FionNg1844's Profile

星期日夜晚七點幾嚟到，等咗十分鐘，就入得。舖頭細細，啲枱都排得比較迫，個燒烤爐 都細細。我哋兩個大人&一個小朋友，坐梳化位， ok唔算太逼 。但有啲食客就要對住 shopfront玻璃窗食嘢， 香港真係寸金尺土。我哋嗌咗牛肉串，燒羊肉串燒 ，沙冰，燒菠蘿 ， 燒蠔 ，燒扇貝 同埋多士， 仲有臭豆腐， 成餐飯嘅highlight就係臭豆腐，細細粒，好得意同埋少地方有得食。整體上品質ok， 唔算好細份， QR code點餐 ，會有辣&唔辣揀，會照顧不同人的口味。 每樣嘢都係預先燒熟整好哂，嚟到再放上個鐵板燒烤爐暖住佢，並不是全生嘅串燒俾你慢慢燒。侍應都好貼心，勤快地收起啲碗碟，做會員好似有優惠( 送三條串燒)。整體上品質ok，應該會再嚟。…Read More

閒日星期三中午大約一點幾到達😆一入去就有位 🫶店內大約有九成人坐。 我哋兩個人被安排坐細圓形枱，店舖裝修當然走懷舊風格， 以我觀察以旅客居多。由於一入門口要 上十幾級樓梯，如果行動不便嘅老人家，就要考慮下啦 (我眼見應該冇𨋢可以搭上去, but not sure)。我哋兩個人點咗椰皇燕窩燉鮮奶x2，一碟蒸蝦腸粉 +牛肉燒賣， 連埋茶芥230蚊，性價比都ok啦~以上環價格。現場啲侍應姐姐都有禮貌同快手快腳， 如果以遊客角度出發嘅話，係一個不錯體驗，而食物值質素值一般，冇乜驚喜，椰皇都唔太甜，適合香港人口味。…Read More

上網買咗飛， 星期日晏晝食lunch buffet ，平均300蚊一個人， 額外main course要再加錢。現場環境坐得都算舒服，另有窗口位，但係我哋冇被安排坐，可能之前book位訂嗰陣時講定？! 另外我哋係食lunch buffet有蟹腳、 蝦同埋翡翠螺，但係味道較淡。其他冷盤算新鮮好味， 慶祝生日可以要求staff有寫字嘅蛋糕同埋蠟燭 ， 甜品又就有一般 (得三、四款)，都係啲大路嘢，例如麵包布甸， 係雞蛋腐竹糖水幾特別，出面少有。雪糕係一杯杯m字頭嗰啲，飲品有咖啡、奶茶、檸水. 喺自助bar度自己整， 果汁/汽水亦欠奉， 整體性價比一般。…Read More

我哋預早預約定，星期日晏晝一點鐘去到 。見舖頭門口有t-shirt賣，裏面有座位， 30%入座率，生意麻麻地。 我哋一行8人坐最入單邊梳化位，店舖內嘅裝修走復古型格鮮橙色 嘅格調，我哋嗌咗最 受歡迎 嘅蘋果pizza🍎同埋四重芝士pizza🧀🍕，味道唔錯， 批底薄脆💯，芝士味濃鬱😍😋 另外千層闊面 熱辣辣，啱啱喺焗爐焗出嚟。食物好味新鮮 ，另外有嗌牛油果蛋沙律，沙律菜新鮮清新， 仲有其他食物唔記得影相 。 整體嚟講 食物品質中上，如果有機會會再嚟🤩。…Read More

朱古力味布甸蛋撻，好滑溜，同埋朱古力味濃烈，超級推薦，size唔算大，女士食一個，都唔會好肥膩。 芋泥布甸包，芋頭味道濃鬱，上面布甸夠滑， 麵包煙韌又軟熟， 衝擊口感， 正!…Read More

星期日下午五點半到達，有好多吉位，大約得兩成座位有客人。我哋(2大人1小朋友)揀咗落地大玻璃隔離張枱坐， 日照充足🌻🌼，景觀非常開揚，配合裝修日本木質簡約feel⛩️，感覺非常休閒🌴。當時有下午茶set，食品價格非常大眾化， tea set由五十幾蚊至八十幾蚊不等，QR code自助落單，tea set可以加錢叫凍飲，食物質素都唔錯，炸生蠔鮮味鬆脆， 漢堡juicy又鬆軟厚身，擺盤夠精緻，以咁嘅價錢，絕對值得再嚟😍。…Read More

