐得好緊要。串燒就係平時食既普普通通，不過不失既味道，而拉茶個茶味唔夠，奶味又唔夠，後悔冇要求多奶，成杯野覺得一般般，可能馬來西亞既拉茶唔啱我口味啦。成間野冇大部分食評上講得咁正，只有最推介個咖央多士，其他都冇想像中咁好。不過上菜速度好快，服務亦唔錯，環境我都鍾意。有機會都會再試。…Read More

同朋友慶祝生日，早一個星期打電話尼book左，比預約左既時間早少少到左，即刻可以入，原來有限進餐時間，可以食2個鐘，仲比左間好日式房仔比我地，可能我地人多少少或者可能係有兩個小朋友，覺得咁樣做非常窩心。我地叫左好多野食，因為選擇好多，好多野都好想試，不過掛住傾計同食野，冇全部影相，另外尼野食既速度亦都好快，而且味道都唔差！不過第一輪叫左份炒飯就比較耐，差唔多尾聲先送尼，最後有啲飽，所以食唔哂了。總結，會想再encore！價錢亦算合理！…Read More

第一次同屋企人尼將軍澳，因阿女要考試，考完同佢去食野，佢話想食炸雞，行行下見到呢間就試下，大概4點左右入去，冇咩人，唔洗等，地方都幾大，座位多。用QR code落單，選擇多，我地點左一份韓式炒粉絲、半半雞加薯條、芝士泡菜軟殼蟹手卷、一杯蜜桃冰茶，上菜速度都快，落完單等左10分鐘左右就開始陸續上菜，我地4個人，兩大兩細，都食得幾飽，份量算多，不過味道真係一般，見到咁多好評真係有啲驚訝覺得炸雞同原本想象既味唔同，係即炸既，因為上到枱仲好辣手，層皮好香脆，炸雞肉亦唔鞋口，可惜醃得唔夠味，有待改善。不過有機會都會再幫襯，選擇好多，想試下其他菜式。…Read More

見到好多人好評，一於同朋友聚會就去試下，星期六既晚上7:30，已經坐滿左9成人啦！野食有半份同全份提供，半份丸、餃子通常係4片/4粒左右，半份肉就大概7-8片，如果想試到唔同野，係可以半份半份咁叫，肉就最好叫全份，人多半份會覺得好少。牛肉、豬肉、雞肉、羊肉都有，牛、豬肉都比較多選擇，而且覺得係好味既掛住食所以冇點去影相，係ig拍左段片，所以係ig cap返相比你地睇，有好多野食都冇影到相，不過真心覺得野食樣靚味道正，一d都冇失望最尾仲食左份幼薯粉，加埋個美容鍋既湯底食，好正！飲品有3款可選，我地主要都係揀竹蔗茅根、洛神花茶飲，每人+$25就會變成無限任飲，店員會keep住不斷幫你續杯！枱下面有個小櫃桶可以拉開，裡面有紙巾同牙籤提供，我地唔敢亂郁人張枱，事關個櫃桶唔係好明顯同埋唔係好易拉得開，所以到最後食完野先發現有紙巾提供如果店員係我地坐低左時講一講就好啦，同埋一開始放底左個湯好似冇人幫我地開爐，個湯一直冇滾過，到我地發現唔對路叫人尼幫手先開左。我地5個人+1個Bb，叫左好多野食，食到飽飽，但每人只係$28x左右，質素高得尼亦算抵食店面闊落，乾淨企理，燈光鮮明，成間舖望落令人舒服！而且偏少女系裝飾，好岩女士們打卡同聚會。呢間舖可以再encore！…Read More

同朋友一齊尼試下，我地晚上6點幾食，冇咩人，但到左7/8點就開始多人啦。地方唔大，目測7-8張枱左右，有4人枱亦有2人枱。但唔會擺得好逼。有個朋友唔食得太辣，所以叫左小辣，但發覺酸菜魚叫小辣真係好似唔夠，可以再辣多少少會更惹味，但魚肉出色，又滑又大塊！仲大大兜！好似食極都有咁👍🏼👍🏼野食即叫即整，而且都幾快手，我地叫完野食，等左大約10-15分鐘就陸續有菜式上枱，效率唔錯。叫左4道菜、一個炒飯，炒飯就正正常常，不過不失，另外叫左兩枝啤酒、三枝烏龍茶，埋單$648，我地4個人食，呢個份量亦剛剛好，清哂野食，覺得呢個價算抵食！可以再幫襯！…Read More

