Angel Pong的個人專頁

Weekend 去旺角行街，去左食「劉興記生煎包專門店」，成日都見排長龍，今次終於入到去開心試新嘢！👍🏻🥟 生煎包（海鮮控推薦必食） 瀨尿蝦生煎包——皮脆帶焦香，啖啖湯汁爆晒出嚟，蝦味非常鮮甜，咁特別嘅口味真係好少地方有！ 蟹黃生煎包——一咬開就見到濃郁蟹黃湯，香氣勁重，湯汁超多，蟹迷一定要試！ 鮮蝦生煎包——食到粒粒蝦肉，咬落爽彈，海鮮控千祈唔好錯過！🍖 糖醋炸排骨 排骨外脆內嫩，酸酸甜甜超開胃，配埋上海菜飯就最一流！菜飯唔會油膩，仲有足料菜香，又好食又健康。🥒 麻醬青瓜絲粉皮 粉皮煙韌，配上香濃麻醬，每一啖都食到芝麻香，青瓜絲夠爽口，配料仲要比得夠慷慨，大滿足。🍘 手工豆沙窩餅 皮薄蛋香重，豆沙餡清甜幼滑，當甜品食剛剛好，唔會膩。🥛 任飲豆漿 豆漿唔會太甜，豆香濃得嚟又好順喉，阿姐一坐低就奉上一大壺，豆漿控表示極度幸福！整體店員好親切，笑容又好有問必答，價錢合理、氣氛舒服，係旺角醫飽肚嘅好選擇。下次一定會再嚟encore！ …查看更多

同朋友放工小聚，今次揀咗The Prime House晚市套餐，感受到餐廳氣氛超有情調，環境舒服，座位闊落，侍應仲好細心，主動解釋菜式同推薦食法。🥗 前菜—沙律、自製百里香蒜蓉牛油餐包、蘑菇湯 餐包外脆內軟、香氣十足，配埋自家製蘑菇湯真係一流。蘑菇湯超多蘑菇蓉，每啖都鮮香濃郁，侍應話日日新鮮煲，日日都會清晒！沙律爽口清新，剛好平衡膩感。🥩 主菜—安格斯風門柳牛扒 & 安格斯牛頸脊牛扒主菜時間一上枱就已經香氣撲鼻，兩款安格斯牛扒以五成熟出場，外層帶微焦，切開依然粉嫩多汁。 首先試安格斯風門柳牛扒，油花分佈得勻稱，每一啖都帶著牛脂香濃厚感，肉質非常軟腍，入口即融，啖啖肉汁滲出。最啱鐘意滑順、牛味濃而不柴嘅朋友。 另一款安格斯牛頸脊牛扒，咬落有紮實彈牙的咬口，肉味較濃厚，纖維感明顯，每一刀都帶小小嚼勁，吃得出牛香原味。 兩款牛扒都有自己特色，配上黑椒汁或者海鹽都各有風味，肉香被進一步提升，複雜層次一次過享受到。配菜嘅薯條亦都非常出色，條條都炸得香脆而唔油膩，讓人食慾大增，每一啖都食得開心！🍨 甜品—雪櫃任拎雪糕/雪米糍 最大驚喜係食完侍應主動介紹甜品櫃，可以自選雪糕或者雪米糍，夠貼心又有心思，為晚餐劃下開心句號！💡 整體感受： 燈光暖暖好舒服，無論約會、周年、閨蜜聚會都好啱，職員解釋詳細、態度細心，整體食物水準穩定、份量夠，無論牛扒、湯包定甜品都好有驚喜！好適合慢慢傾偈，不用怕被催單，儀式感同誠意都齊。…查看更多

