manchunLee2937's Profile

呢間金翠，我識佢係因為睇左阿BOB社交媒體推介，跟住我個朋友又同我講呢間出名，所以琴晚兩個人去試左。去到8點幾，要等位，10分鐘左右啦就有位，要齊人先入得架坐低姐姐好快問我地飲紅湯定白湯，分秒必爭（佢地）兩個都叫左白湯，飲左就好普通，大路白湯，一般食鐵板嘅餐廳都係呢款。同埋餐包都係大路普通野。我地都叫左西冷牛扒，頂級$212，我就加帶子加腸仔，唔記得左加幾錢了我朋友叫7成，我就5成，但佢寫單就落左兩個都5成，少事啦冇理。最緊要好唔好食，上到枱，一係燒汁一係黑椒汁。最後個啫喱都係一般野，冇咩可評。我兩粒帶子，未熟晒架，中間透明，刺身咁樣，我都食左，算啦係咁好普通囉，腸仔正常味。塊牛？冇特別，食得下，有啲牛味，有咬口，同坊間其他食鐵板嘅餐廳冇太大分別，貨源其實都係一樣我覺得，係煮嗰個有冇心機同時間掌握價錢我就唔comment佢，2百幾鐵板食情懷嘅啫，食味道我去第二度食啦但我諗唔會再去了…

今日去左呢間喺老銅嘅張公館，港鐵B出口行一陣就到，搭𨋢上29樓，去到1230左右，對住半海景啦，因為有啲樓遮住坐低之後望望餐牌，有啲套餐，我地冇叫，都係剔點心紙正路啲，茶就叫龍井，服務都好好，好有禮貌首先上嘅係乾炒牛河，好香，有啲焦香，睇落個色水好靚仔啦，碟底冇油淋淋，食落都好香，炒功我俾80分，有水準嘅牛河蝦餃，大大隻，咬落去個皮好靚，煙韌度係啱啱好，蝦鮮味，但個人比較鍾意細隻嘅蝦餃，一啖一粒脆哈哈（好似叫）腸粉包住油炸鬼同蝦膠？食落好脆，個味啱啱好，手工野黎，好有心機蝦多士，又係手工野，睇落都好靚仔，配埋沙律醬，好香口，蝦多士其實都幾難衰咸水角，朋友叫，個皮好煙韌，OK唔差龍井都幾好飲食完店員問食唔食甜品，我哋都未飽，我地就叫左紅豆沙，睇落OK起沙嘅，但食落我嫌應該係咪陳皮陣味有啲苦，但禮貌上我都食晒佢啦朋友有$500現金券，最後補錢就比$263，其實我覺得幾好食嘅，可能我之後會再去…

話說睇完Soko和泉素行介紹，知道呢間Gin Katsu食吉列和牛，見佢食得咁滋味，於是等到今日去試下，鋪在中環，我上環站A2行過去，都好快去到。12點幾去到，九記未開門出面都排晒長龍，再行前少少，Gin Katsu係冇人等位，好似得一枱客，咁正常嘅，打工仔放飯冇理由去食三百幾蚊吉列牛定食我入去坐低，店員問我要熱茶定凍茶，我話要凍，出面好熱。睇睇menu我好快叫左吉列A5和牛定食$380。要5成熟。見住師傅切牛肉，係咁拮啲牛令佢鬆化，到上枱其實都好快，10分鐘左右。我食啖飯先嘅，應該日本米，我唔知咩米，幾好，煮得幾好，吉列牛，食得出係靚牛，油香好重，牛味好濃。個汁冇咩特別，醃蘿蔔都正常。個湯有好多牛肉，幾好飲。食完俾錢，連加一，$418，唔係好驚喜，正常吉列定食，呢個我諗都招牌菜了，暫時唔會再去住…

前日約左兩個同事食生日飯，其實佢生日過左了，但補食唔緊要，最緊要有心，同啲野食好食，呢間位於佐敦柯士甸道嘅餐廳，試下得唔得先一入到去燈光較暗，感覺幾舒服，卡位都坐得舒服，好闊落其中生日嗰個未到，我地兩個叫左兩杯野飲同魷魚做小食先叫左杯Encounter Love$82 同Bailey’s chocolate$75，我嗰杯Bailey’s 好飲，朱古力同酒味好夾，熱飲好正之後壽星仔黎埋就叫得野食，叫左個拼盤同set dinner，主菜佢揀左帶子意大利蠔飯，拼盤有牛、大蝦、豬仔骨、粟米，樣樣都有一定水準壽星仔鍾意比卡超，所以餐廳就畫左隻比卡超俾佢，伴埋紐約芝士蛋糕，你打電話訂位同佢講定先就得，佢會盡量滿足嘅應該埋單先一千蚊鬆啲，咁嘅價咁嘅食物同環境，抵到爛啦，幾個朋友聚下傾下計一流架…

