JeddHo的個人專頁

話說女朋友喜愛吃bagel,而有bagel ge cafe又不多，曾經響呢間cafe 食過好味bagel，裝修後一直未來過，所以就再次光顧了！幸運地去既當日唔太多人，平時都大排長龍，我哋搵左個bar枱靚位叫左兩個餐，一個係煙三文魚bagel, 另外係spaghetti，加一杯咖啡。Bagel好足料，煙三文魚粉量勁多😂而煙三文配bagel既配搭新鮮特別，值得一試！意粉同咖啡都十分出色，但我哋主要為bagel而來，所以篇幅以bagel為主🤭😁一定會encore!…查看更多

復活節假期響屋企懶洋洋訓到下午，決定去附近食個cafe，來了kokoni 碰下運氣🤭點知來到咁岩唔洗等位，實在太好彩，成間舖都幾空曠，唔會太逼，大家都坐得舒服，坐低左就即刻出去叫左個牛油果egg drop同抹茶latte試試佢！唔洗三分鐘已經來野飲，抹茶latte味道濃郁，好有日本風味，十分喜愛🥰之後來埋個牛油果egg drop，本身唔太喜歡牛油果既我俾佢既賣相吸引左我，所以都叫左來試下，一試，真的不錯，牛油果唔腥，炒蛋十分好味，配埋牛油果同包成個感覺好夾好滿足，係一種好fresh既感覺😌👍🏻我今次好彩可以響呢間人氣cafe店速食下午茶，大家切勿模仿🤣…查看更多

今日又來到銅鑼灣食晚餐，之前bkmark 左就試下呢間廚十三酸菜魚，大家記得打左去book位先，因為walkin係非常多人，上到去有排等🤭兩個人就叫左個細份酸菜魚試下先，加左寬粉，來到原來都幾大盤，係，我要用個盤字來形容先搞得掂🤣可想而知係幾勁，滿足晒我呢啲為食人士😋佢既魚片係用新鮮魚，嫩滑鮮味，有大量配菜，口感豐富，配埋寬粉吸晒啲湯，滿足感一流😆👍🏻👍🏻一定會encore，再提一次，大家記得book位！…查看更多

已經成年冇去旅行，實在係會有啲靈魂出竅嘅感覺，好掛住台灣嘅嘢食，難得今日同女朋友放工就黎鐵牛食正宗台灣麵😊夜晚人又唔係好多，野食都冇特別貴，所以都不失為一個晚餐好去處！我通常都係叫返最正宗嘅紅燒牛肉麵，今次配合黑母薑茶，佢哋嘅面做得十分彈牙，牛肉肉質都非常之林，唯一缺點就係份量比較少，有時去唔到好飽，如果可以加底或者加大啲個分享就好喇😌簡簡單單又一餐，同時又滿足去食台灣嘢既慾望，我得閒都會再嚟食😊…查看更多

響大角嘴迷失之際，俾我見到Orange Elephant泰國野，咁岩我好耐無食過泰國野，成日經過又無機會食，所以今次決定一試！一入店感受到好有泰國風味，連坐既梳化都有泰國既cushion，非常有趣。坐低就即刻叫左野食，叫完話有優惠，加一蚊可以加個咖喱雞，唔執輸加左試下😌首先來個無骨鳳爪，少少辣，幾清新，份量都幾足，抵食！之後來生菜包，肉碎味道濃郁，岩晒重口味既我！然後炒通菜同明爐烏頭就正正常常。反而個一蚊咖喱有驚喜，椰奶味好香，好開胃，可惜我已經好飽，唔係我會叫個飯😆😆😆唔知個優惠做到幾時呢？大家快啲一齊去支持！…查看更多

久違了的鐵板燒。近來要返返五日工，瘋狂清backlog,又係咁俾客同老闆chur，真係身心俱疲。雖然疫情嚴重，但都建議大家得閒要出去食飯散心食下好味既野。首先來左帶子，味道有別於一般出面食，因為可能用鐵板煎過，外脆內軟！之後比較有特色係大板燒，係專業水平，非常好，唔會太甜同漏。另外仲食左燒物，關東煮，都非常之好😌需知過去一年疫情其實響全世界都加劇左情緒病既發生，主要原因係因為要lockdown困左啲人響屋企。希望大家注重身體健康之餘都要注重自己同身邊人既心靈健康，多啲傾計會開解到佢哋😌利申:我無唔開心😆只係想借呢個機會叫大家去關心下身邊人！…查看更多

