inki_go的個人專頁

暑假keep住嚟左合和呢邊玩活動，見到呢間星光cafe好似好受歡迎～但佢好似假日得lunch set menu , 冇得散叫，變咗如果想食輕食就唔係好啱喇～「🍛和牛漢堡扒定食&🥪肉醬芝士三文治」和牛漢堡扒牛肉味算濃，配埋牛肉汁送飯食唔錯～但係略嫌份量少左啲，個扒切2下食曬lu~而肉醬芝士三文治我會形容為✨高級版-「鹹牛肉蛋治」～熱辣辣送上，三文治又脆又厚，佢個肉醬茄味較濃，配埋厚蛋同芝士，係好食又邪惡👿「🍮星光玉子布甸&🍰草莓鮮奶油蛋糕」大推星光玉子布甸🍮✨呢個真係好有驚喜！佢係好古早味感覺～質地實在啲，蛋香味極濃，加超濃焦糖味～個種濃郁嘅感覺喺口內歷久不散～如果鍾意食重蛋嘅朋友一定好鍾意❤️另一個係🍰草莓鮮奶油蛋糕，整體都係偏實在～忌廉好厚實唔空氣，蛋糕味都香濃～🙊但士多啤梨酸左啲，同埋個人口味對奶油蛋糕偏好輕啲軟滑啲，所以就唔算太啱我喇～…查看更多

朋友帶路嚟金馬倫道呢邊「搵食」～呢一間小魚兒除左有烤魚外，仲有雞煲打邊爐串燒～感覺都多野食，乜都有～是次order: 「濃湯花膠雞🐔半隻」「🥬鮮淮山片」「🥬萵筍」「🦪日本扇貝4隻」「🥢寬粉」望住金黃色嘅濃湯食慾大增⬆️⬆️雞肉🐓質素比想像中高，彈牙鮮味～花膠筒亦都大隻，滾起又滑又彈，膠原力十足，夠晒滋補養顏✨另外仲點左扇貝同其他配菜～整體都係新鮮有質素🌟🌟同朋友傾下計食下雞，爽yy 啦！…查看更多

星·South Beauty係由米芝蓮餐廳《魯上魯》與《俏江南》攜手打造～餐廳主打傳統魯菜，並輔以創新川菜風味～位於中環南豐Place 3樓，地方闊落充滿氣派之餘再以京劇為主題作裝修風格，充滿特色～作為半個山東人嘅我，覺得佢呢種來自北方嘅感覺，實屬吸引🤩「燴拌潍坊蘿蔔皮 / 堂切垛子牛肉 / 酸辣烏魚蛋湯」佢地啲蔬果原產地直送，所以特別新鮮好食～山東🥒潍坊蘿蔔皮，充滿濃濃麻香，非常青脆～而🐂垛子牛肉，感覺似肴肉但薄切～好似紙咁薄，片片透光，但牛味濃郁～湯羹方面本來想叫松茸清湯雞豆花，但賣曬～於是轉左「酸辣烏魚蛋湯」，屬於國宴第一湯！所謂嘅烏魚蛋就係由雌性烏賊卵腺體加工而成～要處理佢工序較繁複，但營養豐富～望落咁清湯嘅感覺，但實際味道係非常濃郁～充滿白胡椒嘅辣香，同醋嘅酸香味～難怪據聞有冬食去寒，夏食解熱嘅功效～「🪿魚籽醬烤鴨配煎餅」應該目前我係香港食過最好食嘅片皮鴨！👑每一樣食材夾埋一齊嘅鬆脆口感，筆墨難以形容～再夾埋魚子醬嘅鹹香，鴨肉嘅軟腍口感～絕對係齒頰留香，值得再嚐🤤🤤👍🏻👍🏻「海捕大蝦燒膠洲白菜🥬 & 成都青花椒毛血旺」🦐大蝦燒白菜，睇佢個色咁橙紅以為佢會好鹹～但實際唔會，反而鮮蝦味濃，整體大蝦鮮彈，白菜鮮甜～而毛血旺又係非常推薦👑好鍾意青花椒帶出嚟嘅麻辛味～材料又豐富，真係乜都有⋯（牛肉/午餐肉/鴨血/鵝腸/黃鱔/毛肚⋯）簡直就係中式版部隊鍋，正😋「慕斯大油條/ 拇指一口生煎包/ 阿膠絲滑酸奶」未見過咁大條油炸鬼！有我手指頭到前臂咁長👀新鮮炸起，熱辣辣超酥脆香口👍🏻配上鹹甜組合嘅腐乳同鳳梨慕斯一齊食～好似牛油搽法包咁🤣🤣🥟生煎包一啖一口，但非常足料～外皮彈牙，充滿鮮嫩肉汁，細細個唔會太肥膩太漏～最後要食埋甜品🍮，佢個酸奶都幾酸～一定要加返阿膠黑蜜嚟中和返，咁就又滑又好味😋…查看更多