行咗咁多次終於入到氷舍，門面木系有文青feel，坐低即刻被滿滿麻糬香氣包圍（甜品控一定會俾選擇困難症攻陷XD）🥭 D24榴槤飄香刨冰 榴槤迷必食！冰底滑溜，榴槤味夠濃，配上煙靭麻糬、香滑忌廉，每啖Creamy又爆榴槤香。小丸子可以轉芋圓，額外多份彈牙口感，撈埋麻糬食勁正🥭 楊枝甘露麻糬 最愛港式甜品楊枝甘露，香甜芒果粒加碌柚清新，椰奶味濃，麻糬煙韌軟糯口感有驚喜，層次豐富又唔會太甜。🥭 D24榴槤麻糬飲 麻糬飲品絕對推薦！頂層厚厚忌廉帶嚟滑順感，中層榴槤清香，底層麻糬粒粒入口煙韌，每一啖都Creamy＋榴槤＋麻糬三重享受。平時唔太飲甜品都覺得唔膩。📸甜品賣相打卡度高，冰品上枱好足料，麻糬控一定要試！小店靜靜地，地方唔算大但坐得舒服，係街坊+打工仔放鬆小天堂！性價比ok，想食個港式+創新甜品都唔怕失望～…查看更多

OT完同同事去咗九運來粉麵世家食餐暖笠笠，發現幾款菜式都相當出色，價錢又親民，忍唔住要分享一下～🐤 秘製鴨腿煎蛋豉油撈粗 鴨腿份量十足，色澤紅潤，肉質夠腍又入味，啖啖肉唔鞋口，煎蛋同粗麵撈埋一齊最正。麵條爽口彈牙，每啖都滲出豉油香，真係好想狂加料落去大食 😋🍥 雲吞拼牛肚麵（轉魚麵） 牛肚夠厚身又大大塊，每塊都炆得好入味，咬落軟腍有層次。雲吞大粒，蝦肉又彈牙又鮮甜。魚麵質感特別，煙韌香口，食落魚香淡淡，主打一個唔係度度有得食嘅新鮮感～🍗 小食拼盤：炸雞翼、炸雲吞、炸魚角、炸墨魚丸 全部都炸得夠脆，外層香口但唔油膩，雞翼外脆內嫩，炸雲吞包住肉餡炸得香（個皮超級脆！），魚角墨魚丸更有彈性，一份幾個人share最啱，直逼啤酒小食level～成日OT或返工唔想煮嘢，呢度仲有$29外賣，方便快捷，性價比高到爆燈，平時買番公司一樣正。整體用料足，環境乾淨，係銅鑼灣區粉麵懶人恩物！…查看更多

上星期同朋友聚會，專登嚟荔枝角銀座炎蔵試燒肉，坐位悠閒，慢慢傾偈都唔會趕人～🥩 炎蔵和牛「極致」6點拼盤 店員建議由較厚身嘅肉類開始燒，逐件慢慢烤，享受和牛油花融化嘅畫面。六款日本和牛包括鞍下、上肋、龜之甲、芯芯、肩三角等，每種肉類口感都好唔同，有啲入口即溶、亦有啖啖肉香同彈性，牛香超濃郁，肉汁豐富。燒完一塊又想燒第二塊！🍚 石鍋和牛牛肉拌飯 熱辣辣石鍋係上枱尖叫位，飯焦脆卜卜，啖啖牛肉同蛋黃撈勻，每口都香噴噴，食完好滿足。🍺 朝日咖啡生啤酒（期間限定） 第一次飲呢款生啤！入口係迷人咖啡香，融合啤酒嘅回甘同淡淡麥香，飲落好match，推介配燒肉一齊歎，特別又易入口。🦑 魷魚 燒起幾乎即刻熟，魷魚啖啖彈牙，咬落新鮮鮮甜，送酒一流。呢度食材新鮮烤得好，加上舒適環境、燈光氣氛適中，超啱朋友聚餐！食完已經諗緊下次帶邊個再嚟～…查看更多

