fiveseason's Profile

高性價比 4.5小時台式火鍋放題記得好多年都冇嚟食過鍋霸，如果又唔想返內地消費，呢一間火鍋放題都係一個性價比之選！週成人午市198元，另加80元享海鮮套餐，如果就平日黎價錢就仲抵，咁嘅價錢食4.5個鐘，仲要任你叫任你飲，真係好有良心🤣餐廳位置好闊落，而且飲品區選擇好多，配料區都好乾淨企理，餐廳嘅侍應都好有禮貌！今次火鍋湯底揀咗醉雞湯，雞肉好嫩滑可惜就係冇咩醉雞味，湯底選擇都有成20個。食材款式都好多，今次叫咗Level 2美國prime grade 牛肩胛肉，肉質都唔錯，火鍋配料大概有起碼60款，加配的海鮮套餐包括有海蝦，花膠白鱔片，帆立貝等，品質都ok, 其中一個類似硯嘅細貝殼類好鮮甜，但海蝦就略嫌唔夠新鮮。肉類選擇豐富，肉類都好新鮮，有充分地解凍，顏色正常。另外，蝦滑手打墨魚丸，仲有好多唔同手打既丸類，呢啲都好好食。睇晒都知道我哋叫咗好多配料，選擇都真係好多，而且質素係唔錯！不過我哋胃口比較細，所以頭一兩個鐘食完之後都真係飽，好滿足！呢間餐廳真係價錢合理，餐廳嘅位置方便而且景色唔錯，食材又夠多，成班朋友一齊約埋食都好抵。…Read More

近排跟同朋友黎左荔枝角D2 Place的一間想食好耐既餐廳～銀座炎藏燒肉試下佢既午市套餐，一直都有聽講過呢一間嘅午餐好抵食，今次嚟到都係覺得有驚喜！這間來自日本的燒肉店，主打高質和牛烤肉，裝潢走高級日式路線，整體環境舒適寧靜，牛肉嘅質素都非常好，真係食得返喺日本食過嘅味道。今次我地點左了幾款人氣之選：和極致定食（$248）和牛上等肋肉定食（$198）日本產雞腿肉（$48）上等牛舌（$48）首先上場的和牛極致定食，肉質鮮嫩多汁，油花分佈均勻，入口即溶，肉香濃郁。而和牛上等肋肉定食的油脂比例恰到好處，配上醬汁，真係回味無窮。日本產雞腿肉外皮燒得金黃酥脆，肉質鮮嫩多汁，調味恰到好處。至於上等牛舌，厚度適中，口感富彈性，醃製入味，搭配蒜片更添風味。每款定食套餐均附送和風沙律及味噌湯，配菜新鮮，份量適中！整體而言，銀座炎藏燒肉的午市套餐性價比高，用料講究，而且價錢唔算貴，坐落都舒服，服務態度都好好，推薦！…Read More

袁記雲餃 由細到大我都超鍾意食餃子，仲要啲餡愈特別愈鍾意食。最近屋企都成日買袁記既新鮮餃子返屋企蒸熟嚟食，味道又唔錯，而且又抵食。今次第一次去門市食，嘗試左幾款招牌菜式，味道同款式都好有驚喜。香茜芹菜鮮肉餃加紅油乾拌 （$45@10）身為芫荽黨員，揀咗呢一個香茜芹菜鮮肉餃加紅油乾拌，餃子皮薄而韌，包裹著鮮嫩多汁的餡料。香茜和芹菜的清新香氣配上紅油的麻辣，層次豐富。招牌鮮蝦蟹籽雲吞配網紅混醬乾拌 （$65@10）招牌鮮蝦蟹籽雲吞配網紅混醬乾拌同樣出色，雲吞餡料用料實在，蝦肉彈牙爽口，蟹籽增添鮮味，配上特製混醬，鹹香惹味。醬骨架（$35）蒜汁西蘭花（$20）配菜方面，醬骨架是不少食客必點之選，肉質軟嫩，醬汁入味。蒜汁西蘭花爽脆可口，蒜香濃郁，是清爽解膩的好選擇。飲品更加係良心價，一杯豆漿一杯奶茶，講緊都係每一杯加$9。 如果下午茶嗌一個餃子仲要送凍飲！以餃子嚟講喺香港嚟講又要手工做，好食，又多款式仲要唔貴，袁記雲餃絕對值得一試。建議可以約2-3位朋友同行，這樣更能品嚐到不同款式的餃子。…Read More