琴日1月12號係小弟生日，約左幾個老友食飯，其中一個朋友揀左呢間鍋心粥底火鍋，話說一年前已想食，但嗰陣冇位，今次一早book定位小插曲，有個老友瞓左唔知醒，要我打俾佢先知，遲左15分鐘左右啦，唔會怪佢，好兄弟我同另外一個朋友早到，劃定紙先，揀左粥底，有龍蝦個set，我地4個，每人半邊，龍蝦係波龍仔其他海鮮揀六款，我地揀左鮑魚、帶子（沙插）、大尾魷、沙白、海蝦、蟶子另外成餐我地叫左4支藍妹，$29支海鮮黎到，睇得出質素唔差，沙白有幾隻冇開，其他都好甜，唔錯，沙插都彈牙，鮮味唔差，其他海鮮都正個龍蝦都好新鮮，肉好彈食完海鮮到其他生料，每樣都正常水準，冇話大失望，但同樣，冇咩大讚嘅地方到最尾佢會整個粥俾我地食，食落好甜好香，因為有豬油渣但奉勸大家唔好食咁多，始終唔係好健康…

琴晚約左兩個同事收工去呢間Amico1890食飯，其實我係記唔到個餐廳名，我係搵返照住打我一開始以為都係一般嗰啲cafe，都係啲普通野食但公道起見，都要試左先講我未食過，去到個環境都幾舒服，可以掃code落單，但我地都係叫人落單，介紹如下：龍蝦汁蟹肉意粉，好多蟹肉，好香，個意粉炒到香一香，意粉又煮得啱啱好炸魚個脆漿唔厚，食到魚味嘅，薯條係粗碌嗰隻，點埋黑松露醬好正安格斯牛扒，7成熟，有啲血紅，有個朋友唔食太生，但都好食嘅，有牛味，有咬口唔會太淋夏威夷pizza，餅底好薄好脆，我鍾意，份量啱啱好，唔會過鹹佢啲野飲有唔同嘅名，咩垃圾桶呀、波多野、我都唔記得左啲名，總之過癮，但又好飲喎，我嗰杯波多野有菠蘿味，啱我口味我都估到佢地有話我生日架喇，我生日都冇乜特別，謝謝兩位朋友幫我安排…

琴晚約左朋友打邊爐，原本openrice book1930，但話滿晒取消左，之後我好快book左2030，有位天氣凍打邊爐就最有風味，掃QR code落單，我見到有酸菜魚鍋湯就即刻落左，感覺會好正，因為我去到先，所以我落左單先叫左兩杯大啤先，唔知咩1884，唔識，$88杯一上到枱，個鍋真係好大，魚係龍躉片，好香酸菜味，勁多芽菜，飲啖湯，好甜好香手切本地牛頸脊就一般，切功麻麻，太細件，入口唔過癮，牛就靚嘅鵝腸打邊爐必備，好新鮮，爽脆手打丸類都好食，值得試下朋友叫左薯粉，話健康啲，夾埋個酸菜魚湯又好夾，好似食湯河咁廣島蠔正常，打邊爐鮮味喺晒度埋單$14xx，朋友話有啲貴，我ok，最緊要食得開心同啱食～～～～～～～～～～～～～～～～～～～～…

鳥魂，我已經第三次食了，今次收工自己去，一個人食串燒，飲啤酒，正到暈今次試下散叫，唔叫廚師發辦，都係叫左杯黑白啤兩溝先$68，再叫左無骨手羽、半熟雞肝、雞皮、味噌燒虎蝦、雞皮包黑松露墨魚滑、雞頸肉、再加多串雞肝、鮑魚肝醬燒南非鮑飲左兩杯啤，真係好正，睇住師傅慢慢燒，我撳下電話，飲下啤酒，環境又靜，咁先七百幾蚊，咁嘅質素，抵俾啦～～～～～～～～～～～～～～～～～～～～黑白啤兩溝$68，飲完疲勞盡消無骨手羽$45 燒到啱啱好，唔乾，香到吖半熟雞肝$45 入口半化，仲有少少咬口，肝香味正到暈，要追加多串雞皮黑松露墨魚滑$45 外脆內彈牙，睇熱呀味噌燒虎蝦$138 蝦大大隻，燒到啱啱好，味噌個味冇搶到蝦本身嘅鮮味，蝦彈牙，推雞頸肉$38 ，肉係彈嘅，香到不行，最難得係雞味好濃鮑魚肝醬燒南非鮑$138 彈牙、鮑味濃、醬香…

