燒蝦蝦 (金福閣） (Closed)

同老公兩個人下午12:30去食，要行落去兩層樓梯，可能係閒日，人唔算多，坐左8/9枱人；坐低之後，即刻去睇下有咩食，選擇都多既，初頭見到扇貝同蠔得幾隻，仲要樣子麻麻，有少少失望，不過職員好快就夾番好多出尼，質素係好d既。

仲有成條魚可以燒，都幾過癮，不過驚食成魚會飽，所以冇燒到🤣同埋鮑魚係好想試下，但見到邊邊位都偏黑，覺得冇刷乾淨，所以都冇試到。

所有野食都擺放整齊，份量亦多，乾乾淨淨，地下唔會又滑又濕，算唔錯！因為之前去過好多自助任食既店地下都又濕又滑既，要好小心行。

我地由12:30慢慢燒慢慢食，來來回回都去拎左野食都拎左7-8轉左右，燒到3點先走，覺得非常滿足！

雖然有d職員妹妹好似冇咩精神做野咁，但整體員工既服務都係唔錯，手腳快，有職員會主動尼幫手倒左d垃圾佢。

蜆大概有3隻選擇，唔同大細，我唔知係咩蜆，但食落鮮味十足，肉都係大大粒既；扇貝我全程食得最多，鮮甜👍🏼加上食多啲覺得可以回本🤣

呢兩串係送既，之前係佢地Facebook留言拎左呢個優惠，有白鱔串送，好好味！可惜兩個食，一人一串好唔夠喉。

都係送既其中一樣，但感覺肉質一般，食起身有啲厚同有啲韌；流水蝦大部分都生猛既，但都會見到有啲已死，但職員會加番好多生蝦，自己夾，就緊係夾番生猛架啦～蝦肉鮮甜嫩口，蝦膏亦好多。

蠔亦係我食得比較多既，好多都好肥美，大大隻，如果有芝士/沙律醬加埋洋蔥就perfect啦，但我冇搵到呢啲配料，所以都係用蒜蓉，都好好味。

金菇同娃娃菜我都係好鍾意食，加牛油、蒜蓉、少少豉油，真係冇得彈。

流水蝦蝦膏

選擇非常多，平時少食甜野都忍唔住要食番兩條。

雪糕、雪條

唔係好肯係咪花螺，花紋似，但好大隻，而家係外面買要$128或以上/斤，都唔捨得買尼食，見到有得食一於試幾粒啦，食左三粒，帶一粒有沙，其餘兩粒都好味既👍🏼