beeyung131's Profile

朋友係銅鑼灣返工，介紹黎呢間餐廳食飯。環境真係好舒服樣樣野都好吸引，叫左幾樣野試下。北海道帶子刺身沙律老實講叫果時以為係普通沙律，點知原來同想像中既沙律唔同😆第一次試carpaccio，味道好特別！平時帶子刺身係食啖啖肉既口感，今次可能因為將啲帶子肉整碎左，所以鮮味好出～加埋咸咸地既魚子同酸酸地既沙律菜，味道出奇地夾！黑松露薯條薯條新鮮炸起，黑松露粉好香～一如既往地夾！份量好足，最後都係食唔晒😩如果下次有埋黑松露醬去點就perfect la!忌廉牛油蒜香雜菌雜菌炒出黎熱辣辣超香牛油忌廉味😍最驚喜係隔離兩塊多士，不但止卜卜脆，仲有少少燶邊香味，夾埋忌廉蘑菇嘅香味，味道層次好豐富😌香煎北海道帶子龍蝦汁扁意粉帶子煎得岩岩好！每條意粉都掛到龍蝦汁，好好味！鹽味焦糖汁燒豬腩肉配青蘋果沙律一黎到就超吸引，塊豬皮查左焦糖黎燒，超香脆，食落甜甜地。好似好大舊脂肪，但一d都唔會油膩，夾埋蘋果沙律岩岩好！最後，好推薦大家黎呢到，同埋店員都好nice好helpful。…Read More

又黎返銅鑼灣返工，食lunch大把餐廳揀，而且好多性價比高既小店。三才就當然要入選啦，一到lunch門口一定排長龍。今日收左工約朋友食個快飯，唔算好肚餓，所以決定食三才。三才真係超抵食，銅鑼灣港島區，但每碗麵大部分三十幾蚊到。我每次黎都係叫佢西洋菜餃加魚蛋，一次過滿足三個願望：三隻西洋菜餃、兩塊魚片、兩粒魚蛋。我鐘意食三才因為佢個湯唔會無味，湯餸同粉都做得好好，唔會話邊樣失色。朋友就叫左魚片頭同墨魚蝦條，我都偷左舊魚片頭食，超好味，炸到個皮好正！我地仲叫左碟芥蘭，想食清d所以全走 蠔油都唔加。甘樣埋單每個人54蚊，勁滿足呀！食緊果時仲不停見到有人排隊，不過出餐同大家都食得快，好快又入一批人，唔洗等太耐位。性價比高之選，推薦俾大家…Read More

係牛頭角返左工一段時間，今日想行遠少少散下步同睇下有咩新餐廳。行到海濱匯見到有唔少餐廳，特別係香葉灣，最多人等位同等外賣。見佢午餐都勁多選擇，多到都唔知點揀好。最後同同事叫左一個馬來咖哩雞飯，同泰式海鮮炒金邊粉。外賣仲平幾蚊，所以我地都叫外賣拎返公司食。打開外賣，見到勁大份，個海鮮炒金邊粉我覺得三個女仔食都得。咖哩飯既雞件都多，件件雞都好大舊而且連骨嫁，個咖哩汁送飯一流。😋😋😋炒金邊粉好多海鮮配料，份量仲要勁多。唔怪得附近甘多餐廳，香葉灣係最多人圍住既餐廳。價錢實惠又好食👍🏻👍🏻👍🏻…Read More

好耐無食日本野，所以約左2個朋友食飯。朋友之前黎過鳥居一次話好好食，甘我地就好快定左時間地點啦。💃🏻💃🏻💃🏻鳥居居酒屋環境唔算好大，但裝修同個感覺好有日本居酒屋既Feel。由於我地都無咩主見，所以由朋友負責Order。因為大家都好肚餓，一路吹水一路叫，成晚食左好多野食。個刺身盛一上台已經好吸引， 帶子同海膽超好食！味噌燒活凡立貝😋😋😋😋鹽燒虎蝦😋😋😋雞肉棒😋😋😋燒油甘魚鮫😋😋😋😋😋 估唔到甘好食，好有驚喜秋葵牛肉卷😋😋😋😋聖子皇😋😋😋厚切牛舌😋😋😋😋😋明太子雞翼😋😋😋😋蘆筍豬肉卷😋😋😋😋總結，成晚食得好開心，傾得好自在。每樣野食都新鮮整好，熱辣辣上枱。…Read More

