saladsmenu's Profile

行葵廣嘅時候以為 鄧媽媽過橋水餃同一泡而紅泡飯專家係兩間鋪頭 點知原來兩邊都可以坐 出返去中間點餐就得個日早左食野所以冇乜人 又影吓啲特別座位😂😂😂叫野食～叫左韭菜 椰菜餃子，皮嘅厚度適中 有少少口感又唔會太厚粉，唔錯至於韭菜同椰菜，純粹個人偏好都係鍾意食韭菜多啲，因為味道出啲，同埋今次食嘅椰菜餃唔甜口叫完餃子當然叫埋泡飯，叫左個香菇辣雞泡飯，雞個味道係類似豉椒炒出黎嘅味道，而呢個味亦滲咗入成個泡飯（湯飯）。湯有少少微辣，個人覺得好食嘅，幾有新鮮感再黎叫左個醬燒骨拉麵。醬燒骨嘅味道似糖醋骨，少少酸酸甜甜，值得一讚嘅係嘅骨嘅肥同肉比例好好，唔會淨係得肉，要係咁𡁻。當然食中邊一舊骨呢啲好講運氣。3樣野嘅價錢加埋唔駛120👍🏼…Read More

路德圍真係好多野食 成日係荃灣流連嘅我都成日係個邊食野 今日去食韓國野座位有啲窄，不過可以接受未上野食之前黎左個牛骨湯 唔算太濃 味道冇乜層次 飲左兩啖就放棄左跟手再黎多兩個前菜小食份量唔多 但等緊野食嘅時候有野食吓都好到主菜喇～唔叫左一個牛肉雜菜壽司，涵料都足，有牛肉 黃瓜 青瓜 蘿蔔 芝麻 等等 食落有口感 味道都均勻再黎叫左超香蒜脆炸雞鎚翼，蒜味真係冇乜，雞炸得好脆但相對地好油，食完發現成口油，如果蒜味再多啲會貼題啲仲有一個鐵板牛肉 加白飯雖然唔係好明點解白飯唔係跟埋一齊 不過唔緊要啦 鐵板牛嘅汁好濃 用黎撈飯相當唔錯 但如果淨係食餸可能會比較重味 牛肉口感適中 牛嘅份量亦多 所以呢個係推介嘅…Read More

下午茶 不嬲離唔開 炸脾 炸雞翼 沙律 薯條經過幾間餐廳 睇左下個餐牌就俾呢間既芝士蘑菇雞翼呢幾隻字吸引左咁就轉下款 雖然要加錢本身諗住外賣拎走食 但見堂食都有好多位於是就直接係鋪頭食埋如果下午茶中意攞走慢慢嘆就要留意下 佢既外賣收費係每個盒另加收一蚊 芝士蘑菇雞翼 配薯條一切開就有陣咸香味飄左出黎一入口啖啖肉、蘑菇同芝士 岩哂覺得食雞翼唔方便既朋友仔味道比想像中好唔會覺得芝士好溜 絕對可以食得哂三件埋尾當然唔少得杯野飲喇 …Read More

尖沙咀一間望落好似得米線食既店, 因為同友人一齊就廢事咁簡擇, 原來入到都有飯食, 叫左兩樣野, 原來友人都唔係想食米線1 秘製醬油雞飯秘製醬油雞飯其實一D 都唔係秘製, 味道同甜豉油整既豉油雞差唔多味道, 食唔出有咩特別秘製, 不過雞好滑, 成個飯好快就食晒2 生滾椰子雞湯飯我仲分左友人一細碗生滾椰子雞湯飯, 湯好濃椰子味好出, 雞都滑, 配料有菜, 有菇仲有蔥, 唔係好豐富, 但不過不失。但可能因為烹煮時間唔可以太耐而令雞失去滑的口感, 雞肉有啲唔夠熟, 友人甚至有幾舊雞冇食, 但總括黎講椰子雞湯飯係好食, 濃郁湯送飯, 如果唔係舊唔熟嘅雞我會覺得呢個椰子雞湯飯值得推介…Read More

食雞煲 一品既雞煲真係食得最多既一間大大煲既雞煲 十分足料 即使叫唔辣個味道都好香濃如果中意叫辣既話就更加野味 食雞煲 個汁真係好重要係一個關鍵既地方 正正因為咁 所以食雞煲點少得追加一d可以吸收哂d汁精華既餸呢嚮鈴 魚皮 應該係好多人既首選以呢度既韮菜餃係我個人覺得好食必點之一薄皮加上好香既韮菜配上雞煲既汁簡直就係重口味人士既選擇另外仲叫左墨魚滑 豚肉 金針菇值得一提既係 今次試左杯新既野飲 野生葡萄籽飲品個人覺得唔錯 唔會死甜 唔洗再係飲檸檬喇🤣…Read More

有好多味 試過朱古力香蕉味 鹹蛋黃味 （即黃金雞蛋仔）等等 每款味都可以好清楚咁食到出黎 但我覺得都係原味最吸引我除此之外 媽咪雞蛋仔嘅水準十分穩定 基本上每次都可以食到脆口嘅感覺 應該同佢地整完要吹返凍外層有關另外格仔餅亦值得推介 都係外皮會有少少脆口感覺 砂糖未溶曬亦都可以食到一粒粒嘅口感 醬嘅比例好好 唔會有餅蓋過醬 或者醬蓋過餅嘅感覺最後強烈建議大家要即刻趁熱食 因為咁樣先可以食到最好嘅效果... 好似講緊廢話咁😂😅 同埋格仔餅要水平放住咁食 咁啲醬就唔會溜晒去下面 😎…Read More