同閨蜜嚟中環La Parrilla Steakhouse，要歎一晚溫馨阿根廷料理！環境暗暗暖暖好舒適，啱晒傾偈慢慢食 😊🍸 開餐雞尾酒Buenos Aires Spritz & Cinzano Soda 前者微甜果香、後者就滿滿香草味配梳打，飲落refresh又唔搶味，開始餐前已經好有阿根廷chill vibe～🫘 Black Beans Hummus 黑豆泥配粟米片用黑豆同鷹嘴豆混合，味道香濃又細滑，酸酸鹹鹹配埋玉米片，超級開胃！🥟 Beef Empanada 碎牛肉阿根廷鹹味餡餃阿根廷小食代表！餡料牛肉香料混合，外皮焗到微焦，咬落爆汁完全唔dry，微辣嘅口味，同閨蜜夾住食幸福感max 🙌🏻🧀 Provoleta 烤焗波芙隆芝士阿根廷芝士焗到拉絲，奶香濃甜又唔膩，芝士控必食；點埋麵包口感層次超豐富 😋🍤 Langostino 阿根廷紅蝦意大利粉阿根廷紅蝦蝦肉爽彈，蝦味重兼夠晒鮮甜，細細嚼每啖海味先夠哂享受 😍🍟 Fries 香蒜炸薯條薯條外脆內綿，唔會油膩，呢個係特登點嚟蘸hummus同埋個芝士，兩種食法都咁好食，拉絲芝士同脆薯條完美Combo 🙌🏻 燈光柔和，音樂偏靜，職員服務好有善，慢慢坐到夜晚都唔趕人。坐低已經聞到炭燒香氣，成晚每款前菜都好有驚喜，適合聚會傾偈慢慢歎 😉…查看更多

真係好耐無食過放題，最近朋友撩起，話而家食放題唔止係日本嘢咁簡單，多咗好多嘢食，於是搵日收工就一齊去咗觀塘嘅極尚大喜屋食放題，環境開揚舒服，位置闊落，氣氛夠晒熱鬧，啱晒一班朋友或家庭開餐😋🥢 海鮮必食避風塘炒蟹用新鮮蟹，蟹鉗厚肉，外面炸得香脆、內裏鮮甜，蒜香辣椒夠惹味，encore幾次都唔夠🦀！鹽焗大頭蝦同樣新鮮，蝦殼脆身、蝦肉爽甜，大頭蝦爆膏有驚喜！同場仲醉鮑魚、凍海鮮、涼拌魚皮，海鮮控必瘋狂 😍🍣 刺身壽司陣容三文魚、油甘魚、赤蝦、帶子等全新鮮厚切，仲有創作壽司（推介左口魚同火炙三文魚腩），味道口感都有驚喜，壽司件細細唔怕叫太多 😋🔥 熟食、串燒、炸物燒羊架孜然粉香口唔過火，牛舌超彈牙，蒲燒鰻魚肥美多汁，仲有鮮甜嘅清酒煮蜆，魚翅同埋花膠都夠晒香濃，另外蒜片牛柳粒、燒菠蘿都值得encore。炸物、天婦羅、乳鴿都高水準，每款一小份，好容易share！🥗 自助區＋飲品＋甜品自助燒味區有燒鴨、蜜汁叉燒同埋燒肉，另有老火湯同麻辣小龍蝦做主打。飲品有汽水、茶、清酒、生啤機（勁正 😍 有埋啤酒杯勁好feel）任斟，仲有好多自家飲品，珍珠奶茶味道真心唔錯；甜品方面Haagen-Dazs雪糕、榴槤大福、日式蛋糕等齊晒，榴槤控一定要試燒金枕頭 😍另外個椰汁燉鮮奶超香濃，飲完之後勁滋潤 😋✨ 食物出菜快，QR code落單好方便，份量控制易；價錢合理，性價比高，唔少網民推介生日、學界飯聚同家庭 gathering搵埋朋友一齊食，真心推介！…查看更多

