happy_tummy的个人专页

夏天天氣熱辣辣， 想去東南亞旅行又實在太熱。如果想食地道嘅馬來西亞菜式， 超級推薦呢一間《 蘇媽蘇媽 馬來西亞茶餐室》。餐廳位於旺角上海街， 鄰近旺角朗豪坊，行過去都只係幾分鐘。餐廳裝修走懷舊風， 地下的一磚一瓦都非常有風味。 而且舊式唐樓樓底相當高， 空間感十足。呢間馬來西亞餐廳嘅食品相當地道，風味十足。一坐低就梗係叫返杯《凍怡保白咖啡》， 所謂的白咖啡，就是在炒咖啡豆的時候加入砂糖，令咖啡豆充滿焦香，口味獨特。 由於用拉沖嘅方式去炮製一， 所以充滿著氣泡， 口感綿密細滑。呢一碗《 檳城阿參叻沙》， 最啱就係鍾意酸酸辣辣嘅朋友。 呢碗米線用料相當豐富， 有味道帶咸鮮嘅魚蓉， 爽脆嘅青瓜同洋蔥，另外加入了辣椒，同埋秘製醬汁，食起來味道酸辣過癮。另外餐廳的《馬拉沙嗲串燒》亦同樣好味， 六串的串燒可以選擇雞牛羊各兩串， 肉類醃味充足，帶點咖哩香氣。 燒起來火喉十足，那一碟沙爹醬更是畫龍點睛， 味道帶甜， 帶有花生粒。 呢間《蘇媽蘇媽》仲有好多特色嘅美食， 真係實黎足十次八次， 先至可以將自己想吃的全部試到。餐廳地點方便，裝修又有特色，最緊要食物好食， 係我心目中馬來西亞餐廳number one。…查看更多

上星期同仔仔去咗位於荃灣D park嘅【炑八烘焙工作坊】，為爸爸 親手製作了一個生日蛋糕。🎂之前曾經到個位於工作方旁邊的炑八燒烤用膳， 當時見到到一對對的親子跟著老師開開心心的整蛋糕， 便將呢一間烘焙工作坊放入我的to do list。今年爸爸生日，終於可讓我們大顯新手～這間工作坊的佈置相當整潔及光猛， 半開放式的佈局可以今等候的親友都能在外圍參與打打氣。店舖裏的工具亦相當齊備， 驟眼睇應該可以應付到四至六對親子同時參與。至於烘焙的選擇除咗蛋糕🍄🎂🍰🧁之外，同時亦有麵包🍞🥐，曲奇🫓🥨，pizza🍕等， 每一款造型都相當之可愛， 小朋友一定喜歡。今次我同仔仔就參加了蛋糕創意實現班（＄488）， 整個工作坊大約兩小時。導師會先和小朋友商討好蛋糕的造型和材料， 逐步和小朋友一同構思， 相當之有耐性， 而且亦非常專業， 例如會因應孩子相對年紀的能力， 提供適當的提議。蛋糕創意實現班，由蛋糕裏面至到外面的裝飾， 都可以讓小朋友自己話事。今次仔仔就選擇了海綿蛋糕， 及sprinkles 忌廉外層， 加埋草莓以及藍莓， 未製作已經令人十分期待。工作坊的衛生及清潔程度亦相當高，導師會要求各參加者做好事前準備， 好像洗手和穿上圍裙，務求做出專嘅形象。事不宜遲，開始整蛋糕了！由裏面的海綿蛋糕開始， 每個攪拌，加入材料的方法， 導師都解釋得相當細緻， 而且亦非常放手給小朋友和大人一同製作， 就算小朋友有時候蝦碌失手， 老師的態度都相當正向， 用心指導， 這一點真的非常之讚～在等候焗海綿蛋糕的時間，小朋友可以預備一下裝飾的材料，例如洗切水果， 假如還有時間的話， 小朋友更可以到旁邊的兒童遊戲室玩樂一下。海綿蛋糕焗好之後， 就係最期待的搽忌廉時間， 小朋友對忌廉的熱愛簡直是難以抗拒。在塗抹忌廉的過程中，可以訓練孩子的耐性，雖然並不完美， 但顯示出孩子的創意和能力。最後就是加上小孩最愛的士多啤梨🍓和藍莓🫐， 製成品的賣相雖然並不是滿分，但每一步都能夠按孩子的諗法慢慢實現出來，滿有成功感， 而且送給爸爸的時候，孩子亦相當自豪。相信這些溫馨的家庭體驗是千金難買的🥰。最重要的是這個蛋糕真是非常好吃呢， 海綿蛋糕入口鬆化，蛋味相當香濃，忌廉綿滑， 水果新鮮， 而且份量足夠六個人一同分享呢～…查看更多