呢日同舊同事約食飯，朋友話想係銅鑼灣食飯同食片皮鴨，甘我就推薦呢間俾佢地啦，事關我好耐之前都食過一次👍🏻👍🏻👍🏻一坐企就叫左片皮鴨跟住再慢慢揀其他😆哇 係咪好靚仔呢隻鴨😆份量好多，我地4個人食，我都差唔多食左4-5件😋😋大家都讚好味跟住有人想食埋龍蝦，就叫埋芝士焗龍蝦加伊麵。啖啖龍蝦肉呀！好滿足！去親食飯都有個清淡友話想食菜，呢個係瑤柱什菜粉絲煲。都好大煲下，健康人士之選👍🏻XO醬鮮菌炒花枝：唔好睇佢賣相好似一般般甘，其實好惹味，仲辣辣地添今晚食得好滿足，四個人好似好大食甘叫左好多野食，但最緊要食得開心。最後，特別再次推薦呢到既片皮鴨，抵食又好食！…Read More

下午做完野返公司經過，條街勁熱，見到間野幾得意，甘岩想飲野就入去睇睇。平時呢類型既飲品鋪都係勁細間，所以呢間算舒適，同寬敞，有位置可以等。裝飾都好特別，有幾幅掛畫，仲見到有感謝狀。👍🏻👍🏻👍🏻我見到呢張粉紅色野飲就俾佢吸引左，所以就叫左呢杯。另外仲買多四杯返去俾同事飲。😆😆店員好好人，驚我難拎俾左個好靚既袋我裝住拎走。👍🏻👍🏻👍🏻總共買左五杯野飲返去孝敬同事：珍珠奶茶珍珠鳥龍拿鐵黑糖珍珠拿鐵冷泡四季春芭樂檸檬翡翠佢地都覺得好飲😄😄，同茶味都好濃。而且珍珠好好食，煙韌得黎又唔會無味。我自己果杯芭樂就好大杯好抵飲，勁解渴。…Read More

依嫁都好少食放題，反而鐘意散叫，一黎食唔到甘多，而且放題質素高既價錢又貴。反而散叫經濟又實惠。所以我朋友想食日式餐廳既話，我都會推薦佐敦-七福神。地點好就腳方便，收工過黎岩岩好。七點黎到已經坐左八成客，好彩有訂枱姐。一定叫既海膽，仲係保持水準好肥美、味道濃郁。放海膽係紫菜上面，自己調節想加幾多海膽、飯都得。和牛刺身，雪花好靚，口感好軟綿又無牛騷味，唔講唔知食緊牛。天婦羅、螺肉、芝麻八爪魚呢d基本野就緊係有叫。軟殻蟹手卷，係即整即上。所以紫菜好脆，而軟殻蟹就熱熱地。👍🏻👍🏻👍🏻椒鹽風味本菇，好香口，好好食，食到停唔到口。大蒜牛油燒銀鱈魚，我就無試到，但鐘意食魚既朋友話好好食。七味軟殻蟹卷，比想像中大條，有六件到。😋😋芝士焗蠔，新鮮熱辣，仲有好多芝士添呀😆芝士鐵板燒豆腐係必點推薦，炸過既豆腐，外脆內軟，入面舊豆腐超級滑。而且面頭好多芝士，要趁熱食，超好味。😋😋😋其實仲叫左好多野食，但太肚餓啦，好多都無影到相就食左😂。七福神食物選擇好多，而且餐牌好清晰，有相睇黎點野食👍🏻👍🏻👍🏻…Read More