今次約朋友去咗啟德 JOYPOLIS SPORTS 4樓嘅餓虎藏龍，半露天設計，可以270度望晒體育園巨蛋 night view，加分絕對唔止一點！日落之後，成個氛圍即刻變咗chill bar mode，現場經常有Live Music或DJ，不時有直播賽事，配上超多打卡美食，餐酒小聚/朋友聚會完全冇得輸！🍢 小食拼盤小食拼盤夠晒豐富，入面有黃金花生醬單骨雞翼夠邪惡，味香又唔油膩 🤭 一上枱已經係啤酒好朋友，開胃又搶fo（真係要搶，因為朋友會快手😉） 另外真心推介個炸粟米，外脆內甜，而且勁Juicy，必食 😍🍢 串燒拼盤（各2串）串燒有牛柳、雞脾肉、五花肉等，燒到表皮微焦肉質嫩滑，每半口都帶啲炭香又唔會過鹹。雞髀肉個酸梅醬夠酸，完全唔會食到好油膩，幾特別 🤭🍕 活著pizza大板燒薄餅 大板燒薄餅即叫即焗，餅底薄脆、上面係大阪燒醬+木魚片+椰菜絲+蛋黃醬，上枱木魚仲識「跳舞」啲香味好突出！一口咬落又脆又煙韌，又鹹又甜，Fusion得黎唔突兀，打卡一流又易食停唔到 🤩🍮 日本白桃櫻花伯爵茶蛋糕 打卡級甜品，造型超有心機，蛋糕入口軟熟，夾有淡淡伯爵茶香，外型夢幻又有少女心，甜度啱啱好，好適合飯後chill慢慢食～用白桃同埋士多啤梨整成嘅櫻花樹超級靚，強烈推介每一台都要叫一碟嚟打卡 😍🍧 甘夏蜜柑柚子黑椒拿破崙配柚子雪葩酸甜清新，配搭柚子雪葩透心涼，夏天食啱晒，好醒胃～🥤 斑蘭抹茶鮮奶抹茶奶香夠厚滑，微甘唔嗆喉，配上斑斕嘅清香，靚靚嘅漸層亦都好適合打卡 🙌🏻…查看更多

最近同朋友係尖沙咀 8Five2 Restobar歎番餐傾心事～餐廳型格工業風，氣氛chill又有戶外位，夜晚坐低開心慢慢嘆食物飲品真係好寫意✨兩杯 mocktail Friends & Big Bang開場，顏色打卡一流，尤其 Friends 個杯超級得意 😂 味道清新易入口，非常 fruity，唔會搶過餸味，啱哂女仔聚會開pacing( - ͈ᴗ- ͈)◞🍸墨西哥豬肉香脆Nachos上枱又香又脆，豬肉餡惹味得嚟唔油膩，牛油果醬同岩漿般嘅滑滑cheese加持，一咬落去食慾即開🧀Crispy Prawns & Avocado Taco蝦肉彈牙鮮味，牛油果醬香滑，中和晒taco皮嘅香脆感層次好突出🌮🦐Roast Chicken（半隻）烤得皮脆肉滑，辣醬帶微香草甜，唔會齋辣，有啲墨西哥燒烤 vibe，好難唔讚👍 加上 2 串辣得來又好惹味嘅串燒蔬菜，風味滿滿 😍每款都份量足，兩個人一齊share岩岩好，食到最後都唔覺膩 😆 加上餐廳職員有禮，服務夠快唔會催人，整體用餐感覺係適合想chill住食又想傾耐啲嘅朋友～ 🙌🏻…查看更多

尖沙咀君怡酒店1樓嘅九十番地居酒屋，環境有氣氛又闊落，啱晒同朋友慶生小酌一晚🏮今次先以味噌蠔鍋打頭陣，湯底微微鹹香帶甜、味噌厚身不死鹹，蠔肉飽滿滑溜，愈滾愈鮮，暖胃又開胃 😍牛油果軟殼蟹沙律清新脆口，炸蟹殼香而不油，配牛油果同沙律汁好開胃 👍🏻雜錦天婦羅炸衣薄脆，蝦同蔬菜都保留到原有甜味，熱辣辣送口最正 🤤 到串燒時段，五花腩邊位微焦、肥瘦相間夠惹味；自家製免治雞軟骨棒口感層次豐富，外層微脆、內裡爽脆啖啖膠質，停唔到手，最特別嘅係佢用一個碟仔咁上，賣相一流 😍香味燒牛肉鎖到肉汁，鹹香收口剛剛好 🙌🏻 配埋 Asahi生啤冰凍清爽，邊食邊碰杯講笑，生日氣氛直線上升 😍整體出菜穩定、服務有禮，價位以酒店內居酒屋計相當合理～呢度坐得舒服唔嘈雜，想chill住慶祝或下班放鬆，都係會想回訪的一間店 🙌🏻…查看更多