上網見到呢間生鮪，出名食鮪，即金槍魚。生鮪解未被急凍嘅鮪。唔諗咁多，去食啦，頭先11點幾去到，呢間野開好早，openrice寫0730，唔知係咪真去到得我一個，佢有幾個款揀，我揀左$298嘅有赤身、中拖同大拖。黎到嘅時候，賣相好靚，有隻蘭王蛋，我都諗緊係咪直接倒落碗飯，不過唔好喇，我驚搶晒拖羅啲味老實講，赤身少少腥，但中、大拖都好食，魚油好香，夾埋飯食好正，每啖飯倒少少蛋漿，落少少唔會搶味，蘭王蛋蛋香足我個餐$298，咁嘅魚生份量抵啦，當去左日本了…

琴晚約左老友同佢女朋友食飯，順便俾啲野佢地，我收7半，但車駁車出到屯門8點20左右就到，揀左屯市嘅牧羊少年，我未試過，知佢好多分店入面燈光好暗，擺晒書咁好文青格調，但最緊要都係啲野好唔好食，掃QR code落單，叫左千島海鮮pizza、豬仔骨配蕃薯條、炸雞翼、蛋黃鳳尾蝦意粉同西蘭花，野飲我叫左杯朱古力、老友女友叫左杯「午夜」，好似係唔同蔬果打出黎的黎左意粉先，都好濃味下，老實講我覺得蛋黃溝埋意粉就唔係好夾，個意粉就煮得幾好，軟硬度剛剛好:)跟住就雞翼，雞翼好大隻下，我自己少少怕啲雞翼咁大隻，成日怕打左針雞肉冇咩味，一般般西蘭花正常，但係加左啲木魚碎怪怪地，唔夾豬仔骨都可以，肉都淋，有肉味、蕃薯條就…薯仔嗰種好食啲想講下我杯朱古力，啲cream同朱古力本身唔配，又沖得冇味，飲落完全唔對路埋單7百幾蚊，應該可以好啲嘅，意思係啲食物、飲料水準，如果以為cafe係三五知己傾下計而忽略左食物水準，咁就唔係好啱了～～～～～～～～～～～～～～～～～～～…

今日去試下呢間新新地嘅一郎，睇下佢地碗拉麵得唔得叫左最基本嘅白郎君，豬骨湯黎，叫多個炸雞，滿唔知幾多錢有得扭蛋，我扭中左汽水，下次先用得1200去到都好多人，睇黎呢間開左一排都已經出左名好，麵黎到，個湯匙係勁長、木嗰隻，我就覺得普通嗰啲得架喇。木耳、蔥荀蛋都有，嗰兩條蘆荀我覺得唔洗都得，同碗麵唔係咁襯麵都係幼粗麵之間，我覺得師傅甩水嗰下唔夠，甩多幾下好啲。湯熱度合格，飲落都順喉，但冇乜特別，豬骨香味都係差少少。炸雞ok，香脆，唔會太乾身埋單$126，可以接受，但會唔會再去就…要諗諗，你話有張送汽水都咁話～～～～～～～～～～～～～～…