約左尖沙咀返工既朋友食飯，其實都幾易搵。係尖沙咀地鐵站行5-8分鐘就到。店入面有好多可愛既公仔同預備左一d影相道具俾客人。d公仔真係好可愛，我都忍唔住影左幾張。蜜糖芥末八爪魚薯仔沙律：好鐘意佢個醬，而且拌得好均勻，仲有大碟，材料同八爪魚都好多。見溫泉蛋卡邦尼扁意粉好似好多人叫，朋友又勁鐘意食溫泉蛋，所以都叫左一份share食，兩個人食岩岩好，唔會膩。而且溫泉蛋煮得岩岩好，一叉開蛋黃就流晒出黎，拌勻意粉一齊食就好完美啦。加勒比海海鮮薄餅，呢個超好味，勁鐘意薄既餅底，好脆，好好味。雞仔軟雪糕，勁可愛，見店員拎過黎既時候都小心翼翼甘。好呃like😍😍😍 …Read More

厚福街真係多左好多食肆，而且間間都好吸引。係附近食完飯，仲想繼續吹水就走左去2DP。其實想去好耐，難得今次朋友都有興趣，所以就坐低試下。樣樣野都好吸引，樣樣都想試。諗左好耐終於揀左兩杯野飲同一個Gelato。一杯係雙色紫薯奶茶入面有紫薯同黃薯蓉，口感好豐富同真材實料。👍🏻👍🏻👍🏻面頭係椰香忌廉雪山，好綿滑，而且成杯野好靚，唔怪得呢間野成日都有人打卡同呃like。朋友叫左鐵觀音奶茶.星夜。叫得星夜就緊係會係顏色上面有d新意啦，所以個漸變色好特別，飲落茶味好濃，朋友都話好飲。一樣都係有椰香忌廉雪山😋😋😋最後叫左個岩茶gelato，gelato其實姐係意大利雪糕。岩茶我就係第一次接觸，都係烏龍茶既一種。食落好香濃茶味，好滑👍🏻👍🏻👍🏻總結：甜品賣相、味道同質素都好高，岩晒鐘意相機食先既朋友。…Read More

又黎慢煮食Brunch😋記得第一次黎個門口唔係粉紅色嫁，所以我疑惑左一陣。睇黎店主好有心思，成日油唔同顏色星期日兩點到餐廳，已經9成滿，等左陣先有位坐。記得之前星期六黎過一次都無甘full，間店應該開始多人認識啦。都係既，環境同食物質素都有保證。呢到係半自助形式，自己去點餐拎餐具，煮好既食物會由店員送上。人蔘蜜糖茶：估唔到係樽裝wor，我朋友仲話佢以前係法國成日飲，甘岩揀中呢個👍🏻👍🏻我都試左啖，人蔘味唔重有甜甜既蜜糖味，唔錯。一杯係香茅蜜桃烏龍茶，一杯係荔枝接骨木特飲。叫之前都諗左陣，想要蜜桃烏龍茶但唔想要香茅😂想要荔枝特飲但唔想要接骨木。不過本住嘗鮮心態就即管會一會佢啦。其實香茅同接骨木味唔重，都幾好飲。個人喜歡荔枝味多d。因為好多人，員工就得三位。所以食物都等左陣先上到，不過我地掛住吹水，又唔覺得話等左好耐。黎親呢到都係叫all day breakfast 👍🏻👍🏻因該真係抵食夾大份😂😂😂有安格斯西冷牛扒、芝士大啡菇、炒蛋、薯餅、焗豆、沙律、蜜糖牛油多士。個牛扒切開好似好生好紅甘，但食落去又唔覺，而且黑椒味好香👍🏻唯一一樣野就係可以近廚房位，油煙味大左d，其他野全部都好滿意，會繼續黎。…Read More

今晚同事請食韓燒，特登上openrice 望過下食評，呢間有好多好評，但都有一兩個話食物唔新鮮同大煙，開頭都有少少擔心。但食完之後就覺得值得推薦，所以都寫返篇食評先。首先，地址係旺角兆萬，中間位又易去。一搭lift上到去就已經係餐廳，七點去到都好多人食緊，但唔覺好大煙。任點任食既韓燒，都以為選擇唔多，或者食物質素一般。但呢間真係好多款食物：豬、牛、雞、海鮮、拉麵、鍋物同煎餅樣樣齊。泡菜好食，唔酸夠辣。同事就讚爐邊蛋好味，仲食晒添。叫左好多肉肉肉、同海鮮。野飲都好高質：有我至愛既有忌廉溝鮮奶，我地仲叫左支柚味既米酒黎試下，酒味唔重易入口，岩女仔飲。另外，同事仲叫左兩碗辛辣麵同水冷麵食😂😂海鮮煎餅好唔錯， encore 左一次。熟食同韓燒都無令我地失望。每款肉類、海鮮都好新鮮同好好味。特別推薦可以試下烤薄切五花肉、五花腩、烤牛肉。最後仲有個靚靚甜品，雖然唔係咩特別野，但見到有花心思👍🏻👍🏻👍🏻食完之黎行出街又唔覺得個身好大陣味，而且第二日都無肚痛。😂😂店員都好幫手，成日主動換燒板，收拾台面。最重要價錢都唔係貴，但可以試到好多款食物，絕對物超所值！…Read More

