why126's Profile

今日去左鑽石山荷李活廣場行街，原來果到都好多野食嫁！今次試左呢間餐廳，覺得都有驚喜～ 大約六點半左右入去坐低，待應仲俾左個卡位我哋。我同媽咪兩個人唔算太餓，所以就叫左一個套餐加左個湯～ 套餐都有好多野包嘅，首先係一款小食，我地要左個沙爹雞肉串燒，主食當然要試呢到最出名的無骨海南雞飯啦！跟餐仲有一個湯同一杯飲品@ $106 另外，我地加$15 要多一個肉骨茶試下～我覺得最好味係個海南雞。雞肉好滑！而且個油飯都唔膩啊！ 至於個雞串就好普通咁～ 肉骨茶都不過不失～味道都可以，但唔算好出色～ 今餐整體都唔錯，覺得最值得試海南雞飯！…Read More

今日行開沙田，夜晚打算食埋飯先飯屋企。點知行左幾轉都諗唔到食咩，因為沙田d 餐廳普遍都比較貴，而且又多人排隊～行左成大半個鐘都搵唔到食咩，就行埋過瀝源村果邊。無意中就見到呢間日本餐廳，雖然唔太多人喺餐廳食緊野，但我見出面個餐牌價錢唔算貴，同埋真係太肚餓，所以就入左去試下。我就叫左出面餐牌嘅燒靖魚定食再加一個鰻魚手卷～定食黎之前有個前菜～煮蜆仔同埋面鼓湯😃跟住就係定食喇～估唔到平平地都幾大份條魚都燒得好靚，食落口感同味道同我去貴價日本餐廳食過嘅一樣好味！另外，我好欣賞佢個配菜，有炸紫薯紫🍠，真係好正！外脆內軟，仲熱辣辣！總括黎講，呢間餐廳喺沙田黎講算好抵食，環境都坐得幾舒服😌😃😃值得推介！…Read More

今日係Happy Friday! 放工後約男友去大埔食飯～我地平時都成日去大埔的，每一次經過呢間餐廳都見門口好多人排隊，今日終於有機會試喇～我地大約夜晚七點攞位，門口已經有十幾個人等緊。我地拎飛都要等大約十個左右～咁我地就去附近兜左轉，大約十分鐘就再返黎。全程大約等左16、17分鐘啦，比我預期快！餐廳有室內同室外座位嘅。我地張枱喺室內嘅！我地叫左一個特色魚生丼、煮豬扒蛋飯同一個軟殼蟹手卷！魚生飯就不過不失，同之前食的差唔多。但煮豬扒蛋就好有驚喜喇。其實我自己麻麻地鍾意滑蛋之類嘅食物。而且我一向唔太鍾意豬扒的口感。但我食左呢個飯就覺得好驚喜，味道好好，口感也很不錯，分量都好足料。呢間餐廳好值得推介，係大埔有水準價錢又合理的日本餐廳。…Read More

上星期日去深水埗買野，無意中發現左呢間日本居酒屋。餐廳的佈置好有風格，入到去都覺得好舒服。雖然細細地，但好似去左日本地到的小店咁！食物水準都好好，價錢好合理，兩個人叫左兩個定食加一份小食，埋單$188～…Read More

51公眾假期同媽咪出深水埗行下，行到夜晚六點幾有d 肚餓，就諗住去掃街醫肚喇！行行下見到呢間小食店門口排曬隊，原來排隊買腸粉食～我地都排埋一份，好彩唔算等好耐，大約6分鐘左右就到我地。$2 一條，可選細$10 ，中$12 或大 $16～ 我地兩個人要左個細碟，諗住再去食其他野。腸粉望落好新鮮，熱辣辣咁～食落好滑口，而且醬料嘅比例岩岩好，真係好好味！其實有d 唔夠喉，想再食，但最後又諗住掃埋其他野，下次經過深水埗都會再幫襯！…Read More

琴晚同朋友第一次去HeSheEat 旺角店, 好驚喜的一餐，值得再去！本身以爲無得BOOK 位，諗住去到要等好耐，點知大約十分鐘就有得入去喇。我地入座果時夜晚七點半左右，店員話限時90分鐘.入到餐廳覺得裝修都算modern，雖然唔算好新净，但環境都不過不失啦。我地一行五個人即刻點餐，打開MENU 都見到好多甜品好吸引！但我地都忍住口，叫左主餐先~ 總共叫左三個主餐，兩份小食~食物好快送到黎，賣相樣樣都好唔錯，相當有驚喜~講真，黎之前其實無咩大期望，諗住試下新餐廳~ 但食左幾個主菜同小食都覺得好有水準，份量適中！最後當然要叫甜品啦，超級推介焗鬆餅！好好好好味=)我地食左2個鐘，店員先提示我地夠時！今次晚餐都算好滿意噢~…Read More