成日行入荃灣海之戀都好想試下呢間Yadllie Plate，個環境黑黑地好有氣氛，夜晚嚟講都幾真係多客，想食就最好早啲book位！皇牌魚介湯鍋（$258）今次我哋叫咗佢哋嘅皇牌魚介湯鍋，湯底勁有魚味又鮮甜，而且我又超鍾意食韓國魚糕，加上有韓國豆腐仲有年糕係湯底再加好多配菜，絕對值回票價！芝士蟹籽蛋捲（$135）芝士蟹籽蛋捲賣相一流，外面鋪咗蕃茄醬，入面有滿滿嘅蟹籽，超正。香辣芝士八爪魚（$145）香辣芝士八爪魚係另一道必試嘅菜，睇住侍應喺度炒啲魷魚加啲芝士，真係流晒口水！唔會話好辣，八爪魚超新鮮好爽口彈牙！我哋今晚最鍾意嘅菜！香炸雞腎配雞腳（$98）香炸雞腎配雞腳啲雞腎炸得香脆，雞腳夠韌，完全停唔到口！半半炸雞（$218）半半炸雞我地叫咗大邱辣醬同黃金蒜香口味，雞肉多汁，皮脆肉嫩，兩種醬料都好開胃！大邱辣醬真係好辣，有種後勁，而且雞肉好嫩滑雞皮好脆！柚子蜜（$43）&香蕉沙冰（$73）飲品方面，柚子蜜清甜解膩，香蕉沙冰份量十足，有啲似韓國嘅香蕉牛奶味！雖然飲品價錢偏高，但整體性價比不錯，絕對值得一試，而且侍應都好熱情！…Read More

因為成日去開MCL睇戲，發現開左呢間新餐廳，主打日系台式料理，咁就一於試試～因為都平日差唔多夜晚9點先去，人就唔算多，餐牌選擇都好多～今次叫左足食之選（自選兩款主食）$68-招牌腐乳 #鹽酥雞- #鹽燒鯖魚-日式醬油蛋拌飯（日本無箘蛋使用）+$12-百香果梳打 +$22鹽酥雞嗰份量都足夠嘅，可惜雞肉炸得有少少乾；鯖魚方面就煎得啱啱好，入味嘅；醬油蛋拌飯睇都知道好食味，但個蛋唔算流心，拌埋醬油真係白飯小偷！百香果梳打都調得唔錯，唔會酸都唔會特別甜，凍凍地好爽！為食之選（主食2款+1款冷盤）$78- #忌廉蟹肉餅-古早味坑肉 +$8-日式胡麻豆腐-輕芝士岩鹽 #奶蓋綠茶 +$18#忌廉蟹肉餅 炸得好香脆，蟹餅唔會比忌廉味覆蓋；古早味坑肉應該就係滷水五花腩，滷得好入味，但係真係有少少高熱量；日式和麻豆腐份量好大，我個人好喜歡呢一款冷盤，凍凍地好開胃；岩鹽綠茶有超厚，超濃郁嘅奶蓋配上清淡嘅綠茶，奶蓋比較creamy，飯後甜品一流。餐廳其實都除咗飯之外有烏冬揀，如果唔想加錢嘅話其實都有白飯揀！另外如果覺得都係唔夠食嘅話，都會仲有另外一個選擇係可以嗌三個主食。餐廳仲有好多小食、甜品同飲品揀，無論一家大細黎定同朋友黎食飯都好多選擇～😍…Read More

家家戶戶近排好似轉涼，就想飲啲熱湯，食下辣野，今日就黎到韓國街既家家戶戶吃個晚飯。餐廳裝修雖然唔算好精緻，但黎晚客人都唔少，而且餐單有好多唔同選擇，主打係韓國家庭菜，賣相同份量都有保證，色香味俱全！LA 牛肋骨（$178）呢個價錢係跟餐既價格，如果唔係餐會平10蚊，餐有海帶湯，有啲冷盤小食仲有枝細細地既韓國版益多力多。一睇啲肉真係超多，而且肉烤得岩岩好，啲油脂出哂黎好軟熟！泡菜豬肉鍋（$109）由於呢個餐本身有泡菜湯，所以就冇左熱既海帶湯，呢個泡菜湯送飯一流，簡直係白飯小偷。（個人好鐘意韓國既湯配飯既料理）豬腩肉切到細細粒，好入味。味道其實唔辣，又岩岩煮起送上，冬天食真係好暖胃。兩個餐既份量都好多，味道也不錯！睇到一上菜啲烤牛肉多到嚇死人，最後都真係飽到食唔哂🤭…Read More