小朋友測完驗，一於食返餐好慶祝一下🎉去開Moko玩見到呢間餐廳有做緊「任食套餐優惠」～小朋友係有半價，而除左主菜外，其他都係任食（頭盤小食/飲品/雪糕）～見到任食「雪糕🍧」呢下，小朋友係冇任何抵抗力～「🍤🥗頭盤小食」（8款任點）一共有八款選擇，第一轉一定會叫晒樣樣都試吓～個人覺得最吸引係兩款雞翼（蜜糖/水牛城）, 都好多汁嫩滑～至於其他炸物因為個量都唔少，所以都冇再叫round 2~ 「主菜：北海道帶子蟹肉可麗餅 / 香煎鱸魚配薯蓉」鹹嘅可麗餅啲材料都幾豐盛，入面滿滿嘅蟹肉，面頭仲有好多帶子，會好飽肚～至於鱸魚🐟個量亦都好大份，魚皮脆卜卜魚肉都仲keep到嫩滑，啖啖魚肉～「意式雪糕🍧」最後當然要食埋Gelato 收尾～佢地Gelato都有唔少味道選擇～比較正路嘅款式，如果食得落而又唔怕凍嘅朋友絕對可以款款都試吓～…查看更多

咁啱同朋友心有靈犀，呢幾日唔知點解好想食生蠔🦪於是上OP一揾就見到呢家專食蠔嘅「大富蠔餐廳」～依家仲做緊買一送一優惠，即係平日1個人都係5百有找～感覺都可以一試，而假日嘅話佢仲會有live Band show添～富蠔盛宴套餐：「🥗凱撒沙律」「🥄大富蠔忌廉湯」「🌶️大富豪雞尾酒拼盤」「🐮黑松露鹿兒島和牛他他」「🦪三色焗大富蠔」「🦪日本生蠔盤」「🍝海膽醬龍蝦汁焗虎蝦意粉」「🍕鹿兒島A5和牛pizza」成個set真係非常「蠔」氣～形形色色，不同種類同煮法嘅蠔都一次過俾晒你～來自日本🇯🇵兵庫縣嘅生蠔，唔重海水味，蠔肉唔算大件但蠔味濃郁偏爽口～大富蠔忌廉湯非常足料，配上法包同煎過嘅蠔，蠔香味四溢😋雞尾酒拼盤同焗蠔都會分別用上3種唔同嘅調味去帶出蠔嘅鮮味～整體調味唔會太濃，無論生定焗，蠔味依舊突出～雞尾酒我鍾意墨西哥辣汁，而焗蠔則較鍾意蒜蓉牛油～除左蠔之外，估唔到佢地嘅和牛都唔錯👍🏻和牛他他又嫩又滑，層次感豐富，開胃嘅感覺～而和牛pizza，和牛肉味濃郁，pizza亦好香脆熱辣辣，佐酒一流🥂…查看更多

