Carolfueat's Profile

今晚嚟到酒鍋打邊爐，店內很有氣氛，坐窗邊仲可以睇夜景🌃提供咗好多款調味料選擇，可以按個人口味調配今次試«酒火入魔»湯底，一共有5種唔同湯底，分別係蕃茄波士頓龍蝦、清湯蘿蔔牛腩、四川麻辣、潮州沙嗲同埋木瓜鍋一開頭店員會倒玫瑰露酒落木瓜鍋，欣賞完個火就會加湯入去等滾，要等晒5個湯底滾係需要一段時間🔥🍲我地最鍾意係沙嗲湯底，好杰好濃，煮一煮已經入晒味🌶️唔食辣嘅我，只係試左一條麻辣鍋嘅芽菜，掂到個口已經又麻又辣，不過又幾香口，食辣之人一定要試🐮牛腩意想不到地淋，讚👍🏻🦞有半隻龍蝦，啲膏幾好食味道濃郁，肉就煮得太耐煮到最後玫瑰露酒嘅味道入晒去木瓜，我幾鍾意有淡淡玫瑰露酒嘅木瓜，好似食甜品咁頂級安格斯牛小排 (小)牛味足，肉質嫩，每一塊都係小小的，大概有十幾塊七星報喜每一粒都唔同口味，最深刻係紅色個粒，好似食緊火龍果😂蜂巢豆腐 + 黑松露蝦蟹餃蜂巢豆腐正常，吸晒湯底好好味黑松露餃有驚喜，以為無乜黑松露味，點知幾濃仲有2隻蝦🦐🐧開心小企鵝一份三隻小企鵝，睇得又食得企鵝仔其實係墨魚丸，比起市面嘅丸係好食啲🤔🍄什菌拼盤咩都有啲，啱晒我哩啲愛菌之人，不過量不是很多🥬蔬菜拼盤蔬菜新鮮，適合二人食用紫貝天葵 + 竹蔗茅根原來紫貝天葵酸酸地幾開胃，但獨特嘅味道唔係人人能夠接受…Read More

牛匠石燒環境唔錯，每個卡位之間有靚靚燈飾同間隔衛生方面都做得好好，入座嘅時候見到職員執枱，不單止枱面，連櫈都會用清潔劑清潔石燒定食除咗牛肉外，仲有雞豬羊可以選擇用QR code網上落單📱今次叫咗嚴選風門柳定食同埋吉列草飼牛肉眼定食，每個餐都有白飯、味噌湯、前菜同埋2款醬汁食物質素唔錯，風門柳一份有8塊，薄薄一片，所以好快熟，脂肪比例低，燒嘅時間會有肉汁流出，肉質嫩，口感佳 不過風門柳數量偏少，未能餸晒一碗白飯至於吉列牛，外皮薄酥脆，肉質嫩，燒完都唔會太柴，不過太生的話有少許難咬服務員態度友善，見我地燒得唔太正確，會主動教下點樣燒，服務好好👍🏻味噌湯味道中規中矩，採用玉子豆腐而唔係豆腐，有花心思切成花般樣式，感覺唔錯小食叫咗日式餃子同和風芥末脆牛舌餃子味道不錯，但建議熱既時候就快啲食牛舌有5小舊，芥末沙律醬略為普通，粉比較厚，不過牛舌本身肉質唔差，唔會太熟太乾 特飲係桂花果釀四季春同芝士奶蓋四季春2款都有芝士奶蓋，茶味濃，甜度都剛好不會太死甜，芝士奶蓋濃郁，喜歡奶蓋的話千萬不要錯過🤤…Read More

