未到2點，已經有好多街坊等位內進，而派位都好識做，58分就放人入去，唔洗大家乾等。
入到去，裝修都算幾豪華，響屋邨酒家來講，加上落地玻璃，非常光猛。
不過我地被派到廂房入面坐，有少少叫天不應叫地不聞既感覺。。tick好單之後叫左5分鐘都無人應，慘。
不過收到單後野食都好快到，味道都不錯。
最早來係叉燒穌，燒鴨瀨。不得不讚叉燒穌夠脆，叉燒夠味。燒鴨夠香，瀨粉亦軟硬適中。
另外叫左燒賣，雞札，粉果，蝦餃，蘿蔔糕。
全部都有傳統茶樓既水準！
尤其係雞札，我已經好耐無見到有茶樓用返棉花，芋頭，火腿入雞札，好有兒時味道。
粉果亦有沙葛，有少少辣，大家要注意。
其他都不錯，大家可以一試！
整體都幾好，下次飲茶會再來🤗🤗🤗