過完農曆年後，終於有時間約朋友相見～隆重其事，當然要搵返個有儀式感嘅地方聚聚～今次就嚟到蘭桂坊富有特色嘅⚱️🪬埃及餐廳「Balady Lounge」門口嘅壁畫同彩繪玻璃都充滿中東風情🏺 weekend嘅時候仲會有人表演肚皮舞添～✨Enta omry salad 哈羅米芝士無花果沙律唔知點解冇左無花果🤨變咗石榴粒粒仔，可能冇貨掛～不過唔緊要啦，重點係哈羅米芝士🧀～一款煎完會更好食嘅芝士，質地會有啲似慢煮雞肉嘅感覺～味道細膩略帶鹹味，係一種配乜都好好食嘅cheese～✨MIXED TACOES 雜錦墨西哥玉米夾餅🌮有四款口味，分別係蝦、雞、羊、魚～四款都好豐富又好好食😋😋蝦同魚會清新啲，而雞同羊就會濃味啲～最鍾意佢地入面配上酸奶同薄荷醬，絕對係畫龍點睛，精粹所在👍🏻✨Corn Ribs with Dressing 烤粟米配醬正正常常嘅烤粟米🌽當你唔想佐酒小食永遠都係薯條同埋雞翼嘅時候就可以考慮佢喇～✨Lamb Tagine 羊肉煲味道原來係酸酸甜甜，羊肉亦都炆煮到好軟腍亦都唔羶～整體都好食，唔怪得知好多人推介🌟🌟不過就略嫌份量少咗啲，一人夾1，2嚿都冇啦～🍸Cocktail (Pharaoh Eye/ Egyption Mojito/ Lychee Martini三款唔同口味嘅Cocktail三款唔同嘅感覺～Pharaoh Eye底有baileys+rasberry liqueur , 口味自然偏sweet sweet , 好似食緊糖咁，女仔口味🩷🩷Egyption Mojito 則沙冰質感，味道好清爽好舒服，跟Pharaoh Eye係完全2個唔同嘅感覺，大家可以睇吓當日心情如何就揀邊一樣啦～至於Lychee Martini，荔枝味好突出但又唔會好似Pharaoh Eye咁甜，都係易入口之選…查看更多

開心🥳作為長沙灣人終於有屬於我哋嘅牛肉飯！自「松屋」開業之後，佢真係好受歡迎～由朝到晚都排晒大隊，有時夜少少都好多野已經售罄😖不過佢就好早8:00已經開門～所以我可以湊完小朋友返學就可以去食早餐🍳佢早餐會有公仔麵食以及輕量飯食～不過我見過有人8:00就食sukiyaki!講返我最鍾意早餐就係「🐽豬肉味噌湯早晨定食」佢地嘅🐽豬肉味噌湯好日式感覺，同時亦都非常多料🌟豆腐&豚肉之外，仲有各類雜菜🥕🧅，係一款非常滿足嘅湯品～另外，牛肉飯我通常都會加埋「山藥泥」～山藥泥黏黏地但好清新，可解牛肉飯嘅肥膩～大愛山藥泥拌飯😋一路都係日本先食到，但香港食唔返～依家我終於可以係松屋食到喇～堂食仲可以添加唔同醬汁添!…查看更多

我哋同撈撈有個約會❤️為左會一會出名好識撈嘅「襟撈」 ,今次就約左佢個奴才去到 ｢TERA 寺｣嘅yoho 店~Tera 係一間日式cafe 之餘,仲係一間寵物友善餐廳 🐶🐱好啱同寵物去食野同時仲可以同fd 坐底傾下計👍🏻是次Order :｢🐟煙三文魚牛角窩夫｣｢🐱卡邦尼貓耳朵｣｢🍓士多啤梨窩夫｣｢🥞豆乳pancake｣｢🥑牛油果咖啡｣主食我地點左貓耳朵同鹹嘅窩夫,煙煙韌韌嘅貓耳朵意粉掛滿卡邦尼醬汁,勁得妹妹芳心,差唔多自己一個食晒😋而煙三文魚牛角窩夫,餡料仲有蛋同牛油果,鬆脆嘅窩夫底配上嫩滑嘅材料,簡直係完美嘅brunch ✨✨至於甜品更加係重點之處🌟佢地主打pancake,所以都有好多口味選擇~豆乳呢款就比較日式嘅感覺,配上🍡mochi&黑蜜,充滿甜蜜嘅感覺~另士多啤梨窩夫,佢地嘅窩夫無論甜定鹹都一樣咁得👍🏻鬆脆香口唔太甜配乜都襯😋…查看更多

