本身以爲無得BOOK 位，諗住去到要等好耐，點知大約十分鐘就有得入去喇。我地入座果時夜晚七點半左右，店員話限時90分鐘.
入到餐廳覺得裝修都算modern，雖然唔算好新净，但環境都不過不失啦。
我地一行五個人即刻點餐，打開MENU 都見到好多甜品好吸引！但我地都忍住口，叫左主餐先~ 總共叫左三個主餐，兩份小食~食物好快送到黎，賣相樣樣都好唔錯，相當有驚喜~
講真，黎之前其實無咩大期望，諗住試下新餐廳~ 但食左幾個主菜同小食都覺得好有水準，份量適中！
最後當然要叫甜品啦，超級推介焗鬆餅！好好好好味=)
我地食左2個鐘，店員先提示我地夠時！
今次晚餐都算好滿意噢~