Uncle Pizza好耐冇放工去soho chill chill，今次就黎到呢間小小的pizza 店，雖然位置環境都算比較清靜，但客人就絕對唔少。餐廳名都咁直白，一睇就知食pizza出名😯 啲pizza名都超有趣，今次叫左～Uncle Kong （$158）8 inch雖然唔算大塊，但料好足，做法好傳統，兩個女仔其實岩岩好。pizza 都好多款揀，總有一款岩你，而且soho黎講，價錢都合理，而且好好味！Bucatini with crab meat & green asparagus, vegetable broth ($158)諗住呢度食pizza，就冇對意粉冇咩expectation，餐廳好好人幫我地轉左做linguine，上菜個陣賣相超吸引，蟹肉多到真係啖啖意粉都食到蟹肉，而且蝦肉都好嫩滑爽脆！…Read More

癡膠雞最近轉左工，開始發掘下灣仔既美食，今次就介紹下呢間養生藥膳米線！睇個名就知道呢度有花膠食，唔好以為會好貴，其實都係$70左右一碗，如果食厭左普通酸辣米線，呢度真係好岩黎食！招牌花膠雞米線（$68）湯底聞落好香藥膳味，食落甜甜哋，配埋蟲草花，雲耳同花膠，都知幾養生！返工受完一日氣，梗係要食返好西補補！椰子雞米線（$60）椰子湯底好清甜，配埋啲滑滑既雞肉，又多左啲肉湯味。如果唔鐘意藥膳味既朋友，可以食呢個椰子湯底～食完咁補既一餐，如果一定要彈就係個爐keep 住著，搞到湯底keep住好熱，但養生真係要食暖🤣所以呢間真係會得閒encore下！…Read More

Fab Kitchen一向都知道荔枝角都有好幾間工廈fine dine 餐廳，今次就黎試下一間之前未食過既Fab eat～今次就食左4個course，兩個人就大概食左$800左右，唔好睇佢份量細細，賣相又精緻，食完都真係好飽！Soup: 蘑菇湯蘑菇粒切都好碎，好易入口，而且好香，可惜落得太多水，味道較清淡。First course: -蕃茄水牛芝士熱情果醬沙律-紅菜頭配香草吞拿魚沙律上面個波波敲碎會有啲熱情果醬流出，好可愛，而且味道酸酸味味，不錯既配搭。吞拿魚味道都好夠，可能外不夠脆但內軟，配埋紅菜頭都幾夾。Second course墨魚蝦肉卷配香草橄欖油作為墨魚既愛好者，呢碟菜係我最愛之一，有著墨魚嘅煙靭，亦都有蝦嘅香味！Entrees-法煮風乾鴨胸-西班牙豬鞍配甜薯蓉鴨胸係餐廳自己風乾，食落你有返風味！外脆內軟右埋啲鴨油，食落軟熟，烤得岩岩好！豬鞍食落更加令我驚豔，食落第一啖一啲都唔似豬肉，燒得岩岩好熟左，唔好咬到牙痛，保持肉質軟熟，而且配埋甜薯蓉同醬汁清清爽爽。完左4個course仲會包杯野飲，餐廳環境都幾清靜，幾岩傾下偈，飲杯野，而且食物都好精緻，睇得出好用心！…Read More

串Grill🍢夏天想燒烤但又唔想無室外暴曬，今次黎左呢間自動串燒餐廳試下。呢啲鋪頭岩哂懶又想燒烤既大家，餐廳幫你串好哂啲野食，只要放上個烤爐就自動轉到熟，又可以解放雙手，又唔洗驚燒焦野食～呢到中午黎食一個人$238，如果過左3點就有個更平既價格，包埋放題野飲，除咗普通嘅汽水仲有好多樽裝涼茶飲！餐牌有海鮮、丸類、牛肉、雞肉、豬肉等等大概30款野食！個人覺得牛舌、牛肋肉、蜆肉、菠蘿都好好食，同埋燒烤一定要叫棉花糖！但食芝士腸要小心啲，如果太熟就會有機會爆啲汁，彈到自己！呢種燒烤真係為懶人而設，但係其實比起真火，呢種爐燒野食會熟得比較慢，但慢慢食其實都食好多野～餐廳老闆娘都超熱情，教埋我地點整！雖然香港都興左呢啲自動燒烤好耐，但如果想一路涼冷氣一路燒烤，真係一個唔錯既選擇～又唔會驚比油彈親，價錢又同出面燒烤差不多，都係一個不錯既選擇！…Read More

