猫咪's Profile

見此店新開將，身為街坊，點都要黎幫襯吓，以示支持，點知原來係伏...😡，下次都唔好咁衝動，睇定d先...😓點了 :招牌生煎包$48四件，個底煎得好脆，個包都好鬆軟，但湯汁同嚿肉都冇乜鮮味。小籠包$48五件，皮較厚，同樣都係湯汁同嚿肉冇乜鮮味，相信係同一堆肉。炸銀絲卷$22一條，跟煉奶，水準正常。黑松露炒河蝦仁$148 水準正常，但crossover後，覺得似西式，還是喜歡清炒，可惜佢呢度冇。頭抽菜心$52，又少又老又有渣又唔熱，頭抽又冇味冇道。阿娘雪菜黃魚麵$68，個湯又咸又辣麵又淋，魚又冇味兼有骨。甜品拼盤 - 有多款可選擇，杏仁奶凍唔錯，芒果奶凍唔得，其他2款糕點類也ok的 !!但不知怎的，這裡的東西，該熱的唔熱，該凍的又唔凍，溫溫吞吞，令人十分不是味兒 !相比抵下，王家沙好食好多了，難怪咁多年在太古仍屹立不倒。埋單扣減$50 coupon 後，仍要接近$500，我就覺得好快在原址會有新食店可以幫襯了 !😁…Read More

$2x 八粒燒賣，以為有乜特別驚人之處，點知令人大失所望，皮厚，肉質鬆散，味如嚼蠟，有豉油都救唔番，係有生以來食過最貴和最食的燒賣。$20 十粒魚旦，一樣係冇嚟聞味，質感欠奉，全無魚味，簡直想食唔想吞，難明何解咁多名人捧場客。$2x 喳喳係唯一覺得好食，煲得好棉，足料，甜度適中。眼見好多客都係食甜品多過咸品，明智。如果單看明星相片走入嚟食，就真係sorry喇 !又覺得店舖有些不潔的感覺，應該會列入永不錄用名單…。…Read More

好久冇食北京填鴨，看openrice食評仲以為ok，點知離晒大譜，真係想食唔想吞…清炒蝦仁 $168一上枱已經覺得蝦仁顏色好透明，透明到似塑膠，點知食落真係似膠，彈到不得了，味如嚼蠟，雪蝦用化學嘢乸過龍向部長投訴，佢回應: 吓....喺咩？超無奈上湯蕃薯苗 $96比較油膩，上湯冇味，有d菌類配料同幾粒膠蝦填鴨 $198半隻份量奇少，似1/3隻，或者隻鴨發育不良啦！食味又平庸，索價離譜蓮藕盒 $98超厚炸漿包實2塊蓮藕，裡面再夾豬肉碎，肉碎有些奇怪的香料味葱油餅 $68葱奇少，餅皮口感較實，唔夠鬆，唯吸油技術不錯拔絲香蕉 $78豎起拔絲好搶眼，香蕉表面亦夠脆，但粉厚，蕉冇蕉味全晚冇一樣嘢滿意，環境擠迫又嘈雜，侍應冷漠，早知寧願貴d去北京樓或沙田18冇咁嬲。…Read More

追月日晨早起來，想起之前睇到網友拍到此家的咸豆漿很像樣，一於同踢完波的相公去試吓…從尖咀B2出口行去只消5分鐘，大節過後中午時份沒有很多顧客，不需等位，找個卡位舒舒服服坐下，要讚的是這裡的冷氣很夠凍…點了咸豆漿、凍甜豆漿、煎餡餅和鍋貼先，咸豆漿對版，有炸菜、蝦皮和油條，沒有太多的醋，豆味香濃，甜豆漿合格啦 !鍋貼原來是韮菜豬肉煎餃(4只)，所以跟煎餡餅的餡料是一樣了，兩者都不甚特出，亦不太熱透心，唯獨是後加的葱油餅加蛋有些驚喜，明顯是即煎，香脆、惹味、蛋香撲鼻，但比較油膩，吸油要多下點功夫了！建議一定要加蛋，呢2蚊唔慳得，加咗蛋係兩回事，香味提升許多。PS : 豆板酱和其他調味品係要叫至拿來的(小碟上)，沒有放置在枱上，感覺衛生。食完行咗去韓國街逛，買了點泡菜、飯卷便回家去…註 : 午餐消費$78，沒有任何試食優惠啊！ 如路過會幫襯的，專程去便不會了！…Read More

同事散水，食得多酒樓全包宴，轉轉口味食吓私房菜都好。尖沙咀有許多上樓的私房菜，水準參差，今次都係博一搏，希望冇頻撲以下是我的食後感 : 1.薑葱炒蟹-新鮮Good，薑葱可多些小，迫入味些2.黃金蝦-香口、好味，連殼都食埋3.糖醋松子魚-yummy..好過食蒸沙巴蠆4.蘋果咕嚕肉-可以，如用回菠蘿會更提酸可口5.鲜魚湯什菌-魚湯淡而無味、d菌有d嗡味㖭6.金銀蒜粉絲蒸扇貝-正、蒸的時間可減少些7.糯米雞-是事先預備好的，夠水準，味道佳8.帶子花枝片炒西芹-可以9.大白莱豬肺湯-Good10.甜品-賣相佳、口感、食味一般此舊樓單位共有2大房1細房及1大廳，我們24人2圍霸佔了整個大廳，大家坐得非常親密，好不熱鬧。以每位$310，在現今百物飛漲之下，實不為貴，仲包12罐汽水和白飯任裝添。老闆黄先生是位實幹型人士，不花巧，實話實說，我喜歡…，我事後有些見解提供了給他，佢都欣然接受，大家都有精益求精之心，乃飲食界之福。…Read More