我一直都好鐘意食中菜，特別會四圍搵私房菜黎食。今次就聽朋友介紹灣仔呢間順德私房菜，因為佢大力推薦下，就決定同大胃王黎試下啦！ 地點都好方便，灣仔MTR會展出口行幾分鐘就到，好易搵。😄 環境係酒樓格局，但對比我之前係觀塘工廈食過既X膳，呢到係唔會有好大陣油煙味，或者係地下唔乾爽。呢到真係好企理同衛生，老闆同侍應姐姐都好好態度同禮貌，好加分！👍🏻👍🏻👍🏻 杏汁燉白肺湯：首先我要講個湯係我飲過甘多湯以黎最好飲既一碗！佢個湯好奶白、口感好滑、好綿。😋😋😋同埋個豬肺處理得好好，好乾淨同軟林林，唔會食到有異味。真係世界級好飲，唔怪得佢地話都聲稱呢到既燉湯係好出名。😝😝 蜜餞藕片煎金蠔：果然係金蠔，好大隻，煎得好金黃，而且個蓮藕片應該係炸完再同埋蜜糖一齊煎，所以好甜脆。而金蠔一切開就好香，好有新年菜既感覺。 荔芋乳鴿酥配自家製XO醬：佢最外面個炸粉做得好好，好薄好脆，芋泥好綿滑。入面食到仲有乳鴿粒、洋蔥粒同香茹粒。 蝦子柚皮：呢個係佢地既招牌菜亦都係功夫菜。個柚皮好厚身，蝦子醬多到包圍晒成個柚子皮甘滯。因為我係第一次食柚皮，都唔知應該點形容，個柚皮既口感好林，而且係好入味，唔會覺得好苦澀。 粥水白果浸菜芯：真係孤陋寡聞，平時上湯浸菜芯就食得多啦，粥水浸菜芯又係一個新嘗試。菜芯用料靚就一定嫁啦，而且岩岩食完煎炸野，跟住食呢個菜芯其實都幾解膩。 跟住仲唔識死叫左個臘味滑雞煲仔飯，大煲到大胃王都要投降呀😂😂😂臘味既香同油脂加埋煲仔飯豉油撈飯食真係一流。飯煮得岩岩好唔會太硬或太軟，所以底個飯焦都係好靚仔。臘味全部都好食，肥瘦適中，易咀嚼唔會好硬，而個雞件都真係好滑。 最後緊係要食飯個蛋白杏仁茶黎個完美既ending 啦！好香杏仁味，食落好滑、但個杏仁味又唔會好搶，佢仲要好似蛋白撞奶既感覺，好有口感。今餐真係好滿足，好多菜式我都係第一次嘗試，特別係個杏汁燉白肺湯真係好令人回味。食物質素同服務態度都100分👍🏻👍🏻👍🏻…Read More

生日飯簡左個就腳地點-尖沙咀食飯方便大家👍🏻第一次黎呢到，成間鋪一眼望晒，地方唔大，但係裝飾好簡潔，座位都唔會好逼。我地就叫左1. 原隻美式燒春雞配燒汁2. 拿破崙船長海鮮燴意粉3.美國有機大啡菇雜菌意大利飯我朋友話想食燒春雞，我就麻麻地既。因為食過甘多次燒春雞都係好難食d肉好鞋。但今次食完呢個之後我完全改觀晒。佢個雞皮燒到勁脆，雞肉好滑嫩而且多汁，完全唔會老唔會鞋同無味，再配埋個燒汁一齊食簡直一流👍🏻👍🏻👍🏻👍🏻海鮮意粉，都好足料，有青口、大蝦、青紅椒。意粉好入味同軟硬適中👍🏻👍🏻👍🏻好大隻大啡菇，個飯好岩我食，唔會話好硬。而且份量同調味岩岩好，唔會食到好膩。驚喜時刻😆😆😆😆放煙花蛋糕😆好開心好驚喜總結，食物質素環境都好好，會再黎👍🏻👍🏻👍🏻…Read More