J.Moon係旺角一間好有氣氛嘅酒吧餐廳～所以今次同朋友嚟慶祝聖誕節兼慶祝埋生日🎂🧑🏻‍🎄講明酒吧當然唔少得有特色嘅Cocktail ～必點打卡一流嘅「🌕J.Moon」～Tiffany blue色調，味道有啲似酒精版波子汽水，好飲易入口～另外佢哋有☪️12星座系列，每款都因應唔同星座有唔同特色～我地分別點左：白羊♈️獅子♌️天蝎♏️人馬♐️「🍟French Fries with Truffle Mayonnais」「🧀Deep Fried One Bite Cheese with Tartar Sauce」「🦪King Oysters and Chorizo Rigatoni with Nduja Sauce」「🦀Crab Meat and Crab Paste Risotto with Asparagus」「🍕Spicy Korean Chicken Handmade Pizza」「🌶️Blue Mussels in Tom Yum Style with Sourdough」除左飲品🍸有特色之外，佢地嘅食物都有一定質素，而且多款選擇～薯條同炸一口芝士，熱辣辣又鬆脆，佐酒必備小食👍🏻👍🏻鍾意食海鮮主菜有唔少選擇🦞，藍青口有別於平時煮法，佢地用上冬陰功配搭，酸酸辣辣好開胃～King size生蠔加上大大粒粗管粉再配上辣肉腸做成嘅醬汁～口感豐富，啖啖蠔肉，粗管粉又煙煙韌韌，索曬醬汁非常濃郁惹味😋而蟹肉Risotto，夠曬creamy, 亦都估唔到蟹肉量咁多🦀🦀一啖飯一啖蟹肉，正！而韓式辣醬雞pizza，甜甜辣辣嘅韓式辣醬配上雞肉同菠蘿，香脆惹味～…查看更多

喺佐敦好有人氣嘅神燈海鮮酒家～上一次同啲friend假日過嚟，book咗枱都要等一陣位～可想而知佢係幾咁受歡迎👏🏻事實食物都有一定水準👍🏻一坐低送上琥珀合桃，又甜又香脆😋😋「🪼柚醋舟山海蜇頭」/「🐷招牌即燒乳豬」/「🪿黑松露玻璃燒鵝」作為前菜冷盤嘅海蜇頭，海蜇頭肉身厚有質感，爽脆有咬口～配上柚子醋嘅酸酸甜甜，清爽又好食～即燒乳豬真係「乳豬仔🐖」嚟㗎，肉質肥瘦均勻，原汁原味～而乳豬皮非常香脆又薄身，一口咬落去啲脆卜卜聲聽到都口水流🤤至於燒鵝一送到上枱，黑松露嘅香氣芬香撲鼻，已經令人食指大動😋黑松露味香但無搶到鵝嘅肉味，皮脆肉嫩又多汁～唔怪之人人嚟食都必定會預先預訂呢2款燒味🌟🌟「🦐蟹粉玻璃蝦球」/「🦀蟹粉扒豆苗」一啲都唔吝嗇，有勁多蟹粉呀！😍😍玻璃蝦球隻隻都勁大隻又彈牙，可以用蟹粉浸滿成隻蝦球，極鮮味，太爽喇～～至於豆苗配蟹粉係❄冬天最佳配搭～濃濃嘅蟹粉香配上鮮嫩嘅豆苗，又係爽呀！😋😋…查看更多