夏日炎炎，最啱就係去西貢享受下盛夏陽光。位於西貢市嘅呢間WM Hotel，以渡假為主， 鄰近西貢市中心， 附近嘅海灘亦非常 適合玩海上活動。酒店亦都有多間唔同嘅餐廳， 上星期就同咗屋企人， 一家大小，M Square， 享受一下假日天倫樂。呢一間餐廳係一間親子friendly嘅西餐廳， 裏面有多款適合兒童遊玩嘅遊樂設施。至於大人方面，餐廳有酒吧以及運動直播嘅大電視， 啱曬食完飯之後飲返杯， 睇下波、傾下偈。呢度有多款唔同嘅啤酒同酒精飲品， 最啱就係同朋友一齊睇波睇奧運。呢一款香港製造嘅【門神】《玉皇大帝IPA》 發出陣陣柑橘果香，啤酒色澤呈小麥色， 入口甘香醇厚， 帶有啤酒花香氣， 泡沫亦相當豐富。由於要配襯啤酒， 所以點選了一客《wild wings》炸雞翼。 雞翼炸得非常金黄香脆，配有兩款特別嘅醬汁， 分別是橙色的蜜糖是拉差以及白色的青瓜酸忌廉醬， 是拉差醬帶少少辣味， 十分之開胃。而青瓜酸忌廉醬， 酸酸美味，為炎炎的夏日打開食慾。另外呢度嘅意粉亦相當之出色，《Pancetta Carbonara》 意大利其中一款最經典的意粉菜式， 先講下意大利粉嘅口感， 非常彈牙爽口， 但同時亦做到掛汁嘅效果。意大利嘅煙肉相當之香口，油香十足， 加上濃郁嘅芝士和蛋黃， 令到汁醬非常之濃稠， 非常之惹味。另外呢度嘅甜品相當之吸引《 Banoffee Creme Brulee pancake》 空氣感十足嘅厚pancake， 食落非常之輕形， 上面舖滿咗甜度剛剛好的Vanilla吉士醬， 上面有一層脆脆嘅焦糖， 旁邊配襯嘅香蕉淋上咗拖肥醬， 整體配合得相當和諧。另外亦都叫咗一杯邪惡感十足嘅《Honeycomb Caramel milkshakes 》， 小朋友愛不釋手， 上面嘅honeycomb口感脆卜卜， 甜得嚟又唔會確喉，為炎炎嘅夏日帶來大大嘅滿足感。最後亦叫咗一杯《Mojito 》， 在炎熱嘅夏日， 飲一杯清涼可口嘅cocktail， 非常之冰涼醒神。呢間WM酒店不愧為渡假酒店首選， 望住藍藍嘅天空同大海，出一身汗，享受一下夏日嘅感覺， 最嘆返一餐正到爆嘅午餐， 咁先係享受。…查看更多

想到銅鑼灣找一間高質素而且價錢大眾化的意大利餐廳， 我就會想起位於L Square的 《Mano》。這家餐廳主打手製意大利麵， 晚市的時候坐滿客人， 不想等位的話可能要七點之前到來。先點了一個手製pasta《 香煎北海道帶子三文魚子龍蝦汁扁意大利麵》。 北海道帶子鮮甜，煎得剛剛好， 外面金黃色，裏面帶點溏心。而扁意大利麵充滿濃濃的蛋香，口感軟滑，非常之能夠掛汁，將每一滴龍蝦汁都帶入口中。而另一道主菜《 意式脆皮燒豬腩卷配辣肉腸蘭度豆》亦相當出色。 脆豬腩卷不枉其名， 外層的脆皮烤焗得相當之香脆， 咬落脆卜卜， 而且豬腩卷油香十足， 肉味相當濃郁。油脂和豬肉層層相隔， 經過高溫烤焗逼出油份， 吃起來十分香口，但又不覺得油膩。主菜配以新鮮的沙律菜， 翠綠的火箭菜加上車厘茄，夠清新。脆腩卷下面的蘭度豆帶點蜜味，口感軟糯， 將豬腩卷畫龍點睛。另外亦點了一道配菜《 忌廉牛油蒜香雜菌》， 雜菌的味道香濃， 用牛油和蒜蓉炒香， 再加入香滑的忌廉汁， 味道非常惹味。 旁邊還配襯了幾片意大利麵包， 口感鬆軟， 夾埋食一絕。最後點了一份甜品《 意大利奶凍》， 奶味突出，上面鋪著一層傾盆子醬， 甜甜酸酸，果香十足。奶的甜味中和了果醬的果酸，帶點消滯，在吃過豐盛的晚餐後， 再吃甜品亦是輕而易舉。餐廳整體的食物誠意十足，而且價錢相當之公道， 地點亦非常方便，想吃意大利餐的朋友， 不發考慮一下。…查看更多