校長燒肉日韓料理好抵食，百幾蚊可以韓燒火鍋放題，價格相宜適合學生同一家大細去食👨‍👩‍👧‍👦樓梯位置有靚靚佈置，同朋友一齊打卡就最啱🤭食品區用咗霓虹燈牌區分每個區域的食物種類有凍飲熱飲、熟食、火鍋、燒烤、刺身、壽司同甜品，最欣賞有唔同種類的花茶可以自己調配，暫時未係其他食店見過👍🏻同朋友首先食左刺身先，刺身有幾款，我哋食咗赤蝦、三文魚、吞拿魚、螺肉，個人較喜歡赤蝦同三文魚燒肉就差唔多每種肉類都有幾款口味，有韓式、咖哩、蒜香，味道尚可，可以再醃入味啲日式火鍋有清湯、壽喜燒、豬骨濃湯，自己斟湯同加配料 ，配料款式齊全我地揀咗壽喜燒同豬骨濃湯，湯底味道濃郁，但有啲重口味，想清淡少少可加熱水因為胃袋空間有限，熟食就無食到至於飲品，選擇真係好多，罐裝、紙包、自己斟的凍飲、花茶應有盡有，估唔到連清酒都有啤酒就晚市限定🚫我飲咗玄米茶包同罐裝飲品，都唔錯甜品就食咗雪糕同啫喱，雪糕係用雪糕機自己唧，應該係乳酪雪糕，有草莓同蜜瓜味，幾好食，絕對可以一試😋啫喱係童年回憶，估唔到可以係度食到😆…Read More

之前同朋友嚟過Dodam Chicken食飯，覺得佢嘅炸雞唔錯，所以再嚟一次食炸雞😋上到去唔洗搵就望到Dodam Chicken，平日晚上唔係好多人，去到可以直接入座入到去環境幾舒服，燈光偏暗，座位距離適中有泡菜系列餐牌，上次食過覺得好辣，今次就唔食了今次叫左黃金鹹蛋炸雞一份，唔知點解2個人去都叫一份炸雞🤔為免食唔晒，只加多一碗韓式手抓飯炸雞痴住好多鹹蛋，味道十分足夠，鍾意鹹蛋嘅朋友一定鍾意而且新鮮出爐熱辣辣，外皮好脆不過2個人食真係有啲多，食多2件開始覺得濟，好彩有配菜醃蘿蔔酸酸地中和一下😋韓式手抓飯材料有蟹籽、蟹柳、紫菜同飯，材料較簡單上菜嘅時候有提供匙羹同手套，想正宗用手食嘅朋友唔洗擔心衛生問題我就懶得用手食，都係用返匙羹撈撈撈直接食雖然係簡單嘅拌飯，但味道好有韓國風味…Read More

原本想去南山村打咭，點知室外遊樂場未開又落雨，只好食個lunch走人😥黎到位於南山商場入面一間西餐廳Casa Kitchen，穿過街市就會見到雖然鄰近街市，但餐廳保持得乾淨企理午市套餐由$54至$88不等是日手打餐湯係南瓜粟米湯，口感濃稠，粟米味十足，淡淡南瓜味田園沙律係沙律菜配黑醋，個人不太喜歡黑醋，沙律菜苦苦地華都夫慢煮雞胸雜菜沙律 $54一上菜就比個份量嚇親，勁大碟😵材料好豐富，有青蘋果、沙律菜、合桃、雞胸肉同埋餐包，旁邊有沙律醬點黎食雞胸肉偏鹹同鞋口，青蘋果唔酸，沙律菜帶苦味麵包最正，夠香脆！脆炸洋蔥圈 +$22外皮鬆軟，略為炸過頭，蛋黃醬好好食同洋蔥圈好夾紐西蘭牛肉眼扒 配脆炸薯條 特製紅酒汁 $88點左7成熟肉眼扒，但出到黎接近全熟，好重牛味但有筋同鞋咗啲反而薯條比較有驚喜，好大條，外皮脆脆，入面係鬆軟，同平時食開嘅薯條唔同仲有半粒蒜頭，味道唔係十分濃，可以空口食…Read More