最近大公館於平日晚市（星期一至四）推出限定優惠小菜2款～兩款都好吸引，好似我咁鍾意食海鮮嘅朋友必點🌟！當日晚飯我地都見到好多枱order～「🔥火焰清酒煮花甲王」&「🐟普寧豆醬生焗原條馬友」兩款都會席前烹調🥘，保證最熱辣辣上枱🔥🔥先講花甲王，真係好大隻，隻隻有湯匙咁大‼️而且唔係淨係厚殼，連入面花甲肉都好厚肉～海鮮夠新鮮，簡單加入清酒嘅煮法已經又香酒味又好食～而豆醬生焗馬友，先用豆醬輕輕醃過，跟住就生焗～醃過再焗嘅馬友鹹香味濃郁，但又保持到魚肉鮮味嫩滑～而最正係啖啖肉無骨，唔怕啃骨，老人家小朋友都啱👍🏻「✨太雕水晶鵝肝凍」/「🐮冰川茄子紅燒安格斯牛肉煲」/「🥦拍蒜豬油渣炒西蘭花苗」/「🐟金蒜瑤柱蒸冰島鰈魚籠仔飯」/「🥜琥珀合桃薑汁燉蛋」另外都仲點咗幾個小菜同籠仔飯，有啲都係佢最新嘅秋冬菜單～鵝肝凍算係中法fusion菜，晶瑩剔透，一粒粒如寶石咁靚💎太雕味酒香突出，包裹綿滑嘅鵝肝mousse，底層係金黃酥脆嘅炸饅頭～強烈嘅口感對比又不失調和，比較特別嘅一道前菜～冰川茄子牛肉煲，雖然比較油，但茄子就係要油先好食😋茄子同牛肉都係一粒粒，方便入口，一次過可以食晒全部餸菜～特別係冰川茄子，比起平時嘅茄子更加清甜可口，配上彈牙味濃嘅牛肉粒，送飯一流👍🏻👍🏻鰈魚籠仔飯必點🌟！鰈魚油分超重又滑又冇骨，將佢撈飯，滿滿嘅油脂混合瑤柱飯香，香味四溢，齒頰留香😋最後食埋合桃薑汁燉蛋，燉蛋融合薑嘅辛辣、合桃嘅香脆以及紅糖嘅甜蜜，帶嚟溫暖嘅感覺，最適合冬天☃️…查看更多

勁kawaii ❤️衝著呢3款可愛熊貓主題menu 而嚟到本舍呢間terrace in seaside 😘😘「🐼青提寒天啫喱奶蓋」「🐼嫩綠蘆筍蟹肉飯卷」「🐼黑白熊貓Oreo蛋糕卷」「🦀啖啖蟹肉千層麵」「🍊濟州柑橘乳酪」食物外觀如圖示一樣咁翠綠清新又可愛😍蘆筍蟹肉飯卷，蟹肉滿滿🦀🦀配上蘆筍再加上充滿麻油香嘅飯卷，清爽而不膩～🧁黑白熊貓Oreo蛋糕卷，朱古力蛋糕層鬆軟～中間濃濃Oreo味嘅cream，完美復刻Oreo而又唔會太甜😋🍇青提寒天啫喱奶蓋，茶底好香～配上勁大粒嘅香印提子，再加上厚實嘅奶蓋，清爽得嚟口感豐厚～而鐘意食蟹+千層麵嘅我，見到佢個「🦀啖啖蟹肉千層麵」，唔洗諗即order😜蟹膏蟹肉蟹籽，濃郁嘅蟹香味，再配上同樣濃郁嘅芝士蕃茄千層麵～非常惹味，層次感十足，正！😋😋佢哋嘅招牌🍊柑橘乳酪都係我必點item之一👑唔鍾意食橙類生果嘅我，都完全迷上咗呀🧡…查看更多

盈豐呢附近越來越多新嘢食進駐～仲要每一間都好有自己特色～而呢間有個咁靚日式庭園嘅拉麵店，同隔離人氣西餐廳JEP by Involtini 係姊妹店～無論室內室外都充滿和風嘅感覺🪭～有別於一般拉麵店，樓底又高坐得特別舒適😌是次order:「🦀濃厚蟹湯拉麵」「🪿淡醬油鴨湯拉麵」「🥟炸雞皮餃子」「🐮牛肉可樂餅」主打形形色色嘅拉麵，拉麵採用幼麵～麵嘅硬度可以選擇，是次揀選普通，都係覺得偏硬身，會比較有咬口～🦀蟹湯湯底如其名非常濃郁，比較重口味～相反鴨肉湯底反而清一點，淡淡鴨香味～而且鴨肉亦都好粉嫩～小食叫咗兩款炸物，都好熱辣辣又飽滿送上🔥外脆內軟，鬆脆可口😋…查看更多