這家位於中環蘭桂坊的酒吧餐廳《芝加哥串燒酒吧》，地點就在蘭桂坊的正中心。 沿著蘭桂坊德記立街上斜行， 見到榮華里轉右， 就能見到《chicago》這個大招牌。餐廳除了是酒吧外，還提供了各款串燒美食。餐廳氣氛濃厚，有室內和戶外座位， 燈光加上節拍強勁的音樂， 很容易就令人陶醉在放鬆的世界裏面。酒吧有多款不同種類的酒款供客人選擇， 夏日炎炎最好就係飲返杯麒麟啤frozen beer。 呢個冰凍嘅frozen beer，有齊沙冰嘅口感，飲落非常夠氣。另外亦都有超好飲的mocktail，這一杯Tuesday，賣相超靚，打卡一流。 上面的氣泡爆開，就好似魔法一樣， 喝起來充滿熱帶果香。這裏亦提供要過百款特色串燒， 包羅萬有，令人目不暇給。 海鮮 種類繁多，有海鮮， 豬，牛，雞， 蔬菜類等等， 保證找到你所想吃的美食。先來介紹這個《招牌雞皮墨魚滑卷》， 外層的雞皮燒得非常之香口， 而且一點都不油膩。 裏面的墨魚滑相當之彈牙， 配合香脆的雞皮， 外面揸上了一層蜜糖，相當之惹味。另外必點之選就是《黑松露烤蝦多士》， 蝦多士是香港特色的小吃，在彈牙的蝦膠上，撒上了芝麻再去烤焗，金黃香脆， 加上黑松露香氣，令人回味。《 明太子玉子燒》出品絕對不比日本居酒屋遜色，有蛋味， 加上咸香的明太子，佐酒一流。《 自家製和牛棒》揸上美味的日本醬汁， 吃的時候沾上日本生雞蛋蛋漿， 增添滑溜口感，而且牛味香濃。《 味噌甲羅燒》蟹膏的鹹香，香氣撲鼻， 用來搽麵包或者佐酒一流。《 芝士松葉蟹棒》 裏面有大大條的蟹棒， 味道甜美， 加上火灸的芝士， 融化之後和蟹棒融合。《牛油果豚肉燒》 軟滑的牛油果令豚肉增加了香滑的感覺， 牛油果口感細滑， 豚肉的肉味濃厚。除此之外亦有多款的串燒蔬菜《燒秋葵》《燒韭菜》《 燒粟米》， 每款蔬菜啲調味都剛剛好，不會去太鹹，配襯各款肉類美食， 適合不過。要到中環蘭桂坊找好好吃的酒吧， 非常推薦這間芝加哥《Chicago 》。…查看更多

天氣依家清清涼涼， 最適合就是到戶外玩下。上星期就和家人到科學園踏單車。 科學園雖然地點有點隔涉，但是泊車方便，同時亦是踩單車中途的加油站。今次我們就選擇了一間中菜館飲茶來「加加油」。這間【八方棧】 位於科學園「金蛋」對出的海濱位置。 近設有室內和戶外座位，對於踏單車中途加油的客人來說，真是超級方便。而且靠近海邊， 因能坐享美景。在午市時分有多款點心選擇，每款的賣相都相當精緻。「 蟹籽蝦多士」 是一款新派的點心，蝦多士具有香港特色，手打蝦滑彈牙， 底層的麵包炸得甘香，不油也不膩，非常香口。再沾點一些甜酸汁，開胃醒神。「 黑毛豬叉燒滑腸粉」腸粉皮薄餡靚，外皮晶瑩剔透。用上高級的黑毛豬，肉質嫩滑，加上秘製甜豉油，大人細路都鍾意。「 京滬千秋小籠包」 薄薄的外皮包裹著湯汁肉餡， 新鮮出爐，千萬不要一口吃下。 肉汁豐富，餡料香濃，令人意想不到的驚喜。「 川味口水雞」 雞肉肉質嫰滑， 另外上面的口水雞醬汁帶有麻、辣、香，辣度適中，帶點刺激， 又能食出雞味。「 牛油果鰻魚春卷」 是一款fusion點心， 在傳統的炸春卷上，在餡料中加入了的牛油果，另外亦加入了日式鰻魚，餡料彈牙，牛油果creamy， 上面的鰻魚帶點甜美， 在平凡的春卷加上驚喜。「 瑤柱鮮蝦菜苗餃」 外皮煙煙韌韌， 裏面的餡料足， 菜苗非常鮮甜， 而且蝦肉 餡料亦混合了瑤柱， 吃起來更加鮮味。「 傳統鮑汁鮮竹卷」 即叫即蒸，外層的腐皮有豆香，裏面是豬肉餡， 加上秘製的鮑汁， 吃起來相當掛汁， 很好吃。「 北菇滑雞煲仔飯」 最後來一個非常飽肚的北菇滑雞煲仔飯。 煲仔飯的品質亦相當不錯， 煲底有飯焦， 非常香脆。 白飯粒粒分明， 雞件夠嫩滑， 在午市人多的時候可以保存到這個品質亦相當不錯。總括而言， 論環境和食物質素都相當好。 尤其適合一家大細來踏單車或到戶外逛一下， 下次找機會試一試這裏的晚市。…查看更多