今晚黎到荃灣食石燒牛扒😋入到去侍應姐姐就詳細講解menu，仲會介紹每個部位嘅脂肪比例同口感👍🏻等你知道自己想食咩我feel到待應姐姐講到無氣🤣五選三套餐 +$30可以揀飯、薯條、湯、沙律或飲品我地2個人就咩都試下，全部都叫左汽水就唔洗講，有凍有唔凍，任君選擇🤭薯條係比較粗個款，新鮮炸起熱辣辣，整條薯條外皮都脆卜卜，就算凍左都仲有少少脆沙律好似係西瓜密瓜配檸檬青檸汁，水果清甜是日靚湯係三文魚南瓜湯，極濃三文魚味加少少南瓜味，真材實料，讚👍🏻加左飯素嘅飯，軟硬適中小牛柳 (肩胛小腓力) 200g $138食之前會比即棄圍裙你著，唔會比油彈污糟件衫，切嘅時候一定會比油彈親隻手🥺根據待應姐姐嘅講法，小牛柳無咩脂肪，係最淋嘅部位我自己就覺得偏乾有少少鞋，但牛味十分濃脂肪真係無咩，適合女士食用牛側腹扒 200g $128脂肪比例較多，口感較爽，牛味濃脂肪香比小牛柳更勝一籌，當然肥好多🥺切開一粒粒用石嘅餘溫煎熟牛扒，自己控制生熟程度(左) 紅酒牛肉汁(右) 阿根廷青醬紅酒牛肉汁就比較普通，同平時西餐廳食到嘅差不多青醬配牛肉會比較清新，無咁heavy，不過有草青味，要視乎自己接受能力😉有個自助吧拎調味料同水…Read More

疫情期間，瑞士咖啡室營業至晚上8點半，8點last order，去到差點無得食，要食真係要早點去🤪臨近收檔時間好多野都無，都要花啲時間點餐之前已經想食米線，見到有米線就嗌左，同行朋友就食小菜川味酸菜豬扒米線 $59米線餐包一杯特飲，可以叫紅豆冰個啲，不過我唔飲凍野就叫左熱華田至於碗米線，送到嚟嘅時候嚇左一跳，好大碗!!好多酸菜好多辣椒仔，湯底都幾清，酸酸辣辣幾開胃，不過對於唔食得辣嘅我嚟講就太辣，因為又辣又大碗，只係食到三份二碗，放棄🏳️豬扒都好大塊!! 豬扒好淋，不過鬆肉粉太多了，味道有點怪怪的西檸雞 $68小菜加$12有中湯、白飯同餐飲西檸雞其實係西檸雞扒，外皮炸得脆脆，西檸味都好夠，不錯😋中湯都唔差，飲到蘿蔔味，無咩味精👍🏻清炒時蔬 $62時菜揀左白菜仔，真係幾清，少少咸，合我胃口🤭…Read More

結業在即，黎到旺角即刻支持下店員都係年輕人，有禮貌，整個購物體驗非常好👍🏻因為天氣炎熱，買左一杯芒果鮮奶昔 (大) $28就咁望已經見到有唔少粒粒果肉，店員話上層係沙冰，裝得好滿對得起價錢不過飲落唔太似奶昔，而且甜到糖尿病，唔能夠一次過飲曬，都飲左2-3個鐘，如果有得揀甜度一定要微糖🤪果肉應該係罐頭肉，好似啫喱杯入面個啲水果，搞到成杯野都好似糖唔夠天然🙃連收據都係文宣希望日後可以改善一下東山再起約定你，煲底再見！…Read More

五一黃金週到處消費，係Openrice見到哩間食泰國菜嘅泰灜有得即日book位就決定食，點知去到即日book位係無紀錄係佢地嘅預約紙，所以都係即場紀錄再等位，大概等左半個鐘🥴出面餐牌嘅價錢係唔update，有部份食物已經加左價限聚令下2人可以坐4人枱😃龍眼冰 $28龍眼冰好清甜，有濃濃的龍眼味仲有龍眼肉食，應該真係用龍眼肉炮製而成，十分解渴😋泰式鮮蝦金柚沙律 $88哩個沙律同其他餐廳食過嘅金柚沙律唔同味，唔知係咪特別正宗，醬嘅味道幾特別，未食過唔識形容，同行朋友不太接受😶沙律有幾隻鮮蝦、好多金柚、有啲洋蔥同有啲腰果，主角金柚好甜，蝦都爽口成碟都幾豐盛，2個人食有啲太多椰汁芒果糯米飯 $68芒果唔算好甜但又唔酸，有芒果嘅香味，不錯糯米飯暖暖的，煙煙韌韌，椰汁份量適中，十分香口劈開椰青見海鮮 (紅咖哩) $128哩個名好搞笑所以就叫左佢🤣，係紅咖哩煮海鮮海鮮有蝦、青口、墨魚仔、小帶子等材料，感覺不是太新鮮，蝦唔夠爽口，不過不失剩下嘅紅咖哩係配上香脆嘅蒜蓉包食用，蒜蓉包嘅蒜蓉味十分濃郁，可惜紅咖哩味道偏淡，比蒜蓉包搶晒啲味，不過都好食嘅惹味蒜蓉包 $38符合商品說明條例，推薦👍🏻…Read More