預先喺網上訂咗位，星期六晏晝一點半到達， 餐廳內有五成座位都係吉，生意一般。我哋七個大人一位小朋友，被安排坐圓枱。我見佢有一間private room有窗口，一直都冇人坐，冇安排畀walk in嘅客，唔知係唔係要 book枱嗰陣講明。店內裝修較為昏暗，我哋嗌咗 13 碟菜式:金蒜銀絲蒸娃姓菜$108.8🌟🌟北京烤片皮鴨半隻 @$268.0🌟🌟🌟🌟🌟溫泉蛋貴螃蟹$188.0🌟🌟手丁鮮肉小籠包 🌟🌟🌟（五件）x 2= $124.0紹式炸臭豆腐$78.0🌟🌟鎮江水晶肴肉$78.0🌟🌟🌟蟹籽豚肉燒鷹$58.0🌟🌟茶水 （每位） $12.9*8=$96.0招牌炒飯$118.0🌟🌟🌟四川麻辣擔擔麵$73.0🌟🌟家鄉炒年糕$98.0🌟🌟紹式炸湯丸 （六件）$88.8🌟🌟棗皇糕 （四件）$48.8🌟🌟茶水貴些，可能佢定位高檔，但服務不乎，一開始就見到隻匙羹上面黐住乾咗嘅飯🤢， 同埋上菜一般比較耐，份量就比較少，每碟應該兩至三人嘅份量，合小家庭，味道不過不失冇乜特別， 同普通茶樓一樣。唯一有記憶點及好食嘅係個片皮鴨。總括而言，個人覺得性價比低😑， 試一次就夠。…Read More

網上預約咗，星期六午飯，一點鐘到達， 我哋被安排坐最入嘅梳化圓形枱位置，背脊牆壁係用網球砌出嚟嘅網球牆，用嚟打卡幾得意🤩我們八個人 (7個大人1個小朋友)，用QR code點餐，嗌咗:1️⃣龍蝦汁海鮮直通粉$118.0 （😑 冇乜記憶點)2️⃣招牌川椒麻辣生炸口水雞（6件）$104.0(不太油，肉juicy, nice!😋)3️⃣自家製冬陰功醬雞肉比薩$128.0 (唔係好辣，啱一般大眾香港人口味🥰)4️⃣水牛芝士比薩$128.0 (一般，芝士厚啲更理想😅)5️⃣芝士熔岩雙層手製手肉漢堡配薯條$158.0 (芝士夠多， 漢堡夠厚肉🤩 點薯條一流💯)6️⃣藍檸檬梳打$45.0 (除了靚，冇特別🤭)7️⃣白松露油忌廉野菌意大利粉 $88.( 食唔出白松露味道🤨)8️⃣熱情果波蘿梳打$46.0(ok🤭)9️⃣ 紫薯麻薯窩夫配香草雪糕$74.0(質感煙煙韌韌幾得意😋)1️⃣0️⃣辣味柚子朱古力醬千層塔配朱古力雪糕$78( 辣辣地，冇咩特別🤫)埋單around 一千蚊， cp值不錯😜。…Read More

星期六 六點幾入內，唔需要等位， 我哋坐四人枱，我見牆邊有啲卡位，但已經有人坐咗。座位唔算多，如果想嚟嘅話，可能要早少少，唔好peak hour。最欣賞呢間啲燉湯冇味精，真材實料，係細碗咗啲， 一人份量，但平時喺屋企好少自己花功夫燉湯，嚟呢度飲，就值得。我哋嗌咗黨參川弓天麻燉魚頭湯(68蚊) ，仲嗌咗個佛跳牆，但係唔記得咗幾錢，啲料都好足。如果加大份量，就更加好。另外蛋散超級大件，配備芝麻煉奶同埋花生醬，特別好食。 其他點心都一般發揮，不過不失，埋單三個人二百零蚊，算cp值中上。有機會下次會再嚟。…Read More

買咗杯D24榴槤甘露，價錢唔多記得， 飲品好creamy， 留下印象就係個底沉咗一層榴槤肉，用飲管都吸唔到上嚟，要用飲管撩嚟食，真材實料，好濃鬱榴槤味，愛好榴槤嘅，不能錯過，推薦!…Read More

星期日中午一點去到，餐廳內得幾枱客，我哋唔使等位，可以入去。 餐廳內部比較昏暗 ，如果光猛啲會感覺好啲。我哋揀咗最抵食嗰個餐，兩個大人+一個小朋友，連加一$433。 個餐包一杯台灣手搖飲品， 另外出面有唔同嘅甜品雪糕，熟食 同埋火鍋配料自己夾， 但選擇有限🤭。仲有幾款台灣小食，可以用手機qr code落單。另外，一人一鍋湯底味道😋 可自己選擇，唔使一大鍋，難以遷就每個人不同嘅口味，但。。。。 我哋揀幾個不同湯底，其實個味道都差唔多，食唔出有咩分別🤣。 服務員有禮貌，當日個雪糕機唔知點解停咗，直至我哋差唔多要離開，先至開返部機，我哋食唔切雪糕😔。…Read More