喺尖沙咀厚福街街尾開咗間《真。章魚無雙》章魚小丸子可謂大人細路至愛呢間舖頭即點即整， 熱辣辣，脆卜卜仲有齊14款口味畀你揀，花多眼亂今次試咗個雙拼【 大阪風章魚燒 x 蟹膏章魚燒】拼加兩蚊即叫即整，點完之後大約等十分鐘熱辣辣嘅章魚燒終於送上粒粒脹卜卜 大大粒 好足料Number 1.0大阪風 淋上滿滿的大阪燒醬汁上面有滿滿的海苔粉加上沙律醬， 甜甜酸酸，係小朋友嘅至愛而蟹膏章魚燒 味道絕對遠超外形帶有鹹香 非常鮮味每粒小丸子裏面都有大大粒的章魚粒好食到舐舐脷…查看更多

尖沙咀的餐廳美食好多，而且臨近聖誕， 最好就是欣賞燈飾過後去醫肚。上星期就同屋企人去了i square國際廣場吃晚飯， 屋企人訂了位於6樓的【潮藝館】。這是一家新派而且高級的潮州菜館，由餐廳裝修設計，以至食物的擺盤都有講究。坐下不久，侍應生就遞上了一碟餐前小食《鹹酸菜》。 這𨋢小小的鹹酸菜能夠增加食慾，將大芥菜用糖醋水醃製，食起來脆口爽身，帶點微酸， 鹹甜度適中， 非常開胃。再來一個餐前小點 《蕃茄沙律》， 驟眼看以為是平平無奇的車厘茄， 吃過了之後才發現內藏了特製的沙律醬汁， 小蕃茄多汁甜味， 蕃茄味豐富， 是一道健康又美味的前菜小吃。《酒香醉鮑魚》 用了花雕酒來烹調， 新鮮鮑魚肉質嫩滑而且彈牙， 配合了陳年酒香， 調味比例恰當， 既品嚐到到花雕香氣， 同時亦常到鮑魚的鮮甜味，是一道令人想當滿意的前菜。《普寧炸豆腐》 是一道相當經典的潮州菜式。 普寧豆腐出名豆味香濃，質感嫩滑， 簡簡單單點一下鹽水襯托， 已經相當好吃。《川椒雞》 雖然並不是潮州系列菜式， 雞件口感柔軟， 調味滲出淡淡的花椒香氣， 配合炸過的茶葉， 兩者併起來相當匹配。另外這個《胡椒豬肚燉湯》，湯頭清澈，能喝出胡椒的香氣， 不太辛辣，卻有暖胃暖身的感覺。豬肚的處理手法煩覆， 在喝湯之餘記緊要品嚐豬肚啊。最後的 《淡菜鵝肝炒飯》，淡菜其實是貝類海鮮，是一款細小的青口，味道帶有點鹹香，滲出海水的天然鹹味。至於鵝肝味道帶有回甘，炒飯粒粒分明，略帶蛋香。在尖沙咀看過燈飾、逛完街後，和家人享受一頓豐富的晚宴確實感覺很妙。…查看更多