係哩段艱辛的時期難得出街，梗係要消費下刺激黃色經濟💰💰行過見到哩間一芳舖面咁靚就知一定要幫襯🐷.松柏嶺青茶 (L) $20台式飲料本身就偏甜，所以去邊間台式飲品店都一定會少甜少冰一芳名物水果茶係台灣飲過，今次就叫杯大的松柏嶺青茶，因為好驚台式茶飲好甜，所以叫左半糖少冰，點知都係覺得偏甜，有時都唔係好明點解台灣人飲咁甜🙈雖然甜左些少又凍左些少，但茶底濃郁唔澀，止渴甘甜，如果係三分糖走冰會更好🤪…Read More

肺炎肆虐好耐無食日本野😢終於有得食高汁野店內的裝修幾復古，入到店聽到野豬大改造的主題曲，勁懷念😆舖頭提供左酒精搓手液、酒精紙抹手機同紙巾放口罩，非常貼心👍🏻二人特選刺身盛總共有7款刺生，分別有赤貝、帶子、赤身、劍魚腩、金鯛、甜蝦、油甘魚，每一款都好新鮮勁好食😍而且係時令刺生，可能每次去食都會有驚喜🤭厚切刺生😋明太子蟹肉醬焗蠔肉磨菇批 $98我本身就好鍾意食菇，食大粒菇簡直係高級享受🤤雖然名字係明太子蟹肉醬焗蠔肉磨菇批，但我只係食到明太子、磨菇同類似芝士醬的味道，不過都好好食，正👍🏻三目茶冷麵 $98舖頭好貼心比左2碗冷麵汁一人一碗share食麵質比較乾，入口不太順同埋只有芥末可以加入冷麵汁鰻魚牛油果加州卷 $98每舊卷物都好大件，好勉強先可以一口一件材料十足，抵食👍🏻卷物達到應有的水準蓮子鯛壽司 $36赤身壽司 $42壽司都係大大件，啱啱好可以一啖食晒蓮子鯛上面有薑蔥，因為我唔食薑，食左覺得好難受😣壽司飯有少少偏硬，食卷物的時候唔覺，食壽司時就比較明顯清酒煮鮮大蜆 $88一共有8隻大蜆，有一兩隻有少少沙，濃濃清酒味，好啱宵夜食🤪…Read More

一早出尖沙咀辦事，辦完事諗住去厚福街搵食，點知太早好多都未開門，咁岩101肉燥飯專門店開門就入去食飯😀第一個顧客，店內無咩人可以安心食飯🤣經過計算，套餐同散嗌差唔多價錢，所以就散嗌食大份啲小食鹽酥雞翼肉燥飯 $44肉燥的份量岩岩好，撈飯食剛好鹽酥雞翼外皮酥脆，比起台灣鹽酥雞味道屬偏淡整體唔算好食，不過不失台式檸檬綠茶 +$3唔知點解隻杯有舊白色野，見用飲管飲就無特別換正常的檸檬綠茶，唔會太甜同澀台灣鹽酥雞 $24調味十足，外皮香脆但肉太乾好難咬…Read More