今日想食清啲，唔食咁多肉，上網睇到呢間隱世餐廳，我響呢區住左咁耐竟然唔知道，真係夠晒隱世。疫情期間唔想去太遠又想食高質抵食西餐，所以就想試下呢間，點知打去卜位就話full晒 LoL 唯有早啲去walkin！好彩早啲去有得入！一早已經想試嗰個水清沙幼yogurt，食個意境🤣！好少你會去餐廳有呢啲咁靚既食物，本身就好似一幅畫一樣，唔講以為係竼高餐廳。當然都要食主食啦，帶子意大利飯同辣椒墨魚汁大蝦意粉，配奶蓋earl grey，同短笛一杯。意大利飯好入味，帶子都煮得好味道，份量唔會太多，岩岩好。反而辣椒墨汁意粉有驚喜！平時墨汁意粉會有唔夠味同淡口既情況，但今次配埋辣椒成個味唔同晒，好似將成件事昇華左咁，值得推介😊earl grey方面我認為不過不失，配左茶葉響面裝飾都幾特別，配雲石板感覺更靚，短笛細杯左啲，但個杯都幾靚。埋單有9折，限時優惠呀，加油💪🏽😊😊…查看更多

今晚原本想到長沙灣另一間cafe晚餐，點知佢哋提早收舖，我靈機一觸，諗起長沙灣曾經見過一間小店，裝修幾靚但簡單，跟住回憶過去，就搵到呢間小店。😀入到去之後，舖面不大，加上最新食肆規例，只能坐少量既人，不過都無阻佢地客如輪轉，經常有客人到來。講返正題，打開menu，有不少既越南野食，但都會有泰國同港式既野食，非常有趣，我同女友叫左2個晚餐，都算特色野食，加埋一個越南滴漏咖啡，估唔到小店都有滴漏咖啡，好正！晚餐到了，一個係脆皮咖喱牛腩飯，牛腩加薄薄的皮炸完之後食落有脆口感覺，加埋咖喱幾特別，可以一試。另外叫左個蕉葉燒雞扒飯，配上越式醬汁，非常惹味，送飯一流😄價錢方面都不算貴，大家經過都可以支持小店啊😊…查看更多

闊別多月，係因為要響應Stay Home Save Lives既防疫口號，不過，連月來相信大家都已經練好一身防疫好功夫，間中亦可以偷走出來文青一下☺️深水埗近年開始逐漸起變化，變得年輕，變得活力，變得多姿多彩，所以我女友亦發掘到一間深水埗既特色cafe，今次已經係第二次來encore😉點解第二次來先寫食評呢？除咗因為第一次忘記寫之外🙈係因為今次響疫情之下仍然咁多人拜訪令我留下更深刻印象。大閘拉起，客人有序排隊，入內大家仍能享受高質素食物同享受生活，呢點係最重要。我們都需要放鬆一下。講返正題，今次叫左冬蔭功海鮮意粉，蜂蜜薑汁泡沫咖啡，港式奶茶。冬蔭功海鮮意粉喺第二度比較少見到，辣味適中，賣相不錯，值回票價。另外蜂蜜薑汁泡沫咖啡都係特色之作，我欣賞呢間Cafe嘅原因係一嚟佢樓底好高，俾我一個好大嘅空間感，另外佢裝修特別響深水埗係好難搵到嘅，加上佢飲品水準幾高，蜂蜜薑汁泡沫咖啡係其中一個我認為嚟到必須要試嘅一杯飲品，你會感受到佢哋對Mix and Match嘅創意但又令到件事冇違和感，值得一讚。而港式奶茶最特別就係隻杯，不過不失，反而冇出邊茶記咁好飲。溫馨提示:大家最好平日去，因為週末一定好多人🙈…查看更多

老實講，我每次食完素都好快肚餓，所以我好少食素。不過呢排留意到屋企附近有間出名素菜，仲好似幾特別咁，所以我就決定來試下喇😉即使疫情，但去到餐廳都勁多人！我地幾經辛苦轉左去個二人位坐，之後叫左一個日式定食同咖哩吉列豬扒。日式定食真係必食，來到個賣相已經好正，好似日本餐廳食既吸睛度！打卡必備🥰佢好多小菜配，個小甜薯好正，烏冬腐皮偏甜，大家隨自己口味叫。我就食咖哩吉列豬扒飯，完全唔似食素！吉列豬扒咬落去真係好似食緊塊豬扒咁，仲有啲肉纖維既感覺，加上日式咖喱汁好味，同出去食既日式咖喱絕對有得揮。至於有無不足既地方？有，就係位置偏窄，令到侍應成日同客人爭位走，不過無計，香港地，如果諗住hea耐啲就唔得喇，因為好多人會來排隊嫁！…查看更多