因手頭有張就到期SOHO EAST 送出的cash coupon $200.-，在臨急情況低下，草草訂了此間餐廳，目的想食咸豬手。訂位和order食物都遇著同一個外籍女侍應，要講英文……真係開正我嗰瓣😂(其他亦有本地侍應的)。二人點了凱撒沙律加煙三文魚($118)及招牌咸豬手($298)。先來沙律，羅馬生菜極新鮮爽脆，醬汁份量適中，加埋d芝士薄片，更加滋味，3件煙三文魚鮮嫩不過咸，不過唔知點解多咗3條勁咸的魚仔，唔知想點…!!到主角出場，咸豬手上枱時已斬件，配以酸椰菜、甘筍、新薯，豬手皮超脆、香口、不會過硬，肉鬆軟、不油膩、不過咸，加埋解漏的醬汁，簡直絕配。配菜方面: 酸菜絲非常幼細，味道適中，甘筍、新薯軟熟香口，但我倆個細胃口的人，還是吃不完，剩下的留待明天煮意粉吃。講真…如果沒有coupon，是絕對不會晚市幫襯的…哈哈哈！午市和tea time價錢就教人容易受落得多了！…Read More

最近Aeon超市內開了一檔食日本麵的店子，舖位細細，像日式大排檔，圍著厨房邊L形水吧坐著食，唯一不方便之處就是沒地方放手袋 !言歸正傳，我們選了豬骨湯麵($75)材料有叉燒、木耳、紫菜和大葱，而蝦味豬骨湯麵($85)有叉燒、紫業、大葱、粟米、溫泉蛋、蝦皮和香油，供應的是幼麵，麵質極佳，爽滑沒鹼水味，食到尾亦不會變淋，·叉燒無疑太薄和細小，最值得欣賞和回味的是湯底，簡直是整碗麵的靈魂，濃郁又不過重味，最後一乾而盡 ! 一定會encore…Read More

眼見這𥚃久久沒人update，那就讓我炒吓冷飯吧！我是這裏的超級fans，不來吃也會專誠訂外賣回家享用，由其是這裏的糯米飯、豉油雞和釀鯪魚……!今回襯屋企人齊，梗要到【順德】走一趟，此次有幸食到久違了的海魚，果真令我喜出望外!菜式如下: 冬瓜盅 ~ 材料豐富，有蟹肉丶火鴨、夜香花、田雞等，燉的火喉夠，鮮甜無比，在此炎炎夏日，真的十分消暑，個人很喜歡吃冬瓜盅，能啖到這份清鮮，心裏實在感動 清蒸海斑 ~ 蒸煮時間掌握得十分好，剛熟，招待教路看魚肉肉身雪白便是海魚，養魚則呈粉紅色，食落果然魚肉爽嫩有魚味，久違久違 蒜茸粉絲蒸聖子王 ~ 蒸功了得，一點不過火 ，來自紐西蘭的聖子，有7、8吋長，從外國回來的番鬼仔和番鬼妹，也連啖2隻，面不改容 豉油王蝦 ~ 今次的蝦比較細小，肉質嫩，反而更能充分吸收甜豉油汁，又是另一番滋味 蒜子上湯莧菜 ~ 因菜太老，未如人意 炸乳鴿 ~ 如一灌的在水準之上，如在吸油方面下多點功夫，更相得益彰 咕嗜肉 ~最讚鮮菠蘿，肉亦佳，汁偏甜 糯米飯 ~ 鑊氣夠、爽口、已是不爭的事實，在炎夏吃亦不覺漏 綠豆沙 ~ 是第一次嚐試，幾綿和臭草味濃，這裏的其他糖水則不甚出色有次發現主廚的雙手佈滿燙傷的痕跡，新傷舊患，滿目皆是，令人不寒而憟，這大概便是美食背後的付出...…Read More

是第二次光顧此店了, 實在令我回味!特色魚茸羹豉油皇煎大蝦炒桂花翅蝦子扣柚皮豆苗底大良炒鮮奶拼野雞卷燒乳鴿清蒸鮑魚仔梅子炆鵝 - 可惜我個人不大喜歡梅子味,所以不對胃口,若攺為柱侯更佳枝竹羊腩煲 - 這個沒什麼特別, 和坊間的水準相約, 羊不羶生炒糯米飯 - 這裡的名物,飯粒爽口軟糯絶不黏口, 不會令人失望紅豆沙湯丸 - 煲得夠火候~ 有陳皮香~湯丸購自上海舖 ~ 麻蓉夠多皮有彈性~ 不俗侍應珍姐的熱誠招哹亦增添歡樂氣氛遺憾是太難訂位了, 此次飯局是預早一個月才能訂到很高興和喜歡的人及好吃的食物一起共渡了一個難忘的晚上PS 這食店是只收CASH的, 記住帶備足夠現金啊!…Read More

這店舖一共有19款餸可供選擇, 一定能夠滿足多心的人。之前已經幫襯過幾次, 這次係再encore, 冇令我失望, 這次是order了3餸米, 米粉和米線都試過, 還是喜歡米粉(又爽又滑), 米線也可以的有彈性 因本人是不食麵的, 故不知麵的質素如何, 但眼見很多人食油麵, 好油麵者可嘗試。今次order了菜、魚餅、雞腳(加送炸雲吞一隻), 菜芯夠腍, 魚餅很彈牙很鮮味,難得在盛夏也能食到咁鮮味的鯪魚肉, 雞腳是新鮮的鹵得非常入味。另設風沙蒜和特製辣椒油可自由添加加$5.-可加飲品, 凍飲加入$1.- 今次加$6.-的凍檸茶香濃有茶味, 亦見到很多人飲凍奶茶營業時間：朝 7 晚 5 想食就行快步…Read More