三本目雖然呢間餐廳就偏僻左少少，而且淨係做外賣生意，但出奇生意很好！鋪頭做平民價加上即落單，師傅即刻手工整，當然整出嚟嘅壽司飯都唔似啲連鎖店既味道咁死！特尚套餐拼盤（$208）（壽司20件+刺身拼盤）壽司包括左吞拿魚、油甘魚、#花之戀 壽司；而刺身都有#中拖羅 ，當然呢個價錢2人份量都唔會期待係omakase既質量，但以賣相黎講，中拖既樣同味道都好吸引！可能胃口好少少既朋友們會唔夠食，但鋪頭仲有好多選擇，#手卷 、#親子丼 ，刺身等等大部分都係$100以內！雖然係即叫即做，但由落單到拎到壽司，其實大概都係等左15分鐘左右！有機會都推薦住附近嘅朋友叫黎試下，好有心又抵食既小店！…Read More

賓墟餐廳假日起身第一餐就係下午茶，今次黎到呢間好抵食既茶記，點左好多野食～鐵板西冷牛扒 （$62）食扒唔洗$70真係偷笑，仲要大塊兼好厚肉，食落個位都好嫩！配埋薯條，唔洗驚唔飽！#炸雞髀（$38）雞髀真係同塊臉咁大，炸得好香脆，啖啖肉超滿足，雞肉亦冇因為炸過而冇哂汁！一口#西多士 配古力醬 （$34）下午茶必備之西多士，但一口係呃人的，邊個個口咁大可以一啖食左佢！雙層麵包炸埋一齊，中間配上花生醬，外面一層甜甜既朱古力醬，邪惡首選！泰式三寶湯河（$42）唔好睇佢個樣普普通通，佢啲河粉真係好好食，滑得黎薄身又唔淋，食完堆重口味煎炸野，配返個清清地既湯河真係不錯！芒果鳳仙特飲（$16）有點似楊枝甘露，好清爽既夏天飲品，解暑之選！…Read More

阿爺八鮮鍋平時比較食得多係牛肉放題，今次黎到旺角呢間專食海鮮放題既火鍋店，仲要價錢都係400蚊左右，平時咁鐘意海鮮既我，一定要食返夠本。佢地個放題係包2.5小時任食，會有個雞煲，海鮮龍蝦拼盤，燉湯，炸物/刺身！+$20就會有飲品放題！今次雞煲叫左泰式酸辣雞煲，雞煲份量唔算大，雞肉好嫩滑，而且超入味！酸酸辣辣既泰式汁加埋超開胃，冇諗過咁樣煮都好好食！海鮮拼盤有蝦、膏蟹、帶子、龍蝦同鮑魚，呢啲都超新鮮，鮑魚超肥厚，帶子又巨型！至於炸物係俾2位入座既，而刺身係比4位入座，燉湯係老火湯，飲落好清甜，唔係啲味精湯！重頭戲梗係講下有咩海鮮係任叫，其實種類相當多，蟹、鮑魚、蟶子、象拔蚌片、廣島蠔，仲有白鱔、龍躉肉等等都可唔可以任食！ 比起牛肉我會覺得呢到海鮮好食啲，牛肉都有幾款選擇，仲有啲蝦滑、手打丸類選擇！如果唔食得海鮮既朋友，其實都仲有好多野可以食！呢度啲海鮮都好大隻好厚肉，絕對會食到好飽好滿足！而且都新鮮！如果你係海鮮狂魔，好拆得，咁一定圍到本🤣我地兩個人最後食左$900左左右，海鮮任食既話算好抵，同埋如果可以5:00/或者9:00入座，價錢會再平啲！…Read More