今次走入觀塘成業街嘅 Four o Five Coffee & Eatery，同朋友hea住食～環境舒服、木系光影好chill，坐底已經覺得時間慢落嚟了(˶ᵔ ᵕ ᵔ˶)我點咗澳洲殼飼肉眼扒配露絲瑪莉汁加薯蓉，火喉掌握得啱啱好，邊位帶少少焦香、入面保持juicy；薯蓉香滑，拌埋肉汁一齊食超滿足ᕙ( - ‿- )ᕗ朋友揀嘅蟹肉明太子寬條麵都幾驚喜，麵身掛汁、啖啖蟹肉同明太子，個汁仲要勁Creamy濃厚，食到停唔到口(๑´ڡ`๑)另外仲叫咗個酥炸海苔魷魚配青芥末沙律醬，炸得勁酥脆又唔會好油，魷魚咬落去都鮮甜彈牙，就算凍咗食都仲係勁脆 ٩(ˊᗜˋ*)و甜品就選咗吉士焦糖梳乎厘班戟，厚厚兩層好綿、帶暖暖蛋香；上面焦糖脆脆加少少爆谷增加口感，影相同食味都兼顧到，心情直接升級 ٩(ˊᗜˋ*)و飲品方面，我要咗山政小山園［Rich］一番焙茶鮮奶，質地厚實茶香夠濃，揀埋無糖就更加飲到焙茶嘅香味；另一杯美式咖啡酸度清爽，配主食或甜品都夾( - ̀ω- ́ )✧呢度坐得舒服、出菜節奏穩、性價比ok；如果下次再嚟，想試埋佢哋其他口味嘅疏乎厘班戟同特調～(´▽`ʃ♡ƪ)…查看更多

燒肉屋和牛榴槤燒肉放題真係燒肉迷同榴槤控嘅天堂！😋🔥 和牛款式多多，澳洲M7和牛牛板腱同安格斯封門柳油香四溢，燒到微焦入口即溶；精修牛舌芯鮮嫩爽脆、荔枝牛肩胛清甜解膩，每款都切得夠厚身，牛味濃又唔會過鹹，牛魔王絕對滿足🐮仲有豬頸肉、黑椒鹽五花、醬汁豚肉片、厚切果汁黑豚；雞肉就有蜜糖雞翼、韓式雞脾肉、摩薩醬汁雞件、地雞雞軟骨串，全部都係燒完好惹味嗰種，配白飯or啤酒都一流～海鮮新鮮彈牙，燒到啖啖鮮味 🦐🦑 重點出場：可以燒白鱔同大虎蝦！白鱔外皮燒到微脆、油脂香滑；大虎蝦厚身彈牙，鮮甜爆汁，勁肥美，海鮮控放心開刷🦐不得不試嘅係貓山王榴槤醬燒薄餅！薄餅燒到脆脆，再加一大份貓山王榴槤醬，香濃軟滑層次豐富，好過癮～馬來西亞D24榴槤放題肉厚味濃，榴槤控可以一打打咁食 🤤主食加碼有月見紫菜珍珠米飯，蛋黃拌開黏糯香滑；炸物線亦相當強——炸雞外脆內嫩、炸餃子熱辣爆汁、炸薯條薯味濃兼保持脆身，作為中場轉換口感超合適 😍任飲除咗汽水果汁，另設清酒、啤酒等酒精飲品，邊燒邊飲氣氛直線上升 🤩 甜品位係Häagen-Dazs雪糕任食，仲有能得利「檸樂」雪條，酸甜透心涼，好得意又醒胃，為今餐畫上非常開心的句號 😍…查看更多