銅鑼灣利舞臺一向都有多間食肆，要突圍而出， 就必定要在裝修環境，食物質素以及gimmick 取勝。這一家位於【利舞臺廣場21樓】的 【香江花月】是一間主打高級精緻火鍋的餐廳， 裝修高貴而且帶有格調， 用了鮮明的橙啡色，感覺更加年輕。餐廳內的小舞台更擺放了一台大摩托，氣派非凡。食物無論賣相抑或質素都相當高， 所有的擺盤都非常之精美，嚴如進入了花花世界。先講一講火鍋湯底， 選擇相當多， 令人目不暇給。 今次選擇了一個既滋潤，亦老少咸宜的《木瓜鮮魚鍋》。鮮魚經過走油香煎，令湯頭煲起來奶白色。淆好魚湯之後，侍應生會將魚肉分拆，讓食客品嚐魚肉。 木瓜魚湯非常鮮甜，而且滋潤有營養，令新鮮簡單的火鍋食材帶出本身的鮮味。必食推介《太極兩儀》，分別是花雕手切肥牛， 和牛奶黑松露伊比利亞黑豚肉。 兩者都甚有驚喜。手切肥牛加入了陳年花雕酒，酒味香濃、香氣十足。 而且肥瘦均勻，佈滿雪花，人口即溶。伊比利亞黑豚肉加入了牛奶醃製， 令肉質食起來更嫩滑。而且加入了黑松露醬，寫來更加美味。《七彩餃子》賣相精美，藍色餃子皮用了蝶豆花， 裏面是木耳椰菜餃， 口感爽脆。黑色餃子皮相信加入了墨魚汁， 是黑松露豬肉餃。 另外還有綠色菠菜餃， 每款餃子味道都各有特色， 和朋友各自選取喜愛的顏色餃子試味，驚喜十足。另外還有《七色丸》 黃金蝦丸、芋頭丸、 薑蔥丸、蟹膏蟹子蝦丸、蝦醬丸…… 等著你的味蕾來挑戰， 做一個blind tasting。《火鍋點心拼盤》 將平時飲茶食到的港式點心： 奶黃包 、 蝦餃 等當作火鍋配料， 每款賣相都相當精緻， 有小白兔、小南瓜、金元寶， 相當可愛。《即炸魚皮》熱辣辣脆卜卜， 輕輕灼一灼2秒，雙重口感。《花花綠綠》就是蔬菜蔬果籃， 裏面有齊各款不同種類的蔬果， 放得正正齊齊，就如花園裏的盆栽一樣。有南瓜、黃芽白、車厘茄 、油麥菜、粟米芯、 白菜等。呢度亦提供了酒吧的服務 ， 每款cocktail或者mocktail的賣相都超級美。《琥珀誘惑》 用了不同的果汁作基調， 加入到用水果汁製成的玫瑰冰塊， 飲落酸酸甜甜，帶有清新的果香。全間餐廳都以花花世界為主題， 坐得舒服，同樣打卡一流， 是朋友聚會的好選擇。…查看更多

有時喺尖沙咀想找一間可以坐得舒服，慢慢傾下偈的餐廳的確有點難度。上星期和朋友即興晚飯見面，朋友提議到一間新開而且坐得舒服的日本串燒居酒屋， 我當然立刻應承啦。呢一間《狐狸食堂》 位於佐敦同尖沙咀嘅交界，沿住尖沙咀金巴利道行入去， 再到達盡頭就能夠搵到。呢間居酒屋嘅價格非常之大眾化，有唔同種類嘅串燒同熱食。仲有各款啤酒同清酒。餐廳最推介嘅就係《四款口味的免治雞肉棒串燒》， 有齊4款口味： 明太子、 檸檬鹽、芝士、醬燒， 各有風味。 【檸檬鹽口味】帶點檸檬清香， 非常清新。【芝士口味】經過火炙的芝士非常之香口，和免治雞肉串非常匹配。【明太子口味】帶點鹹香、微辣，加上青蔥，味道最濃郁，送啤酒最適合。另外我最鍾意嘅就係【醬燒味雞肉棒】，日式醬油帶點微甜，混入生蛋黃之後，用作沾點免治雞肉棒，令到口感更加滑溜juicy。【山葵醬燒雞柳】 用上嫩滑的雞柳， 食落冇渣，上邊擦上wasabi 山葵醬， 帶一點點攻鼻感覺，刺激。【炸雞軟骨餃子】 口感爽脆， 食到粒粒的雞軟骨， 非常過癮。【燒墨魚咀串燒】，墨魚咀煙韌得來亦帶一點軟骨， 食落除咗有QQ煙韌的口感， 亦非常有嚼頭。不得不介紹【山椒燒牛柳串】， 牛柳嫰滑多汁， 輕輕加上海鹽和青蔥作調味，再隨多人口味沾上一些即磨的山椒碎， 十分之香口。【炸牛肉可樂餅】， 其實是薯蓉混合了免治牛肉碎， 再沾上麵包糠脆炸而成的炸物， 非常香口， 用作主食最適合不過。雖然這一間居酒屋面積唔算大， 不過所有食物都是即點即制， 和幾個朋友放工飲返杯， 仲可以叫串燒佐酒， 的確不錯。…查看更多

