香蔥霸皇雞飯配蔥油飯
賣相好好, 黃色紅色綠色都有, 睇相都睇到有雞脾, 雞翼同雞胸, 雖然唔係每次都係咁平均, 但好少會成碟都係胸肉, 雞肉幾滑, 加上佢調出黎嘅醬汁唔會濃到蓋左啲雞味 鍾意食雞嘅朋友絕對可以一試,
蔥油味咸度適中份量亦控制得好好, 食到尾都仲有蔥油撈飯, 好香口.
補多張連埋飯嘅相
椒盬魷魚鬚
魷魚鬚黎講, 即叫即炸, 每次黎食都係好夠熱, 口感好脆, 再加埋個甜酸醬真係一流. 唯一可惜嘅係, 個醬蘸完就唔可以再添, 要慳住咁蘸.
小鍋米線 - 清湯 墨魚柳片 手撕雞(另上)
手撕雞點解要叫佢另上? 因為咁樣做就唔驚佢浸到冇晒味, 其實如果食得辣嘅, 可以試下小辣甚至中辣, 都好香口, 湯底層次更豐富. 不過清湯嘅味道都唔錯, 因為其實佢有調味料, 張相入面其實已經撈均左, 米線口感不俗, 間中會食到有啲綿嘅口感, 都要睇師父手勢
總括黎講, 係鋪頭唔繁忙嘅時段幫襯, 絕對值得一試