一路經過望到呢間餐廳入面都會覺得好靚，幫襯既食客都以文青居多，我呢啲偽文青又點可以唔試一試佢？😁當晚去到其實都唔多人排隊，不過仍然處於滿座階段，我地都要搭檯。要提一提係要出去櫃臺俾錢點餐，同自己拎餐具的。點左一個麵包盤，海鮮燴飯，可樂餅同兩款野飲。麵包盤係特登點的，因為我想知道究竟點解台灣食店會有一個麵包為主既菜式響menu上呢？果然不出我所料，係好味既包！有特色牛油同果醬配包，作為前菜都係非常好既選擇。可樂餅擺盤都幾靚，有兩塊dry左蕃茄令件事好靚，味道都不錯。海鮮燴飯比想像中細碟，但龍蝦尾非常鮮味，值回票價，味道濃稠，原來食落都會好快飽。咖啡就係水準之作，花茶就正常。下次會再試其他菜式😊…查看更多

捐窿捐隙搵野食既我，又搵到一間好特別既餐廳，位置於深水埗混沌既街市中間，但舖面好光鮮，入面都好乾淨，食物望落都有質素，所以膽粗粗入去試下！😀入到去店員都好nice，裝修都不錯，咁我就好快搵左個卡位來坐。叫左個常餐豬軟骨鮮蝦菠菜餃米線，配熱咖啡，有小食送，只需$49！抵呀！首先來個前菜鹵水蛋加青瓜，青瓜就酸酸地，鹵水蛋真係幾正，前菜估唔到都會食到高質既野，鹵水味適中唔會太濃，但好入味。😋之後來個咖啡同米線，咖啡飲得出係比較高質既咖啡，好香！米線湯底一飲就知應該用左心機落去，一飲落有豬骨既香味。豬軟骨入味同淋，菠菜餃亦係十分好味，有媽媽既味道😂成碗食到一條不剩！既然俾我發掘到呢間，之後都會經常幫襯咯！…查看更多

同朋友食lunch，佢提議來呢間，但建議大家如果閒日中午來食要早少少排隊，事關奧海城都比較多人食飯，要排返15-20分鐘隊。之前都食過嫁其實，不過今次就正式寫下食評，老實講我食過都頗多間牛肉麵，呢間我覺得都幾正宗，而且有得食牛雜，正宗得來又有啲新意，所以都值很一試，不過價錢方面大家就要自己衡量。先來個前菜滷豆腐，有𡁻口，味道ok。之後主角紅燒三星牛肉麵，有牛肉，牛筋，牛肚等，配粗面，我好中意食牛雜，亦中意台式牛肉麵，所以個配搭都唔錯嫁！不過如果中意好濃味既湯底就要食淡啲，因為唔係好濃個湯底，但牛雜同牛肉係淋同夠味，所以整體食落都唔錯。唯一失色，當然係無乜台式飲品揀，無我最愛既珍珠奶茶！同舖面較細。不過都不失為區內一個台灣菜既選擇！…查看更多

身為大角咀之友既我，餃子店係多年既平價之選。一直以來都好多人幫襯，無他，因為佢又平又抵食！今晚經過發現佢原來搬左過隔離舖，無左佢多年來經營既舖位！為免大家以為佢執左，我就為佢寫返篇食評。首先我叫左個牛肉河粉，韮菜餃5隻，可樂一罐。牛肉河粉既牛肉幾鮮味，河粉雖然淋左少少，但個味道都係唔錯。當然唔少得佢地既招牌菜餃子啦，餃子皮幾薄，咁多年來水準都無變嫁喇！個味道都係好味道，大量韮菜既香味同調好味既豬肉一齊，咬落去好多汁😋😋埋單都只係$47，食到好飽，街坊們要繼續支持啊！…查看更多

同家人飲茶，一度掙扎去西九龍定南昌，但由於之前西九龍飲茶有不快經歷，今次決定響南昌薈既半島漁港飲茶。未到2點，已經有好多街坊等位內進，而派位都好識做，58分就放人入去，唔洗大家乾等。入到去，裝修都算幾豪華，響屋邨酒家來講，加上落地玻璃，非常光猛。不過我地被派到廂房入面坐，有少少叫天不應叫地不聞既感覺。。tick好單之後叫左5分鐘都無人應，慘。不過收到單後野食都好快到，味道都不錯。最早來係叉燒穌，燒鴨瀨。不得不讚叉燒穌夠脆，叉燒夠味。燒鴨夠香，瀨粉亦軟硬適中。另外叫左燒賣，雞札，粉果，蝦餃，蘿蔔糕。全部都有傳統茶樓既水準！尤其係雞札，我已經好耐無見到有茶樓用返棉花，芋頭，火腿入雞札，好有兒時味道。粉果亦有沙葛，有少少辣，大家要注意。其他都不錯，大家可以一試！整體都幾好，下次飲茶會再來🤗🤗🤗…查看更多