講到巴西燒烤，除了想到兒時的童年回憶，一串串燒肉的自助餐，有人唱歌伴奏之外，另外必定會想到食肉獸呢個terms，哈哈～之前曾經到蘭桂坊吃過一頓豐盛的巴西燒烤《Braza Churrascaria Brazilian Steakhouse 》， 裏面無論係環境、氣氛、定係食物質素都同樣高質。餐廳源用了半自助餐形式，前菜、餐湯、甜品以自取形式，喜歡吃邊樣， 自由選擇。另外主菜：各式烤肉就會源源不斷咁為你呈上。先講下呢度嘅前菜， 有各款的沙律、 cold cut、 parma ham、海鮮以及芝士提供。單以沙律的醃菜， 就有十多款選擇。另外最喜歡的就是這裏提供了各種不同種類、色彩繽紛，而且味道各有不同的有機沙律菜。在食肉之餘， 亦能夠中和一下油膩感。Coleslaw 椰菜絲沙律， 口感相當之清爽， 椰菜和蘿蔔絲爽脆， 味道略帶微酸，最能夠解膩。炭燒南瓜、粟米芯和小紅蘿蔔，味道清甜，而且帶有炭烤香氣， 作為澱粉質， 配合各款烤肉， 非常合襯。海鮮類前菜方面，就有蒜蓉凍青口以及煙燻吞拿魚，青口肉厚肥味， 非常鮮甜，另外配上蒜蓉醬汁， 吃起來非常惹味。再講下重頭菜：【巴西燒肉】。款式方面有齊牛、豬、雞、羊、海鮮、蔬果。 每晚都必定有18款的種類給客選擇。先講下最受歡迎的牛類， 有rump steak、西冷、rib eye肉眼等。每次遞上都必定是剛剛燒好，熱辣辣。大大舊的牛肉外層燒得帶有炭香，裏面相當粉嫩，屬於medium的熟度， 非常之juicy多汁。當然不喜歡吃太生的朋友亦可以要求吃較外層的位置， 除咗更加肥美， 油香更多之外，炭烤後的氣息更重。每款牛肉無論質感、牛香、脂香都各有不同， 最啱就係配襯紅酒慢慢品嚐。豬肉方面選用了非常高質素的dingley dell pork，肉質一定有保証。有肥瘦均秤的五花腩、西班牙豬肉腸、 同埋bbq ribs，肉味十足，大火逼出油份， 卻保留了非常豐富的油脂香氣， 真是令人食過返尋味， 就算是飽，亦難以抗拒。燒雞方面就有各款口味的雞槌、雞翼及雞胸。而羊肉方面， 就選用了上盛的澳洲羊肉， 夠曬羊騷味。最後當然是來一客清甜的燒菠蘿， 一解油膩感。餐廳亦提供了多款cocktail以及酒類， 鸚鵡杯這杯是KoKo Mojo， 帶有Mojito 的薄荷氣息，同時加入了椰奶， 清甜易入口。到了晚市七點，更是座無虛席，現場都有不少外國客人， 氣氛相當不錯。…查看更多

到火鍋放題， 竟然喺銅鑼灣鵝頸橋隔離搵到一間非常之抵食嘅日式火鍋店。夜間餐廳【牛之鍋】 喺正鵝頸橋隔離， 喺銅鑼灣想搵間超值之選就最啱。餐廳提供在三款cp值超高的火鍋套餐， 價錢都係二百零蚊左右，根據牛肉嘅級數而價格不同。 最高級嘅C餐有澳洲m5和牛， 雪花牛小排，以及澳洲手切牛。 另外仲有得升級埋個款刺身添。今次就選擇咗最豐盛嘅C餐。在點選煮火鍋配料之前，就先選擇湯底。火鍋湯底有十個選擇， 採用一人一鍋，有辣有唔辣，有惹味，有清淡。 今次選擇所日本壽喜燒同埋重慶麻辣湯底。除咗頭先所講嘅肉類之外，呢度仲有一個大雪櫃比客人揀一啲蔬菜、菇菌類、豆類，麵食等材料。因於食幾多，夾幾多，所以就住個人喜好， 為自己準備一個小小的蔬菜籃。個人就揀咗蟲草花、海鮮菇、萵筍、 雲耳、芋絲、同寛粉。未食之前講下呢度嘅刺身， 都有好幾款選擇， 帶子size雖然不大但鮮甜， 油甘魚肥美。另外都要介紹下呢三款牛， 我最鍾意雪花牛小排，油脂分佈平均， 薄薄一片，淥一淥就食得，入口即溶， 口感軟熟。另一款澳洲手切牛肉， 牛味比較濃郁，肉質比較結實， 食落同薄切雪花牛小排感覺截然不同。澳洲m5和牛， 肥瘦平均， 雪花均稱， 三款的牛類都點了數次， 簡直是值回票價。除此之外， 亦有一些小食可以點選， 蟹柳青瓜沙律、 麻油海蜇素魚翅， 全部一口size， 多幾款味都唔會太飽，正。特別推介下呢度嘅海蝦同蜆， 估唔到都幾新鮮，蝦肉夠爽彈。 蜆亦冇沙兼肉質肥美。另外推介嘅就係煙煙靭靭的寛粉，寬粉口感非常之q彈，咬落好有口感。最後當然係甜品， 由於太飽關係， 所以就選擇咗當中嘅幾樣黎過口癮， 榴槤炸彈， 外面脆卜卜， 一咬落去， 即刻傳出榴槤的香， 流心嘅榴槤蓉傾瀉出來，大滿足。另外嘅焦糖布甸， 雙層嘅薄薄焦糖脆卜卜， 布甸口感creamy。另外最特別嘅就係有細細窩嘅朱古力火鍋，配上棉花糖同水果， 實屬小朋友至愛。最後亦設有一大個飲品櫃， 裏面有泡茶，仲有啤酒， 咁抵嘅價錢可以任飲任食， 難怪喺晚市坐滿人。…查看更多