知道Sodam Chicken即將結業，又做緊買一送一優惠，就趁住朋友生日去食一次🤭新年期間去食最低消費$150一人，加上有買一送一，好多人包括我都食剩野濃蒜炸雞 + 檸檬柚子炸雞炸雞係無骨的，啖啖肉可以唔洗用手食不過製作比較hea，只係炸雞上面分別加左蒜蓉同柚子蜜仲有2片檸檬味道上都唔差，2份炸雞4個人食都足夠有多千島加勒比海薄餅Menu有寫材料係火腿、粟米、蟹柳、水牛芝士賣相比想像中仲頹廢😅唔係買一送一真係好唔抵食餅底係薄批，十分之脆，好彩係薄批因為真係好飽😂紫菜薯條薯條條條都好脆，紫菜唔係好多，有無都無分別荔枝特飲中間有條雪條好搞笑，最後散左同飲品融合左，印象中杯荔枝特飲係普通的汽水…Read More

第一次食印度素菜，黎到哩間海外都有分店的Kailash Parbat店舖裝修幾靚，主要以彩色的廚具做裝飾全部員工都係外國人，所以要用英文落單好彩有中文菜單，因為睇英文都未必知道菜係咩黎枱上面放左一大一細的礦泉水，開左就會收費大礦泉水要$25，自己衡量飲唔飲🤔印度奶昔 $49芒果奶昔加入好多粒茴香，芒果奶昔部份不錯但不特別，茴香味道獨特，入口涼涼地，個人黎講唔鍾意茴香的味道，要專登隔返出黎粉紅秘魯 $49粉紅秘魯係特製辣番石榴無酒精雞尾酒賣相好靚，杯口有辣椒碎做裝飾，千祈唔好嘗試食啲辣椒碎，除非好食得辣有辣味的石榴汁幾特別，可以一試印度粘土烤磨菇串燒 $95一粒粒紅紅的磨菇，好濃烈的香料同蘑菇味，帶有少少辣，好食但偏貴2粒蘑菇合拼而成，中間有啲醬料(左) 馬薩拉芝士烤餅 $40芝士烤餅好鬆軟，口感軟綿綿，沾上咖喱好好食(右) 傳統印度素咖喱 $85如果唔係好食得辣可以叫少辣，入面有類似豆卜的炸豆腐，用黎配烤餅食係不錯的選擇餡餅 (印度芝士) $45無馬薩拉芝士烤餅咁好食，中間的印度芝士口感粗糙，而且油份較多，不太喜歡傳統酥油香米飯 $40份量都幾多，但一碗靚仔要$40就真係好貴佢地的米好特別，長長一條而且輕飄飄，入口都覺得好輕鬆，但就無咁軟熟香口…Read More

新一年同朋友聚一聚，黎到單車館入面的牧羊少年咖啡館位置較偏僻，亦都唔易搵到平日晚上唔會好多人，環境比較筍暗，可以享受一個寧靜的晚餐一人可以選擇精緻晚餐，有主食、甜品同飲品多人的話可以叫大吃四方，選擇都幾豐富蘋果玉桂茶 (餐飲)套茶具簡單得黎好靚，搞到我都想買返一套哩隻茶的味道都幾特別，好似將蘋果批變成茶咁開頭飲覺得怪怪地，飲飲下就覺得幾舒服😌是日特飲 - 蘋果蜜桃綠茶梳打 (餐飲)味道唔太特別，正正常常，夏天飲會爽好多磨菇汁澳洲牛肉漢堡配珍珠飯 - $108望落都幾頹廢牛肉漢堡扒的肉味好濃郁，但就有啲難咬成個飯都好正常，不過就好似茶餐廳飯，唔值哩個價錢厚切烤雞扒漢堡配薯條 - $108漢堡包比預期大個好多，而且包係黑色的，賣相好突出雞扒都好大塊，味道不錯，但就凍左少少蔬菜新鮮，成個漢堡都好好食，不足之處係唔夠熱至於薯條，每一條都係脆脆的，喜歡硬脆的人可以一試，同樣問題都係唔夠熱藍莓芝士餅芝士餅細細件，質素都唔錯，藍莓唔會搶左芝士的味道…Read More