琴晚收工試左呢間長沙灣嘅鳥海山鐵板燒，之前上網睇好評幾多，一直好想食，終於試到了。收工去到8點3左右，留左一位。坐低左，睇睇menu，發覺啲set都係二人前，我問店員有冇for 一人，佢話遲啲會出一人前嘅set，但未有，佢問我有冇話食幾多錢，我話千幾蚊都ok，於是我就揀左$1198呢個餐，佢有問我大唔大食可以食得晒，我話ok…其實我好細食～～～～～～～～～～～～上左刺身先，佢問我鍾意淡味定濃味，我話濃，佢介紹左點食同次序，我都唔記得左咩魚，佢有講樣樣都好食、魚油好香（佢一開始係有菜沙律，但好普通唔講了）跟住叫左啤酒🍻～～～～～～～～～～～～～～～～～～～～第一道上鮑魚，睇住佢整都幾好睇，用心好新鮮，好彈口，鮑魚味都喺返度～～～～～～～～～～～～～～～～～～～～跟住係牛肉，冇問佢咩牛，食落燒得啱啱好，牛味其實差少少但都可以嘅～～～～～～～～～～～～～～～～～～～～跟住鵝肝多士，好多鐵板燒鋪都有呢味，個人琴晚咁多味最鍾意呢個，真係好香，入口即溶～～～～～～～～～～～～～～～～～～～～到龍蝦，睇住佢整成個過程都好好睇，老實講，睇好過食龍蝦新鮮嘅，但個蝦膏整嘅醬料太濃，搶左龍蝦肉個味，可惜，咁當然我都食晒～～～～～～～～～～～～～～～～～～～～好飽喇已經…仲有炒飯，因為係二人前有兩碗，我話食唔落，叫佢整一碗得啦，其實我已叫佢唔洗炒菜俾我店員話碗飯好好食，俾左我好大期望，睇住師傅炒都真係好睇～不過…可能係鐵板燒其中一個特色，睇好過食，飯係粒粒分明嘅，色水都好靚，但係冇咩味，炒飯最忌係冇味～～～～～～～～～～～～～～～～～～～～最後魚湯，好飲嘅，師傅問唔夠味可加鹽，我話ok埋單$1360，可以接受，我冇咩所謂，試下～～～～～～～～～～～～～～～～～～～～…

琴晚收工約左兩個同事食飯，10/31係萬聖節，咁啱又一齊收早，同事推介呢間長沙灣嘅西餐廳，MTR出左都要行一陣，可以話係荔枝角同長沙灣中間。訂左8點3位，去到都冇乜人，燈光暗暗地都幾舒服，我地叫左三個主菜一齊share，有封門柳、西冷扒同波士頓龍蝦配芥末牛柳粒，全牛宴，小食加左4隻雞槌。飲品三個都叫左水果茶～～～～～～～～～～～～～～～～～～～頭盤黎左南瓜湯同牛角包，南瓜湯好飲，暖嘅唔係好熱，有啲紅蘿蔔茸，令個湯豐富左牛角包夠熱，好食喎～～～～～～～～～～～～～～～～～～～～跟住到小食雞槌，熱辣辣好味到主菜時間，封門柳先到，5成熟，樣就幾靚，食落牛味十足，唔會難咬，煮得剛剛好其他沙律菜、薯蓉、菇就正常水準跟住到龍蝦同芥末牛柳粒，龍蝦就細細隻啦，$198係咁上下，但肉就好似嚼香口膠咁，唐人煮龍蝦唔叻，非戰之罪牛柳粒就ok，有水準，個汁好味最後到西冷，朋友幫手切，本來就叫5成，但切完睇似熟左啲，似7成，我食落都ok嘅，正常囉～～～～～～～～～～～～～～～～～～～～仲有水果茶幾好飲三個人食絕對夠飽，佢仲有甜品我地冇叫，飲品佢有酒類嘅，下次再試其他野食啦最緊要價錢唔貴…

琴晚收7點，約左個同事去呢間我耐唔耐都會去食嘅雞仔，梗係ok我先叫佢去長沙灣MTR，行5分鐘左右就到，去到唔洗等位，但朋友個位下面濕左，隔離枱話上手倒瀉水啫，咁ok啦睇睇餐牌，叫左個二人餐$168，有半隻雞、兩碗細肉骨茶、油菜，兩碗油飯，我自己叫左杯凍檸茶朋友係唔鍾意點醬嘅，所以啲蔥茸、辣醬我獨攬，青瓜佢又唔食，我食埋佢啲雞不嬲有水準，皮係脆而彈，雞滑又有適當脂肪，好正油飯用好多香料煲，粒粒分明，好香最後，要讚肉骨茶，佢係調到啱香港人口味，有陣藥材味，好順喉，即刻覺得好補咁，碗野都幾多料，好飲…

今日晏晝試下呢間Wooloomooloo，未食過，12點去到，table for one坐低，好快叫左Set lunch:Appetiser: crab cake +$58Main course :Grilled breef tenderloin Ice coffeeBread 可refill～～～～～～～～～～～～～～～～～麵包好食，鬆軟食4件已夠，唔洗refill蟹餅一流，切開標煙，極多蟹肉，香到不得了主菜 牛腰嫩肉，Medium rare，好食嘅，肉味幾濃，個醬鹹鹹地幾開胃～～～～～～～～～～～～～～～～～侍應好好禮貌，會問洗唔洗加麵包、蟹餅要唔要加胡椒、牛會介紹幾款汁、問要唔要加甜品同問啲野食點埋單先$282，抵俾啦，尖沙咀望海，又坐得舒服，野食又正，蟹餅必食呀…