屯門區一直都有隱世的食店， 很久之前曾經光顧位於置樂的的《秋香》， 被它特色的裝橫，熱辣辣的煲仔飯，和酒吧格調的飲品所吸引。今次來到屯門黃金海岸酒店staycation， 知道《秋香》在黃金海岸商場開了第二分店， 當然要走來支持一下。餐廳的裝修跟置樂分店同出一轍，都是以舊木傢俬為主，配合綠色的瓷磚， 加上一點點的綠色植物，彷如進入一個祕境，整體感覺相當和諧和配合。我哋吃的時段正位於週末的中午，亦設有午市餐牌， 除咗主食之外，每一個餐都包含了味噌湯以及前菜。【前菜三小點】 包括咗醬油漬鵪鶉蛋，醃黃芽白，同埋韓式泡菜。主菜方面，其中一款點咗小朋友最啱食的【鮭魚忌廉海鮮炒烏冬】， 烏冬有鹹鹹香的三文魚蓉， 加上各款配菜例如洋蔥， 食起來十分香口，亦添加了一些爽脆口感。另外叫了一個餐廳最出名的【秋香鹽燒白鱔煲仔飯】， 煲仔飯的白鱔肉厚肥美， 而且食出白鱔新鮮，肉的質感彈牙，而且處理過， 燒到金香之後才放入煲仔飯裏面， 外皮香脆。而且上面加入咗一隻蛋王， 食嘅時候撈埋啲飯， 口感更加細滑。最後點了【一人前串燒盛】，有齊雞牛豬，車厘茄，菇和菠蘿，有少少炭香，配埋珍珠白飯，味道唔錯。飲品方面，呢度嘅飲品賣相非常之靚， 呢杯【 自家製桂花雪梨蜜】， 清甜滋潤， 滲出陣陣桂花的幽香， 自製雪梨蜜有粒粒口感， 夠曬滋潤。另一杯【黎明來到】，別具意義。 好像晨曦一樣，令人帶有絲絲希望。 帶有柑橘味香味，酸酸甜甜，很開胃。食飽飽之後就繼續我們下一part的行程， 酒店staycation， 簡直係大滿足。…查看更多