有乜嘢開心得過可以任食雞翼！😋🍗 Wingman 嘅10款口味任食雞翼套餐真心超吸引 😍 除咗因為太辣挑戰唔到死神醬汁之外，其餘九款雞翼都有全部食晒，口味多元，完全照顧到雞翼控各種需要～仲可以汽水任飲！🥤最推介嘅係海鮮醬味，醬香十足但唔會過鹹，食落好有層次；加州風味加咗芝士碎，奶香帶少少鹹香，意外地同雞翼好夾🧀；水牛雞翼辣度夠，唔只有刺激仲好惹味，啖啖Juicy，完全係Party必選🔥！鍾意食辣嘅除咗水牛雞翼之外，仲可以食埋奧爾良香粉同埋蒙古燒烤，中式西式嘅辣味全部都有齊 🙌🏻 另外泰式甜酸醬、田園風味同埋黑椒檸檬都幾唔錯，每隻雞翼都沾滿醬料或者香 😍 另外仲有好特別嘅咖啡燒烤醬，鹹鹹地嘅雞翼上面有淡淡嘅咖啡香，幾特別 😆 每款雞翼都外脆內嫩，保持到原有肉汁！餐廳環境舒服，落單方便，侍應出翼速度超高，雞翼一上枱每隻都熱辣辣，絕對滿足成班朋友聚餐、傾偈又任食的慾望！🥳…查看更多

平時喺附近返工成日食杞醉嘅 lunch，同事極力推介話杞醉雞煲邊爐超高質，今次終於帶返屋企一試，真係冇失望！杞醉 How Drunk【杞醉。濃湯雞煲】2人沉醉雞煲套餐外賣，湯底一倒出嚟已經見到超足料，杞子、紅棗滿滿一鍋，香氣撲鼻。最特別係跟埋一支杞醉純酒，可以按個人口味倒入湯底，真材實料立即升級，煲一滾成鍋都係酒香 😍半隻杞醉酒雞大件又入味，肉質嫩滑、吸盡精華，每啖都好滿足 😋 醉蝦同醉花甲啖啖鮮味，連個醉汁都可以飲，微醺開胃；梅頭豚肉片肉味香濃，配埋蔬菜盤、米線同手打滑，全部新鮮彈牙 👍🏻特別一讚手工韭菜豚肉餃子，餃皮夠薄不會滲湯，入面餡料用豬肉同鮮韭菜打成，瀷湯後味道更突出，肉汁多、韭菜香濃，啖啖都係打邊爐幸福感 😍 再點店家的自家醬料，香辣夠惹味，食餃食豬肉食滑料一樣百搭 🙌🏻最後再嚟幾粒芝麻湯圓煙韌流心完美作結～份量兩個人食到好飽，滿分推介！😋…查看更多

餃類一直都係我嘅 comfort food，今次就去咗「回味館」～店舖乾淨光猛，坐得舒服，有卡位，感覺唔錯～ 重點一定係佢哋啲餃子同雲吞，一到就忍唔住點咗幾款試！🍄 香菇香芋鮮肉餃子（蒸）：餃皮滑彈，香菇味突出，又有淡淡芋香，誠意滿滿～
🌽 蟲草鮮肉雲吞：雲吞皮薄餡靚，食落淡淡藥材香氣夠特別，內裡鮮肉 juicy 🧡 個湯仲有好多芫荽，好正 😋
🥬 菲菜鮮肉餃子（煎）：煎底香脆，入面餡料多多，鹹香滿滿，滿滿嘅韭菜，勁滿足 😍
🦐 鮮蝦雲吞：蝦肉爽口彈牙，雲吞皮超薄，每一啖都食到真蝦鮮甜，蝦控必試！
🍲 蟲草花・茶樹菇・猴頭菇菌湯：見到有燉湯就梗係要試吓啦～ 湯底清甜，完全飲到菇類嘅甜味同埋香味，材料勁足，飲完暖笠笠～仲叫多咗個白灼唐生菜，上面有啲蒜蓉勁正 🙌🏻 而且仲有玻璃樽裝嘅汽水 👍🏻 見到佢仲有糖水，下次嚟到記得要留肚食🫶…查看更多