蒸廬

星期六 六點幾入內，唔需要等位， 我哋坐四人枱，我見牆邊有啲卡位，但已經有人坐咗。座位唔算多，如果想嚟嘅話，可能要早少少，唔好peak hour。
最欣賞呢間啲燉湯冇味精，真材實料，係細碗咗啲， 一人份量，但平時喺屋企好少自己花功夫燉湯，嚟呢度飲，就值得。我哋嗌咗黨參川弓天麻燉魚頭湯(68蚊) ，仲嗌咗個佛跳牆，但係唔記得咗幾錢，啲料都好足。如果加大份量，就更加好。另外蛋散超級大件，配備芝麻煉奶同埋花生醬，特別好食。 其他點心都一般發揮，不過不失，埋單三個人二百零蚊，算cp值中上。有機會下次會再嚟。