泫 #居酒屋今次黎食呢間高質小店，裝修好雅致，都做緊一啲海膽既餐牌，今次叫左午市定食！每個定食都包個湯，沙律同茶碗蒸，包你食到飽哂～極上魚生丼（$188）呢個魚生丼有 #三文魚、#拖羅、#赤蝦、飛魚子同 #海膽，每一件都好新鮮，厚身又好肥美，海膽好清甜。飯都好乾身，粒粒分明，總體黎講真的很不錯！生姜豚肉丼（$84）一上菜我地就陣陣烤豬肉味，真係超香！肉量都好夠，而且配埋洋蔥一大啖咁食，真係超滿足。睇落簡簡單單的料理，都幾難得會令我咁記住呢間餐廳！茶碗蒸，湯品都很不錯，而且茶有得揀熱同凍，好貼心既居酒屋！以呢個價錢食到高質素既海鮮，而且餐廳位於地鐵站附近幾分鐘距離好方便，住係附近既朋友都可以去試下啊！…Read More

最近生存技能爆滿既男朋友話帶我見識下食omakase, 作為一個唔會拒絕好意既女朋友一定應承兼食盡佢。晚 17品 （$980 +10%）先付（3品）✨芝士魚糕、螢光魷魚及淮山麵唔好覺得佢睇落普普通通，魚糕好重魚味，螢光魷魚雖然睇落乾身，但食落去好香仲有汁！配埋清爽既淮山，酸酸甜甜好開胃！刺身（4品）✨ #伊左目師傅俾左我地睇呢條魚既身份證，教左我地每一塊唔同既食法，可以齋食，點小小藻鹽或者wasabi ，就係咁簡單既食法先食得出佢既味道！✨藍澳產龍蝦刺身配紫蘇花、蝦膏蝦膏係師傅突登調過味，第一塊龍蝦肉建議配少少青檸汁，第二塊肉配埋濃郁既蝦膏，好食到上天堂！✨北海道章魚話說一隻章魚腳都成米長，今次食左佢既吸盤同肉，師傅醃到酸酸地更加帶出佢既清甜！✨ 灸燒千葉 #金鯛又係兩條有身份證的魚，好清爽但又有啲肉感既魚，灸燒個皮少少，更加有外脆內軟既感覺！煮物✨煎三文魚下巴男朋友係個挑食既公主，平時特別討厭有骨既魚，今次佢連皮都想埋我個份，炸得好香脆又啲魚油又逼哂出黎，魚肉好滑，配啲酸酸既醬汁，唔會好膩！壽司6貫壽司用左女王米，大粒得黎有啲嚼勁，師傅手勢都很好！✨ #蜜柑鯛 ：呢款魚係由愛湖縣黎，三日熟成，因為佢地由細到大食既糧有柑皮，所以魚身食落有蜜柑味，味道好豐富，甜中帶少少甘！✨ #池魚 (donchichi)： 呢款有名既池魚意思係小朋友，油脂味超濃郁！✨青柳：係日本omakase先會見到既魚，香港比較罕見，比起北寄貝個類貝殼類明夠爽口又軟身，帶少少甘味，好有層次！✨大 #拖羅：實在太愛拖羅，雖然我一般比較愛中拖羅，但呢條本身有8.7kg（不計魚頭）既三重拖羅（真係有種係係豐州市場食既味，油膩得黎冇筋，真係人間享受！✨ 天使蝦 ：我不嬲就鐘意食生蝦多過熟蝦，但呢隻蝦簡直顛覆咗我對熟蝦既睇法，甘甘地蝦膏味，又有肉感！✨ 銀鱈魚：一個字- 肥～佢有種左口魚既油膩味，但有比較清新啲，食落真係估唔到係鱈魚！✨鹿兒島A4 和牛丼又有種係日本食和牛既感覺，配埋蛋黃漿，真係visual killer，係香港食到咁高質既真和牛，好感動！✨吸物（蔥花 豆腐 蛤蜊）就咁清清地，岩岩好洗走哂嘴裡面油膩豐富既味道，暖暖地好舒服！✨甜品：#綠茶 奶凍上面每一道菜都咁高質，老實講對甜品都冇要求，點知呢杯奶凍，筆起身個texture已經知不得了，食落去有好濃郁既綠茶味，仲有啲磨成綠茶粉粒粒既感覺！好想瘋狂encoreFree-flow ($188) ［sparkling, 清酒，梅酒］最開心係任飲酒～3種酒都好好飲，梅酒尤其正，味道好純好甜，完全唔覺自己飲緊酒！感謝老板帶我黎食呢餐，估唔到香港都有啲咁高質既omakase, 其實$1000多啲食到咁多款加環境有舒服，好有禮貌既師傅同員工，真心覺得抵既！會再返黎食😍✨…Read More