🥟 生煎包（海鮮控推薦必食）
瀨尿蝦生煎包——皮脆帶焦香，啖啖湯汁爆晒出嚟，蝦味非常鮮甜，咁特別嘅口味真係好少地方有！
蟹黃生煎包——一咬開就見到濃郁蟹黃湯，香氣勁重，湯汁超多，蟹迷一定要試！
鮮蝦生煎包——食到粒粒蝦肉，咬落爽彈，海鮮控千祈唔好錯過！
🍖 糖醋炸排骨
排骨外脆內嫩，酸酸甜甜超開胃，配埋上海菜飯就最一流！菜飯唔會油膩，仲有足料菜香，又好食又健康。
🥒 麻醬青瓜絲粉皮
粉皮煙韌，配上香濃麻醬，每一啖都食到芝麻香，青瓜絲夠爽口，配料仲要比得夠慷慨，大滿足。
🍘 手工豆沙窩餅
皮薄蛋香重，豆沙餡清甜幼滑，當甜品食剛剛好，唔會膩。
🥛 任飲豆漿
豆漿唔會太甜，豆香濃得嚟又好順喉，阿姐一坐低就奉上一大壺，豆漿控表示極度幸福！
整體店員好親切，笑容又好有問必答，價錢合理、氣氛舒服，係旺角醫飽肚嘅好選擇。下次一定會再嚟encore！