上網book咗 星期日，一點鐘 去到， 等咗一陣位。我哋坐近門口第一張卡位，座位寬闊 舒服，我哋三個大人，各自叫咗(75分鐘) 定量餐，包自助bar，三個餐 :v1($98) v2($118)同v4($158)。嚟到三碟肉見份量都足夠，女士唔係好大食，十分足夠，肉質ok，尤其係牛舌，好味 嫩滑， 另外出面bar有不同嘅熱食、甜品雪糕、罐裝汽水飲品，亦有唔同嘅蔬菜類可以任夾，燒番薯同埋秋葵特別好味。 埋單連加一$411蚊，平均每人$137，cp值好高😋，同埋可能當日唔算多人，所以佢彈性處理， 冇sharply趕我哋走💓。侍應又有禮貌，服務質素高，值得嘉許👍🏻，有機會會再嚟。…Read More

閒日星期一，十二點半到達，唔需要等位，佢都可以app攞位。我哋被安排坐梳化卡位，兩個大人一個細路仔， 座位坐得舒服，同埋枱面同爐係一體，空間感十足， 店舖裏面位置都頗大，有啲靠窗口位，可望到街景，十分開揚。我哋揀咗60分鐘定量豚肉餐x3，配個藥膳湯底(加25蚊) ， 豚肉都有around 十塊，肉質都ok唔算好肥， 自助bar任食，有幾十款嘢食，包羅萬有 🤭， 食品種類大致係佢competitor 牛x人 同 牛涮x 嘅合體版，另外比較特別嘅係 焦糖爆谷、酸辣湯、榴槤雪條、 芋頭雪條、 鳳梨雪糕、豆腐雪糕 等 ，仲有沙冰。 熟食類 比較印象深刻係鹽焗溫泉蛋、古早缺鴨、 古法窯雞。 飲品有洛神花冷泡茶或者烏龍茶， 仲有其他一般罐裝台灣風味飲品。 醬料有 超過十款以上， 例如秘製辣椒醬、 腐乳、 台灣紅蔥油、 西柚醬，至於甜品都有 六至八款選擇， 最特別有焦糖燉橙 &栗子撻。另外，🤗值得一讚💗係佢哋個男經理好nice(穿粉藍色卹衫同一般職員Tee制服不同)，主動幫客人影相，派圍裙，social技巧一流😆，親和力滿分，非常有heart❤️， 如果其他食肆啲員工都似佢咁， 應該香港食肆唔會成日畀人嫌棄或者負評🤐。 埋單連加一$350蚊，ok啦~有機會都會再嚟。…Read More

閒日星期三下晝 十二點鐘到達，入面得兩三台客，完全唔使等位，我哋兩個成人，被安排坐梳化位， 坐得舒服 ，空間感十足。一坐低，服務生會送上一人一碗糖水，醬料同埋前菜(酸蘿蔔同埋雲耳) 可以喺自助吧檯攞， QR code落單 ，我哋兩人各自嗌咗午市一人鍋餐$98: 極品黑豚肉餐 及 紐西蘭精品羊肉卷餐。如果唔大食嘅話，份量都足夠，lunch set已經包埋其他蔬菜配料 ，凍飲(汽水或者另加25蚊配特飲)。 湯底可以嗌鴛鴦鍋， 我哋分別配咗 麻辣鍋+沙嗲鍋; 皮蛋芫茜 +山珍菌湯。肉嘅份量大約有十片豚肉，羊肉有六至八卷 ， 豚肉比較肥同埋切薄片，羊肉有濃郁羊味，品質幾好，湯底最好味係沙嗲湯，有椰漿味道， 比較特別。一人火鍋餐98蚊 x 2個，免加一，埋單合共 $196，CP值尚可。…Read More

閒日星期四下晝大約四點嚟到，因為去公園玩，所以經過此地， 想搵啲嘢飲，除一田 有得買支裝飲品外，應該就係呢間舖有飲品賣。佢在商場A區地面嗰層，行得比較盡頭 先至會見到，係面向馬路嗰邊， 門面兩旁有橙色枱櫈 同埋太陽傘 ，大約十幾個座位畀人坐吓。 我哋嗌咗杯 黑糖珍珠撞奶，冇茶底適合小朋友飲，當日得一個職員喺度工作，她比較忙碌， 我哋落單嗰刻，佢話有張大單喺前面(約10杯飲品)，她見我哋比較趕，佢好flexible咁整咗我哋張單先，因為我哋嘅飲品比較易烹調，💞十分欣賞這位姨姨職員，另外佢雖然忙，也不忘主動問 是否需要 少冰少甜， 服務態度 💯大讚 ，我哋嗌咗大杯裝$36 ，黑糖珍珠撞奶嘅味道正正常常，我見佢門面有廣告牌寫有牛角包，但係響現場就唔見餐牌有 ，如果有機會下次會再嚟試試。…Read More