同老公慶祝生日🎂難得下晝有二人世界時間，出咗尖沙咀行吓～見到湊湊而家推出左lunch火鍋，仲要有推廣價好似好抵食👍🏻🍲小火鍋午市套餐：🐮日本A4和牛小火鍋 & 🦑甄選海鮮小火鍋套餐有跟埋蔬菜盤🥗，紫薯麵/刀削麵同甜品～蔬菜盤🥗係比想像中豐富，有好多菜仲有丸～而兩款麵係各有各好食，睇個人喜好，紫薯甜啲刀削就有口感啲～至於湯底我哋分別揀咗酸菜鍋同清涼椰子鍋～酸菜鍋重口味少少但唔算好辣，配肉類最夾👍🏻至於椰子鍋配海鮮，就會最食到海鮮嘅鮮甜味👍🏻1百蚊鬆啲就食到咁高質咁大碟嘅🐮A4和牛，質地又滑又嫩，真係超值🤩甄選海鮮🦑每次食材都可能會有少少唔同，時令新鮮先至俾大家～又係估佢唔到咁足料，所有海鮮大大件又新鮮～特別係嗰兩隻大墨魚仔，超級彈牙😋另外，免費加入會員會送自助吧～可以免費任食滷肉飯，小食同生果🤩而且而家5️⃣周年紀念🎉仲每枱送上小酥肉一份添～…查看更多

人氣內地浙江菜「綠茶」，登陸香港銅鑼灣～平時深圳太多人排隊都未有機會食到～今次則係本地食得到，平日晚市要排隊，但唔算等好耐～而且Menu中有「🌟香港限定菜」！呢點有誠意同吸引🤩綠茶經典菜：🍗龍井烤雞/🦐粉絲裹蝦/🥢砂鍋西施豆腐🍗龍井烤雞大推！🌟以龍井、桂花同糖燻製而成～一開蓋非常之香，香氣撲鼻～仲醃得好入味，雞皮香脆，肉質保持到嫩滑～就算係我鍾意食雞胸位，都係多汁Juicy唔會鞋口😋至於🦐粉絲裹蝦同砂鍋西施豆腐，都係🔥超級熱辣辣上枱～前者即場開爐烹煮12分鐘，侍應會過嚟幫手撈勻～開背蝦夠彈牙，但最吸引都係粉絲，入曬味勁正👍🏻後者砂鍋豆腐，豆腐嫩滑，配上有咬口嘅肉粒等配料，一脆一嫩，絕佳配搭～香港限定：🌶️三色燒椒杭茄/🐮東坡小牛肉/🐷面餅醬香五花肉香港限定菜式都有好幾款，燒椒杭茄冷盤嚟，3色椒帶出唔同感覺嘅辣味，辣辣地好惹味🔥東坡小牛肉，以東坡肉嘅做法但換上牛肉，牛肉味濃亦都好軟冧，配上咸甜嘅醬汁，精緻嘅一件都已經滿足～至於醬香五花肉係好有驚喜之作🌟佢係片皮鴨+咕嚕肉嘅合體變奏版～入面嘅肉換上炸過脆口嘅五花肉，配上餅皮青瓜絲等解油膩～好食到1個人都可以清1碟😜甜品：🩷西湖桂花藕粉/💚海苔松仁芝麻球桂花藕粉淡粉色好靚，唔太甜帶淡淡桂花香～至於海苔松仁芝麻球，呢款煎堆仔好好食😋熱辣辣又脆，入面煙韌，鹹甜當中松子又帶點咬口，估唔到原來用紫菜做餡係咁特別～…查看更多