前陣子姨媽、姑姐親戚由加拿大返港到訪， 選擇咗位於沙田的麗豪酒店入住。晚飯時候就約埋一家，book咗酒店3樓餐廳《L’Eau 濠餐廳》食自助餐， 估唔到好鬼抵食。大人一口價$298， 已經包埋加一我， 食物嘅種類相當豐富。 而且坐得唔迫， 實屬消閒、傾計嘅好地方。首先講下啲頭盤， 有各種嘅cold cut， 包括煙三文魚，火腿以及沙拿美腸。另外亦有數款刺身， 雖然選擇唔算多， 但都有基本嘅三文魚、甜蝦、 章紅魚同希靈魚。以咁抵嘅價錢真係非常超值。沙律方面選擇亦好多， 最欣賞這個泰式柚子沙律， 味道酸酸甜甜， 而且帶點辣度， 非常開胃。另外講下呢度嘅熱盤， 有即席製作嘅藥膳雞絲米粉，按個人份量細細碗都得， 藥膳湯底甘甜，帶有藥材香，夠補身。喺池伴旁邊仲有一個泰式corner， 裏面有各種串燒，除咗有燒肉、羊架、燒香腸等等之外，仲有翠玉瓜同菠蘿等蔬菜，增添美味之餘， 同時亦食得更加健康。另外亦都有啲較為貴嘅食物包括芝士焗龍蝦， 雖然size細細，但仍然食出啖啖肉。最後呢度我覺得較為出色嘅係甜品， 食食下無端端聽到鈴聲， 原來係火山蛋糕出場， 大廚會在食客面前淋上酒再點火，打卡後再取。已經有多年未食過這款經典的火山蛋糕， 裏面有一層雪糕，一凍一熱嘅口感非常特別，勾返起童年回憶。另外呢度有多款賣相精緻嘅蛋糕，仲有燕窩燉蛋等等。 每一款甜度適中， 每一款試少少已經相當滿足。最後一定唔少得嘅一定係Movenpick雪糕counter，攞完雪糕之後仲可以隨意放上各款裝飾， 啱曬小朋友。一家人輕輕鬆鬆咁就到渡咗三小時， 各人都非常滿足， 除咗係食到飽飽之外， 最重要係可以見到多年冇見的親友， 大家講講近況， 互相慰藉，此刻無價。…查看更多

位於荃灣愉景新城嘅呢一間親子餐廳【炑八韓烤親子餐廳】， 於親子friendly嘅 D Park裏面，正正就喺地下誠品書店嘅隔離， 一家人行完街、玩完、 再食飯， 一站式非常之方便。講返呢間餐廳，新開張冇耐， 裏面主打韓食， 既有韓燒， 同時亦有各款嘅兒童餐， 啱曬大人同小朋友。餐廳重設有烘焙室， 平時定時都會舉辦的啲烘焙課程。另外最重要嘅就當係有playroom啦～Playroom嘅設計非常之光猛，而且亦由於新開， 玩具同埋擺設都非常之新淨。裏面最吸引嘅就當然係波波池啦，每個小朋友都玩到樂而忘返。玩具有男孩最愛嘅車仔、火車， 仲有超級市場同煮飯仔，亦有兩歲以下啱玩嘅玩具。返呢度嘅食物， 叫得做親子餐廳，當然要顧及全部小朋友啦，上次同朋友帶埋bb嚟食， 竟然有埋bb糊仔餐， 雞肉、三文魚、西蘭花、 南瓜、粥仔，營養超級均衡， 就算帶埋小bb出街都可以有餐食， 真心方便。另外當然有小朋友嘅食物啦， 呢度嘅兒童餐賣相非常吸引， 而且營養都幾均衡。《韓國公主蛋包飯城堡 》 上面係滑溜嘅炒蛋， 裏面就係茄汁炒飯， 加埋四邊嘅蔬菜粒， 味道雖然簡簡單單， 但小朋友非常之鐘意。另外亦叫咗一份甜品畀小朋友《水果迷你班戟》， 班戟就好似finger food咁細細粒，配襯咗藍莓、士多啤梨、青提子等等嘅水果， 色澤繽紛，水果新鮮， 食飽飯後，黎一個健康嘅甜品就最適合不過。講返大人嘅食物，韓烤點了一份《頂級霜降牛小排》， 牛小扒雪花均勻，肥瘦平均， 慢慢烤至粉紅色，再在上面加上rosemary香料， 香味簡直爆燈。另外亦可以選擇韓式嘅食法， 加入泡菜蒜頭等， 酸酸辣辣非常醒胃。另外不得不介紹這一份《韓國鰻魚》，這條鰻魚來自韓國釜山，魚油十足， 肉質相當之彈牙。先將外皮燒到金黃色，再剪開慢烤，令到四邊都金黃香脆，食之前點上一些鰻魚汁， 味道層次超級豐富。最後點咗《芝士炸雞》， 炸雞用咗鐵板來盛載， 下面放有香濃嘅芝士，金黃嘅芝士配上嫩滑多汁嘅炸雞， 食起嚟熱辣辣， 無論係大人抑或小朋友都非常之鍾意。最後亦點了兩份甜品《水果忌廉三文治 》同《 蘋果香蕉窩夫》。 水果忌廉三文治甜度適中，忌廉比起平時蛋糕的忌廉更濃郁香滑，賣相Cutie。另外嘅窩夫出乎意料的好味，外面香脆， 起來大一點焦糖化嘅香味，配合埋忌廉同雲呢拿蛋糕，味道層次豐富。呢一度嘅兒童餐同甜品嘅設計入面加入咗好多水果同蔬菜，除咗 色彩豐富之外， 最重要嘅係均衡飲食， 食得安心玩得開心， 相信一定滿足到各位父母嘅要求。…查看更多