同老公去試下呢間，之前已經想去，但因為佢地門口貼左張野話有人染疫，所以暫停營業，果陣好似係年頭既事，今次老公話想食炸雞一於再去希望試一次！點知食物質素差到一個點！我其實對食唔高要求，但佢真係連最基本既味道都做唔好🫠雞肉嫩有汁既，可惜只係一件普通炸雞，但又好咸喎！可能醃既鹽落多左或者醃太耐，唔係自己所點既果隻味！環境ok算乾乾淨淨，地方闊落，上菜速度快，員工都算多，keep住尼收碟。11:30剛開門，客人唔多，眼見到我地離開都大約3-4枱左右，星期日都keep住唔係好多人入尼。我地12:30左右就埋單走左。呢間野係我食過最差既韓國餐廳，我唔會再幫襯。…Read More

早一個星期book左買一送一既優惠，滿心期待去試下呢個霞餐，因為都值$438一個人！我同老公兩個人去食，星期日下午1點都唔算好多人，環境還可以，地方闊落，地下乾淨。服務員主要都係姨姨，不過就正正常常，起碼識笑，但有一個感覺比較後生既，佢就目無表情，講野冇語氣，又好似好趕時間咁，問佢問題都好趕住走咁既。:(成餐野既質素都幾令人失望，完全覺得跟普通既2百幾蚊質素差唔多，如果係因為我地係買一送一優惠既話，真係會有啲被騙既感覺添。仲有生菜都唔記得影相，前後叫左兩碟，每次尼既份量少，都唔緊要，可以再叫，但竟然發現生菜好似冇洗過咁，有泥積既！即刻唔敢再叫。而且我地好准時咁被cut order，都冇人尼通知過有last order時間，我地被cut左之後，過左幾分鐘先有人尼同我地講最後10分鐘last order，但我地都落唔到單啦（用手機掃OR Code落單），職員先知原來我地已被cut。搞到想叫多杯所謂任食Haagen Dazs都冇，因為叫第一杯時，都等左5-10分鐘先尼既，食完想再叫已話cut order，最後只係食到一杯囉！絕對唔會再幫襯！…Read More

下午2點3個人去食，唔算多人，吉位都幾多，落左兩個午餐套餐，等左15分鐘左右就上枱，見到大大份都幾驚喜，有個朋友比較細食，所以決定只叫多一碟小菜，三個人一齊share食！都好夠飽！今次我地都比較細食，所以試唔到多啲野，下次我一定會再尼試其他野食🤗因為今次試既野食都好滿意！不過就略為覺得間舖既燈光好暗，如果可以光番d就好啦～另外服務都還好，一見到你行入去即刻出尼招呼，不過就只係同你講三個人可以坐卡位位置，然後幾個姐姐都冇帶你埋位，我都係自己望左陣先知卡位係邊，自己行去坐低，可能佢想我自己揀位呱🤔不過整體上都係滿意既。…Read More

同老公兩個人下午12:30去食，要行落去兩層樓梯，可能係閒日，人唔算多，坐左8/9枱人；坐低之後，即刻去睇下有咩食，選擇都多既，初頭見到扇貝同蠔得幾隻，仲要樣子麻麻，有少少失望，不過職員好快就夾番好多出尼，質素係好d既。仲有成條魚可以燒，都幾過癮，不過驚食成魚會飽，所以冇燒到🤣同埋鮑魚係好想試下，但見到邊邊位都偏黑，覺得冇刷乾淨，所以都冇試到。所有野食都擺放整齊，份量亦多，乾乾淨淨，地下唔會又滑又濕，算唔錯！因為之前去過好多自助任食既店地下都又濕又滑既，要好小心行。我地由12:30慢慢燒慢慢食，來來回回都去拎左野食都拎左7-8轉左右，燒到3點先走，覺得非常滿足！雖然有d職員妹妹好似冇咩精神做野咁，但整體員工既服務都係唔錯，手腳快，有職員會主動尼幫手倒左d垃圾佢。…Read More

下午一點鐘一家大細，六個大人，一個小朋友+一個BB，地方唔算好大，但枱與枱之間有充足空間，唔會覺得好逼，地方乾乾淨淨，第一印象唔錯。我地叫左兩籠小籠包、一隻北京填鴨、一份至尊拼盤、一份瑤柱蛋白炒飯同埋一份粗炒，炒飯同麵冇影相，味道同樣都冇太大既特色，炒飯我覺得炒得唔夠香口，不過算比較清淡，唔會油膩，麵就比較油膩，但麵質幾好，有咬口。一開始已經先放左d前菜，花生同醃蘿蔔之類；點完菜成個上菜速度都算快，都唔洗點等，我最鍾意就係佢地壺菜——瑰荔堂煌（玫瑰荔枝紅茶），真係有好香既玫瑰，飲落亦真係飲到荔枝既香味，非常特別！…Read More