豚王拉麵🍜由尖沙咀食到荃灣分店豚王拉麵俾我最深刻印象第一就係佢哋嗰隻溏心蛋第二就係佢哋尖沙咀店只係收現金因為有一次差啲唔夠錢比其實已經食過好多次不過今次即管試吓荃灣分店嘅味道啦今日都係叫咗一個豚王同埋黑王拉麵同埋配菜可以因應個人嘅口味有唔同嘅配搭我個人比較推介試吓佢嘅糖心蛋，因為佢嘅蛋黃做到好甜而且流心嘅效果亦非常顯著，基本上每一次 都會食面嘅湯底濃度適中而且配菜即係木耳同埋蔥嘅比例亦都好好當然面嘅口感可以自己揀但係我覺得師傅做出嚟嘅效果每一次都符合我嘅要求總括嚟講雖然價錢唔可以話平但係味道絕對一流 😋😋😋😋…Read More

旺角真係好多食肆 大大小小 各式各樣都有 今日經過 彌敦道726號 望一望就決定食呢間 Noodle Noodle 麵麵 😀鋪頭位置係 1樓 一出𨋢 美輪美奐嘅裝修的確幾吸引餐廳嘅座位亦充足坐低叫野食 叫左兩個餐咖哩吉烈豬扒伴魚烏東魚烏東同烏東係好大分別 魚烏東彈牙好多 唔似烏東一咬就斷晒 有口感啲 魚味亦冇好搶 將咖哩同烏東撈均左之後 更香口 令人食得更快炸豬扒趁熱食夠脆口 肉汁略嫌流失第二個餐野菜本菇安格斯牛肉定食牛肉定食味道香甜 牛味亦有 豆腐、菜同蘿蔔做伴菜令口感層次豐富 不過由於咖哩撈烏東係好味 所以牛肉呢碗烏東都撈埋咖哩黎食最尾仲叫左個小食 Fish Nacho on the Boat 即係炸魚皮 😂😂😂同普通炸魚皮冇乜太大分別 但賣相係冇咁單調 不過食落配料味道唔突出 亦比較難連埋配料一齊夾黎食總括黎講我會推介大家咖哩魚烏東最後補多張飲品嘅相😬…Read More

一人簡單快食 路德圍餃子縣份量唔算多, 簡單快食一個麵絕對係好嘅選擇平時黎會叫菠菜撈麵, 都會叫煎餃子食, 但今日因為得一個人食就簡簡單單叫左個五香牛展麵同埋一杯熱豆漿就算坐位唔算寬闊 甚至可以話係窄, 但視覺上好整齊企理 同埋乾淨.食野嘅時候只係 5點半, 所以人唔多, 我簡左單邊單人位坐五香牛展麵, 賣相唔算有咩特別, 但食落個湯幾濃, 令人唔覺唔覺就食左成碗. 牛展厚度適中唔算薄, 牛味幾香. 麵唔算有咬口 適合唔太鍾意有咬口嘅人另外推薦大家試吓菠菜撈麵 撈埋拜島醬一齊食 非常開胃…Read More

食口福 餐廳好近朗屏西鐵站, 出站後行 5分鐘左右就到, 不過星期六日15:00 前都好多人, 又要到齊人先可以入餐廳, 仲唔可以係鋪頭入面等 大熱天時都幾辛苦, 所以通常都係 黃昏6點去食, 比較少人同埋可以坐得自在啲, 今次黎叫左 3樣野 香蔥霸皇雞飯配蔥油飯 賣相好好, 黃色紅色綠色都有, 睇相都睇到有雞脾, 雞翼同雞胸, 雖然唔係每次都係咁平均, 但好少會成碟都係胸肉, 雞肉幾滑, 加上佢調出黎嘅醬汁唔會濃到蓋左啲雞味 鍾意食雞嘅朋友絕對可以一試, 蔥油味咸度適中份量亦控制得好好, 食到尾都仲有蔥油撈飯, 好香口.補多張連埋飯嘅相 椒盬魷魚鬚 魷魚鬚黎講, 即叫即炸, 每次黎食都係好夠熱, 口感好脆, 再加埋個甜酸醬真係一流. 唯一可惜嘅係, 個醬蘸完就唔可以再添, 要慳住咁蘸. 小鍋米線 - 清湯 墨魚柳片 手撕雞(另上)手撕雞點解要叫佢另上? 因為咁樣做就唔驚佢浸到冇晒味, 其實如果食得辣嘅, 可以試下小辣甚至中辣, 都好香口, 湯底層次更豐富. 不過清湯嘅味道都唔錯, 因為其實佢有調味料, 張相入面其實已經撈均左, 米線口感不俗, 間中會食到有啲綿嘅口感, 都要睇師父手勢 總括黎講, 係鋪頭唔繁忙嘅時段幫襯, 絕對值得一試…Read More

得閒無事就會掛住呢度既仙草百配由佢係中醫館只係夜晚先會搖身一變做賣糖水既鋪頭 到依加有成間康瑞糖水鋪 依然覺得係香港食過最中意既芋圓雖然佢最近加左一蚊價同埋對比起當初賣相冇咁靚仔之外芋圓依然咁有口感 仔細咁食 仲會食到淡淡既芋圓 蕃薯 紫薯 既原材料味道涵料非常充足但食落又唔會覺得好混集重點係 呢度既糖水 甜度絕對係岩岩好 食完又唔會口渴 夏天食簡直就係爽！ 最岩又想食糖心又怕肥既我以前既賣相真係好靚仔嫁依加黎到係...但都無減想食佢既意欲…Read More