約左朋友去旺角買野兼食埋飯，甘岩經過白布街就入去試下。呢到我一直以為主打甜品啦，因為一到夜晚就會勁多人等位食糖水。甘我甘岩見到佢都有意粉果d甘，就入去試下啦。座位同空間都好足夠，唔會好似普通糖水鋪甘好逼，每張枱都擺到好埋。叫左個帶子沙律，佢係有加埋青蘋果片、帶子、合桃、沙律菜再加蜜糖芥末醬。沙律菜好新鮮，帶子微煎兩邊，加埋個醬撈勻食好好味，特別係合桃👍🏻👍🏻👍🏻跟住叫左客炸雞翼，有四中隻。佢仲配韓式辣醬，雞翼炸到好脆再配埋辣醬。燒豬肋排比想飲中大件，煮得好入味，而且好易食，唔好會痴骨，啖啖肉再加埋薯條👍🏻👍🏻👍🏻綠茶柚子沙冰，我本人好愛沙冰呀梳打水果d ga，所以見到張相就諗都無諗就揀佢。可以邊飲沙冰邊食綠茶雪糕😆😆同埋出面吃過沙冰好快變水會淡左，但呢個唔會，仲係綿綿既沙冰同好禁飲。另外仲叫左個白酒蜆肉意粉，超推薦👍🏻👍🏻👍🏻白酒煮左唔會話好重酒味但扁意粉煮得岩岩好再索晒個牛油汁同蜆肉味，真係好好食黎到呢到點可以唔試甜品呢，叫左士多啤梨窩夫，跟黑糖同朱古力醬。個窩夫好香脆，唔會係好厚實既感覺。上面個雪糕係士多啤梨味，雪到好似雪葩甘，酸味味係好味既。總結，唔怪得成日都甘多人等位，係值得既。除左甜品之外，正餐都好得，值得推薦👍🏻👍🏻👍🏻…Read More

又再黎食呢間😋😋因為真係好食🤣通常食散叫既火鍋店，食材質素會比較好，但價錢會較貴，每位四五百元左右。任食火鍋放題會較平d，但價錢都要一百多起，但大部分質素都好一般。而今次我又再食呢間，因為出品十分用心，佢地主打養生湯底，但又唔會好似其他藥膳鍋咁藥味太濃。今次叫美人鍋同麻辣中辣，食左十幾分鐘就要加湯，因為個美人鍋湯底實在太好飲🤩🤩🤩未落料首先飲返幾碗先！手工丸類拼盤：有六種不同口味既手工丸，每一粒手工丸都是師傅手做的，口感爽滑，外觀都非常精緻，每一粒都食到師傅既心機👍🏻👍🏻👍🏻我比較欣賞墨魚丸，非常爽口。😋肉類方面，推薦極上雪花肥牛，牛味濃郁，而且唔太肥又唔太瘦，掛住傾計煮耐左，但口感依然滑溜。另一推薦係呢度既自家製水餃，口味多而且有自家製水餃既親切感。而且有個位我認為餐廳做得幾細心，就係可選擇加一份或半份，可以試多幾款，又可以避免浪費食物，抵讚！👍🏻👍🏻👍🏻仲叫左好多野食：食到差不多，服務員主動問食唔食甜品，當然無抗拒理由。🤩🤩🤩甜品係雪糕球，我點了豆腐味，朋友點了榴蓮味。開初上桌時雪糕球比較硬，要放涼一陣先咬到落口。豆腐雪糕食落好濃豆奶味，而朋友更說榴蓮味雪糕更為驚喜，味道可比真榴連，可以說是呢餐作了一個完美句號。😄…Read More